Laṅkā Kāṇḍa — The book of Laṅkā

रामं कामारिसेव्यं भवभयहरणं कालमत्तेभसिंहं

rāmaṃ kāmārisevyaṃ bhavabhayaharaṇaṃ kālamattebhasiṃhaṃ

योगीन्द्रं ज्ञानगम्यं गुणनिधिमजितं निर्गुणं निर्विकारम्।

yogīndraṃ jñānagamyaṃ guṇanidhimajitaṃ nirguṇaṃ nirvikāram।

मायातीतं सुरेशं खलवधनिरतं ब्रह्मवृन्दैकदेवं

māyātītaṃ sureśaṃ khalavadhanirataṃ brahmavṛndaikadevaṃ

वन्दे कन्दावदातं सरसिजनयनं देवमुर्वीशरूपम्।।1।।

vande kandāvadātaṃ sarasijanayanaṃ devamurvīśarūpam॥1॥

शंखेन्द्वाभमतीवसुन्दरतनुं शार्दूलचर्माम्बरं

śaṃkhendvābhamatīvasundaratanuṃ śārdūlacarmāmbaraṃ

कालव्यालकरालभूषणधरं गंगाशशांकप्रियम्।

kālavyālakarālabhūṣaṇadharaṃ gaṃgāśaśāṃkapriyam।

काशीशं कलिकल्मषौघशमनं कल्याणकल्पद्रुमं

kāśīśaṃ kalikalmaṣaughaśamanaṃ kalyāṇakalpadrumaṃ

नौमीड्यं गिरिजापतिं गुणनिधिं कन्दर्पहं शङ्करम्।।2।।

naumīḍyaṃ girijāpatiṃ guṇanidhiṃ kandarpahaṃ śaṅkaram॥2॥

यो ददाति सतां शम्भुः कैवल्यमपि दुर्लभम्।

yo dadāti satāṃ śambhuḥ kaivalyamapi durlabham।

खलानां दण्डकृद्योऽसौ शङ्करः शं तनोतु मे।।3।।

khalānāṃ daṇḍakṛdyo'sau śaṅkaraḥ śaṃ tanotu me॥3॥

लव निमेष परमानु जुग बरष कलप सर चंड।

lava nimeṣa paramānu juga baraṣa kalapa sara caṃḍa।

भजसि न मन तेहि राम को कालु जासु कोदंड।।

bhajasi na mana tehi rāma ko kālu jāsu kodaṃḍa॥

सिंधु बचन सुनि राम सचिव बोलि प्रभु अस कहेउ।

siṃdhu bacana suni rāma saciva boli prabhu asa kaheu।

अब बिलंबु केहि काम करहु सेतु उतरै कटकु।।

aba bilaṃbu kehi kāma karahu setu utarai kaṭaku॥

सुनहु भानुकुल केतु जामवंत कर जोरि कह।

sunahu bhānukula ketu jāmavaṃta kara jori kaha।

नाथ नाम तव सेतु नर चढ़ि भव सागर तरिहिं।।

nātha nāma tava setu nara car̤hi bhava sāgara tarihiṃ॥

यह लघु जलधि तरत कति बारा। अस सुनि पुनि कह पवनकुमारा।।

yaha laghu jaladhi tarata kati bārā। asa suni puni kaha pavanakumārā॥

प्रभु प्रताप बड़वानल भारी। सोषेउ प्रथम पयोनिधि बारी।।

prabhu pratāpa bar̤avānala bhārī। soṣeu prathama payonidhi bārī॥

तब रिपु नारी रुदन जल धारा। भरेउ बहोरि भयउ तेहिं खारा।।

taba ripu nārī rudana jala dhārā। bhareu bahori bhayau tehiṃ khārā॥

सुनि अति उकुति पवनसुत केरी। हरषे कपि रघुपति तन हेरी।।

suni ati ukuti pavanasuta kerī। haraṣe kapi raghupati tana herī॥

जामवंत बोले दोउ भाई। नल नीलहि सब कथा सुनाई।।

jāmavaṃta bole dou bhāī। nala nīlahi saba kathā sunāī॥

राम प्रताप सुमिरि मन माहीं। करहु सेतु प्रयास कछु नाहीं।।

rāma pratāpa sumiri mana māhīṃ। karahu setu prayāsa kachu nāhīṃ॥

बोलि लिए कपि निकर बहोरी। सकल सुनहु बिनती कछु मोरी।।

boli lie kapi nikara bahorī। sakala sunahu binatī kachu morī॥

राम चरन पंकज उर धरहू। कौतुक एक भालु कपि करहू।।

rāma carana paṃkaja ura dharahū। kautuka eka bhālu kapi karahū॥

धावहु मर्कट बिकट बरूथा। आनहु बिटप गिरिन्ह के जूथा।।

dhāvahu markaṭa bikaṭa barūthā। ānahu biṭapa girinha ke jūthā॥

सुनि कपि भालु चले करि हूहा। जय रघुबीर प्रताप समूहा।।

suni kapi bhālu cale kari hūhā। jaya raghubīra pratāpa samūhā॥

अति उतंग गिरि पादप लीलहिं लेहिं उठाइ।

ati utaṃga giri pādapa līlahiṃ lehiṃ uṭhāi।

आनि देहिं नल नीलहि रचहिं ते सेतु बनाइ।।1।।

āni dehiṃ nala nīlahi racahiṃ te setu banāi॥1॥

सैल बिसाल आनि कपि देहीं। कंदुक इव नल नील ते लेहीं।।

saila bisāla āni kapi dehīṃ। kaṃduka iva nala nīla te lehīṃ॥

देखि सेतु अति सुंदर रचना। बिहसि कृपानिधि बोले बचना।।

dekhi setu ati suṃdara racanā। bihasi kṛpānidhi bole bacanā॥

परम रम्य उत्तम यह धरनी। महिमा अमित जाइ नहिं बरनी।।

parama ramya uttama yaha dharanī। mahimā amita jāi nahiṃ baranī॥

करिहउँ इहाँ संभु थापना। मोरे हृदयँ परम कलपना।।

karihau~ ihā~ saṃbhu thāpanā। more hṛdaya~ parama kalapanā॥

सुनि कपीस बहु दूत पठाए। मुनिबर सकल बोलि लै आए।।

suni kapīsa bahu dūta paṭhāe। munibara sakala boli lai āe॥

लिंग थापि बिधिवत करि पूजा। सिव समान प्रिय मोहि न दूजा।।

liṃga thāpi bidhivata kari pūjā। siva samāna priya mohi na dūjā॥

सिव द्रोही मम भगत कहावा। सो नर सपनेहुँ मोहि न पावा।।

siva drohī mama bhagata kahāvā। so nara sapanehu~ mohi na pāvā॥

संकर बिमुख भगति चह मोरी। सो नारकी मूढ़ मति थोरी।।

saṃkara bimukha bhagati caha morī। so nārakī mūr̤ha mati thorī॥

संकर प्रिय मम द्रोही सिव द्रोही मम दास।

saṃkara priya mama drohī siva drohī mama dāsa।

ते नर करहि कलप भरि धोर नरक महुँ बास।।2।।

te nara karahi kalapa bhari dhora naraka mahu~ bāsa॥2॥

जे रामेस्वर दरसनु करिहहिं। ते तनु तजि मम लोक सिधरिहहिं।।

je rāmesvara darasanu karihahiṃ। te tanu taji mama loka sidharihahiṃ॥

जो गंगाजलु आनि चढ़ाइहि। सो साजुज्य मुक्ति नर पाइहि।।

jo gaṃgājalu āni car̤hāihi। so sājujya mukti nara pāihi॥

होइ अकाम जो छल तजि सेइहि। भगति मोरि तेहि संकर देइहि।।

hoi akāma jo chala taji seihi। bhagati mori tehi saṃkara deihi॥

मम कृत सेतु जो दरसनु करिही। सो बिनु श्रम भवसागर तरिही।।

mama kṛta setu jo darasanu karihī। so binu śrama bhavasāgara tarihī॥

राम बचन सब के जिय भाए। मुनिबर निज निज आश्रम आए।।

rāma bacana saba ke jiya bhāe। munibara nija nija āśrama āe॥

गिरिजा रघुपति कै यह रीती। संतत करहिं प्रनत पर प्रीती।।

girijā raghupati kai yaha rītī। saṃtata karahiṃ pranata para prītī॥

बाँधा सेतु नील नल नागर। राम कृपाँ जसु भयउ उजागर।।

bā~dhā setu nīla nala nāgara। rāma kṛpā~ jasu bhayau ujāgara॥

बूड़हिं आनहि बोरहिं जेई। भए उपल बोहित सम तेई।।

būr̤ahiṃ ānahi borahiṃ jeī। bhae upala bohita sama teī॥

महिमा यह न जलधि कइ बरनी। पाहन गुन न कपिन्ह कइ करनी।।

mahimā yaha na jaladhi kai baranī। pāhana guna na kapinha kai karanī॥

श्री रघुबीर प्रताप ते सिंधु तरे पाषान।

śrī raghubīra pratāpa te siṃdhu tare pāṣāna।

ते मतिमंद जे राम तजि भजहिं जाइ प्रभु आन।।3।।

te matimaṃda je rāma taji bhajahiṃ jāi prabhu āna॥3॥

बाँधि सेतु अति सुदृढ़ बनावा। देखि कृपानिधि के मन भावा।।

bā~dhi setu ati sudṛr̤ha banāvā। dekhi kṛpānidhi ke mana bhāvā॥

चली सेन कछु बरनि न जाई। गर्जहिं मर्कट भट समुदाई।।

calī sena kachu barani na jāī। garjahiṃ markaṭa bhaṭa samudāī॥

सेतुबंध ढिग चढ़ि रघुराई। चितव कृपाल सिंधु बहुताई।।

setubaṃdha ḍhiga car̤hi raghurāī। citava kṛpāla siṃdhu bahutāī॥

देखन कहुँ प्रभु करुना कंदा। प्रगट भए सब जलचर बृंदा।।

dekhana kahu~ prabhu karunā kaṃdā। pragaṭa bhae saba jalacara bṛṃdā॥

मकर नक्र नाना झष ब्याला। सत जोजन तन परम बिसाला।।

makara nakra nānā jhaṣa byālā। sata jojana tana parama bisālā॥

अइसेउ एक तिन्हहि जे खाहीं। एकन्ह कें डर तेपि डेराहीं।।

aiseu eka tinhahi je khāhīṃ। ekanha keṃ ḍara tepi ḍerāhīṃ॥

प्रभुहि बिलोकहिं टरहिं न टारे। मन हरषित सब भए सुखारे।।

prabhuhi bilokahiṃ ṭarahiṃ na ṭāre। mana haraṣita saba bhae sukhāre॥

तिन्ह की ओट न देखिअ बारी। मगन भए हरि रूप निहारी।।

tinha kī oṭa na dekhia bārī। magana bhae hari rūpa nihārī॥

चला कटकु प्रभु आयसु पाई। को कहि सक कपि दल बिपुलाई।।

calā kaṭaku prabhu āyasu pāī। ko kahi saka kapi dala bipulāī॥

सेतुबंध भइ भीर अति कपि नभ पंथ उड़ाहिं।

setubaṃdha bhai bhīra ati kapi nabha paṃtha ur̤āhiṃ।

अपर जलचरन्हि ऊपर चढ़ि चढ़ि पारहि जाहिं।।4।।

apara jalacaranhi ūpara car̤hi car̤hi pārahi jāhiṃ॥4॥

अस कौतुक बिलोकि द्वौ भाई। बिहँसि चले कृपाल रघुराई।।

asa kautuka biloki dvau bhāī। biha~si cale kṛpāla raghurāī॥

सेन सहित उतरे रघुबीरा। कहि न जाइ कपि जूथप भीरा।।

sena sahita utare raghubīrā। kahi na jāi kapi jūthapa bhīrā॥

सिंधु पार प्रभु डेरा कीन्हा। सकल कपिन्ह कहुँ आयसु दीन्हा।।

siṃdhu pāra prabhu ḍerā kīnhā। sakala kapinha kahu~ āyasu dīnhā॥

खाहु जाइ फल मूल सुहाए। सुनत भालु कपि जहँ तहँ धाए।।

khāhu jāi phala mūla suhāe। sunata bhālu kapi jaha~ taha~ dhāe॥

सब तरु फरे राम हित लागी। रितु अरु कुरितु काल गति त्यागी।।

saba taru phare rāma hita lāgī। ritu aru kuritu kāla gati tyāgī॥

खाहिं मधुर फल बटप हलावहिं। लंका सन्मुख सिखर चलावहिं।।

khāhiṃ madhura phala baṭapa halāvahiṃ। laṃkā sanmukha sikhara calāvahiṃ॥

जहँ कहुँ फिरत निसाचर पावहिं। घेरि सकल बहु नाच नचावहिं।।

jaha~ kahu~ phirata nisācara pāvahiṃ। gheri sakala bahu nāca nacāvahiṃ॥

दसनन्हि काटि नासिका काना। कहि प्रभु सुजसु देहिं तब जाना।।

dasananhi kāṭi nāsikā kānā। kahi prabhu sujasu dehiṃ taba jānā॥

जिन्ह कर नासा कान निपाता। तिन्ह रावनहि कही सब बाता।।

jinha kara nāsā kāna nipātā। tinha rāvanahi kahī saba bātā॥

सुनत श्रवन बारिधि बंधाना। दस मुख बोलि उठा अकुलाना।।

sunata śravana bāridhi baṃdhānā। dasa mukha boli uṭhā akulānā॥

बांध्यो बननिधि नीरनिधि जलधि सिंधु बारीस।

bāṃdhyo bananidhi nīranidhi jaladhi siṃdhu bārīsa।

सत्य तोयनिधि कंपति उदधि पयोधि नदीस।।5।।

satya toyanidhi kaṃpati udadhi payodhi nadīsa॥5॥

निज बिकलता बिचारि बहोरी। बिहँसि गयउ ग्रह करि भय भोरी।।

nija bikalatā bicāri bahorī। biha~si gayau graha kari bhaya bhorī॥

मंदोदरीं सुन्यो प्रभु आयो। कौतुकहीं पाथोधि बँधायो।।

maṃdodarīṃ sunyo prabhu āyo। kautukahīṃ pāthodhi ba~dhāyo॥

कर गहि पतिहि भवन निज आनी। बोली परम मनोहर बानी।।

kara gahi patihi bhavana nija ānī। bolī parama manohara bānī॥

चरन नाइ सिरु अंचलु रोपा। सुनहु बचन पिय परिहरि कोपा।।

carana nāi siru aṃcalu ropā। sunahu bacana piya parihari kopā॥

नाथ बयरु कीजे ताही सों। बुधि बल सकिअ जीति जाही सों।।

nātha bayaru kīje tāhī soṃ। budhi bala sakia jīti jāhī soṃ॥

तुम्हहि रघुपतिहि अंतर कैसा। खलु खद्योत दिनकरहि जैसा।।

tumhahi raghupatihi aṃtara kaisā। khalu khadyota dinakarahi jaisā॥

अतिबल मधु कैटभ जेहिं मारे। महाबीर दितिसुत संघारे।।

atibala madhu kaiṭabha jehiṃ māre। mahābīra ditisuta saṃghāre॥

जेहिं बलि बाँधि सहजभुज मारा। सोइ अवतरेउ हरन महि भारा।।

jehiṃ bali bā~dhi sahajabhuja mārā। soi avatareu harana mahi bhārā॥

तासु बिरोध न कीजिअ नाथा। काल करम जिव जाकें हाथा।।

tāsu birodha na kījia nāthā। kāla karama jiva jākeṃ hāthā॥

रामहि सौपि जानकी नाइ कमल पद माथ।

rāmahi saupi jānakī nāi kamala pada mātha।

सुत कहुँ राज समर्पि बन जाइ भजिअ रघुनाथ।।6।।

suta kahu~ rāja samarpi bana jāi bhajia raghunātha॥6॥

नाथ दीनदयाल रघुराई। बाघउ सनमुख गएँ न खाई।।

nātha dīnadayāla raghurāī। bāghau sanamukha gae~ na khāī॥

चाहिअ करन सो सब करि बीते। तुम्ह सुर असुर चराचर जीते।।

cāhia karana so saba kari bīte। tumha sura asura carācara jīte॥

संत कहहिं असि नीति दसानन। चौथेंपन जाइहि नृप कानन।।

saṃta kahahiṃ asi nīti dasānana। cautheṃpana jāihi nṛpa kānana॥

तासु भजन कीजिअ तहँ भर्ता। जो कर्ता पालक संहर्ता।।

tāsu bhajana kījia taha~ bhartā। jo kartā pālaka saṃhartā॥

सोइ रघुवीर प्रनत अनुरागी। भजहु नाथ ममता सब त्यागी।।

soi raghuvīra pranata anurāgī। bhajahu nātha mamatā saba tyāgī॥

मुनिबर जतनु करहिं जेहि लागी। भूप राजु तजि होहिं बिरागी।।

munibara jatanu karahiṃ jehi lāgī। bhūpa rāju taji hohiṃ birāgī॥

सोइ कोसलधीस रघुराया। आयउ करन तोहि पर दाया।।

soi kosaladhīsa raghurāyā। āyau karana tohi para dāyā॥

जौं पिय मानहु मोर सिखावन। सुजसु होइ तिहुँ पुर अति पावन।।

jauṃ piya mānahu mora sikhāvana। sujasu hoi tihu~ pura ati pāvana॥

अस कहि नयन नीर भरि गहि पद कंपित गात।

asa kahi nayana nīra bhari gahi pada kaṃpita gāta।

नाथ भजहु रघुनाथहि अचल होइ अहिवात।।7।।

nātha bhajahu raghunāthahi acala hoi ahivāta॥7॥

तब रावन मयसुता उठाई। कहै लाग खल निज प्रभुताई।।

taba rāvana mayasutā uṭhāī। kahai lāga khala nija prabhutāī॥

सुनु तै प्रिया बृथा भय माना। जग जोधा को मोहि समाना।।

sunu tai priyā bṛthā bhaya mānā। jaga jodhā ko mohi samānā॥

बरुन कुबेर पवन जम काला। भुज बल जितेउँ सकल दिगपाला।।

baruna kubera pavana jama kālā। bhuja bala jiteu~ sakala digapālā॥

देव दनुज नर सब बस मोरें। कवन हेतु उपजा भय तोरें।।

deva danuja nara saba basa moreṃ। kavana hetu upajā bhaya toreṃ॥

नाना बिधि तेहि कहेसि बुझाई। सभाँ बहोरि बैठ सो जाई।।

nānā bidhi tehi kahesi bujhāī। sabhā~ bahori baiṭha so jāī॥

मंदोदरीं हदयँ अस जाना। काल बस्य उपजा अभिमाना।।

maṃdodarīṃ hadaya~ asa jānā। kāla basya upajā abhimānā॥

सभाँ आइ मंत्रिन्ह तेंहि बूझा। करब कवन बिधि रिपु सैं जूझा।।

sabhā~ āi maṃtrinha teṃhi būjhā। karaba kavana bidhi ripu saiṃ jūjhā॥

कहहिं सचिव सुनु निसिचर नाहा। बार बार प्रभु पूछहु काहा।।

kahahiṃ saciva sunu nisicara nāhā। bāra bāra prabhu pūchahu kāhā॥

कहहु कवन भय करिअ बिचारा। नर कपि भालु अहार हमारा।।

kahahu kavana bhaya karia bicārā। nara kapi bhālu ahāra hamārā॥

सब के बचन श्रवन सुनि कह प्रहस्त कर जोरि।

saba ke bacana śravana suni kaha prahasta kara jori।

निति बिरोध न करिअ प्रभु मत्रिंन्ह मति अति थोरि।।8।।

niti birodha na karia prabhu matriṃnha mati ati thori॥8॥

कहहिं सचिव सठ ठकुरसोहाती। नाथ न पूर आव एहि भाँती।।

kahahiṃ saciva saṭha ṭhakurasohātī। nātha na pūra āva ehi bhā~tī॥

बारिधि नाघि एक कपि आवा। तासु चरित मन महुँ सबु गावा।।

bāridhi nāghi eka kapi āvā। tāsu carita mana mahu~ sabu gāvā॥

छुधा न रही तुम्हहि तब काहू। जारत नगरु कस न धरि खाहू।।

chudhā na rahī tumhahi taba kāhū। jārata nagaru kasa na dhari khāhū॥

सुनत नीक आगें दुख पावा। सचिवन अस मत प्रभुहि सुनावा।।

sunata nīka āgeṃ dukha pāvā। sacivana asa mata prabhuhi sunāvā॥

जेहिं बारीस बँधायउ हेला। उतरेउ सेन समेत सुबेला।।

jehiṃ bārīsa ba~dhāyau helā। utareu sena sameta subelā॥

सो भनु मनुज खाब हम भाई। बचन कहहिं सब गाल फुलाई।।

so bhanu manuja khāba hama bhāī। bacana kahahiṃ saba gāla phulāī॥

तात बचन मम सुनु अति आदर। जनि मन गुनहु मोहि करि कादर।।

tāta bacana mama sunu ati ādara। jani mana gunahu mohi kari kādara॥

प्रिय बानी जे सुनहिं जे कहहीं। ऐसे नर निकाय जग अहहीं।।

priya bānī je sunahiṃ je kahahīṃ। aise nara nikāya jaga ahahīṃ॥

बचन परम हित सुनत कठोरे। सुनहिं जे कहहिं ते नर प्रभु थोरे।।

bacana parama hita sunata kaṭhore। sunahiṃ je kahahiṃ te nara prabhu thore॥

प्रथम बसीठ पठउ सुनु नीती। सीता देइ करहु पुनि प्रीती।।

prathama basīṭha paṭhau sunu nītī। sītā dei karahu puni prītī॥

नारि पाइ फिरि जाहिं जौं तौ न बढ़ाइअ रारि।

nāri pāi phiri jāhiṃ jauṃ tau na bar̤hāia rāri।

नाहिं त सन्मुख समर महि तात करिअ हठि मारि।।9।।

nāhiṃ ta sanmukha samara mahi tāta karia haṭhi māri॥9॥

यह मत जौं मानहु प्रभु मोरा। उभय प्रकार सुजसु जग तोरा।।

yaha mata jauṃ mānahu prabhu morā। ubhaya prakāra sujasu jaga torā॥

सुत सन कह दसकंठ रिसाई। असि मति सठ केहिं तोहि सिखाई।।

suta sana kaha dasakaṃṭha risāī। asi mati saṭha kehiṃ tohi sikhāī॥

अबहीं ते उर संसय होई। बेनुमूल सुत भयहु घमोई।।

abahīṃ te ura saṃsaya hoī। benumūla suta bhayahu ghamoī॥

सुनि पितु गिरा परुष अति घोरा। चला भवन कहि बचन कठोरा।।

suni pitu girā paruṣa ati ghorā। calā bhavana kahi bacana kaṭhorā॥

हित मत तोहि न लागत कैसें। काल बिबस कहुँ भेषज जैसें।।

hita mata tohi na lāgata kaiseṃ। kāla bibasa kahu~ bheṣaja jaiseṃ॥

संध्या समय जानि दससीसा। भवन चलेउ निरखत भुज बीसा।।

saṃdhyā samaya jāni dasasīsā। bhavana caleu nirakhata bhuja bīsā॥

लंका सिखर उपर आगारा। अति बिचित्र तहँ होइ अखारा।।

laṃkā sikhara upara āgārā। ati bicitra taha~ hoi akhārā॥

बैठ जाइ तेही मंदिर रावन। लागे किंनर गुन गन गावन।।

baiṭha jāi tehī maṃdira rāvana। lāge kiṃnara guna gana gāvana॥

बाजहिं ताल पखाउज बीना। नृत्य करहिं अपछरा प्रबीना।।

bājahiṃ tāla pakhāuja bīnā। nṛtya karahiṃ apacharā prabīnā॥

सुनासीर सत सरिस सो संतत करइ बिलास।

sunāsīra sata sarisa so saṃtata karai bilāsa।

परम प्रबल रिपु सीस पर तद्यपि सोच न त्रास।।10।।

parama prabala ripu sīsa para tadyapi soca na trāsa॥10॥

इहाँ सुबेल सैल रघुबीरा। उतरे सेन सहित अति भीरा।।

ihā~ subela saila raghubīrā। utare sena sahita ati bhīrā॥

सिखर एक उतंग अति देखी। परम रम्य सम सुभ्र बिसेषी।।

sikhara eka utaṃga ati dekhī। parama ramya sama subhra biseṣī॥

तहँ तरु किसलय सुमन सुहाए। लछिमन रचि निज हाथ डसाए।।

taha~ taru kisalaya sumana suhāe। lachimana raci nija hātha ḍasāe॥

ता पर रूचिर मृदुल मृगछाला। तेहीं आसान आसीन कृपाला।।

tā para rūcira mṛdula mṛgachālā। tehīṃ āsāna āsīna kṛpālā॥

प्रभु कृत सीस कपीस उछंगा। बाम दहिन दिसि चाप निषंगा।।

prabhu kṛta sīsa kapīsa uchaṃgā। bāma dahina disi cāpa niṣaṃgā॥

दुहुँ कर कमल सुधारत बाना। कह लंकेस मंत्र लगि काना।।

duhu~ kara kamala sudhārata bānā। kaha laṃkesa maṃtra lagi kānā॥

बड़भागी अंगद हनुमाना। चरन कमल चापत बिधि नाना।।

bar̤abhāgī aṃgada hanumānā। carana kamala cāpata bidhi nānā॥

प्रभु पाछें लछिमन बीरासन। कटि निषंग कर बान सरासन।।

prabhu pācheṃ lachimana bīrāsana। kaṭi niṣaṃga kara bāna sarāsana॥

एहि बिधि कृपा रूप गुन धाम रामु आसीन।

ehi bidhi kṛpā rūpa guna dhāma rāmu āsīna।

धन्य ते नर एहिं ध्यान जे रहत सदा लयलीन।।11(क)।।

dhanya te nara ehiṃ dhyāna je rahata sadā layalīna॥11(ka)॥

पूरब दिसा बिलोकि प्रभु देखा उदित मंयक।

pūraba disā biloki prabhu dekhā udita maṃyaka।

कहत सबहि देखहु ससिहि मृगपति सरिस असंक।।11(ख)।।

kahata sabahi dekhahu sasihi mṛgapati sarisa asaṃka॥11(kha)॥

पूरब दिसि गिरिगुहा निवासी। परम प्रताप तेज बल रासी।।

pūraba disi giriguhā nivāsī। parama pratāpa teja bala rāsī॥

मत्त नाग तम कुंभ बिदारी। ससि केसरी गगन बन चारी।।

matta nāga tama kuṃbha bidārī। sasi kesarī gagana bana cārī॥

बिथुरे नभ मुकुताहल तारा। निसि सुंदरी केर सिंगारा।।

bithure nabha mukutāhala tārā। nisi suṃdarī kera siṃgārā॥

कह प्रभु ससि महुँ मेचकताई। कहहु काह निज निज मति भाई।।

kaha prabhu sasi mahu~ mecakatāī। kahahu kāha nija nija mati bhāī॥

कह सुग़ीव सुनहु रघुराई। ससि महुँ प्रगट भूमि कै झाँई।।

kaha suġīva sunahu raghurāī। sasi mahu~ pragaṭa bhūmi kai jhā~ī॥

मारेउ राहु ससिहि कह कोई। उर महँ परी स्यामता सोई।।

māreu rāhu sasihi kaha koī। ura maha~ parī syāmatā soī॥

कोउ कह जब बिधि रति मुख कीन्हा। सार भाग ससि कर हरि लीन्हा।।

kou kaha jaba bidhi rati mukha kīnhā। sāra bhāga sasi kara hari līnhā॥

छिद्र सो प्रगट इंदु उर माहीं। तेहि मग देखिअ नभ परिछाहीं।।

chidra so pragaṭa iṃdu ura māhīṃ। tehi maga dekhia nabha parichāhīṃ॥

प्रभु कह गरल बंधु ससि केरा। अति प्रिय निज उर दीन्ह बसेरा।।

prabhu kaha garala baṃdhu sasi kerā। ati priya nija ura dīnha baserā॥

बिष संजुत कर निकर पसारी। जारत बिरहवंत नर नारी।।

biṣa saṃjuta kara nikara pasārī। jārata birahavaṃta nara nārī॥

कह हनुमंत सुनहु प्रभु ससि तुम्हारा प्रिय दास।

kaha hanumaṃta sunahu prabhu sasi tumhārā priya dāsa।

तव मूरति बिधु उर बसति सोइ स्यामता अभास।।12(क)।।

tava mūrati bidhu ura basati soi syāmatā abhāsa॥12(ka)॥

पवन तनय के बचन सुनि बिहँसे रामु सुजान।

pavana tanaya ke bacana suni biha~se rāmu sujāna।

दच्छिन दिसि अवलोकि प्रभु बोले कृपा निधान।।12(ख)।।

dacchina disi avaloki prabhu bole kṛpā nidhāna॥12(kha)॥

देखु बिभीषन दच्छिन आसा। घन घंमड दामिनि बिलासा।।

dekhu bibhīṣana dacchina āsā। ghana ghaṃmaḍa dāmini bilāsā॥

मधुर मधुर गरजइ घन घोरा। होइ बृष्टि जनि उपल कठोरा।।

madhura madhura garajai ghana ghorā। hoi bṛṣṭi jani upala kaṭhorā॥

कहत बिभीषन सुनहु कृपाला। होइ न तड़ित न बारिद माला।।

kahata bibhīṣana sunahu kṛpālā। hoi na tar̤ita na bārida mālā॥

लंका सिखर उपर आगारा। तहँ दसकंघर देख अखारा।।

laṃkā sikhara upara āgārā। taha~ dasakaṃghara dekha akhārā॥

छत्र मेघडंबर सिर धारी। सोइ जनु जलद घटा अति कारी।।

chatra meghaḍaṃbara sira dhārī। soi janu jalada ghaṭā ati kārī॥

मंदोदरी श्रवन ताटंका। सोइ प्रभु जनु दामिनी दमंका।।

maṃdodarī śravana tāṭaṃkā। soi prabhu janu dāminī damaṃkā॥

बाजहिं ताल मृदंग अनूपा। सोइ रव मधुर सुनहु सुरभूपा।।

bājahiṃ tāla mṛdaṃga anūpā। soi rava madhura sunahu surabhūpā॥

प्रभु मुसुकान समुझि अभिमाना। चाप चढ़ाइ बान संधाना।।

prabhu musukāna samujhi abhimānā। cāpa car̤hāi bāna saṃdhānā॥

छत्र मुकुट ताटंक तब हते एकहीं बान।

chatra mukuṭa tāṭaṃka taba hate ekahīṃ bāna।

सबकें देखत महि परे मरमु न कोऊ जान।।13(क)।।

sabakeṃ dekhata mahi pare maramu na koū jāna॥13(ka)॥

अस कौतुक करि राम सर प्रबिसेउ आइ निषंग।

asa kautuka kari rāma sara prabiseu āi niṣaṃga।

रावन सभा ससंक सब देखि महा रसभंग।।13(ख)।।

rāvana sabhā sasaṃka saba dekhi mahā rasabhaṃga॥13(kha)॥

कंप न भूमि न मरुत बिसेषा। अस्त्र सस्त्र कछु नयन न देखा।।

kaṃpa na bhūmi na maruta biseṣā। astra sastra kachu nayana na dekhā॥

सोचहिं सब निज हृदय मझारी। असगुन भयउ भयंकर भारी।।

socahiṃ saba nija hṛdaya majhārī। asaguna bhayau bhayaṃkara bhārī॥

दसमुख देखि सभा भय पाई। बिहसि बचन कह जुगुति बनाई।।

dasamukha dekhi sabhā bhaya pāī। bihasi bacana kaha juguti banāī॥

सिरउ गिरे संतत सुभ जाही। मुकुट परे कस असगुन ताही।।

sirau gire saṃtata subha jāhī। mukuṭa pare kasa asaguna tāhī॥

सयन करहु निज निज गृह जाई। गवने भवन सकल सिर नाई।।

sayana karahu nija nija gṛha jāī। gavane bhavana sakala sira nāī॥

मंदोदरी सोच उर बसेऊ। जब ते श्रवनपूर महि खसेऊ।।

maṃdodarī soca ura baseū। jaba te śravanapūra mahi khaseū॥

सजल नयन कह जुग कर जोरी। सुनहु प्रानपति बिनती मोरी।।

sajala nayana kaha juga kara jorī। sunahu prānapati binatī morī॥

कंत राम बिरोध परिहरहू। जानि मनुज जनि हठ मन धरहू।।

kaṃta rāma birodha pariharahū। jāni manuja jani haṭha mana dharahū॥

बिस्वरुप रघुबंस मनि करहु बचन बिस्वासु।

bisvarupa raghubaṃsa mani karahu bacana bisvāsu।

लोक कल्पना बेद कर अंग अंग प्रति जासु।।14।।

loka kalpanā beda kara aṃga aṃga prati jāsu॥14॥

पद पाताल सीस अज धामा। अपर लोक अँग अँग बिश्रामा।।

pada pātāla sīsa aja dhāmā। apara loka a~ga a~ga biśrāmā॥

भृकुटि बिलास भयंकर काला। नयन दिवाकर कच घन माला।।

bhṛkuṭi bilāsa bhayaṃkara kālā। nayana divākara kaca ghana mālā॥

जासु घ्रान अस्विनीकुमारा। निसि अरु दिवस निमेष अपारा।।

jāsu ghrāna asvinīkumārā। nisi aru divasa nimeṣa apārā॥

श्रवन दिसा दस बेद बखानी। मारुत स्वास निगम निज बानी।।

śravana disā dasa beda bakhānī। māruta svāsa nigama nija bānī॥

अधर लोभ जम दसन कराला। माया हास बाहु दिगपाला।।

adhara lobha jama dasana karālā। māyā hāsa bāhu digapālā॥

आनन अनल अंबुपति जीहा। उतपति पालन प्रलय समीहा।।

ānana anala aṃbupati jīhā। utapati pālana pralaya samīhā॥

रोम राजि अष्टादस भारा। अस्थि सैल सरिता नस जारा।।

roma rāji aṣṭādasa bhārā। asthi saila saritā nasa jārā॥

उदर उदधि अधगो जातना। जगमय प्रभु का बहु कलपना।।

udara udadhi adhago jātanā। jagamaya prabhu kā bahu kalapanā॥

अहंकार सिव बुद्धि अज मन ससि चित्त महान।

ahaṃkāra siva buddhi aja mana sasi citta mahāna।

मनुज बास सचराचर रुप राम भगवान।।15(क)।।

manuja bāsa sacarācara rupa rāma bhagavāna॥15(ka)॥

अस बिचारि सुनु प्रानपति प्रभु सन बयरु बिहाइ।

asa bicāri sunu prānapati prabhu sana bayaru bihāi।

प्रीति करहु रघुबीर पद मम अहिवात न जाइ।।15(ख)।।

prīti karahu raghubīra pada mama ahivāta na jāi॥15(kha)॥

बिहँसा नारि बचन सुनि काना। अहो मोह महिमा बलवाना।।

biha~sā nāri bacana suni kānā। aho moha mahimā balavānā॥

नारि सुभाउ सत्य सब कहहीं। अवगुन आठ सदा उर रहहीं।।

nāri subhāu satya saba kahahīṃ। avaguna āṭha sadā ura rahahīṃ॥

साहस अनृत चपलता माया। भय अबिबेक असौच अदाया।।

sāhasa anṛta capalatā māyā। bhaya abibeka asauca adāyā॥

रिपु कर रुप सकल तैं गावा। अति बिसाल भय मोहि सुनावा।।

ripu kara rupa sakala taiṃ gāvā। ati bisāla bhaya mohi sunāvā॥

सो सब प्रिया सहज बस मोरें। समुझि परा प्रसाद अब तोरें।।

so saba priyā sahaja basa moreṃ। samujhi parā prasāda aba toreṃ॥

जानिउँ प्रिया तोरि चतुराई। एहि बिधि कहहु मोरि प्रभुताई।।

jāniu~ priyā tori caturāī। ehi bidhi kahahu mori prabhutāī॥

तव बतकही गूढ़ मृगलोचनि। समुझत सुखद सुनत भय मोचनि।।

tava batakahī gūr̤ha mṛgalocani। samujhata sukhada sunata bhaya mocani॥

मंदोदरि मन महुँ अस ठयऊ। पियहि काल बस मतिभ्रम भयऊ।।

maṃdodari mana mahu~ asa ṭhayaū। piyahi kāla basa matibhrama bhayaū॥

एहि बिधि करत बिनोद बहु प्रात प्रगट दसकंध।

ehi bidhi karata binoda bahu prāta pragaṭa dasakaṃdha।

सहज असंक लंकपति सभाँ गयउ मद अंध।।16(क)।।

sahaja asaṃka laṃkapati sabhā~ gayau mada aṃdha॥16(ka)॥

फूलह फरइ न बेत जदपि सुधा बरषहिं जलद।

phūlaha pharai na beta jadapi sudhā baraṣahiṃ jalada।

मूरुख हृदयँ न चेत जौं गुर मिलहिं बिरंचि सम।।16(ख)।।

mūrukha hṛdaya~ na ceta jauṃ gura milahiṃ biraṃci sama॥16(kha)॥

इहाँ प्रात जागे रघुराई। पूछा मत सब सचिव बोलाई।।

ihā~ prāta jāge raghurāī। pūchā mata saba saciva bolāī॥

कहहु बेगि का करिअ उपाई। जामवंत कह पद सिरु नाई।।

kahahu begi kā karia upāī। jāmavaṃta kaha pada siru nāī॥

सुनु सर्बग्य सकल उर बासी। बुधि बल तेज धर्म गुन रासी।।

sunu sarbagya sakala ura bāsī। budhi bala teja dharma guna rāsī॥

मंत्र कहउँ निज मति अनुसारा। दूत पठाइअ बालिकुमारा।।

maṃtra kahau~ nija mati anusārā। dūta paṭhāia bālikumārā॥

नीक मंत्र सब के मन माना। अंगद सन कह कृपानिधाना।।

nīka maṃtra saba ke mana mānā। aṃgada sana kaha kṛpānidhānā॥

बालितनय बुधि बल गुन धामा। लंका जाहु तात मम कामा।।

bālitanaya budhi bala guna dhāmā। laṃkā jāhu tāta mama kāmā॥

बहुत बुझाइ तुम्हहि का कहऊँ। परम चतुर मैं जानत अहऊँ।।

bahuta bujhāi tumhahi kā kahaū~। parama catura maiṃ jānata ahaū~॥

काजु हमार तासु हित होई। रिपु सन करेहु बतकही सोई।।

kāju hamāra tāsu hita hoī। ripu sana karehu batakahī soī॥

प्रभु अग्या धरि सीस चरन बंदि अंगद उठेउ।

prabhu agyā dhari sīsa carana baṃdi aṃgada uṭheu।

सोइ गुन सागर ईस राम कृपा जा पर करहु।।17(क)।।

soi guna sāgara īsa rāma kṛpā jā para karahu॥17(ka)॥

स्वयं सिद्ध सब काज नाथ मोहि आदरु दियउ।

svayaṃ siddha saba kāja nātha mohi ādaru diyau।

अस बिचारि जुबराज तन पुलकित हरषित हियउ।।17(ख)।।

asa bicāri jubarāja tana pulakita haraṣita hiyau॥17(kha)॥

बंदि चरन उर धरि प्रभुताई। अंगद चलेउ सबहि सिरु नाई।।

baṃdi carana ura dhari prabhutāī। aṃgada caleu sabahi siru nāī॥

प्रभु प्रताप उर सहज असंका। रन बाँकुरा बालिसुत बंका।।

prabhu pratāpa ura sahaja asaṃkā। rana bā~kurā bālisuta baṃkā॥

पुर पैठत रावन कर बेटा। खेलत रहा सो होइ गै भैंटा।।

pura paiṭhata rāvana kara beṭā। khelata rahā so hoi gai bhaiṃṭā॥

बातहिं बात करष बढ़ि आई। जुगल अतुल बल पुनि तरुनाई।।

bātahiṃ bāta karaṣa bar̤hi āī। jugala atula bala puni tarunāī॥

तेहि अंगद कहुँ लात उठाई। गहि पद पटकेउ भूमि भवाँई।।

tehi aṃgada kahu~ lāta uṭhāī। gahi pada paṭakeu bhūmi bhavā~ī॥

निसिचर निकर देखि भट भारी। जहँ तहँ चले न सकहिं पुकारी।।

nisicara nikara dekhi bhaṭa bhārī। jaha~ taha~ cale na sakahiṃ pukārī॥

एक एक सन मरमु न कहहीं। समुझि तासु बध चुप करि रहहीं।।

eka eka sana maramu na kahahīṃ। samujhi tāsu badha cupa kari rahahīṃ॥

भयउ कोलाहल नगर मझारी। आवा कपि लंका जेहीं जारी।।

bhayau kolāhala nagara majhārī। āvā kapi laṃkā jehīṃ jārī॥

अब धौं कहा करिहि करतारा। अति सभीत सब करहिं बिचारा।।

aba dhauṃ kahā karihi karatārā। ati sabhīta saba karahiṃ bicārā॥

बिनु पूछें मगु देहिं दिखाई। जेहि बिलोक सोइ जाइ सुखाई।।

binu pūcheṃ magu dehiṃ dikhāī। jehi biloka soi jāi sukhāī॥

गयउ सभा दरबार तब सुमिरि राम पद कंज।

gayau sabhā darabāra taba sumiri rāma pada kaṃja।

सिंह ठवनि इत उत चितव धीर बीर बल पुंज।।18।।

siṃha ṭhavani ita uta citava dhīra bīra bala puṃja॥18॥

तुरत निसाचर एक पठावा। समाचार रावनहि जनावा।।

turata nisācara eka paṭhāvā। samācāra rāvanahi janāvā॥

सुनत बिहँसि बोला दससीसा। आनहु बोलि कहाँ कर कीसा।।

sunata biha~si bolā dasasīsā। ānahu boli kahā~ kara kīsā॥

आयसु पाइ दूत बहु धाए। कपिकुंजरहि बोलि लै आए।।

āyasu pāi dūta bahu dhāe। kapikuṃjarahi boli lai āe॥

अंगद दीख दसानन बैंसें। सहित प्रान कज्जलगिरि जैसें।।

aṃgada dīkha dasānana baiṃseṃ। sahita prāna kajjalagiri jaiseṃ॥

भुजा बिटप सिर सृंग समाना। रोमावली लता जनु नाना।।

bhujā biṭapa sira sṛṃga samānā। romāvalī latā janu nānā॥

मुख नासिका नयन अरु काना। गिरि कंदरा खोह अनुमाना।।

mukha nāsikā nayana aru kānā। giri kaṃdarā khoha anumānā॥

गयउ सभाँ मन नेकु न मुरा। बालितनय अतिबल बाँकुरा।।

gayau sabhā~ mana neku na murā। bālitanaya atibala bā~kurā॥

उठे सभासद कपि कहुँ देखी। रावन उर भा क्रौध बिसेषी।।

uṭhe sabhāsada kapi kahu~ dekhī। rāvana ura bhā kraudha biseṣī॥

जथा मत्त गज जूथ महुँ पंचानन चलि जाइ।

jathā matta gaja jūtha mahu~ paṃcānana cali jāi।

राम प्रताप सुमिरि मन बैठ सभाँ सिरु नाइ।।19।।

rāma pratāpa sumiri mana baiṭha sabhā~ siru nāi॥19॥

कह दसकंठ कवन तैं बंदर। मैं रघुबीर दूत दसकंधर।।

kaha dasakaṃṭha kavana taiṃ baṃdara। maiṃ raghubīra dūta dasakaṃdhara॥

मम जनकहि तोहि रही मिताई। तव हित कारन आयउँ भाई।।

mama janakahi tohi rahī mitāī। tava hita kārana āyau~ bhāī॥

उत्तम कुल पुलस्ति कर नाती। सिव बिरंचि पूजेहु बहु भाँती।।

uttama kula pulasti kara nātī। siva biraṃci pūjehu bahu bhā~tī॥

बर पायहु कीन्हेहु सब काजा। जीतेहु लोकपाल सब राजा।।

bara pāyahu kīnhehu saba kājā। jītehu lokapāla saba rājā॥

नृप अभिमान मोह बस किंबा। हरि आनिहु सीता जगदंबा।।

nṛpa abhimāna moha basa kiṃbā। hari ānihu sītā jagadaṃbā॥

अब सुभ कहा सुनहु तुम्ह मोरा। सब अपराध छमिहि प्रभु तोरा।।

aba subha kahā sunahu tumha morā। saba aparādha chamihi prabhu torā॥

दसन गहहु तृन कंठ कुठारी। परिजन सहित संग निज नारी।।

dasana gahahu tṛna kaṃṭha kuṭhārī। parijana sahita saṃga nija nārī॥

सादर जनकसुता करि आगें। एहि बिधि चलहु सकल भय त्यागें।।

sādara janakasutā kari āgeṃ। ehi bidhi calahu sakala bhaya tyāgeṃ॥

प्रनतपाल रघुबंसमनि त्राहि त्राहि अब मोहि।

pranatapāla raghubaṃsamani trāhi trāhi aba mohi।

आरत गिरा सुनत प्रभु अभय करैगो तोहि।।20।।

ārata girā sunata prabhu abhaya karaigo tohi॥20॥

रे कपिपोत बोलु संभारी। मूढ़ न जानेहि मोहि सुरारी।।

re kapipota bolu saṃbhārī। mūr̤ha na jānehi mohi surārī॥

कहु निज नाम जनक कर भाई। केहि नातें मानिऐ मिताई।।

kahu nija nāma janaka kara bhāī। kehi nāteṃ māniai mitāī॥

अंगद नाम बालि कर बेटा। तासों कबहुँ भई ही भेटा।।

aṃgada nāma bāli kara beṭā। tāsoṃ kabahu~ bhaī hī bheṭā॥

अंगद बचन सुनत सकुचाना। रहा बालि बानर मैं जाना।।

aṃgada bacana sunata sakucānā। rahā bāli bānara maiṃ jānā॥

अंगद तहीं बालि कर बालक। उपजेहु बंस अनल कुल घालक।।

aṃgada tahīṃ bāli kara bālaka। upajehu baṃsa anala kula ghālaka॥

गर्भ न गयहु ब्यर्थ तुम्ह जायहु। निज मुख तापस दूत कहायहु।।

garbha na gayahu byartha tumha jāyahu। nija mukha tāpasa dūta kahāyahu॥

अब कहु कुसल बालि कहँ अहई। बिहँसि बचन तब अंगद कहई।।

aba kahu kusala bāli kaha~ ahaī। biha~si bacana taba aṃgada kahaī॥

दिन दस गएँ बालि पहिं जाई। बूझेहु कुसल सखा उर लाई।।

dina dasa gae~ bāli pahiṃ jāī। būjhehu kusala sakhā ura lāī॥

राम बिरोध कुसल जसि होई। सो सब तोहि सुनाइहि सोई।।

rāma birodha kusala jasi hoī। so saba tohi sunāihi soī॥

सुनु सठ भेद होइ मन ताकें। श्रीरघुबीर हृदय नहिं जाकें।।

sunu saṭha bheda hoi mana tākeṃ। śrīraghubīra hṛdaya nahiṃ jākeṃ॥

हम कुल घालक सत्य तुम्ह कुल पालक दससीस।

hama kula ghālaka satya tumha kula pālaka dasasīsa।

अंधउ बधिर न अस कहहिं नयन कान तव बीस।।21।

aṃdhau badhira na asa kahahiṃ nayana kāna tava bīsa॥21।

सिव बिरंचि सुर मुनि समुदाई। चाहत जासु चरन सेवकाई।।

siva biraṃci sura muni samudāī। cāhata jāsu carana sevakāī॥

तासु दूत होइ हम कुल बोरा। अइसिहुँ मति उर बिहर न तोरा।।

tāsu dūta hoi hama kula borā। aisihu~ mati ura bihara na torā॥

सुनि कठोर बानी कपि केरी। कहत दसानन नयन तरेरी।।

suni kaṭhora bānī kapi kerī। kahata dasānana nayana tarerī॥

खल तव कठिन बचन सब सहऊँ। नीति धर्म मैं जानत अहऊँ।।

khala tava kaṭhina bacana saba sahaū~। nīti dharma maiṃ jānata ahaū~॥

कह कपि धर्मसीलता तोरी। हमहुँ सुनी कृत पर त्रिय चोरी।।

kaha kapi dharmasīlatā torī। hamahu~ sunī kṛta para triya corī॥

देखी नयन दूत रखवारी। बूड़ि न मरहु धर्म ब्रतधारी।।

dekhī nayana dūta rakhavārī। būr̤i na marahu dharma bratadhārī॥

कान नाक बिनु भगिनि निहारी। छमा कीन्हि तुम्ह धर्म बिचारी।।

kāna nāka binu bhagini nihārī। chamā kīnhi tumha dharma bicārī॥

धर्मसीलता तव जग जागी। पावा दरसु हमहुँ बड़भागी।।

dharmasīlatā tava jaga jāgī। pāvā darasu hamahu~ bar̤abhāgī॥

जनि जल्पसि जड़ जंतु कपि सठ बिलोकु मम बाहु।

jani jalpasi jar̤a jaṃtu kapi saṭha biloku mama bāhu।

लोकपाल बल बिपुल ससि ग्रसन हेतु सब राहु।।22(क)।।

lokapāla bala bipula sasi grasana hetu saba rāhu॥22(ka)॥

पुनि नभ सर मम कर निकर कमलन्हि पर करि बास।

puni nabha sara mama kara nikara kamalanhi para kari bāsa।

सोभत भयउ मराल इव संभु सहित कैलास।।22(ख)।।

sobhata bhayau marāla iva saṃbhu sahita kailāsa॥22(kha)॥

तुम्हरे कटक माझ सुनु अंगद। मो सन भिरिहि कवन जोधा बद।।

tumhare kaṭaka mājha sunu aṃgada। mo sana bhirihi kavana jodhā bada॥

तव प्रभु नारि बिरहँ बलहीना। अनुज तासु दुख दुखी मलीना।।

tava prabhu nāri biraha~ balahīnā। anuja tāsu dukha dukhī malīnā॥

तुम्ह सुग्रीव कूलद्रुम दोऊ। अनुज हमार भीरु अति सोऊ।।

tumha sugrīva kūladruma doū। anuja hamāra bhīru ati soū॥

जामवंत मंत्री अति बूढ़ा। सो कि होइ अब समरारूढ़ा।।

jāmavaṃta maṃtrī ati būr̤hā। so ki hoi aba samarārūr̤hā॥

सिल्पि कर्म जानहिं नल नीला। है कपि एक महा बलसीला।।

silpi karma jānahiṃ nala nīlā। hai kapi eka mahā balasīlā॥

आवा प्रथम नगरु जेंहिं जारा। सुनत बचन कह बालिकुमारा।।

āvā prathama nagaru jeṃhiṃ jārā। sunata bacana kaha bālikumārā॥

सत्य बचन कहु निसिचर नाहा। साँचेहुँ कीस कीन्ह पुर दाहा।।

satya bacana kahu nisicara nāhā। sā~cehu~ kīsa kīnha pura dāhā॥

रावन नगर अल्प कपि दहई। सुनि अस बचन सत्य को कहई।।

rāvana nagara alpa kapi dahaī। suni asa bacana satya ko kahaī॥

जो अति सुभट सराहेहु रावन। सो सुग्रीव केर लघु धावन।।

jo ati subhaṭa sarāhehu rāvana। so sugrīva kera laghu dhāvana॥

चलइ बहुत सो बीर न होई। पठवा खबरि लेन हम सोई।।

calai bahuta so bīra na hoī। paṭhavā khabari lena hama soī॥

सत्य नगरु कपि जारेउ बिनु प्रभु आयसु पाइ।

satya nagaru kapi jāreu binu prabhu āyasu pāi।

फिरि न गयउ सुग्रीव पहिं तेहिं भय रहा लुकाइ।।23(क)।।

phiri na gayau sugrīva pahiṃ tehiṃ bhaya rahā lukāi॥23(ka)॥

सत्य कहहि दसकंठ सब मोहि न सुनि कछु कोह।

satya kahahi dasakaṃṭha saba mohi na suni kachu koha।

कोउ न हमारें कटक अस तो सन लरत जो सोह।।23(ख)।।

kou na hamāreṃ kaṭaka asa to sana larata jo soha॥23(kha)॥

प्रीति बिरोध समान सन करिअ नीति असि आहि।

prīti birodha samāna sana karia nīti asi āhi।

जौं मृगपति बध मेड़ुकन्हि भल कि कहइ कोउ ताहि।।23(ग)।।

jauṃ mṛgapati badha mer̤ukanhi bhala ki kahai kou tāhi॥23(ga)॥

जद्यपि लघुता राम कहुँ तोहि बधें बड़ दोष।

jadyapi laghutā rāma kahu~ tohi badheṃ bar̤a doṣa।

तदपि कठिन दसकंठ सुनु छत्र जाति कर रोष।।23(घ)।।

tadapi kaṭhina dasakaṃṭha sunu chatra jāti kara roṣa॥23(gha)॥

बक्र उक्ति धनु बचन सर हृदय दहेउ रिपु कीस।

bakra ukti dhanu bacana sara hṛdaya daheu ripu kīsa।

प्रतिउत्तर सड़सिन्ह मनहुँ काढ़त भट दससीस।।23(ङ)।।

pratiuttara sar̤asinha manahu~ kār̤hata bhaṭa dasasīsa॥23(ṅa)॥

हँसि बोलेउ दसमौलि तब कपि कर बड़ गुन एक।

ha~si boleu dasamauli taba kapi kara bar̤a guna eka।

जो प्रतिपालइ तासु हित करइ उपाय अनेक।।23(छ)।।

jo pratipālai tāsu hita karai upāya aneka॥23(cha)॥

धन्य कीस जो निज प्रभु काजा। जहँ तहँ नाचइ परिहरि लाजा।।

dhanya kīsa jo nija prabhu kājā। jaha~ taha~ nācai parihari lājā॥

नाचि कूदि करि लोग रिझाई। पति हित करइ धर्म निपुनाई।।

nāci kūdi kari loga rijhāī। pati hita karai dharma nipunāī॥

अंगद स्वामिभक्त तव जाती। प्रभु गुन कस न कहसि एहि भाँती।।

aṃgada svāmibhakta tava jātī। prabhu guna kasa na kahasi ehi bhā~tī॥

मैं गुन गाहक परम सुजाना। तव कटु रटनि करउँ नहिं काना।।

maiṃ guna gāhaka parama sujānā। tava kaṭu raṭani karau~ nahiṃ kānā॥

कह कपि तव गुन गाहकताई। सत्य पवनसुत मोहि सुनाई।।

kaha kapi tava guna gāhakatāī। satya pavanasuta mohi sunāī॥

बन बिधंसि सुत बधि पुर जारा। तदपि न तेहिं कछु कृत अपकारा।।

bana bidhaṃsi suta badhi pura jārā। tadapi na tehiṃ kachu kṛta apakārā॥

सोइ बिचारि तव प्रकृति सुहाई। दसकंधर मैं कीन्हि ढिठाई।।

soi bicāri tava prakṛti suhāī। dasakaṃdhara maiṃ kīnhi ḍhiṭhāī॥

देखेउँ आइ जो कछु कपि भाषा। तुम्हरें लाज न रोष न माखा।।

dekheu~ āi jo kachu kapi bhāṣā। tumhareṃ lāja na roṣa na mākhā॥

जौं असि मति पितु खाए कीसा। कहि अस बचन हँसा दससीसा।।

jauṃ asi mati pitu khāe kīsā। kahi asa bacana ha~sā dasasīsā॥

पितहि खाइ खातेउँ पुनि तोही। अबहीं समुझि परा कछु मोही।।

pitahi khāi khāteu~ puni tohī। abahīṃ samujhi parā kachu mohī॥

बालि बिमल जस भाजन जानी। हतउँ न तोहि अधम अभिमानी।।

bāli bimala jasa bhājana jānī। hatau~ na tohi adhama abhimānī॥

कहु रावन रावन जग केते। मैं निज श्रवन सुने सुनु जेते।।

kahu rāvana rāvana jaga kete। maiṃ nija śravana sune sunu jete॥

बलिहि जितन एक गयउ पताला। राखेउ बाँधि सिसुन्ह हयसाला।।

balihi jitana eka gayau patālā। rākheu bā~dhi sisunha hayasālā॥

खेलहिं बालक मारहिं जाई। दया लागि बलि दीन्ह छोड़ाई।।

khelahiṃ bālaka mārahiṃ jāī। dayā lāgi bali dīnha chor̤āī॥

एक बहोरि सहसभुज देखा। धाइ धरा जिमि जंतु बिसेषा।।

eka bahori sahasabhuja dekhā। dhāi dharā jimi jaṃtu biseṣā॥

कौतुक लागि भवन लै आवा। सो पुलस्ति मुनि जाइ छोड़ावा।।

kautuka lāgi bhavana lai āvā। so pulasti muni jāi chor̤āvā॥

एक कहत मोहि सकुच अति रहा बालि की काँख।

eka kahata mohi sakuca ati rahā bāli kī kā~kha।

इन्ह महुँ रावन तैं कवन सत्य बदहि तजि माख।।24।।

inha mahu~ rāvana taiṃ kavana satya badahi taji mākha॥24॥

सुनु सठ सोइ रावन बलसीला। हरगिरि जान जासु भुज लीला।।

sunu saṭha soi rāvana balasīlā। haragiri jāna jāsu bhuja līlā॥

जान उमापति जासु सुराई। पूजेउँ जेहि सिर सुमन चढ़ाई।।

jāna umāpati jāsu surāī। pūjeu~ jehi sira sumana car̤hāī॥

सिर सरोज निज करन्हि उतारी। पूजेउँ अमित बार त्रिपुरारी।।

sira saroja nija karanhi utārī। pūjeu~ amita bāra tripurārī॥

भुज बिक्रम जानहिं दिगपाला। सठ अजहूँ जिन्ह कें उर साला।।

bhuja bikrama jānahiṃ digapālā। saṭha ajahū~ jinha keṃ ura sālā॥

जानहिं दिग्गज उर कठिनाई। जब जब भिरउँ जाइ बरिआई।।

jānahiṃ diggaja ura kaṭhināī। jaba jaba bhirau~ jāi bariāī॥

जिन्ह के दसन कराल न फूटे। उर लागत मूलक इव टूटे।।

jinha ke dasana karāla na phūṭe। ura lāgata mūlaka iva ṭūṭe॥

जासु चलत डोलति इमि धरनी। चढ़त मत्त गज जिमि लघु तरनी।।

jāsu calata ḍolati imi dharanī। car̤hata matta gaja jimi laghu taranī॥

सोइ रावन जग बिदित प्रतापी। सुनेहि न श्रवन अलीक प्रलापी।।

soi rāvana jaga bidita pratāpī। sunehi na śravana alīka pralāpī॥

तेहि रावन कहँ लघु कहसि नर कर करसि बखान।

tehi rāvana kaha~ laghu kahasi nara kara karasi bakhāna।

रे कपि बर्बर खर्ब खल अब जाना तव ग्यान।।25।।

re kapi barbara kharba khala aba jānā tava gyāna॥25॥

सुनि अंगद सकोप कह बानी। बोलु सँभारि अधम अभिमानी।।

suni aṃgada sakopa kaha bānī। bolu sa~bhāri adhama abhimānī॥

सहसबाहु भुज गहन अपारा। दहन अनल सम जासु कुठारा।।

sahasabāhu bhuja gahana apārā। dahana anala sama jāsu kuṭhārā॥

जासु परसु सागर खर धारा। बूड़े नृप अगनित बहु बारा।।

jāsu parasu sāgara khara dhārā। būr̤e nṛpa aganita bahu bārā॥

तासु गर्ब जेहि देखत भागा। सो नर क्यों दससीस अभागा।।

tāsu garba jehi dekhata bhāgā। so nara kyoṃ dasasīsa abhāgā॥

राम मनुज कस रे सठ बंगा। धन्वी कामु नदी पुनि गंगा।।

rāma manuja kasa re saṭha baṃgā। dhanvī kāmu nadī puni gaṃgā॥

पसु सुरधेनु कल्पतरु रूखा। अन्न दान अरु रस पीयूषा।।

pasu suradhenu kalpataru rūkhā। anna dāna aru rasa pīyūṣā॥

बैनतेय खग अहि सहसानन। चिंतामनि पुनि उपल दसानन।।

bainateya khaga ahi sahasānana। ciṃtāmani puni upala dasānana॥

सुनु मतिमंद लोक बैकुंठा। लाभ कि रघुपति भगति अकुंठा।।

sunu matimaṃda loka baikuṃṭhā। lābha ki raghupati bhagati akuṃṭhā॥

सेन सहित तब मान मथि बन उजारि पुर जारि।।

sena sahita taba māna mathi bana ujāri pura jāri॥

कस रे सठ हनुमान कपि गयउ जो तव सुत मारि।।26।।

kasa re saṭha hanumāna kapi gayau jo tava suta māri॥26॥

सुनु रावन परिहरि चतुराई। भजसि न कृपासिंधु रघुराई।।

sunu rāvana parihari caturāī। bhajasi na kṛpāsiṃdhu raghurāī॥

जौ खल भएसि राम कर द्रोही। ब्रह्म रुद्र सक राखि न तोही।।

jau khala bhaesi rāma kara drohī। brahma rudra saka rākhi na tohī॥

मूढ़ बृथा जनि मारसि गाला। राम बयर अस होइहि हाला।।

mūr̤ha bṛthā jani mārasi gālā। rāma bayara asa hoihi hālā॥

तव सिर निकर कपिन्ह के आगें। परिहहिं धरनि राम सर लागें।।

tava sira nikara kapinha ke āgeṃ। parihahiṃ dharani rāma sara lāgeṃ॥

ते तव सिर कंदुक सम नाना। खेलहहिं भालु कीस चौगाना।।

te tava sira kaṃduka sama nānā। khelahahiṃ bhālu kīsa caugānā॥

जबहिं समर कोपहि रघुनायक। छुटिहहिं अति कराल बहु सायक।।

jabahiṃ samara kopahi raghunāyaka। chuṭihahiṃ ati karāla bahu sāyaka॥

तब कि चलिहि अस गाल तुम्हारा। अस बिचारि भजु राम उदारा।।

taba ki calihi asa gāla tumhārā। asa bicāri bhaju rāma udārā॥

सुनत बचन रावन परजरा। जरत महानल जनु घृत परा।।

sunata bacana rāvana parajarā। jarata mahānala janu ghṛta parā॥

कुंभकरन अस बंधु मम सुत प्रसिद्ध सक्रारि।

kuṃbhakarana asa baṃdhu mama suta prasiddha sakrāri।

मोर पराक्रम नहिं सुनेहि जितेउँ चराचर झारि।।27।।

mora parākrama nahiṃ sunehi jiteu~ carācara jhāri॥27॥

सठ साखामृग जोरि सहाई। बाँधा सिंधु इहइ प्रभुताई।।

saṭha sākhāmṛga jori sahāī। bā~dhā siṃdhu ihai prabhutāī॥

नाघहिं खग अनेक बारीसा। सूर न होहिं ते सुनु सब कीसा।।

nāghahiṃ khaga aneka bārīsā। sūra na hohiṃ te sunu saba kīsā॥

मम भुज सागर बल जल पूरा। जहँ बूड़े बहु सुर नर सूरा।।

mama bhuja sāgara bala jala pūrā। jaha~ būr̤e bahu sura nara sūrā॥

बीस पयोधि अगाध अपारा। को अस बीर जो पाइहि पारा।।

bīsa payodhi agādha apārā। ko asa bīra jo pāihi pārā॥

दिगपालन्ह मैं नीर भरावा। भूप सुजस खल मोहि सुनावा।।

digapālanha maiṃ nīra bharāvā। bhūpa sujasa khala mohi sunāvā॥

जौं पै समर सुभट तव नाथा। पुनि पुनि कहसि जासु गुन गाथा।।

jauṃ pai samara subhaṭa tava nāthā। puni puni kahasi jāsu guna gāthā॥

तौ बसीठ पठवत केहि काजा। रिपु सन प्रीति करत नहिं लाजा।।

tau basīṭha paṭhavata kehi kājā। ripu sana prīti karata nahiṃ lājā॥

हरगिरि मथन निरखु मम बाहू। पुनि सठ कपि निज प्रभुहि सराहू।।

haragiri mathana nirakhu mama bāhū। puni saṭha kapi nija prabhuhi sarāhū॥

सूर कवन रावन सरिस स्वकर काटि जेहिं सीस।

sūra kavana rāvana sarisa svakara kāṭi jehiṃ sīsa।

हुने अनल अति हरष बहु बार साखि गौरीस।।28।।

hune anala ati haraṣa bahu bāra sākhi gaurīsa॥28॥

जरत बिलोकेउँ जबहिं कपाला। बिधि के लिखे अंक निज भाला।।

jarata bilokeu~ jabahiṃ kapālā। bidhi ke likhe aṃka nija bhālā॥

नर कें कर आपन बध बाँची। हसेउँ जानि बिधि गिरा असाँची।।

nara keṃ kara āpana badha bā~cī। haseu~ jāni bidhi girā asā~cī॥

सोउ मन समुझि त्रास नहिं मोरें। लिखा बिरंचि जरठ मति भोरें।।

sou mana samujhi trāsa nahiṃ moreṃ। likhā biraṃci jaraṭha mati bhoreṃ॥

आन बीर बल सठ मम आगें। पुनि पुनि कहसि लाज पति त्यागे।।

āna bīra bala saṭha mama āgeṃ। puni puni kahasi lāja pati tyāge॥

कह अंगद सलज्ज जग माहीं। रावन तोहि समान कोउ नाहीं।।

kaha aṃgada salajja jaga māhīṃ। rāvana tohi samāna kou nāhīṃ॥

लाजवंत तव सहज सुभाऊ। निज मुख निज गुन कहसि न काऊ।।

lājavaṃta tava sahaja subhāū। nija mukha nija guna kahasi na kāū॥

सिर अरु सैल कथा चित रही। ताते बार बीस तैं कही।।

sira aru saila kathā cita rahī। tāte bāra bīsa taiṃ kahī॥

सो भुजबल राखेउ उर घाली। जीतेहु सहसबाहु बलि बाली।।

so bhujabala rākheu ura ghālī। jītehu sahasabāhu bali bālī॥

सुनु मतिमंद देहि अब पूरा। काटें सीस कि होइअ सूरा।।

sunu matimaṃda dehi aba pūrā। kāṭeṃ sīsa ki hoia sūrā॥

इंद्रजालि कहु कहिअ न बीरा। काटइ निज कर सकल सरीरा।।

iṃdrajāli kahu kahia na bīrā। kāṭai nija kara sakala sarīrā॥

जरहिं पतंग मोह बस भार बहहिं खर बृंद।

jarahiṃ pataṃga moha basa bhāra bahahiṃ khara bṛṃda।

ते नहिं सूर कहावहिं समुझि देखु मतिमंद।।29।।

te nahiṃ sūra kahāvahiṃ samujhi dekhu matimaṃda॥29॥

अब जनि बतबढ़ाव खल करही। सुनु मम बचन मान परिहरही।।

aba jani batabar̤hāva khala karahī। sunu mama bacana māna pariharahī॥

दसमुख मैं न बसीठीं आयउँ। अस बिचारि रघुबीर पठायउँ।।

dasamukha maiṃ na basīṭhīṃ āyau~। asa bicāri raghubīra paṭhāyau~॥

बार बार अस कहइ कृपाला। नहिं गजारि जसु बधें सृकाला।।

bāra bāra asa kahai kṛpālā। nahiṃ gajāri jasu badheṃ sṛkālā॥

मन महुँ समुझि बचन प्रभु केरे। सहेउँ कठोर बचन सठ तेरे।।

mana mahu~ samujhi bacana prabhu kere। saheu~ kaṭhora bacana saṭha tere॥

नाहिं त करि मुख भंजन तोरा। लै जातेउँ सीतहि बरजोरा।।

nāhiṃ ta kari mukha bhaṃjana torā। lai jāteu~ sītahi barajorā॥

जानेउँ तव बल अधम सुरारी। सूनें हरि आनिहि परनारी।।

jāneu~ tava bala adhama surārī। sūneṃ hari ānihi paranārī॥

तैं निसिचर पति गर्ब बहूता। मैं रघुपति सेवक कर दूता।।

taiṃ nisicara pati garba bahūtā। maiṃ raghupati sevaka kara dūtā॥

जौं न राम अपमानहि डरउँ। तोहि देखत अस कौतुक करऊँ।।

jauṃ na rāma apamānahi ḍarau~। tohi dekhata asa kautuka karaū~॥

तोहि पटकि महि सेन हति चौपट करि तव गाउँ।

tohi paṭaki mahi sena hati caupaṭa kari tava gāu~।

तव जुबतिन्ह समेत सठ जनकसुतहि लै जाउँ।।30।।

tava jubatinha sameta saṭha janakasutahi lai jāu~॥30॥

जौ अस करौं तदपि न बड़ाई। मुएहि बधें नहिं कछु मनुसाई।।

jau asa karauṃ tadapi na bar̤āī। muehi badheṃ nahiṃ kachu manusāī॥

कौल कामबस कृपिन बिमूढ़ा। अति दरिद्र अजसी अति बूढ़ा।।

kaula kāmabasa kṛpina bimūr̤hā। ati daridra ajasī ati būr̤hā॥

सदा रोगबस संतत क्रोधी। बिष्नु बिमूख श्रुति संत बिरोधी।।

sadā rogabasa saṃtata krodhī। biṣnu bimūkha śruti saṃta birodhī॥

तनु पोषक निंदक अघ खानी। जीवन सव सम चौदह प्रानी।।

tanu poṣaka niṃdaka agha khānī। jīvana sava sama caudaha prānī॥

अस बिचारि खल बधउँ न तोही। अब जनि रिस उपजावसि मोही।।

asa bicāri khala badhau~ na tohī। aba jani risa upajāvasi mohī॥

सुनि सकोप कह निसिचर नाथा। अधर दसन दसि मीजत हाथा।।

suni sakopa kaha nisicara nāthā। adhara dasana dasi mījata hāthā॥

रे कपि अधम मरन अब चहसी। छोटे बदन बात बड़ि कहसी।।

re kapi adhama marana aba cahasī। choṭe badana bāta bar̤i kahasī॥

कटु जल्पसि जड़ कपि बल जाकें। बल प्रताप बुधि तेज न ताकें।।

kaṭu jalpasi jar̤a kapi bala jākeṃ। bala pratāpa budhi teja na tākeṃ॥

अगुन अमान जानि तेहि दीन्ह पिता बनबास।

aguna amāna jāni tehi dīnha pitā banabāsa।

सो दुख अरु जुबती बिरह पुनि निसि दिन मम त्रास।।31(क)।।

so dukha aru jubatī biraha puni nisi dina mama trāsa॥31(ka)॥

जिन्ह के बल कर गर्ब तोहि अइसे मनुज अनेक।

jinha ke bala kara garba tohi aise manuja aneka।

खाहीं निसाचर दिवस निसि मूढ़ समुझु तजि टेक।।31(ख)।।

khāhīṃ nisācara divasa nisi mūr̤ha samujhu taji ṭeka॥31(kha)॥

जब तेहिं कीन्ह राम कै निंदा। क्रोधवंत अति भयउ कपिंदा।।

jaba tehiṃ kīnha rāma kai niṃdā। krodhavaṃta ati bhayau kapiṃdā॥

हरि हर निंदा सुनइ जो काना। होइ पाप गोघात समाना।।

hari hara niṃdā sunai jo kānā। hoi pāpa goghāta samānā॥

कटकटान कपिकुंजर भारी। दुहु भुजदंड तमकि महि मारी।।

kaṭakaṭāna kapikuṃjara bhārī। duhu bhujadaṃḍa tamaki mahi mārī॥

डोलत धरनि सभासद खसे। चले भाजि भय मारुत ग्रसे।।

ḍolata dharani sabhāsada khase। cale bhāji bhaya māruta grase॥

गिरत सँभारि उठा दसकंधर। भूतल परे मुकुट अति सुंदर।।

girata sa~bhāri uṭhā dasakaṃdhara। bhūtala pare mukuṭa ati suṃdara॥

कछु तेहिं लै निज सिरन्हि सँवारे। कछु अंगद प्रभु पास पबारे।।

kachu tehiṃ lai nija siranhi sa~vāre। kachu aṃgada prabhu pāsa pabāre॥

आवत मुकुट देखि कपि भागे। दिनहीं लूक परन बिधि लागे।।

āvata mukuṭa dekhi kapi bhāge। dinahīṃ lūka parana bidhi lāge॥

की रावन करि कोप चलाए। कुलिस चारि आवत अति धाए।।

kī rāvana kari kopa calāe। kulisa cāri āvata ati dhāe॥

कह प्रभु हँसि जनि हृदयँ डेराहू। लूक न असनि केतु नहिं राहू।।

kaha prabhu ha~si jani hṛdaya~ ḍerāhū। lūka na asani ketu nahiṃ rāhū॥

ए किरीट दसकंधर केरे। आवत बालितनय के प्रेरे।।

e kirīṭa dasakaṃdhara kere। āvata bālitanaya ke prere॥

तरकि पवनसुत कर गहे आनि धरे प्रभु पास।

taraki pavanasuta kara gahe āni dhare prabhu pāsa।

कौतुक देखहिं भालु कपि दिनकर सरिस प्रकास।।32(क)।।

kautuka dekhahiṃ bhālu kapi dinakara sarisa prakāsa॥32(ka)॥

उहाँ सकोपि दसानन सब सन कहत रिसाइ।

uhā~ sakopi dasānana saba sana kahata risāi।

धरहु कपिहि धरि मारहु सुनि अंगद मुसुकाइ।।32(ख)।।

dharahu kapihi dhari mārahu suni aṃgada musukāi॥32(kha)॥

एहि बिधि बेगि सूभट सब धावहु। खाहु भालु कपि जहँ जहँ पावहु।।

ehi bidhi begi sūbhaṭa saba dhāvahu। khāhu bhālu kapi jaha~ jaha~ pāvahu॥

मर्कटहीन करहु महि जाई। जिअत धरहु तापस द्वौ भाई।।

markaṭahīna karahu mahi jāī। jiata dharahu tāpasa dvau bhāī॥

पुनि सकोप बोलेउ जुबराजा। गाल बजावत तोहि न लाजा।।

puni sakopa boleu jubarājā। gāla bajāvata tohi na lājā॥

मरु गर काटि निलज कुलघाती। बल बिलोकि बिहरति नहिं छाती।।

maru gara kāṭi nilaja kulaghātī। bala biloki biharati nahiṃ chātī॥

रे त्रिय चोर कुमारग गामी। खल मल रासि मंदमति कामी।।

re triya cora kumāraga gāmī। khala mala rāsi maṃdamati kāmī॥

सन्यपात जल्पसि दुर्बादा। भएसि कालबस खल मनुजादा।।

sanyapāta jalpasi durbādā। bhaesi kālabasa khala manujādā॥

याको फलु पावहिगो आगें। बानर भालु चपेटन्हि लागें।।

yāko phalu pāvahigo āgeṃ। bānara bhālu capeṭanhi lāgeṃ॥

रामु मनुज बोलत असि बानी। गिरहिं न तव रसना अभिमानी।।

rāmu manuja bolata asi bānī। girahiṃ na tava rasanā abhimānī॥

गिरिहहिं रसना संसय नाहीं। सिरन्हि समेत समर महि माहीं।।

girihahiṃ rasanā saṃsaya nāhīṃ। siranhi sameta samara mahi māhīṃ॥

सो नर क्यों दसकंध बालि बध्यो जेहिं एक सर।

so nara kyoṃ dasakaṃdha bāli badhyo jehiṃ eka sara।

बीसहुँ लोचन अंध धिग तव जन्म कुजाति जड़।।33(क)।।

bīsahu~ locana aṃdha dhiga tava janma kujāti jar̤a॥33(ka)॥

तब सोनित की प्यास तृषित राम सायक निकर।

taba sonita kī pyāsa tṛṣita rāma sāyaka nikara।

तजउँ तोहि तेहि त्रास कटु जल्पक निसिचर अधम।।33(ख)।।

tajau~ tohi tehi trāsa kaṭu jalpaka nisicara adhama॥33(kha)॥

मै तव दसन तोरिबे लायक। आयसु मोहि न दीन्ह रघुनायक।।

mai tava dasana toribe lāyaka। āyasu mohi na dīnha raghunāyaka॥

असि रिस होति दसउ मुख तोरौं। लंका गहि समुद्र महँ बोरौं।।

asi risa hoti dasau mukha torauṃ। laṃkā gahi samudra maha~ borauṃ॥

गूलरि फल समान तव लंका। बसहु मध्य तुम्ह जंतु असंका।।

gūlari phala samāna tava laṃkā। basahu madhya tumha jaṃtu asaṃkā॥

मैं बानर फल खात न बारा। आयसु दीन्ह न राम उदारा।।

maiṃ bānara phala khāta na bārā। āyasu dīnha na rāma udārā॥

जुगति सुनत रावन मुसुकाई। मूढ़ सिखिहि कहँ बहुत झुठाई।।

jugati sunata rāvana musukāī। mūr̤ha sikhihi kaha~ bahuta jhuṭhāī॥

बालि न कबहुँ गाल अस मारा। मिलि तपसिन्ह तैं भएसि लबारा।।

bāli na kabahu~ gāla asa mārā। mili tapasinha taiṃ bhaesi labārā॥

साँचेहुँ मैं लबार भुज बीहा। जौं न उपारिउँ तव दस जीहा।।

sā~cehu~ maiṃ labāra bhuja bīhā। jauṃ na upāriu~ tava dasa jīhā॥

समुझि राम प्रताप कपि कोपा। सभा माझ पन करि पद रोपा।।

samujhi rāma pratāpa kapi kopā। sabhā mājha pana kari pada ropā॥

जौं मम चरन सकसि सठ टारी। फिरहिं रामु सीता मैं हारी।।

jauṃ mama carana sakasi saṭha ṭārī। phirahiṃ rāmu sītā maiṃ hārī॥

सुनहु सुभट सब कह दससीसा। पद गहि धरनि पछारहु कीसा।।

sunahu subhaṭa saba kaha dasasīsā। pada gahi dharani pachārahu kīsā॥

इंद्रजीत आदिक बलवाना। हरषि उठे जहँ तहँ भट नाना।।

iṃdrajīta ādika balavānā। haraṣi uṭhe jaha~ taha~ bhaṭa nānā॥

झपटहिं करि बल बिपुल उपाई। पद न टरइ बैठहिं सिरु नाई।।

jhapaṭahiṃ kari bala bipula upāī। pada na ṭarai baiṭhahiṃ siru nāī॥

पुनि उठि झपटहीं सुर आराती। टरइ न कीस चरन एहि भाँती।।

puni uṭhi jhapaṭahīṃ sura ārātī। ṭarai na kīsa carana ehi bhā~tī॥

पुरुष कुजोगी जिमि उरगारी। मोह बिटप नहिं सकहिं उपारी।।

puruṣa kujogī jimi uragārī। moha biṭapa nahiṃ sakahiṃ upārī॥

कोटिन्ह मेघनाद सम सुभट उठे हरषाइ।

koṭinha meghanāda sama subhaṭa uṭhe haraṣāi।

झपटहिं टरै न कपि चरन पुनि बैठहिं सिर नाइ।।34(क)।।

jhapaṭahiṃ ṭarai na kapi carana puni baiṭhahiṃ sira nāi॥34(ka)॥

भूमि न छाँडत कपि चरन देखत रिपु मद भाग।।

bhūmi na chā~ḍata kapi carana dekhata ripu mada bhāga॥

कोटि बिघ्न ते संत कर मन जिमि नीति न त्याग।।34(ख)।।

koṭi bighna te saṃta kara mana jimi nīti na tyāga॥34(kha)॥

कपि बल देखि सकल हियँ हारे। उठा आपु कपि कें परचारे।।

kapi bala dekhi sakala hiya~ hāre। uṭhā āpu kapi keṃ paracāre॥

गहत चरन कह बालिकुमारा। मम पद गहें न तोर उबारा।।

gahata carana kaha bālikumārā। mama pada gaheṃ na tora ubārā॥

गहसि न राम चरन सठ जाई। सुनत फिरा मन अति सकुचाई।।

gahasi na rāma carana saṭha jāī। sunata phirā mana ati sakucāī॥

भयउ तेजहत श्री सब गई। मध्य दिवस जिमि ससि सोहई।।

bhayau tejahata śrī saba gaī। madhya divasa jimi sasi sohaī॥

सिंघासन बैठेउ सिर नाई। मानहुँ संपति सकल गँवाई।।

siṃghāsana baiṭheu sira nāī। mānahu~ saṃpati sakala ga~vāī॥

जगदातमा प्रानपति रामा। तासु बिमुख किमि लह बिश्रामा।।

jagadātamā prānapati rāmā। tāsu bimukha kimi laha biśrāmā॥

उमा राम की भृकुटि बिलासा। होइ बिस्व पुनि पावइ नासा।।

umā rāma kī bhṛkuṭi bilāsā। hoi bisva puni pāvai nāsā॥

तृन ते कुलिस कुलिस तृन करई। तासु दूत पन कहु किमि टरई।।

tṛna te kulisa kulisa tṛna karaī। tāsu dūta pana kahu kimi ṭaraī॥

पुनि कपि कही नीति बिधि नाना। मान न ताहि कालु निअराना।।

puni kapi kahī nīti bidhi nānā। māna na tāhi kālu niarānā॥

रिपु मद मथि प्रभु सुजसु सुनायो। यह कहि चल्यो बालि नृप जायो।।

ripu mada mathi prabhu sujasu sunāyo। yaha kahi calyo bāli nṛpa jāyo॥

हतौं न खेत खेलाइ खेलाई। तोहि अबहिं का करौं बड़ाई।।

hatauṃ na kheta khelāi khelāī। tohi abahiṃ kā karauṃ bar̤āī॥

प्रथमहिं तासु तनय कपि मारा। सो सुनि रावन भयउ दुखारा।।

prathamahiṃ tāsu tanaya kapi mārā। so suni rāvana bhayau dukhārā॥

जातुधान अंगद पन देखी। भय ब्याकुल सब भए बिसेषी।।

jātudhāna aṃgada pana dekhī। bhaya byākula saba bhae biseṣī॥

रिपु बल धरषि हरषि कपि बालितनय बल पुंज।

ripu bala dharaṣi haraṣi kapi bālitanaya bala puṃja।

पुलक सरीर नयन जल गहे राम पद कंज।।35(क)।।

pulaka sarīra nayana jala gahe rāma pada kaṃja॥35(ka)॥

साँझ जानि दसकंधर भवन गयउ बिलखाइ।

sā~jha jāni dasakaṃdhara bhavana gayau bilakhāi।

मंदोदरी रावनहि बहुरि कहा समुझाइ।।(ख)।।

maṃdodarī rāvanahi bahuri kahā samujhāi॥(kha)॥

कंत समुझि मन तजहु कुमतिही। सोह न समर तुम्हहि रघुपतिही।।

kaṃta samujhi mana tajahu kumatihī। soha na samara tumhahi raghupatihī॥

रामानुज लघु रेख खचाई। सोउ नहिं नाघेहु असि मनुसाई।।

rāmānuja laghu rekha khacāī। sou nahiṃ nāghehu asi manusāī॥

पिय तुम्ह ताहि जितब संग्रामा। जाके दूत केर यह कामा।।

piya tumha tāhi jitaba saṃgrāmā। jāke dūta kera yaha kāmā॥

कौतुक सिंधु नाघी तव लंका। आयउ कपि केहरी असंका।।

kautuka siṃdhu nāghī tava laṃkā। āyau kapi keharī asaṃkā॥

रखवारे हति बिपिन उजारा। देखत तोहि अच्छ तेहिं मारा।।

rakhavāre hati bipina ujārā। dekhata tohi accha tehiṃ mārā॥

जारि सकल पुर कीन्हेसि छारा। कहाँ रहा बल गर्ब तुम्हारा।।

jāri sakala pura kīnhesi chārā। kahā~ rahā bala garba tumhārā॥

अब पति मृषा गाल जनि मारहु। मोर कहा कछु हृदयँ बिचारहु।।

aba pati mṛṣā gāla jani mārahu। mora kahā kachu hṛdaya~ bicārahu॥

पति रघुपतिहि नृपति जनि मानहु। अग जग नाथ अतुल बल जानहु।।

pati raghupatihi nṛpati jani mānahu। aga jaga nātha atula bala jānahu॥

बान प्रताप जान मारीचा। तासु कहा नहिं मानेहि नीचा।।

bāna pratāpa jāna mārīcā। tāsu kahā nahiṃ mānehi nīcā॥

जनक सभाँ अगनित भूपाला। रहे तुम्हउ बल अतुल बिसाला।।

janaka sabhā~ aganita bhūpālā। rahe tumhau bala atula bisālā॥

भंजि धनुष जानकी बिआही। तब संग्राम जितेहु किन ताही।।

bhaṃji dhanuṣa jānakī biāhī। taba saṃgrāma jitehu kina tāhī॥

सुरपति सुत जानइ बल थोरा। राखा जिअत आँखि गहि फोरा।।

surapati suta jānai bala thorā। rākhā jiata ā~khi gahi phorā॥

सूपनखा कै गति तुम्ह देखी। तदपि हृदयँ नहिं लाज बिषेषी।।

sūpanakhā kai gati tumha dekhī। tadapi hṛdaya~ nahiṃ lāja biṣeṣī॥

बधि बिराध खर दूषनहि लींलाँ हत्यो कबंध।

badhi birādha khara dūṣanahi līṃlā~ hatyo kabaṃdha।

बालि एक सर मारयो तेहि जानहु दसकंध।।36।।

bāli eka sara mārayo tehi jānahu dasakaṃdha॥36॥

जेहिं जलनाथ बँधायउ हेला। उतरे प्रभु दल सहित सुबेला।।

jehiṃ jalanātha ba~dhāyau helā। utare prabhu dala sahita subelā॥

कारुनीक दिनकर कुल केतू। दूत पठायउ तव हित हेतू।।

kārunīka dinakara kula ketū। dūta paṭhāyau tava hita hetū॥

सभा माझ जेहिं तव बल मथा। करि बरूथ महुँ मृगपति जथा।।

sabhā mājha jehiṃ tava bala mathā। kari barūtha mahu~ mṛgapati jathā॥

अंगद हनुमत अनुचर जाके। रन बाँकुरे बीर अति बाँके।।

aṃgada hanumata anucara jāke। rana bā~kure bīra ati bā~ke॥

तेहि कहँ पिय पुनि पुनि नर कहहू। मुधा मान ममता मद बहहू।।

tehi kaha~ piya puni puni nara kahahū। mudhā māna mamatā mada bahahū॥

अहह कंत कृत राम बिरोधा। काल बिबस मन उपज न बोधा।।

ahaha kaṃta kṛta rāma birodhā। kāla bibasa mana upaja na bodhā॥

काल दंड गहि काहु न मारा। हरइ धर्म बल बुद्धि बिचारा।।

kāla daṃḍa gahi kāhu na mārā। harai dharma bala buddhi bicārā॥

निकट काल जेहि आवत साईं। तेहि भ्रम होइ तुम्हारिहि नाईं।।

nikaṭa kāla jehi āvata sāīṃ। tehi bhrama hoi tumhārihi nāīṃ॥

दुइ सुत मरे दहेउ पुर अजहुँ पूर पिय देहु।

dui suta mare daheu pura ajahu~ pūra piya dehu।

कृपासिंधु रघुनाथ भजि नाथ बिमल जसु लेहु।।37।।

kṛpāsiṃdhu raghunātha bhaji nātha bimala jasu lehu॥37॥

नारि बचन सुनि बिसिख समाना। सभाँ गयउ उठि होत बिहाना।।

nāri bacana suni bisikha samānā। sabhā~ gayau uṭhi hota bihānā॥

बैठ जाइ सिंघासन फूली। अति अभिमान त्रास सब भूली।।

baiṭha jāi siṃghāsana phūlī। ati abhimāna trāsa saba bhūlī॥

इहाँ राम अंगदहि बोलावा। आइ चरन पंकज सिरु नावा।।

ihā~ rāma aṃgadahi bolāvā। āi carana paṃkaja siru nāvā॥

अति आदर सपीप बैठारी। बोले बिहँसि कृपाल खरारी।।

ati ādara sapīpa baiṭhārī। bole biha~si kṛpāla kharārī॥

बालितनय कौतुक अति मोही। तात सत्य कहु पूछउँ तोही।।।

bālitanaya kautuka ati mohī। tāta satya kahu pūchau~ tohī॥।

रावनु जातुधान कुल टीका। भुज बल अतुल जासु जग लीका।।

rāvanu jātudhāna kula ṭīkā। bhuja bala atula jāsu jaga līkā॥

तासु मुकुट तुम्ह चारि चलाए। कहहु तात कवनी बिधि पाए।।

tāsu mukuṭa tumha cāri calāe। kahahu tāta kavanī bidhi pāe॥

सुनु सर्बग्य प्रनत सुखकारी। मुकुट न होहिं भूप गुन चारी।।

sunu sarbagya pranata sukhakārī। mukuṭa na hohiṃ bhūpa guna cārī॥

साम दान अरु दंड बिभेदा। नृप उर बसहिं नाथ कह बेदा।।

sāma dāna aru daṃḍa bibhedā। nṛpa ura basahiṃ nātha kaha bedā॥

नीति धर्म के चरन सुहाए। अस जियँ जानि नाथ पहिं आए।।

nīti dharma ke carana suhāe। asa jiya~ jāni nātha pahiṃ āe॥

धर्महीन प्रभु पद बिमुख काल बिबस दससीस।

dharmahīna prabhu pada bimukha kāla bibasa dasasīsa।

तेहि परिहरि गुन आए सुनहु कोसलाधीस।।38(((क)।।

tehi parihari guna āe sunahu kosalādhīsa॥38(((ka)॥

परम चतुरता श्रवन सुनि बिहँसे रामु उदार।

parama caturatā śravana suni biha~se rāmu udāra।

समाचार पुनि सब कहे गढ़ के बालिकुमार।।38(ख)।।

samācāra puni saba kahe gar̤ha ke bālikumāra॥38(kha)॥

रिपु के समाचार जब पाए। राम सचिव सब निकट बोलाए।।

ripu ke samācāra jaba pāe। rāma saciva saba nikaṭa bolāe॥

लंका बाँके चारि दुआरा। केहि बिधि लागिअ करहु बिचारा।।

laṃkā bā~ke cāri duārā। kehi bidhi lāgia karahu bicārā॥

तब कपीस रिच्छेस बिभीषन। सुमिरि हृदयँ दिनकर कुल भूषन।।

taba kapīsa ricchesa bibhīṣana। sumiri hṛdaya~ dinakara kula bhūṣana॥

करि बिचार तिन्ह मंत्र दृढ़ावा। चारि अनी कपि कटकु बनावा।।

kari bicāra tinha maṃtra dṛr̤hāvā। cāri anī kapi kaṭaku banāvā॥

जथाजोग सेनापति कीन्हे। जूथप सकल बोलि तब लीन्हे।।

jathājoga senāpati kīnhe। jūthapa sakala boli taba līnhe॥

प्रभु प्रताप कहि सब समुझाए। सुनि कपि सिंघनाद करि धाए।।

prabhu pratāpa kahi saba samujhāe। suni kapi siṃghanāda kari dhāe॥

हरषित राम चरन सिर नावहिं। गहि गिरि सिखर बीर सब धावहिं।।

haraṣita rāma carana sira nāvahiṃ। gahi giri sikhara bīra saba dhāvahiṃ॥

गर्जहिं तर्जहिं भालु कपीसा। जय रघुबीर कोसलाधीसा।।

garjahiṃ tarjahiṃ bhālu kapīsā। jaya raghubīra kosalādhīsā॥

जानत परम दुर्ग अति लंका। प्रभु प्रताप कपि चले असंका।।

jānata parama durga ati laṃkā। prabhu pratāpa kapi cale asaṃkā॥

घटाटोप करि चहुँ दिसि घेरी। मुखहिं निसान बजावहीं भेरी।।

ghaṭāṭopa kari cahu~ disi gherī। mukhahiṃ nisāna bajāvahīṃ bherī॥

जयति राम जय लछिमन जय कपीस सुग्रीव।

jayati rāma jaya lachimana jaya kapīsa sugrīva।

गर्जहिं सिंघनाद कपि भालु महा बल सींव।।39।।

garjahiṃ siṃghanāda kapi bhālu mahā bala sīṃva॥39॥

लंकाँ भयउ कोलाहल भारी। सुना दसानन अति अहँकारी।।

laṃkā~ bhayau kolāhala bhārī। sunā dasānana ati aha~kārī॥

देखहु बनरन्ह केरि ढिठाई। बिहँसि निसाचर सेन बोलाई।।

dekhahu banaranha keri ḍhiṭhāī। biha~si nisācara sena bolāī॥

आए कीस काल के प्रेरे। छुधावंत सब निसिचर मेरे।।

āe kīsa kāla ke prere। chudhāvaṃta saba nisicara mere॥

अस कहि अट्टहास सठ कीन्हा। गृह बैठे अहार बिधि दीन्हा।।

asa kahi aṭṭahāsa saṭha kīnhā। gṛha baiṭhe ahāra bidhi dīnhā॥

सुभट सकल चारिहुँ दिसि जाहू। धरि धरि भालु कीस सब खाहू।।

subhaṭa sakala cārihu~ disi jāhū। dhari dhari bhālu kīsa saba khāhū॥

उमा रावनहि अस अभिमाना। जिमि टिट्टिभ खग सूत उताना।।

umā rāvanahi asa abhimānā। jimi ṭiṭṭibha khaga sūta utānā॥

चले निसाचर आयसु मागी। गहि कर भिंडिपाल बर साँगी।।

cale nisācara āyasu māgī। gahi kara bhiṃḍipāla bara sā~gī॥

तोमर मुग्दर परसु प्रचंडा। सुल कृपान परिघ गिरिखंडा।।

tomara mugdara parasu pracaṃḍā। sula kṛpāna parigha girikhaṃḍā॥

जिमि अरुनोपल निकर निहारी। धावहिं सठ खग मांस अहारी।।

jimi arunopala nikara nihārī। dhāvahiṃ saṭha khaga māṃsa ahārī॥

चोंच भंग दुख तिन्हहि न सूझा। तिमि धाए मनुजाद अबूझा।।

coṃca bhaṃga dukha tinhahi na sūjhā। timi dhāe manujāda abūjhā॥

नानायुध सर चाप धर जातुधान बल बीर।

nānāyudha sara cāpa dhara jātudhāna bala bīra।

कोट कँगूरन्हि चढ़ि गए कोटि कोटि रनधीर।।40।।

koṭa ka~gūranhi car̤hi gae koṭi koṭi ranadhīra॥40॥

कोट कँगूरन्हि सोहहिं कैसे। मेरु के सृंगनि जनु घन बैसे।।

koṭa ka~gūranhi sohahiṃ kaise। meru ke sṛṃgani janu ghana baise॥

बाजहिं ढोल निसान जुझाऊ। सुनि धुनि होइ भटन्हि मन चाऊ।।

bājahiṃ ḍhola nisāna jujhāū। suni dhuni hoi bhaṭanhi mana cāū॥

बाजहिं भेरि नफीरि अपारा। सुनि कादर उर जाहिं दरारा।।

bājahiṃ bheri naphīri apārā। suni kādara ura jāhiṃ darārā॥

देखिन्ह जाइ कपिन्ह के ठट्टा। अति बिसाल तनु भालु सुभट्टा।।

dekhinha jāi kapinha ke ṭhaṭṭā। ati bisāla tanu bhālu subhaṭṭā॥

धावहिं गनहिं न अवघट घाटा। पर्बत फोरि करहिं गहि बाटा।।

dhāvahiṃ ganahiṃ na avaghaṭa ghāṭā। parbata phori karahiṃ gahi bāṭā॥

कटकटाहिं कोटिन्ह भट गर्जहिं। दसन ओठ काटहिं अति तर्जहिं।।

kaṭakaṭāhiṃ koṭinha bhaṭa garjahiṃ। dasana oṭha kāṭahiṃ ati tarjahiṃ॥

उत रावन इत राम दोहाई। जयति जयति जय परी लराई।।

uta rāvana ita rāma dohāī। jayati jayati jaya parī larāī॥

निसिचर सिखर समूह ढहावहिं। कूदि धरहिं कपि फेरि चलावहिं।।

nisicara sikhara samūha ḍhahāvahiṃ। kūdi dharahiṃ kapi pheri calāvahiṃ॥

धरि कुधर खंड प्रचंड कर्कट भालु गढ़ पर डारहीं।

dhari kudhara khaṃḍa pracaṃḍa karkaṭa bhālu gar̤ha para ḍārahīṃ।

झपटहिं चरन गहि पटकि महि भजि चलत बहुरि पचारहीं।।

jhapaṭahiṃ carana gahi paṭaki mahi bhaji calata bahuri pacārahīṃ॥

अति तरल तरुन प्रताप तरपहिं तमकि गढ़ चढ़ि चढ़ि गए।

ati tarala taruna pratāpa tarapahiṃ tamaki gar̤ha car̤hi car̤hi gae।

कपि भालु चढ़ि मंदिरन्ह जहँ तहँ राम जसु गावत भए।।

kapi bhālu car̤hi maṃdiranha jaha~ taha~ rāma jasu gāvata bhae॥

एकु एकु निसिचर गहि पुनि कपि चले पराइ।

eku eku nisicara gahi puni kapi cale parāi।

ऊपर आपु हेठ भट गिरहिं धरनि पर आइ।।41।।

ūpara āpu heṭha bhaṭa girahiṃ dharani para āi॥41॥

राम प्रताप प्रबल कपिजूथा। मर्दहिं निसिचर सुभट बरूथा।।

rāma pratāpa prabala kapijūthā। mardahiṃ nisicara subhaṭa barūthā॥

चढ़े दुर्ग पुनि जहँ तहँ बानर। जय रघुबीर प्रताप दिवाकर।।

car̤he durga puni jaha~ taha~ bānara। jaya raghubīra pratāpa divākara॥

चले निसाचर निकर पराई। प्रबल पवन जिमि घन समुदाई।।

cale nisācara nikara parāī। prabala pavana jimi ghana samudāī॥

हाहाकार भयउ पुर भारी। रोवहिं बालक आतुर नारी।।

hāhākāra bhayau pura bhārī। rovahiṃ bālaka ātura nārī॥

सब मिलि देहिं रावनहि गारी। राज करत एहिं मृत्यु हँकारी।।

saba mili dehiṃ rāvanahi gārī। rāja karata ehiṃ mṛtyu ha~kārī॥

निज दल बिचल सुनी तेहिं काना। फेरि सुभट लंकेस रिसाना।।

nija dala bicala sunī tehiṃ kānā। pheri subhaṭa laṃkesa risānā॥

जो रन बिमुख सुना मैं काना। सो मैं हतब कराल कृपाना।।

jo rana bimukha sunā maiṃ kānā। so maiṃ hataba karāla kṛpānā॥

सर्बसु खाइ भोग करि नाना। समर भूमि भए बल्लभ प्राना।।

sarbasu khāi bhoga kari nānā। samara bhūmi bhae ballabha prānā॥

उग्र बचन सुनि सकल डेराने। चले क्रोध करि सुभट लजाने।।

ugra bacana suni sakala ḍerāne। cale krodha kari subhaṭa lajāne॥

सन्मुख मरन बीर कै सोभा। तब तिन्ह तजा प्रान कर लोभा।।

sanmukha marana bīra kai sobhā। taba tinha tajā prāna kara lobhā॥

बहु आयुध धर सुभट सब भिरहिं पचारि पचारि।

bahu āyudha dhara subhaṭa saba bhirahiṃ pacāri pacāri।

ब्याकुल किए भालु कपि परिघ त्रिसूलन्हि मारी।।42।।

byākula kie bhālu kapi parigha trisūlanhi mārī॥42॥

भय आतुर कपि भागन लागे। जद्यपि उमा जीतिहहिं आगे।।

bhaya ātura kapi bhāgana lāge। jadyapi umā jītihahiṃ āge॥

कोउ कह कहँ अंगद हनुमंता। कहँ नल नील दुबिद बलवंता।।

kou kaha kaha~ aṃgada hanumaṃtā। kaha~ nala nīla dubida balavaṃtā॥

निज दल बिकल सुना हनुमाना। पच्छिम द्वार रहा बलवाना।।

nija dala bikala sunā hanumānā। pacchima dvāra rahā balavānā॥

मेघनाद तहँ करइ लराई। टूट न द्वार परम कठिनाई।।

meghanāda taha~ karai larāī। ṭūṭa na dvāra parama kaṭhināī॥

पवनतनय मन भा अति क्रोधा। गर्जेउ प्रबल काल सम जोधा।।

pavanatanaya mana bhā ati krodhā। garjeu prabala kāla sama jodhā॥

कूदि लंक गढ़ ऊपर आवा। गहि गिरि मेघनाद कहुँ धावा।।

kūdi laṃka gar̤ha ūpara āvā। gahi giri meghanāda kahu~ dhāvā॥

भंजेउ रथ सारथी निपाता। ताहि हृदय महुँ मारेसि लाता।।

bhaṃjeu ratha sārathī nipātā। tāhi hṛdaya mahu~ māresi lātā॥

दुसरें सूत बिकल तेहि जाना। स्यंदन घालि तुरत गृह आना।।

dusareṃ sūta bikala tehi jānā। syaṃdana ghāli turata gṛha ānā॥

अंगद सुना पवनसुत गढ़ पर गयउ अकेल।

aṃgada sunā pavanasuta gar̤ha para gayau akela।

रन बाँकुरा बालिसुत तरकि चढ़ेउ कपि खेल।।43।।

rana bā~kurā bālisuta taraki car̤heu kapi khela॥43॥

जुद्ध बिरुद्ध क्रुद्ध द्वौ बंदर। राम प्रताप सुमिरि उर अंतर।।

juddha biruddha kruddha dvau baṃdara। rāma pratāpa sumiri ura aṃtara॥

रावन भवन चढ़े द्वौ धाई। करहि कोसलाधीस दोहाई।।

rāvana bhavana car̤he dvau dhāī। karahi kosalādhīsa dohāī॥

कलस सहित गहि भवनु ढहावा। देखि निसाचरपति भय पावा।।

kalasa sahita gahi bhavanu ḍhahāvā। dekhi nisācarapati bhaya pāvā॥

नारि बृंद कर पीटहिं छाती। अब दुइ कपि आए उतपाती।।

nāri bṛṃda kara pīṭahiṃ chātī। aba dui kapi āe utapātī॥

कपिलीला करि तिन्हहि डेरावहिं। रामचंद्र कर सुजसु सुनावहिं।।

kapilīlā kari tinhahi ḍerāvahiṃ। rāmacaṃdra kara sujasu sunāvahiṃ॥

पुनि कर गहि कंचन के खंभा। कहेन्हि करिअ उतपात अरंभा।।

puni kara gahi kaṃcana ke khaṃbhā। kahenhi karia utapāta araṃbhā॥

गर्जि परे रिपु कटक मझारी। लागे मर्दै भुज बल भारी।।

garji pare ripu kaṭaka majhārī। lāge mardai bhuja bala bhārī॥

काहुहि लात चपेटन्हि केहू। भजहु न रामहि सो फल लेहू।।

kāhuhi lāta capeṭanhi kehū। bhajahu na rāmahi so phala lehū॥

एक एक सों मर्दहिं तोरि चलावहिं मुंड।

eka eka soṃ mardahiṃ tori calāvahiṃ muṃḍa।

रावन आगें परहिं ते जनु फूटहिं दधि कुंड।।44।।

rāvana āgeṃ parahiṃ te janu phūṭahiṃ dadhi kuṃḍa॥44॥

महा महा मुखिआ जे पावहिं। ते पद गहि प्रभु पास चलावहिं।।

mahā mahā mukhiā je pāvahiṃ। te pada gahi prabhu pāsa calāvahiṃ॥

कहइ बिभीषनु तिन्ह के नामा। देहिं राम तिन्हहू निज धामा।।

kahai bibhīṣanu tinha ke nāmā। dehiṃ rāma tinhahū nija dhāmā॥

खल मनुजाद द्विजामिष भोगी। पावहिं गति जो जाचत जोगी।।

khala manujāda dvijāmiṣa bhogī। pāvahiṃ gati jo jācata jogī॥

उमा राम मृदुचित करुनाकर। बयर भाव सुमिरत मोहि निसिचर।।

umā rāma mṛducita karunākara। bayara bhāva sumirata mohi nisicara॥

देहिं परम गति सो जियँ जानी। अस कृपाल को कहहु भवानी।।

dehiṃ parama gati so jiya~ jānī। asa kṛpāla ko kahahu bhavānī॥

अस प्रभु सुनि न भजहिं भ्रम त्यागी। नर मतिमंद ते परम अभागी।।

asa prabhu suni na bhajahiṃ bhrama tyāgī। nara matimaṃda te parama abhāgī॥

अंगद अरु हनुमंत प्रबेसा। कीन्ह दुर्ग अस कह अवधेसा।।

aṃgada aru hanumaṃta prabesā। kīnha durga asa kaha avadhesā॥

लंकाँ द्वौ कपि सोहहिं कैसें। मथहि सिंधु दुइ मंदर जैसें।।

laṃkā~ dvau kapi sohahiṃ kaiseṃ। mathahi siṃdhu dui maṃdara jaiseṃ॥

भुज बल रिपु दल दलमलि देखि दिवस कर अंत।

bhuja bala ripu dala dalamali dekhi divasa kara aṃta।

कूदे जुगल बिगत श्रम आए जहँ भगवंत।।45।।

kūde jugala bigata śrama āe jaha~ bhagavaṃta॥45॥

प्रभु पद कमल सीस तिन्ह नाए। देखि सुभट रघुपति मन भाए।।

prabhu pada kamala sīsa tinha nāe। dekhi subhaṭa raghupati mana bhāe॥

राम कृपा करि जुगल निहारे। भए बिगतश्रम परम सुखारे।।

rāma kṛpā kari jugala nihāre। bhae bigataśrama parama sukhāre॥

गए जानि अंगद हनुमाना। फिरे भालु मर्कट भट नाना।।

gae jāni aṃgada hanumānā। phire bhālu markaṭa bhaṭa nānā॥

जातुधान प्रदोष बल पाई। धाए करि दससीस दोहाई।।

jātudhāna pradoṣa bala pāī। dhāe kari dasasīsa dohāī॥

निसिचर अनी देखि कपि फिरे। जहँ तहँ कटकटाइ भट भिरे।।

nisicara anī dekhi kapi phire। jaha~ taha~ kaṭakaṭāi bhaṭa bhire॥

द्वौ दल प्रबल पचारि पचारी। लरत सुभट नहिं मानहिं हारी।।

dvau dala prabala pacāri pacārī। larata subhaṭa nahiṃ mānahiṃ hārī॥

महाबीर निसिचर सब कारे। नाना बरन बलीमुख भारे।।

mahābīra nisicara saba kāre। nānā barana balīmukha bhāre॥

सबल जुगल दल समबल जोधा। कौतुक करत लरत करि क्रोधा।।

sabala jugala dala samabala jodhā। kautuka karata larata kari krodhā॥

प्राबिट सरद पयोद घनेरे। लरत मनहुँ मारुत के प्रेरे।।

prābiṭa sarada payoda ghanere। larata manahu~ māruta ke prere॥

अनिप अकंपन अरु अतिकाया। बिचलत सेन कीन्हि इन्ह माया।।

anipa akaṃpana aru atikāyā। bicalata sena kīnhi inha māyā॥

भयउ निमिष महँ अति अँधियारा। बृष्टि होइ रुधिरोपल छारा।।

bhayau nimiṣa maha~ ati a~dhiyārā। bṛṣṭi hoi rudhiropala chārā॥

देखि निबिड़ तम दसहुँ दिसि कपिदल भयउ खभार।

dekhi nibir̤a tama dasahu~ disi kapidala bhayau khabhāra।

एकहि एक न देखई जहँ तहँ करहिं पुकार।।46।।

ekahi eka na dekhaī jaha~ taha~ karahiṃ pukāra॥46॥

सकल मरमु रघुनायक जाना। लिए बोलि अंगद हनुमाना।।

sakala maramu raghunāyaka jānā। lie boli aṃgada hanumānā॥

समाचार सब कहि समुझाए। सुनत कोपि कपिकुंजर धाए।।

samācāra saba kahi samujhāe। sunata kopi kapikuṃjara dhāe॥

पुनि कृपाल हँसि चाप चढ़ावा। पावक सायक सपदि चलावा।।

puni kṛpāla ha~si cāpa car̤hāvā। pāvaka sāyaka sapadi calāvā॥

भयउ प्रकास कतहुँ तम नाहीं। ग्यान उदयँ जिमि संसय जाहीं।।

bhayau prakāsa katahu~ tama nāhīṃ। gyāna udaya~ jimi saṃsaya jāhīṃ॥

भालु बलीमुख पाइ प्रकासा। धाए हरष बिगत श्रम त्रासा।।

bhālu balīmukha pāi prakāsā। dhāe haraṣa bigata śrama trāsā॥

हनूमान अंगद रन गाजे। हाँक सुनत रजनीचर भाजे।।

hanūmāna aṃgada rana gāje। hā~ka sunata rajanīcara bhāje॥

भागत पट पटकहिं धरि धरनी। करहिं भालु कपि अद्भुत करनी।।

bhāgata paṭa paṭakahiṃ dhari dharanī। karahiṃ bhālu kapi adbhuta karanī॥

गहि पद डारहिं सागर माहीं। मकर उरग झष धरि धरि खाहीं।।

gahi pada ḍārahiṃ sāgara māhīṃ। makara uraga jhaṣa dhari dhari khāhīṃ॥

कछु मारे कछु घायल कछु गढ़ चढ़े पराइ।

kachu māre kachu ghāyala kachu gar̤ha car̤he parāi।

गर्जहिं भालु बलीमुख रिपु दल बल बिचलाइ।।47।।

garjahiṃ bhālu balīmukha ripu dala bala bicalāi॥47॥

निसा जानि कपि चारिउ अनी। आए जहाँ कोसला धनी।।

nisā jāni kapi cāriu anī। āe jahā~ kosalā dhanī॥

राम कृपा करि चितवा सबही। भए बिगतश्रम बानर तबही।।

rāma kṛpā kari citavā sabahī। bhae bigataśrama bānara tabahī॥

उहाँ दसानन सचिव हँकारे। सब सन कहेसि सुभट जे मारे।।

uhā~ dasānana saciva ha~kāre। saba sana kahesi subhaṭa je māre॥

आधा कटकु कपिन्ह संघारा। कहहु बेगि का करिअ बिचारा।।

ādhā kaṭaku kapinha saṃghārā। kahahu begi kā karia bicārā॥

माल्यवंत अति जरठ निसाचर। रावन मातु पिता मंत्री बर।।

mālyavaṃta ati jaraṭha nisācara। rāvana mātu pitā maṃtrī bara॥

बोला बचन नीति अति पावन। सुनहु तात कछु मोर सिखावन।।

bolā bacana nīti ati pāvana। sunahu tāta kachu mora sikhāvana॥

जब ते तुम्ह सीता हरि आनी। असगुन होहिं न जाहिं बखानी।।

jaba te tumha sītā hari ānī। asaguna hohiṃ na jāhiṃ bakhānī॥

बेद पुरान जासु जसु गायो। राम बिमुख काहुँ न सुख पायो।।

beda purāna jāsu jasu gāyo। rāma bimukha kāhu~ na sukha pāyo॥

हिरन्याच्छ भ्राता सहित मधु कैटभ बलवान।

hiranyāccha bhrātā sahita madhu kaiṭabha balavāna।

जेहि मारे सोइ अवतरेउ कृपासिंधु भगवान।।48(क)।।

jehi māre soi avatareu kṛpāsiṃdhu bhagavāna॥48(ka)॥

कालरूप खल बन दहन गुनागार घनबोध।

kālarūpa khala bana dahana gunāgāra ghanabodha।

सिव बिरंचि जेहि सेवहिं तासों कवन बिरोध।।48(ख)।।

siva biraṃci jehi sevahiṃ tāsoṃ kavana birodha॥48(kha)॥

परिहरि बयरु देहु बैदेही। भजहु कृपानिधि परम सनेही।।

parihari bayaru dehu baidehī। bhajahu kṛpānidhi parama sanehī॥

ताके बचन बान सम लागे। करिआ मुह करि जाहि अभागे।।

tāke bacana bāna sama lāge। kariā muha kari jāhi abhāge॥

बूढ़ भएसि न त मरतेउँ तोही। अब जनि नयन देखावसि मोही।।

būr̤ha bhaesi na ta marateu~ tohī। aba jani nayana dekhāvasi mohī॥

तेहि अपने मन अस अनुमाना। बध्यो चहत एहि कृपानिधाना।।

tehi apane mana asa anumānā। badhyo cahata ehi kṛpānidhānā॥

सो उठि गयउ कहत दुर्बादा। तब सकोप बोलेउ घननादा।।

so uṭhi gayau kahata durbādā। taba sakopa boleu ghananādā॥

कौतुक प्रात देखिअहु मोरा। करिहउँ बहुत कहौं का थोरा।।

kautuka prāta dekhiahu morā। karihau~ bahuta kahauṃ kā thorā॥

सुनि सुत बचन भरोसा आवा। प्रीति समेत अंक बैठावा।।

suni suta bacana bharosā āvā। prīti sameta aṃka baiṭhāvā॥

करत बिचार भयउ भिनुसारा। लागे कपि पुनि चहूँ दुआरा।।

karata bicāra bhayau bhinusārā। lāge kapi puni cahū~ duārā॥

कोपि कपिन्ह दुर्घट गढ़ु घेरा। नगर कोलाहलु भयउ घनेरा।।

kopi kapinha durghaṭa gar̤hu gherā। nagara kolāhalu bhayau ghanerā॥

बिबिधायुध धर निसिचर धाए। गढ़ ते पर्बत सिखर ढहाए।।

bibidhāyudha dhara nisicara dhāe। gar̤ha te parbata sikhara ḍhahāe॥

ढाहे महीधर सिखर कोटिन्ह बिबिध बिधि गोला चले।

ḍhāhe mahīdhara sikhara koṭinha bibidha bidhi golā cale।

घहरात जिमि पबिपात गर्जत जनु प्रलय के बादले।।

ghaharāta jimi pabipāta garjata janu pralaya ke bādale॥

मर्कट बिकट भट जुटत कटत न लटत तन जर्जर भए।

markaṭa bikaṭa bhaṭa juṭata kaṭata na laṭata tana jarjara bhae।

गहि सैल तेहि गढ़ पर चलावहिं जहँ सो तहँ निसिचर हए।।

gahi saila tehi gar̤ha para calāvahiṃ jaha~ so taha~ nisicara hae॥

मेघनाद सुनि श्रवन अस गढ़ु पुनि छेंका आइ।

meghanāda suni śravana asa gar̤hu puni cheṃkā āi।

उतर्यो बीर दुर्ग तें सन्मुख चल्यो बजाइ।।49।।

utaryo bīra durga teṃ sanmukha calyo bajāi॥49॥

कहँ कोसलाधीस द्वौ भ्राता। धन्वी सकल लोक बिख्याता।।

kaha~ kosalādhīsa dvau bhrātā। dhanvī sakala loka bikhyātā॥

कहँ नल नील दुबिद सुग्रीवा। अंगद हनूमंत बल सींवा।।

kaha~ nala nīla dubida sugrīvā। aṃgada hanūmaṃta bala sīṃvā॥

कहाँ बिभीषनु भ्राताद्रोही। आजु सबहि हठि मारउँ ओही।।

kahā~ bibhīṣanu bhrātādrohī। āju sabahi haṭhi mārau~ ohī॥

अस कहि कठिन बान संधाने। अतिसय क्रोध श्रवन लगि ताने।।

asa kahi kaṭhina bāna saṃdhāne। atisaya krodha śravana lagi tāne॥

सर समुह सो छाड़ै लागा। जनु सपच्छ धावहिं बहु नागा।।

sara samuha so chār̤ai lāgā। janu sapaccha dhāvahiṃ bahu nāgā॥

जहँ तहँ परत देखिअहिं बानर। सन्मुख होइ न सके तेहि अवसर।।

jaha~ taha~ parata dekhiahiṃ bānara। sanmukha hoi na sake tehi avasara॥

जहँ तहँ भागि चले कपि रीछा। बिसरी सबहि जुद्ध कै ईछा।।

jaha~ taha~ bhāgi cale kapi rīchā। bisarī sabahi juddha kai īchā॥

सो कपि भालु न रन महँ देखा। कीन्हेसि जेहि न प्रान अवसेषा।।

so kapi bhālu na rana maha~ dekhā। kīnhesi jehi na prāna avaseṣā॥

दस दस सर सब मारेसि परे भूमि कपि बीर।

dasa dasa sara saba māresi pare bhūmi kapi bīra।

सिंहनाद करि गर्जा मेघनाद बल धीर।।50।।

siṃhanāda kari garjā meghanāda bala dhīra॥50॥

देखि पवनसुत कटक बिहाला। क्रोधवंत जनु धायउ काला।।

dekhi pavanasuta kaṭaka bihālā। krodhavaṃta janu dhāyau kālā॥

महासैल एक तुरत उपारा। अति रिस मेघनाद पर डारा।।

mahāsaila eka turata upārā। ati risa meghanāda para ḍārā॥

आवत देखि गयउ नभ सोई। रथ सारथी तुरग सब खोई।।

āvata dekhi gayau nabha soī। ratha sārathī turaga saba khoī॥

बार बार पचार हनुमाना। निकट न आव मरमु सो जाना।।

bāra bāra pacāra hanumānā। nikaṭa na āva maramu so jānā॥

रघुपति निकट गयउ घननादा। नाना भाँति करेसि दुर्बादा।।

raghupati nikaṭa gayau ghananādā। nānā bhā~ti karesi durbādā॥

अस्त्र सस्त्र आयुध सब डारे। कौतुकहीं प्रभु काटि निवारे।।

astra sastra āyudha saba ḍāre। kautukahīṃ prabhu kāṭi nivāre॥

देखि प्रताप मूढ़ खिसिआना। करै लाग माया बिधि नाना।।

dekhi pratāpa mūr̤ha khisiānā। karai lāga māyā bidhi nānā॥

जिमि कोउ करै गरुड़ सैं खेला। डरपावै गहि स्वल्प सपेला।।

jimi kou karai garur̤a saiṃ khelā। ḍarapāvai gahi svalpa sapelā॥

जासु प्रबल माया बल सिव बिरंचि बड़ छोट।

jāsu prabala māyā bala siva biraṃci bar̤a choṭa।

ताहि दिखावइ निसिचर निज माया मति खोट।।51।।

tāhi dikhāvai nisicara nija māyā mati khoṭa॥51॥

नभ चढ़ि बरष बिपुल अंगारा। महि ते प्रगट होहिं जलधारा।।

nabha car̤hi baraṣa bipula aṃgārā। mahi te pragaṭa hohiṃ jaladhārā॥

नाना भाँति पिसाच पिसाची। मारु काटु धुनि बोलहिं नाची।।

nānā bhā~ti pisāca pisācī। māru kāṭu dhuni bolahiṃ nācī॥

बिष्टा पूय रुधिर कच हाड़ा। बरषइ कबहुँ उपल बहु छाड़ा।।

biṣṭā pūya rudhira kaca hār̤ā। baraṣai kabahu~ upala bahu chār̤ā॥

बरषि धूरि कीन्हेसि अँधिआरा। सूझ न आपन हाथ पसारा।।

baraṣi dhūri kīnhesi a~dhiārā। sūjha na āpana hātha pasārā॥

कपि अकुलाने माया देखें। सब कर मरन बना एहि लेखें।।

kapi akulāne māyā dekheṃ। saba kara marana banā ehi lekheṃ॥

कौतुक देखि राम मुसुकाने। भए सभीत सकल कपि जाने।।

kautuka dekhi rāma musukāne। bhae sabhīta sakala kapi jāne॥

एक बान काटी सब माया। जिमि दिनकर हर तिमिर निकाया।।

eka bāna kāṭī saba māyā। jimi dinakara hara timira nikāyā॥

कृपादृष्टि कपि भालु बिलोके। भए प्रबल रन रहहिं न रोके।।

kṛpādṛṣṭi kapi bhālu biloke। bhae prabala rana rahahiṃ na roke॥

आयसु मागि राम पहिं अंगदादि कपि साथ।

āyasu māgi rāma pahiṃ aṃgadādi kapi sātha।

लछिमन चले क्रुद्ध होइ बान सरासन हाथ।।52।।

lachimana cale kruddha hoi bāna sarāsana hātha॥52॥

छतज नयन उर बाहु बिसाला। हिमगिरि निभ तनु कछु एक लाला।।

chataja nayana ura bāhu bisālā। himagiri nibha tanu kachu eka lālā॥

इहाँ दसानन सुभट पठाए। नाना अस्त्र सस्त्र गहि धाए।।

ihā~ dasānana subhaṭa paṭhāe। nānā astra sastra gahi dhāe॥

भूधर नख बिटपायुध धारी। धाए कपि जय राम पुकारी।।

bhūdhara nakha biṭapāyudha dhārī। dhāe kapi jaya rāma pukārī॥

भिरे सकल जोरिहि सन जोरी। इत उत जय इच्छा नहिं थोरी।।

bhire sakala jorihi sana jorī। ita uta jaya icchā nahiṃ thorī॥

मुठिकन्ह लातन्ह दातन्ह काटहिं। कपि जयसील मारि पुनि डाटहिं।।

muṭhikanha lātanha dātanha kāṭahiṃ। kapi jayasīla māri puni ḍāṭahiṃ॥

मारु मारु धरु धरु धरु मारू। सीस तोरि गहि भुजा उपारू।।

māru māru dharu dharu dharu mārū। sīsa tori gahi bhujā upārū॥

असि रव पूरि रही नव खंडा। धावहिं जहँ तहँ रुंड प्रचंडा।।

asi rava pūri rahī nava khaṃḍā। dhāvahiṃ jaha~ taha~ ruṃḍa pracaṃḍā॥

देखहिं कौतुक नभ सुर बृंदा। कबहुँक बिसमय कबहुँ अनंदा।।

dekhahiṃ kautuka nabha sura bṛṃdā। kabahu~ka bisamaya kabahu~ anaṃdā॥

रुधिर गाड़ भरि भरि जम्यो ऊपर धूरि उड़ाइ।

rudhira gār̤a bhari bhari jamyo ūpara dhūri ur̤āi।

जनु अँगार रासिन्ह पर मृतक धूम रह्यो छाइ।।53।।

janu a~gāra rāsinha para mṛtaka dhūma rahyo chāi॥53॥

घायल बीर बिराजहिं कैसे। कुसुमित किंसुक के तरु जैसे।।

ghāyala bīra birājahiṃ kaise। kusumita kiṃsuka ke taru jaise॥

लछिमन मेघनाद द्वौ जोधा। भिरहिं परसपर करि अति क्रोधा।।

lachimana meghanāda dvau jodhā। bhirahiṃ parasapara kari ati krodhā॥

एकहि एक सकइ नहिं जीती। निसिचर छल बल करइ अनीती।।

ekahi eka sakai nahiṃ jītī। nisicara chala bala karai anītī॥

क्रोधवंत तब भयउ अनंता। भंजेउ रथ सारथी तुरंता।।

krodhavaṃta taba bhayau anaṃtā। bhaṃjeu ratha sārathī turaṃtā॥

नाना बिधि प्रहार कर सेषा। राच्छस भयउ प्रान अवसेषा।।

nānā bidhi prahāra kara seṣā। rācchasa bhayau prāna avaseṣā॥

रावन सुत निज मन अनुमाना। संकठ भयउ हरिहि मम प्राना।।

rāvana suta nija mana anumānā। saṃkaṭha bhayau harihi mama prānā॥

बीरघातिनी छाड़िसि साँगी। तेज पुंज लछिमन उर लागी।।

bīraghātinī chār̤isi sā~gī। teja puṃja lachimana ura lāgī॥

मुरुछा भई सक्ति के लागें। तब चलि गयउ निकट भय त्यागें।।

muruchā bhaī sakti ke lāgeṃ। taba cali gayau nikaṭa bhaya tyāgeṃ॥

मेघनाद सम कोटि सत जोधा रहे उठाइ।

meghanāda sama koṭi sata jodhā rahe uṭhāi।

जगदाधार सेष किमि उठै चले खिसिआइ।।54।।

jagadādhāra seṣa kimi uṭhai cale khisiāi॥54॥

सुनु गिरिजा क्रोधानल जासू। जारइ भुवन चारिदस आसू।।

sunu girijā krodhānala jāsū। jārai bhuvana cāridasa āsū॥

सक संग्राम जीति को ताही। सेवहिं सुर नर अग जग जाही।।

saka saṃgrāma jīti ko tāhī। sevahiṃ sura nara aga jaga jāhī॥

यह कौतूहल जानइ सोई। जा पर कृपा राम कै होई।।

yaha kautūhala jānai soī। jā para kṛpā rāma kai hoī॥

संध्या भइ फिरि द्वौ बाहनी। लगे सँभारन निज निज अनी।।

saṃdhyā bhai phiri dvau bāhanī। lage sa~bhārana nija nija anī॥

ब्यापक ब्रह्म अजित भुवनेस्वर। लछिमन कहाँ बूझ करुनाकर।।

byāpaka brahma ajita bhuvanesvara। lachimana kahā~ būjha karunākara॥

तब लगि लै आयउ हनुमाना। अनुज देखि प्रभु अति दुख माना।।

taba lagi lai āyau hanumānā। anuja dekhi prabhu ati dukha mānā॥

जामवंत कह बैद सुषेना। लंकाँ रहइ को पठई लेना।।

jāmavaṃta kaha baida suṣenā। laṃkā~ rahai ko paṭhaī lenā॥

धरि लघु रूप गयउ हनुमंता। आनेउ भवन समेत तुरंता।।

dhari laghu rūpa gayau hanumaṃtā। āneu bhavana sameta turaṃtā॥

राम पदारबिंद सिर नायउ आइ सुषेन।

rāma padārabiṃda sira nāyau āi suṣena।

कहा नाम गिरि औषधी जाहु पवनसुत लेन।।55।।

kahā nāma giri auṣadhī jāhu pavanasuta lena॥55॥

राम चरन सरसिज उर राखी। चला प्रभंजन सुत बल भाषी।।

rāma carana sarasija ura rākhī। calā prabhaṃjana suta bala bhāṣī॥

उहाँ दूत एक मरमु जनावा। रावन कालनेमि गृह आवा।।

uhā~ dūta eka maramu janāvā। rāvana kālanemi gṛha āvā॥

दसमुख कहा मरमु तेहिं सुना। पुनि पुनि कालनेमि सिरु धुना।।

dasamukha kahā maramu tehiṃ sunā। puni puni kālanemi siru dhunā॥

देखत तुम्हहि नगरु जेहिं जारा। तासु पंथ को रोकन पारा।।

dekhata tumhahi nagaru jehiṃ jārā। tāsu paṃtha ko rokana pārā॥

भजि रघुपति करु हित आपना। छाँड़हु नाथ मृषा जल्पना।।

bhaji raghupati karu hita āpanā। chā~r̤ahu nātha mṛṣā jalpanā॥

नील कंज तनु सुंदर स्यामा। हृदयँ राखु लोचनाभिरामा।।

nīla kaṃja tanu suṃdara syāmā। hṛdaya~ rākhu locanābhirāmā॥

मैं तैं मोर मूढ़ता त्यागू। महा मोह निसि सूतत जागू।।

maiṃ taiṃ mora mūr̤hatā tyāgū। mahā moha nisi sūtata jāgū॥

काल ब्याल कर भच्छक जोई। सपनेहुँ समर कि जीतिअ सोई।।

kāla byāla kara bhacchaka joī। sapanehu~ samara ki jītia soī॥

सुनि दसकंठ रिसान अति तेहिं मन कीन्ह बिचार।

suni dasakaṃṭha risāna ati tehiṃ mana kīnha bicāra।

राम दूत कर मरौं बरु यह खल रत मल भार।।56।।

rāma dūta kara marauṃ baru yaha khala rata mala bhāra॥56॥

अस कहि चला रचिसि मग माया। सर मंदिर बर बाग बनाया।।

asa kahi calā racisi maga māyā। sara maṃdira bara bāga banāyā॥

मारुतसुत देखा सुभ आश्रम। मुनिहि बूझि जल पियौं जाइ श्रम।।

mārutasuta dekhā subha āśrama। munihi būjhi jala piyauṃ jāi śrama॥

राच्छस कपट बेष तहँ सोहा। मायापति दूतहि चह मोहा।।

rācchasa kapaṭa beṣa taha~ sohā। māyāpati dūtahi caha mohā॥

जाइ पवनसुत नायउ माथा। लाग सो कहै राम गुन गाथा।।

jāi pavanasuta nāyau māthā। lāga so kahai rāma guna gāthā॥

होत महा रन रावन रामहिं। जितहहिं राम न संसय या महिं।।

hota mahā rana rāvana rāmahiṃ। jitahahiṃ rāma na saṃsaya yā mahiṃ॥

इहाँ भएँ मैं देखेउँ भाई। ग्यान दृष्टि बल मोहि अधिकाई।।

ihā~ bhae~ maiṃ dekheu~ bhāī। gyāna dṛṣṭi bala mohi adhikāī॥

मागा जल तेहिं दीन्ह कमंडल। कह कपि नहिं अघाउँ थोरें जल।।

māgā jala tehiṃ dīnha kamaṃḍala। kaha kapi nahiṃ aghāu~ thoreṃ jala॥

सर मज्जन करि आतुर आवहु। दिच्छा देउँ ग्यान जेहिं पावहु।।

sara majjana kari ātura āvahu। dicchā deu~ gyāna jehiṃ pāvahu॥

सर पैठत कपि पद गहा मकरीं तब अकुलान।

sara paiṭhata kapi pada gahā makarīṃ taba akulāna।

मारी सो धरि दिव्य तनु चली गगन चढ़ि जान।।57।।

mārī so dhari divya tanu calī gagana car̤hi jāna॥57॥

कपि तव दरस भइउँ निष्पापा। मिटा तात मुनिबर कर सापा।।

kapi tava darasa bhaiu~ niṣpāpā। miṭā tāta munibara kara sāpā॥

मुनि न होइ यह निसिचर घोरा। मानहु सत्य बचन कपि मोरा।।

muni na hoi yaha nisicara ghorā। mānahu satya bacana kapi morā॥

अस कहि गई अपछरा जबहीं। निसिचर निकट गयउ कपि तबहीं।।

asa kahi gaī apacharā jabahīṃ। nisicara nikaṭa gayau kapi tabahīṃ॥

कह कपि मुनि गुरदछिना लेहू। पाछें हमहि मंत्र तुम्ह देहू।।

kaha kapi muni guradachinā lehū। pācheṃ hamahi maṃtra tumha dehū॥

सिर लंगूर लपेटि पछारा। निज तनु प्रगटेसि मरती बारा।।

sira laṃgūra lapeṭi pachārā। nija tanu pragaṭesi maratī bārā॥

राम राम कहि छाड़ेसि प्राना। सुनि मन हरषि चलेउ हनुमाना।।

rāma rāma kahi chār̤esi prānā। suni mana haraṣi caleu hanumānā॥

देखा सैल न औषध चीन्हा। सहसा कपि उपारि गिरि लीन्हा।।

dekhā saila na auṣadha cīnhā। sahasā kapi upāri giri līnhā॥

गहि गिरि निसि नभ धावत भयऊ। अवधपुरी उपर कपि गयऊ।।

gahi giri nisi nabha dhāvata bhayaū। avadhapurī upara kapi gayaū॥

देखा भरत बिसाल अति निसिचर मन अनुमानि।

dekhā bharata bisāla ati nisicara mana anumāni।

बिनु फर सायक मारेउ चाप श्रवन लगि तानि।।58।।

binu phara sāyaka māreu cāpa śravana lagi tāni॥58॥

परेउ मुरुछि महि लागत सायक। सुमिरत राम राम रघुनायक।।

pareu muruchi mahi lāgata sāyaka। sumirata rāma rāma raghunāyaka॥

सुनि प्रिय बचन भरत तब धाए। कपि समीप अति आतुर आए।।

suni priya bacana bharata taba dhāe। kapi samīpa ati ātura āe॥

बिकल बिलोकि कीस उर लावा। जागत नहिं बहु भाँति जगावा।।

bikala biloki kīsa ura lāvā। jāgata nahiṃ bahu bhā~ti jagāvā॥

मुख मलीन मन भए दुखारी। कहत बचन भरि लोचन बारी।।

mukha malīna mana bhae dukhārī। kahata bacana bhari locana bārī॥

जेहिं बिधि राम बिमुख मोहि कीन्हा। तेहिं पुनि यह दारुन दुख दीन्हा।।

jehiṃ bidhi rāma bimukha mohi kīnhā। tehiṃ puni yaha dāruna dukha dīnhā॥

जौं मोरें मन बच अरु काया। प्रीति राम पद कमल अमाया।।

jauṃ moreṃ mana baca aru kāyā। prīti rāma pada kamala amāyā॥

तौ कपि होउ बिगत श्रम सूला। जौं मो पर रघुपति अनुकूला।।

tau kapi hou bigata śrama sūlā। jauṃ mo para raghupati anukūlā॥

सुनत बचन उठि बैठ कपीसा। कहि जय जयति कोसलाधीसा।।

sunata bacana uṭhi baiṭha kapīsā। kahi jaya jayati kosalādhīsā॥

लीन्ह कपिहि उर लाइ पुलकित तनु लोचन सजल।

līnha kapihi ura lāi pulakita tanu locana sajala।

प्रीति न हृदयँ समाइ सुमिरि राम रघुकुल तिलक।।59।।

prīti na hṛdaya~ samāi sumiri rāma raghukula tilaka॥59॥

तात कुसल कहु सुखनिधान की। सहित अनुज अरु मातु जानकी।।

tāta kusala kahu sukhanidhāna kī। sahita anuja aru mātu jānakī॥

कपि सब चरित समास बखाने। भए दुखी मन महुँ पछिताने।।

kapi saba carita samāsa bakhāne। bhae dukhī mana mahu~ pachitāne॥

अहह दैव मैं कत जग जायउँ। प्रभु के एकहु काज न आयउँ।।

ahaha daiva maiṃ kata jaga jāyau~। prabhu ke ekahu kāja na āyau~॥

जानि कुअवसरु मन धरि धीरा। पुनि कपि सन बोले बलबीरा।।

jāni kuavasaru mana dhari dhīrā। puni kapi sana bole balabīrā॥

तात गहरु होइहि तोहि जाता। काजु नसाइहि होत प्रभाता।।

tāta gaharu hoihi tohi jātā। kāju nasāihi hota prabhātā॥

चढ़ु मम सायक सैल समेता। पठवौं तोहि जहँ कृपानिकेता।।

car̤hu mama sāyaka saila sametā। paṭhavauṃ tohi jaha~ kṛpāniketā॥

सुनि कपि मन उपजा अभिमाना। मोरें भार चलिहि किमि बाना।।

suni kapi mana upajā abhimānā। moreṃ bhāra calihi kimi bānā॥

राम प्रभाव बिचारि बहोरी। बंदि चरन कह कपि कर जोरी।।

rāma prabhāva bicāri bahorī। baṃdi carana kaha kapi kara jorī॥

तव प्रताप उर राखि प्रभु जेहउँ नाथ तुरंत।

tava pratāpa ura rākhi prabhu jehau~ nātha turaṃta।

अस कहि आयसु पाइ पद बंदि चलेउ हनुमंत।।60(क)।।

asa kahi āyasu pāi pada baṃdi caleu hanumaṃta॥60(ka)॥

भरत बाहु बल सील गुन प्रभु पद प्रीति अपार।

bharata bāhu bala sīla guna prabhu pada prīti apāra।

मन महुँ जात सराहत पुनि पुनि पवनकुमार।।60(ख)।।

mana mahu~ jāta sarāhata puni puni pavanakumāra॥60(kha)॥

उहाँ राम लछिमनहिं निहारी। बोले बचन मनुज अनुसारी।।

uhā~ rāma lachimanahiṃ nihārī। bole bacana manuja anusārī॥

अर्ध राति गइ कपि नहिं आयउ। राम उठाइ अनुज उर लायउ।।

ardha rāti gai kapi nahiṃ āyau। rāma uṭhāi anuja ura lāyau॥

सकहु न दुखित देखि मोहि काऊ। बंधु सदा तव मृदुल सुभाऊ।।

sakahu na dukhita dekhi mohi kāū। baṃdhu sadā tava mṛdula subhāū॥

मम हित लागि तजेहु पितु माता। सहेहु बिपिन हिम आतप बाता।।

mama hita lāgi tajehu pitu mātā। sahehu bipina hima ātapa bātā॥

सो अनुराग कहाँ अब भाई। उठहु न सुनि मम बच बिकलाई।।

so anurāga kahā~ aba bhāī। uṭhahu na suni mama baca bikalāī॥

जौं जनतेउँ बन बंधु बिछोहू। पिता बचन मनतेउँ नहिं ओहू।।

jauṃ janateu~ bana baṃdhu bichohū। pitā bacana manateu~ nahiṃ ohū॥

सुत बित नारि भवन परिवारा। होहिं जाहिं जग बारहिं बारा।।

suta bita nāri bhavana parivārā। hohiṃ jāhiṃ jaga bārahiṃ bārā॥

अस बिचारि जियँ जागहु ताता। मिलइ न जगत सहोदर भ्राता।।

asa bicāri jiya~ jāgahu tātā। milai na jagata sahodara bhrātā॥

जथा पंख बिनु खग अति दीना। मनि बिनु फनि करिबर कर हीना।।

jathā paṃkha binu khaga ati dīnā। mani binu phani karibara kara hīnā॥

अस मम जिवन बंधु बिनु तोही। जौं जड़ दैव जिआवै मोही।।

asa mama jivana baṃdhu binu tohī। jauṃ jar̤a daiva jiāvai mohī॥

जैहउँ अवध कवन मुहु लाई। नारि हेतु प्रिय भाइ गँवाई।।

jaihau~ avadha kavana muhu lāī। nāri hetu priya bhāi ga~vāī॥

बरु अपजस सहतेउँ जग माहीं। नारि हानि बिसेष छति नाहीं।।

baru apajasa sahateu~ jaga māhīṃ। nāri hāni biseṣa chati nāhīṃ॥

अब अपलोकु सोकु सुत तोरा। सहिहि निठुर कठोर उर मोरा।।

aba apaloku soku suta torā। sahihi niṭhura kaṭhora ura morā॥

निज जननी के एक कुमारा। तात तासु तुम्ह प्रान अधारा।।

nija jananī ke eka kumārā। tāta tāsu tumha prāna adhārā॥

सौंपेसि मोहि तुम्हहि गहि पानी। सब बिधि सुखद परम हित जानी।।

sauṃpesi mohi tumhahi gahi pānī। saba bidhi sukhada parama hita jānī॥

उतरु काह दैहउँ तेहि जाई। उठि किन मोहि सिखावहु भाई।।

utaru kāha daihau~ tehi jāī। uṭhi kina mohi sikhāvahu bhāī॥

बहु बिधि सिचत सोच बिमोचन। स्त्रवत सलिल राजिव दल लोचन।।

bahu bidhi sicata soca bimocana। stravata salila rājiva dala locana॥

उमा एक अखंड रघुराई। नर गति भगत कृपाल देखाई।।

umā eka akhaṃḍa raghurāī। nara gati bhagata kṛpāla dekhāī॥

प्रभु प्रलाप सुनि कान बिकल भए बानर निकर।

prabhu pralāpa suni kāna bikala bhae bānara nikara।

आइ गयउ हनुमान जिमि करुना महँ बीर रस।।61।।

āi gayau hanumāna jimi karunā maha~ bīra rasa॥61॥

हरषि राम भेंटेउ हनुमाना। अति कृतग्य प्रभु परम सुजाना।।

haraṣi rāma bheṃṭeu hanumānā। ati kṛtagya prabhu parama sujānā॥

तुरत बैद तब कीन्ह उपाई। उठि बैठे लछिमन हरषाई।।

turata baida taba kīnha upāī। uṭhi baiṭhe lachimana haraṣāī॥

हृदयँ लाइ प्रभु भेंटेउ भ्राता। हरषे सकल भालु कपि ब्राता।।

hṛdaya~ lāi prabhu bheṃṭeu bhrātā। haraṣe sakala bhālu kapi brātā॥

कपि पुनि बैद तहाँ पहुँचावा। जेहि बिधि तबहिं ताहि लइ आवा।।

kapi puni baida tahā~ pahu~cāvā। jehi bidhi tabahiṃ tāhi lai āvā॥

यह बृत्तांत दसानन सुनेऊ। अति बिषअद पुनि पुनि सिर धुनेऊ।।

yaha bṛttāṃta dasānana suneū। ati biṣaada puni puni sira dhuneū॥

ब्याकुल कुंभकरन पहिं आवा। बिबिध जतन करि ताहि जगावा।।

byākula kuṃbhakarana pahiṃ āvā। bibidha jatana kari tāhi jagāvā॥

जागा निसिचर देखिअ कैसा। मानहुँ कालु देह धरि बैसा।।

jāgā nisicara dekhia kaisā। mānahu~ kālu deha dhari baisā॥

कुंभकरन बूझा कहु भाई। काहे तव मुख रहे सुखाई।।

kuṃbhakarana būjhā kahu bhāī। kāhe tava mukha rahe sukhāī॥

कथा कही सब तेहिं अभिमानी। जेहि प्रकार सीता हरि आनी।।

kathā kahī saba tehiṃ abhimānī। jehi prakāra sītā hari ānī॥

तात कपिन्ह सब निसिचर मारे। महामहा जोधा संघारे।।

tāta kapinha saba nisicara māre। mahāmahā jodhā saṃghāre॥

दुर्मुख सुररिपु मनुज अहारी। भट अतिकाय अकंपन भारी।।

durmukha suraripu manuja ahārī। bhaṭa atikāya akaṃpana bhārī॥

अपर महोदर आदिक बीरा। परे समर महि सब रनधीरा।।

apara mahodara ādika bīrā। pare samara mahi saba ranadhīrā॥

सुनि दसकंधर बचन तब कुंभकरन बिलखान।

suni dasakaṃdhara bacana taba kuṃbhakarana bilakhāna।

जगदंबा हरि आनि अब सठ चाहत कल्यान।।62।।

jagadaṃbā hari āni aba saṭha cāhata kalyāna॥62॥

भल न कीन्ह तैं निसिचर नाहा। अब मोहि आइ जगाएहि काहा।।

bhala na kīnha taiṃ nisicara nāhā। aba mohi āi jagāehi kāhā॥

अजहूँ तात त्यागि अभिमाना। भजहु राम होइहि कल्याना।।

ajahū~ tāta tyāgi abhimānā। bhajahu rāma hoihi kalyānā॥

हैं दससीस मनुज रघुनायक। जाके हनूमान से पायक।।

haiṃ dasasīsa manuja raghunāyaka। jāke hanūmāna se pāyaka॥

अहह बंधु तैं कीन्हि खोटाई। प्रथमहिं मोहि न सुनाएहि आई।।

ahaha baṃdhu taiṃ kīnhi khoṭāī। prathamahiṃ mohi na sunāehi āī॥

कीन्हेहु प्रभू बिरोध तेहि देवक। सिव बिरंचि सुर जाके सेवक।।

kīnhehu prabhū birodha tehi devaka। siva biraṃci sura jāke sevaka॥

नारद मुनि मोहि ग्यान जो कहा। कहतेउँ तोहि समय निरबहा।।

nārada muni mohi gyāna jo kahā। kahateu~ tohi samaya nirabahā॥

अब भरि अंक भेंटु मोहि भाई। लोचन सूफल करौ मैं जाई।।

aba bhari aṃka bheṃṭu mohi bhāī। locana sūphala karau maiṃ jāī॥

स्याम गात सरसीरुह लोचन। देखौं जाइ ताप त्रय मोचन।।

syāma gāta sarasīruha locana। dekhauṃ jāi tāpa traya mocana॥

राम रूप गुन सुमिरत मगन भयउ छन एक।

rāma rūpa guna sumirata magana bhayau chana eka।

रावन मागेउ कोटि घट मद अरु महिष अनेक।।63।।

rāvana māgeu koṭi ghaṭa mada aru mahiṣa aneka॥63॥

महिष खाइ करि मदिरा पाना। गर्जा बज्राघात समाना।।

mahiṣa khāi kari madirā pānā। garjā bajrāghāta samānā॥

कुंभकरन दुर्मद रन रंगा। चला दुर्ग तजि सेन न संगा।।

kuṃbhakarana durmada rana raṃgā। calā durga taji sena na saṃgā॥

देखि बिभीषनु आगें आयउ। परेउ चरन निज नाम सुनायउ।।

dekhi bibhīṣanu āgeṃ āyau। pareu carana nija nāma sunāyau॥

अनुज उठाइ हृदयँ तेहि लायो। रघुपति भक्त जानि मन भायो।।

anuja uṭhāi hṛdaya~ tehi lāyo। raghupati bhakta jāni mana bhāyo॥

तात लात रावन मोहि मारा। कहत परम हित मंत्र बिचारा।।

tāta lāta rāvana mohi mārā। kahata parama hita maṃtra bicārā॥

तेहिं गलानि रघुपति पहिं आयउँ। देखि दीन प्रभु के मन भायउँ।।

tehiṃ galāni raghupati pahiṃ āyau~। dekhi dīna prabhu ke mana bhāyau~॥

सुनु सुत भयउ कालबस रावन। सो कि मान अब परम सिखावन।।

sunu suta bhayau kālabasa rāvana। so ki māna aba parama sikhāvana॥

धन्य धन्य तैं धन्य बिभीषन। भयहु तात निसिचर कुल भूषन।।

dhanya dhanya taiṃ dhanya bibhīṣana। bhayahu tāta nisicara kula bhūṣana॥

बंधु बंस तैं कीन्ह उजागर। भजेहु राम सोभा सुख सागर।।

baṃdhu baṃsa taiṃ kīnha ujāgara। bhajehu rāma sobhā sukha sāgara॥

बचन कर्म मन कपट तजि भजेहु राम रनधीर।

bacana karma mana kapaṭa taji bhajehu rāma ranadhīra।

जाहु न निज पर सूझ मोहि भयउँ कालबस बीर। 64।।

jāhu na nija para sūjha mohi bhayau~ kālabasa bīra। 64॥

बंधु बचन सुनि चला बिभीषन। आयउ जहँ त्रैलोक बिभूषन।।

baṃdhu bacana suni calā bibhīṣana। āyau jaha~ trailoka bibhūṣana॥

नाथ भूधराकार सरीरा। कुंभकरन आवत रनधीरा।।

nātha bhūdharākāra sarīrā। kuṃbhakarana āvata ranadhīrā॥

एतना कपिन्ह सुना जब काना। किलकिलाइ धाए बलवाना।।

etanā kapinha sunā jaba kānā। kilakilāi dhāe balavānā॥

लिए उठाइ बिटप अरु भूधर। कटकटाइ डारहिं ता ऊपर।।

lie uṭhāi biṭapa aru bhūdhara। kaṭakaṭāi ḍārahiṃ tā ūpara॥

कोटि कोटि गिरि सिखर प्रहारा। करहिं भालु कपि एक एक बारा।।

koṭi koṭi giri sikhara prahārā। karahiṃ bhālu kapi eka eka bārā॥

मुर् यो न मन तनु टर् यो न टार् यो। जिमि गज अर्क फलनि को मार्यो।।

mur yo na mana tanu ṭar yo na ṭār yo। jimi gaja arka phalani ko māryo॥

तब मारुतसुत मुठिका हन्यो। पर् यो धरनि ब्याकुल सिर धुन्यो।।

taba mārutasuta muṭhikā hanyo। par yo dharani byākula sira dhunyo॥

पुनि उठि तेहिं मारेउ हनुमंता। घुर्मित भूतल परेउ तुरंता।।

puni uṭhi tehiṃ māreu hanumaṃtā। ghurmita bhūtala pareu turaṃtā॥

पुनि नल नीलहि अवनि पछारेसि। जहँ तहँ पटकि पटकि भट डारेसि।।

puni nala nīlahi avani pachāresi। jaha~ taha~ paṭaki paṭaki bhaṭa ḍāresi॥

चली बलीमुख सेन पराई। अति भय त्रसित न कोउ समुहाई।।

calī balīmukha sena parāī। ati bhaya trasita na kou samuhāī॥

अंगदादि कपि मुरुछित करि समेत सुग्रीव।

aṃgadādi kapi muruchita kari sameta sugrīva।

काँख दाबि कपिराज कहुँ चला अमित बल सींव।।65।।

kā~kha dābi kapirāja kahu~ calā amita bala sīṃva॥65॥

उमा करत रघुपति नरलीला। खेलत गरुड़ जिमि अहिगन मीला।।

umā karata raghupati naralīlā। khelata garur̤a jimi ahigana mīlā॥

भृकुटि भंग जो कालहि खाई। ताहि कि सोहइ ऐसि लराई।।

bhṛkuṭi bhaṃga jo kālahi khāī। tāhi ki sohai aisi larāī॥

जग पावनि कीरति बिस्तरिहहिं। गाइ गाइ भवनिधि नर तरिहहिं।।

jaga pāvani kīrati bistarihahiṃ। gāi gāi bhavanidhi nara tarihahiṃ॥

मुरुछा गइ मारुतसुत जागा। सुग्रीवहि तब खोजन लागा।।

muruchā gai mārutasuta jāgā। sugrīvahi taba khojana lāgā॥

सुग्रीवहु कै मुरुछा बीती। निबुक गयउ तेहि मृतक प्रतीती।।

sugrīvahu kai muruchā bītī। nibuka gayau tehi mṛtaka pratītī॥

काटेसि दसन नासिका काना। गरजि अकास चलउ तेहिं जाना।।

kāṭesi dasana nāsikā kānā। garaji akāsa calau tehiṃ jānā॥

गहेउ चरन गहि भूमि पछारा। अति लाघवँ उठि पुनि तेहि मारा।।

gaheu carana gahi bhūmi pachārā। ati lāghava~ uṭhi puni tehi mārā॥

पुनि आयसु प्रभु पहिं बलवाना। जयति जयति जय कृपानिधाना।।

puni āyasu prabhu pahiṃ balavānā। jayati jayati jaya kṛpānidhānā॥

नाक कान काटे जियँ जानी। फिरा क्रोध करि भइ मन ग्लानी।।

nāka kāna kāṭe jiya~ jānī। phirā krodha kari bhai mana glānī॥

सहज भीम पुनि बिनु श्रुति नासा। देखत कपि दल उपजी त्रासा।।

sahaja bhīma puni binu śruti nāsā। dekhata kapi dala upajī trāsā॥

जय जय जय रघुबंस मनि धाए कपि दै हूह।

jaya jaya jaya raghubaṃsa mani dhāe kapi dai hūha।

एकहि बार तासु पर छाड़ेन्हि गिरि तरु जूह।।66।।

ekahi bāra tāsu para chār̤enhi giri taru jūha॥66॥

कुंभकरन रन रंग बिरुद्धा। सन्मुख चला काल जनु क्रुद्धा।।

kuṃbhakarana rana raṃga biruddhā। sanmukha calā kāla janu kruddhā॥

कोटि कोटि कपि धरि धरि खाई। जनु टीड़ी गिरि गुहाँ समाई।।

koṭi koṭi kapi dhari dhari khāī। janu ṭīr̤ī giri guhā~ samāī॥

कोटिन्ह गहि सरीर सन मर्दा। कोटिन्ह मीजि मिलव महि गर्दा।।

koṭinha gahi sarīra sana mardā। koṭinha mīji milava mahi gardā॥

मुख नासा श्रवनन्हि कीं बाटा। निसरि पराहिं भालु कपि ठाटा।।

mukha nāsā śravananhi kīṃ bāṭā। nisari parāhiṃ bhālu kapi ṭhāṭā॥

रन मद मत्त निसाचर दर्पा। बिस्व ग्रसिहि जनु एहि बिधि अर्पा।।

rana mada matta nisācara darpā। bisva grasihi janu ehi bidhi arpā॥

मुरे सुभट सब फिरहिं न फेरे। सूझ न नयन सुनहिं नहिं टेरे।।

mure subhaṭa saba phirahiṃ na phere। sūjha na nayana sunahiṃ nahiṃ ṭere॥

कुंभकरन कपि फौज बिडारी। सुनि धाई रजनीचर धारी।।

kuṃbhakarana kapi phauja biḍārī। suni dhāī rajanīcara dhārī॥

देखि राम बिकल कटकाई। रिपु अनीक नाना बिधि आई।।

dekhi rāma bikala kaṭakāī। ripu anīka nānā bidhi āī॥

सुनु सुग्रीव बिभीषन अनुज सँभारेहु सैन।

sunu sugrīva bibhīṣana anuja sa~bhārehu saina।

मैं देखउँ खल बल दलहि बोले राजिवनैन।।67।।

maiṃ dekhau~ khala bala dalahi bole rājivanaina॥67॥

कर सारंग साजि कटि भाथा। अरि दल दलन चले रघुनाथा।।

kara sāraṃga sāji kaṭi bhāthā। ari dala dalana cale raghunāthā॥

प्रथम कीन्ह प्रभु धनुष टँकोरा। रिपु दल बधिर भयउ सुनि सोरा।।

prathama kīnha prabhu dhanuṣa ṭa~korā। ripu dala badhira bhayau suni sorā॥

सत्यसंध छाँड़े सर लच्छा। कालसर्प जनु चले सपच्छा।।

satyasaṃdha chā~r̤e sara lacchā। kālasarpa janu cale sapacchā॥

जहँ तहँ चले बिपुल नाराचा। लगे कटन भट बिकट पिसाचा।।

jaha~ taha~ cale bipula nārācā। lage kaṭana bhaṭa bikaṭa pisācā॥

कटहिं चरन उर सिर भुजदंडा। बहुतक बीर होहिं सत खंडा।।

kaṭahiṃ carana ura sira bhujadaṃḍā। bahutaka bīra hohiṃ sata khaṃḍā॥

घुर्मि घुर्मि घायल महि परहीं। उठि संभारि सुभट पुनि लरहीं।।

ghurmi ghurmi ghāyala mahi parahīṃ। uṭhi saṃbhāri subhaṭa puni larahīṃ॥

लागत बान जलद जिमि गाजहीं। बहुतक देखी कठिन सर भाजहिं।।

lāgata bāna jalada jimi gājahīṃ। bahutaka dekhī kaṭhina sara bhājahiṃ॥

रुंड प्रचंड मुंड बिनु धावहिं। धरु धरु मारू मारु धुनि गावहिं।।

ruṃḍa pracaṃḍa muṃḍa binu dhāvahiṃ। dharu dharu mārū māru dhuni gāvahiṃ॥

छन महुँ प्रभु के सायकन्हि काटे बिकट पिसाच।

chana mahu~ prabhu ke sāyakanhi kāṭe bikaṭa pisāca।

पुनि रघुबीर निषंग महुँ प्रबिसे सब नाराच।।68।।

puni raghubīra niṣaṃga mahu~ prabise saba nārāca॥68॥

कुंभकरन मन दीख बिचारी। हति धन माझ निसाचर धारी।।

kuṃbhakarana mana dīkha bicārī। hati dhana mājha nisācara dhārī॥

भा अति क्रुद्ध महाबल बीरा। कियो मृगनायक नाद गँभीरा।।

bhā ati kruddha mahābala bīrā। kiyo mṛganāyaka nāda ga~bhīrā॥

कोपि महीधर लेइ उपारी। डारइ जहँ मर्कट भट भारी।।

kopi mahīdhara lei upārī। ḍārai jaha~ markaṭa bhaṭa bhārī॥

आवत देखि सैल प्रभू भारे। सरन्हि काटि रज सम करि डारे।।।

āvata dekhi saila prabhū bhāre। saranhi kāṭi raja sama kari ḍāre॥।

पुनि धनु तानि कोपि रघुनायक। छाँड़े अति कराल बहु सायक।।

puni dhanu tāni kopi raghunāyaka। chā~r̤e ati karāla bahu sāyaka॥

तनु महुँ प्रबिसि निसरि सर जाहीं। जिमि दामिनि घन माझ समाहीं।।

tanu mahu~ prabisi nisari sara jāhīṃ। jimi dāmini ghana mājha samāhīṃ॥

सोनित स्त्रवत सोह तन कारे। जनु कज्जल गिरि गेरु पनारे।।

sonita stravata soha tana kāre। janu kajjala giri geru panāre॥

बिकल बिलोकि भालु कपि धाए। बिहँसा जबहिं निकट कपि आए।।

bikala biloki bhālu kapi dhāe। biha~sā jabahiṃ nikaṭa kapi āe॥

महानाद करि गर्जा कोटि कोटि गहि कीस।

mahānāda kari garjā koṭi koṭi gahi kīsa।

महि पटकइ गजराज इव सपथ करइ दससीस।।69।।

mahi paṭakai gajarāja iva sapatha karai dasasīsa॥69॥

भागे भालु बलीमुख जूथा। बृकु बिलोकि जिमि मेष बरूथा।।

bhāge bhālu balīmukha jūthā। bṛku biloki jimi meṣa barūthā॥

चले भागि कपि भालु भवानी। बिकल पुकारत आरत बानी।।

cale bhāgi kapi bhālu bhavānī। bikala pukārata ārata bānī॥

यह निसिचर दुकाल सम अहई। कपिकुल देस परन अब चहई।।

yaha nisicara dukāla sama ahaī। kapikula desa parana aba cahaī॥

कृपा बारिधर राम खरारी। पाहि पाहि प्रनतारति हारी।।

kṛpā bāridhara rāma kharārī। pāhi pāhi pranatārati hārī॥

सकरुन बचन सुनत भगवाना। चले सुधारि सरासन बाना।।

sakaruna bacana sunata bhagavānā। cale sudhāri sarāsana bānā॥

राम सेन निज पाछैं घाली। चले सकोप महा बलसाली।।

rāma sena nija pāchaiṃ ghālī। cale sakopa mahā balasālī॥

खैंचि धनुष सर सत संधाने। छूटे तीर सरीर समाने।।

khaiṃci dhanuṣa sara sata saṃdhāne। chūṭe tīra sarīra samāne॥

लागत सर धावा रिस भरा। कुधर डगमगत डोलति धरा।।

lāgata sara dhāvā risa bharā। kudhara ḍagamagata ḍolati dharā॥

लीन्ह एक तेहिं सैल उपाटी। रघुकुल तिलक भुजा सोइ काटी।।

līnha eka tehiṃ saila upāṭī। raghukula tilaka bhujā soi kāṭī॥

धावा बाम बाहु गिरि धारी। प्रभु सोउ भुजा काटि महि पारी।।

dhāvā bāma bāhu giri dhārī। prabhu sou bhujā kāṭi mahi pārī॥

काटें भुजा सोह खल कैसा। पच्छहीन मंदर गिरि जैसा।।

kāṭeṃ bhujā soha khala kaisā। pacchahīna maṃdara giri jaisā॥

उग्र बिलोकनि प्रभुहि बिलोका। ग्रसन चहत मानहुँ त्रेलोका।।

ugra bilokani prabhuhi bilokā। grasana cahata mānahu~ trelokā॥

करि चिक्कार घोर अति धावा बदनु पसारि।

kari cikkāra ghora ati dhāvā badanu pasāri।

गगन सिद्ध सुर त्रासित हा हा हेति पुकारि।।70।।

gagana siddha sura trāsita hā hā heti pukāri॥70॥

सभय देव करुनानिधि जान्यो। श्रवन प्रजंत सरासनु तान्यो।।

sabhaya deva karunānidhi jānyo। śravana prajaṃta sarāsanu tānyo॥

बिसिख निकर निसिचर मुख भरेऊ। तदपि महाबल भूमि न परेऊ।।

bisikha nikara nisicara mukha bhareū। tadapi mahābala bhūmi na pareū॥

सरन्हि भरा मुख सन्मुख धावा। काल त्रोन सजीव जनु आवा।।

saranhi bharā mukha sanmukha dhāvā। kāla trona sajīva janu āvā॥

तब प्रभु कोपि तीब्र सर लीन्हा। धर ते भिन्न तासु सिर कीन्हा।।

taba prabhu kopi tībra sara līnhā। dhara te bhinna tāsu sira kīnhā॥

सो सिर परेउ दसानन आगें। बिकल भयउ जिमि फनि मनि त्यागें।।

so sira pareu dasānana āgeṃ। bikala bhayau jimi phani mani tyāgeṃ॥

धरनि धसइ धर धाव प्रचंडा। तब प्रभु काटि कीन्ह दुइ खंडा।।

dharani dhasai dhara dhāva pracaṃḍā। taba prabhu kāṭi kīnha dui khaṃḍā॥

परे भूमि जिमि नभ तें भूधर। हेठ दाबि कपि भालु निसाचर।।

pare bhūmi jimi nabha teṃ bhūdhara। heṭha dābi kapi bhālu nisācara॥

तासु तेज प्रभु बदन समाना। सुर मुनि सबहिं अचंभव माना।।

tāsu teja prabhu badana samānā। sura muni sabahiṃ acaṃbhava mānā॥

सुर दुंदुभीं बजावहिं हरषहिं। अस्तुति करहिं सुमन बहु बरषहिं।।

sura duṃdubhīṃ bajāvahiṃ haraṣahiṃ। astuti karahiṃ sumana bahu baraṣahiṃ॥

करि बिनती सुर सकल सिधाए। तेही समय देवरिषि आए।।

kari binatī sura sakala sidhāe। tehī samaya devariṣi āe॥

गगनोपरि हरि गुन गन गाए। रुचिर बीररस प्रभु मन भाए।।

gaganopari hari guna gana gāe। rucira bīrarasa prabhu mana bhāe॥

बेगि हतहु खल कहि मुनि गए। राम समर महि सोभत भए।।

begi hatahu khala kahi muni gae। rāma samara mahi sobhata bhae॥

संग्राम भूमि बिराज रघुपति अतुल बल कोसल धनी।

saṃgrāma bhūmi birāja raghupati atula bala kosala dhanī।

श्रम बिंदु मुख राजीव लोचन अरुन तन सोनित कनी।।

śrama biṃdu mukha rājīva locana aruna tana sonita kanī॥

भुज जुगल फेरत सर सरासन भालु कपि चहु दिसि बने।

bhuja jugala pherata sara sarāsana bhālu kapi cahu disi bane।

कह दास तुलसी कहि न सक छबि सेष जेहि आनन घने।।

kaha dāsa tulasī kahi na saka chabi seṣa jehi ānana ghane॥

निसिचर अधम मलाकर ताहि दीन्ह निज धाम।

nisicara adhama malākara tāhi dīnha nija dhāma।

गिरिजा ते नर मंदमति जे न भजहिं श्रीराम।।71।।

girijā te nara maṃdamati je na bhajahiṃ śrīrāma॥71॥

दिन कें अंत फिरीं दोउ अनी। समर भई सुभटन्ह श्रम घनी।।

dina keṃ aṃta phirīṃ dou anī। samara bhaī subhaṭanha śrama ghanī॥

राम कृपाँ कपि दल बल बाढ़ा। जिमि तृन पाइ लाग अति डाढ़ा।।

rāma kṛpā~ kapi dala bala bār̤hā। jimi tṛna pāi lāga ati ḍār̤hā॥

छीजहिं निसिचर दिनु अरु राती। निज मुख कहें सुकृत जेहि भाँती।।

chījahiṃ nisicara dinu aru rātī। nija mukha kaheṃ sukṛta jehi bhā~tī॥

बहु बिलाप दसकंधर करई। बंधु सीस पुनि पुनि उर धरई।।

bahu bilāpa dasakaṃdhara karaī। baṃdhu sīsa puni puni ura dharaī॥

रोवहिं नारि हृदय हति पानी। तासु तेज बल बिपुल बखानी।।

rovahiṃ nāri hṛdaya hati pānī। tāsu teja bala bipula bakhānī॥

मेघनाद तेहि अवसर आयउ। कहि बहु कथा पिता समुझायउ।।

meghanāda tehi avasara āyau। kahi bahu kathā pitā samujhāyau॥

देखेहु कालि मोरि मनुसाई। अबहिं बहुत का करौं बड़ाई।।

dekhehu kāli mori manusāī। abahiṃ bahuta kā karauṃ bar̤āī॥

इष्टदेव सैं बल रथ पायउँ। सो बल तात न तोहि देखायउँ।।

iṣṭadeva saiṃ bala ratha pāyau~। so bala tāta na tohi dekhāyau~॥

एहि बिधि जल्पत भयउ बिहाना। चहुँ दुआर लागे कपि नाना।।

ehi bidhi jalpata bhayau bihānā। cahu~ duāra lāge kapi nānā॥

इत कपि भालु काल सम बीरा। उत रजनीचर अति रनधीरा।।

ita kapi bhālu kāla sama bīrā। uta rajanīcara ati ranadhīrā॥

लरहिं सुभट निज निज जय हेतू। बरनि न जाइ समर खगकेतू।।

larahiṃ subhaṭa nija nija jaya hetū। barani na jāi samara khagaketū॥

मेघनाद मायामय रथ चढ़ि गयउ अकास।।

meghanāda māyāmaya ratha car̤hi gayau akāsa॥

गर्जेउ अट्टहास करि भइ कपि कटकहि त्रास।।72।।

garjeu aṭṭahāsa kari bhai kapi kaṭakahi trāsa॥72॥

सक्ति सूल तरवारि कृपाना। अस्त्र सस्त्र कुलिसायुध नाना।।

sakti sūla taravāri kṛpānā। astra sastra kulisāyudha nānā॥

डारह परसु परिघ पाषाना। लागेउ बृष्टि करै बहु बाना।।

ḍāraha parasu parigha pāṣānā। lāgeu bṛṣṭi karai bahu bānā॥

दस दिसि रहे बान नभ छाई। मानहुँ मघा मेघ झरि लाई।।

dasa disi rahe bāna nabha chāī। mānahu~ maghā megha jhari lāī॥

धरु धरु मारु सुनिअ धुनि काना। जो मारइ तेहि कोउ न जाना।।

dharu dharu māru sunia dhuni kānā। jo mārai tehi kou na jānā॥

गहि गिरि तरु अकास कपि धावहिं। देखहि तेहि न दुखित फिरि आवहिं।।

gahi giri taru akāsa kapi dhāvahiṃ। dekhahi tehi na dukhita phiri āvahiṃ॥

अवघट घाट बाट गिरि कंदर। माया बल कीन्हेसि सर पंजर।।

avaghaṭa ghāṭa bāṭa giri kaṃdara। māyā bala kīnhesi sara paṃjara॥

जाहिं कहाँ ब्याकुल भए बंदर। सुरपति बंदि परे जनु मंदर।।

jāhiṃ kahā~ byākula bhae baṃdara। surapati baṃdi pare janu maṃdara॥

मारुतसुत अंगद नल नीला। कीन्हेसि बिकल सकल बलसीला।।

mārutasuta aṃgada nala nīlā। kīnhesi bikala sakala balasīlā॥

पुनि लछिमन सुग्रीव बिभीषन। सरन्हि मारि कीन्हेसि जर्जर तन।।

puni lachimana sugrīva bibhīṣana। saranhi māri kīnhesi jarjara tana॥

पुनि रघुपति सैं जूझे लागा। सर छाँड़इ होइ लागहिं नागा।।

puni raghupati saiṃ jūjhe lāgā। sara chā~r̤ai hoi lāgahiṃ nāgā॥

ब्याल पास बस भए खरारी। स्वबस अनंत एक अबिकारी।।

byāla pāsa basa bhae kharārī। svabasa anaṃta eka abikārī॥

नट इव कपट चरित कर नाना। सदा स्वतंत्र एक भगवाना।।

naṭa iva kapaṭa carita kara nānā। sadā svataṃtra eka bhagavānā॥

रन सोभा लगि प्रभुहिं बँधायो। नागपास देवन्ह भय पायो।।

rana sobhā lagi prabhuhiṃ ba~dhāyo। nāgapāsa devanha bhaya pāyo॥

गिरिजा जासु नाम जपि मुनि काटहिं भव पास।

girijā jāsu nāma japi muni kāṭahiṃ bhava pāsa।

सो कि बंध तर आवइ ब्यापक बिस्व निवास।।73।।

so ki baṃdha tara āvai byāpaka bisva nivāsa॥73॥

चरित राम के सगुन भवानी। तर्कि न जाहिं बुद्धि बल बानी।।

carita rāma ke saguna bhavānī। tarki na jāhiṃ buddhi bala bānī॥

अस बिचारि जे तग्य बिरागी। रामहि भजहिं तर्क सब त्यागी।।

asa bicāri je tagya birāgī। rāmahi bhajahiṃ tarka saba tyāgī॥

ब्याकुल कटकु कीन्ह घननादा। पुनि भा प्रगट कहइ दुर्बादा।।

byākula kaṭaku kīnha ghananādā। puni bhā pragaṭa kahai durbādā॥

जामवंत कह खल रहु ठाढ़ा। सुनि करि ताहि क्रोध अति बाढ़ा।।

jāmavaṃta kaha khala rahu ṭhār̤hā। suni kari tāhi krodha ati bār̤hā॥

बूढ़ जानि सठ छाँड़ेउँ तोही। लागेसि अधम पचारै मोही।।

būr̤ha jāni saṭha chā~r̤eu~ tohī। lāgesi adhama pacārai mohī॥

अस कहि तरल त्रिसूल चलायो। जामवंत कर गहि सोइ धायो।।

asa kahi tarala trisūla calāyo। jāmavaṃta kara gahi soi dhāyo॥

मारिसि मेघनाद कै छाती। परा भूमि घुर्मित सुरघाती।।

mārisi meghanāda kai chātī। parā bhūmi ghurmita suraghātī॥

पुनि रिसान गहि चरन फिरायौ। महि पछारि निज बल देखरायो।।

puni risāna gahi carana phirāyau। mahi pachāri nija bala dekharāyo॥

बर प्रसाद सो मरइ न मारा। तब गहि पद लंका पर डारा।।

bara prasāda so marai na mārā। taba gahi pada laṃkā para ḍārā॥

इहाँ देवरिषि गरुड़ पठायो। राम समीप सपदि सो आयो।।

ihā~ devariṣi garur̤a paṭhāyo। rāma samīpa sapadi so āyo॥

खगपति सब धरि खाए माया नाग बरूथ।

khagapati saba dhari khāe māyā nāga barūtha।

माया बिगत भए सब हरषे बानर जूथ। 74(क)।।

māyā bigata bhae saba haraṣe bānara jūtha। 74(ka)॥

गहि गिरि पादप उपल नख धाए कीस रिसाइ।

gahi giri pādapa upala nakha dhāe kīsa risāi।

चले तमीचर बिकलतर गढ़ पर चढ़े पराइ।।74(ख)।।

cale tamīcara bikalatara gar̤ha para car̤he parāi॥74(kha)॥

मेघनाद के मुरछा जागी। पितहि बिलोकि लाज अति लागी।।

meghanāda ke murachā jāgī। pitahi biloki lāja ati lāgī॥

तुरत गयउ गिरिबर कंदरा। करौं अजय मख अस मन धरा।।

turata gayau giribara kaṃdarā। karauṃ ajaya makha asa mana dharā॥

इहाँ बिभीषन मंत्र बिचारा। सुनहु नाथ बल अतुल उदारा।।

ihā~ bibhīṣana maṃtra bicārā। sunahu nātha bala atula udārā॥

मेघनाद मख करइ अपावन। खल मायावी देव सतावन।।

meghanāda makha karai apāvana। khala māyāvī deva satāvana॥

जौं प्रभु सिद्ध होइ सो पाइहि। नाथ बेगि पुनि जीति न जाइहि।।

jauṃ prabhu siddha hoi so pāihi। nātha begi puni jīti na jāihi॥

सुनि रघुपति अतिसय सुख माना। बोले अंगदादि कपि नाना।।

suni raghupati atisaya sukha mānā। bole aṃgadādi kapi nānā॥

लछिमन संग जाहु सब भाई। करहु बिधंस जग्य कर जाई।।

lachimana saṃga jāhu saba bhāī। karahu bidhaṃsa jagya kara jāī॥

तुम्ह लछिमन मारेहु रन ओही। देखि सभय सुर दुख अति मोही।।

tumha lachimana mārehu rana ohī। dekhi sabhaya sura dukha ati mohī॥

मारेहु तेहि बल बुद्धि उपाई। जेहिं छीजै निसिचर सुनु भाई।।

mārehu tehi bala buddhi upāī। jehiṃ chījai nisicara sunu bhāī॥

जामवंत सुग्रीव बिभीषन। सेन समेत रहेहु तीनिउ जन।।

jāmavaṃta sugrīva bibhīṣana। sena sameta rahehu tīniu jana॥

जब रघुबीर दीन्हि अनुसासन। कटि निषंग कसि साजि सरासन।।

jaba raghubīra dīnhi anusāsana। kaṭi niṣaṃga kasi sāji sarāsana॥

प्रभु प्रताप उर धरि रनधीरा। बोले घन इव गिरा गँभीरा।।

prabhu pratāpa ura dhari ranadhīrā। bole ghana iva girā ga~bhīrā॥

जौं तेहि आजु बधें बिनु आवौं। तौ रघुपति सेवक न कहावौं।।

jauṃ tehi āju badheṃ binu āvauṃ। tau raghupati sevaka na kahāvauṃ॥

जौं सत संकर करहिं सहाई। तदपि हतउँ रघुबीर दोहाई।।

jauṃ sata saṃkara karahiṃ sahāī। tadapi hatau~ raghubīra dohāī॥

रघुपति चरन नाइ सिरु चलेउ तुरंत अनंत।

raghupati carana nāi siru caleu turaṃta anaṃta।

अंगद नील मयंद नल संग सुभट हनुमंत।।75।।

aṃgada nīla mayaṃda nala saṃga subhaṭa hanumaṃta॥75॥

जाइ कपिन्ह सो देखा बैसा। आहुति देत रुधिर अरु भैंसा।।

jāi kapinha so dekhā baisā। āhuti deta rudhira aru bhaiṃsā॥

कीन्ह कपिन्ह सब जग्य बिधंसा। जब न उठइ तब करहिं प्रसंसा।।

kīnha kapinha saba jagya bidhaṃsā। jaba na uṭhai taba karahiṃ prasaṃsā॥

तदपि न उठइ धरेन्हि कच जाई। लातन्हि हति हति चले पराई।।

tadapi na uṭhai dharenhi kaca jāī। lātanhi hati hati cale parāī॥

लै त्रिसुल धावा कपि भागे। आए जहँ रामानुज आगे।।

lai trisula dhāvā kapi bhāge। āe jaha~ rāmānuja āge॥

आवा परम क्रोध कर मारा। गर्ज घोर रव बारहिं बारा।।

āvā parama krodha kara mārā। garja ghora rava bārahiṃ bārā॥

कोपि मरुतसुत अंगद धाए। हति त्रिसूल उर धरनि गिराए।।

kopi marutasuta aṃgada dhāe। hati trisūla ura dharani girāe॥

प्रभु कहँ छाँड़ेसि सूल प्रचंडा। सर हति कृत अनंत जुग खंडा।।

prabhu kaha~ chā~r̤esi sūla pracaṃḍā। sara hati kṛta anaṃta juga khaṃḍā॥

उठि बहोरि मारुति जुबराजा। हतहिं कोपि तेहि घाउ न बाजा।।

uṭhi bahori māruti jubarājā। hatahiṃ kopi tehi ghāu na bājā॥

फिरे बीर रिपु मरइ न मारा। तब धावा करि घोर चिकारा।।

phire bīra ripu marai na mārā। taba dhāvā kari ghora cikārā॥

आवत देखि क्रुद्ध जनु काला। लछिमन छाड़े बिसिख कराला।।

āvata dekhi kruddha janu kālā। lachimana chār̤e bisikha karālā॥

देखेसि आवत पबि सम बाना। तुरत भयउ खल अंतरधाना।।

dekhesi āvata pabi sama bānā। turata bhayau khala aṃtaradhānā॥

बिबिध बेष धरि करइ लराई। कबहुँक प्रगट कबहुँ दुरि जाई।।

bibidha beṣa dhari karai larāī। kabahu~ka pragaṭa kabahu~ duri jāī॥

देखि अजय रिपु डरपे कीसा। परम क्रुद्ध तब भयउ अहीसा।।

dekhi ajaya ripu ḍarape kīsā। parama kruddha taba bhayau ahīsā॥

लछिमन मन अस मंत्र दृढ़ावा। एहि पापिहि मैं बहुत खेलावा।।

lachimana mana asa maṃtra dṛr̤hāvā। ehi pāpihi maiṃ bahuta khelāvā॥

सुमिरि कोसलाधीस प्रतापा। सर संधान कीन्ह करि दापा।।

sumiri kosalādhīsa pratāpā। sara saṃdhāna kīnha kari dāpā॥

छाड़ा बान माझ उर लागा। मरती बार कपटु सब त्यागा।।

chār̤ā bāna mājha ura lāgā। maratī bāra kapaṭu saba tyāgā॥

रामानुज कहँ रामु कहँ अस कहि छाँड़ेसि प्रान।

rāmānuja kaha~ rāmu kaha~ asa kahi chā~r̤esi prāna।

धन्य धन्य तव जननी कह अंगद हनुमान।।76।।

dhanya dhanya tava jananī kaha aṃgada hanumāna॥76॥

बिनु प्रयास हनुमान उठायो। लंका द्वार राखि पुनि आयो।।

binu prayāsa hanumāna uṭhāyo। laṃkā dvāra rākhi puni āyo॥

तासु मरन सुनि सुर गंधर्बा। चढ़ि बिमान आए नभ सर्बा।।

tāsu marana suni sura gaṃdharbā। car̤hi bimāna āe nabha sarbā॥

बरषि सुमन दुंदुभीं बजावहिं। श्रीरघुनाथ बिमल जसु गावहिं।।

baraṣi sumana duṃdubhīṃ bajāvahiṃ। śrīraghunātha bimala jasu gāvahiṃ॥

जय अनंत जय जगदाधारा। तुम्ह प्रभु सब देवन्हि निस्तारा।।

jaya anaṃta jaya jagadādhārā। tumha prabhu saba devanhi nistārā॥

अस्तुति करि सुर सिद्ध सिधाए। लछिमन कृपासिन्धु पहिं आए।।

astuti kari sura siddha sidhāe। lachimana kṛpāsindhu pahiṃ āe॥

सुत बध सुना दसानन जबहीं। मुरुछित भयउ परेउ महि तबहीं।।

suta badha sunā dasānana jabahīṃ। muruchita bhayau pareu mahi tabahīṃ॥

मंदोदरी रुदन कर भारी। उर ताड़न बहु भाँति पुकारी।।

maṃdodarī rudana kara bhārī। ura tār̤ana bahu bhā~ti pukārī॥

नगर लोग सब ब्याकुल सोचा। सकल कहहिं दसकंधर पोचा।।

nagara loga saba byākula socā। sakala kahahiṃ dasakaṃdhara pocā॥

तब दसकंठ बिबिध बिधि समुझाईं सब नारि।

taba dasakaṃṭha bibidha bidhi samujhāīṃ saba nāri।

नस्वर रूप जगत सब देखहु हृदयँ बिचारि।।77।।

nasvara rūpa jagata saba dekhahu hṛdaya~ bicāri॥77॥

तिन्हहि ग्यान उपदेसा रावन। आपुन मंद कथा सुभ पावन।।

tinhahi gyāna upadesā rāvana। āpuna maṃda kathā subha pāvana॥

पर उपदेस कुसल बहुतेरे। जे आचरहिं ते नर न घनेरे।।

para upadesa kusala bahutere। je ācarahiṃ te nara na ghanere॥

निसा सिरानि भयउ भिनुसारा। लगे भालु कपि चारिहुँ द्वारा।।

nisā sirāni bhayau bhinusārā। lage bhālu kapi cārihu~ dvārā॥

सुभट बोलाइ दसानन बोला। रन सन्मुख जा कर मन डोला।।

subhaṭa bolāi dasānana bolā। rana sanmukha jā kara mana ḍolā॥

सो अबहीं बरु जाउ पराई। संजुग बिमुख भएँ न भलाई।।

so abahīṃ baru jāu parāī। saṃjuga bimukha bhae~ na bhalāī॥

निज भुज बल मैं बयरु बढ़ावा। देहउँ उतरु जो रिपु चढ़ि आवा।।

nija bhuja bala maiṃ bayaru bar̤hāvā। dehau~ utaru jo ripu car̤hi āvā॥

अस कहि मरुत बेग रथ साजा। बाजे सकल जुझाऊ बाजा।।

asa kahi maruta bega ratha sājā। bāje sakala jujhāū bājā॥

चले बीर सब अतुलित बली। जनु कज्जल कै आँधी चली।।

cale bīra saba atulita balī। janu kajjala kai ā~dhī calī॥

असगुन अमित होहिं तेहि काला। गनइ न भुजबल गर्ब बिसाला।।

asaguna amita hohiṃ tehi kālā। ganai na bhujabala garba bisālā॥

अति गर्ब गनइ न सगुन असगुन स्त्रवहिं आयुध हाथ ते।

ati garba ganai na saguna asaguna stravahiṃ āyudha hātha te।

भट गिरत रथ ते बाजि गज चिक्करत भाजहिं साथ ते।।

bhaṭa girata ratha te bāji gaja cikkarata bhājahiṃ sātha te॥

गोमाय गीध कराल खर रव स्वान बोलहिं अति घने।

gomāya gīdha karāla khara rava svāna bolahiṃ ati ghane।

जनु कालदूत उलूक बोलहिं बचन परम भयावने।।

janu kāladūta ulūka bolahiṃ bacana parama bhayāvane॥

ताहि कि संपति सगुन सुभ सपनेहुँ मन बिश्राम।

tāhi ki saṃpati saguna subha sapanehu~ mana biśrāma।

भूत द्रोह रत मोहबस राम बिमुख रति काम।।78।।

bhūta droha rata mohabasa rāma bimukha rati kāma॥78॥

चलेउ निसाचर कटकु अपारा। चतुरंगिनी अनी बहु धारा।।

caleu nisācara kaṭaku apārā। caturaṃginī anī bahu dhārā॥

बिबिध भाँति बाहन रथ जाना। बिपुल बरन पताक ध्वज नाना।।

bibidha bhā~ti bāhana ratha jānā। bipula barana patāka dhvaja nānā॥

चले मत्त गज जूथ घनेरे। प्राबिट जलद मरुत जनु प्रेरे।।

cale matta gaja jūtha ghanere। prābiṭa jalada maruta janu prere॥

बरन बरद बिरदैत निकाया। समर सूर जानहिं बहु माया।।

barana barada biradaita nikāyā। samara sūra jānahiṃ bahu māyā॥

अति बिचित्र बाहिनी बिराजी। बीर बसंत सेन जनु साजी।।

ati bicitra bāhinī birājī। bīra basaṃta sena janu sājī॥

चलत कटक दिगसिधुंर डगहीं। छुभित पयोधि कुधर डगमगहीं।।

calata kaṭaka digasidhuṃra ḍagahīṃ। chubhita payodhi kudhara ḍagamagahīṃ॥

उठी रेनु रबि गयउ छपाई। मरुत थकित बसुधा अकुलाई।।

uṭhī renu rabi gayau chapāī। maruta thakita basudhā akulāī॥

पनव निसान घोर रव बाजहिं। प्रलय समय के घन जनु गाजहिं।।

panava nisāna ghora rava bājahiṃ। pralaya samaya ke ghana janu gājahiṃ॥

भेरि नफीरि बाज सहनाई। मारू राग सुभट सुखदाई।।

bheri naphīri bāja sahanāī। mārū rāga subhaṭa sukhadāī॥

केहरि नाद बीर सब करहीं। निज निज बल पौरुष उच्चरहीं।।

kehari nāda bīra saba karahīṃ। nija nija bala pauruṣa uccarahīṃ॥

कहइ दसानन सुनहु सुभट्टा। मर्दहु भालु कपिन्ह के ठट्टा।।

kahai dasānana sunahu subhaṭṭā। mardahu bhālu kapinha ke ṭhaṭṭā॥

हौं मारिहउँ भूप द्वौ भाई। अस कहि सन्मुख फौज रेंगाई।।

hauṃ mārihau~ bhūpa dvau bhāī। asa kahi sanmukha phauja reṃgāī॥

यह सुधि सकल कपिन्ह जब पाई। धाए करि रघुबीर दोहाई।।

yaha sudhi sakala kapinha jaba pāī। dhāe kari raghubīra dohāī॥

धाए बिसाल कराल मर्कट भालु काल समान ते।

dhāe bisāla karāla markaṭa bhālu kāla samāna te।

मानहुँ सपच्छ उड़ाहिं भूधर बृंद नाना बान ते।।

mānahu~ sapaccha ur̤āhiṃ bhūdhara bṛṃda nānā bāna te॥

नख दसन सैल महाद्रुमायुध सबल संक न मानहीं।

nakha dasana saila mahādrumāyudha sabala saṃka na mānahīṃ।

जय राम रावन मत्त गज मृगराज सुजसु बखानहीं।।

jaya rāma rāvana matta gaja mṛgarāja sujasu bakhānahīṃ॥

दुहु दिसि जय जयकार करि निज निज जोरी जानि।

duhu disi jaya jayakāra kari nija nija jorī jāni।

भिरे बीर इत रामहि उत रावनहि बखानि।।79।।

bhire bīra ita rāmahi uta rāvanahi bakhāni॥79॥

रावनु रथी बिरथ रघुबीरा। देखि बिभीषन भयउ अधीरा।।

rāvanu rathī biratha raghubīrā। dekhi bibhīṣana bhayau adhīrā॥

अधिक प्रीति मन भा संदेहा। बंदि चरन कह सहित सनेहा।।

adhika prīti mana bhā saṃdehā। baṃdi carana kaha sahita sanehā॥

नाथ न रथ नहिं तन पद त्राना। केहि बिधि जितब बीर बलवाना।।

nātha na ratha nahiṃ tana pada trānā। kehi bidhi jitaba bīra balavānā॥

सुनहु सखा कह कृपानिधाना। जेहिं जय होइ सो स्यंदन आना।।

sunahu sakhā kaha kṛpānidhānā। jehiṃ jaya hoi so syaṃdana ānā॥

सौरज धीरज तेहि रथ चाका। सत्य सील दृढ़ ध्वजा पताका।।

sauraja dhīraja tehi ratha cākā। satya sīla dṛr̤ha dhvajā patākā॥

बल बिबेक दम परहित घोरे। छमा कृपा समता रजु जोरे।।

bala bibeka dama parahita ghore। chamā kṛpā samatā raju jore॥

ईस भजनु सारथी सुजाना। बिरति चर्म संतोष कृपाना।।

īsa bhajanu sārathī sujānā। birati carma saṃtoṣa kṛpānā॥

दान परसु बुधि सक्ति प्रचंड़ा। बर बिग्यान कठिन कोदंडा।।

dāna parasu budhi sakti pracaṃr̤ā। bara bigyāna kaṭhina kodaṃḍā॥

अमल अचल मन त्रोन समाना। सम जम नियम सिलीमुख नाना।।

amala acala mana trona samānā। sama jama niyama silīmukha nānā॥

कवच अभेद बिप्र गुर पूजा। एहि सम बिजय उपाय न दूजा।।

kavaca abheda bipra gura pūjā। ehi sama bijaya upāya na dūjā॥

सखा धर्ममय अस रथ जाकें। जीतन कहँ न कतहुँ रिपु ताकें।।

sakhā dharmamaya asa ratha jākeṃ। jītana kaha~ na katahu~ ripu tākeṃ॥

महा अजय संसार रिपु जीति सकइ सो बीर।

mahā ajaya saṃsāra ripu jīti sakai so bīra।

जाकें अस रथ होइ दृढ़ सुनहु सखा मतिधीर।।80(क)।।

jākeṃ asa ratha hoi dṛr̤ha sunahu sakhā matidhīra॥80(ka)॥

सुनि प्रभु बचन बिभीषन हरषि गहे पद कंज।

suni prabhu bacana bibhīṣana haraṣi gahe pada kaṃja।

एहि मिस मोहि उपदेसेहु राम कृपा सुख पुंज।।80(ख)।।

ehi misa mohi upadesehu rāma kṛpā sukha puṃja॥80(kha)॥

उत पचार दसकंधर इत अंगद हनुमान।

uta pacāra dasakaṃdhara ita aṃgada hanumāna।

लरत निसाचर भालु कपि करि निज निज प्रभु आन।।80(ग)।।

larata nisācara bhālu kapi kari nija nija prabhu āna॥80(ga)॥

सुर ब्रह्मादि सिद्ध मुनि नाना। देखत रन नभ चढ़े बिमाना।।

sura brahmādi siddha muni nānā। dekhata rana nabha car̤he bimānā॥

हमहू उमा रहे तेहि संगा। देखत राम चरित रन रंगा।।

hamahū umā rahe tehi saṃgā। dekhata rāma carita rana raṃgā॥

सुभट समर रस दुहु दिसि माते। कपि जयसील राम बल ताते।।

subhaṭa samara rasa duhu disi māte। kapi jayasīla rāma bala tāte॥

एक एक सन भिरहिं पचारहिं। एकन्ह एक मर्दि महि पारहिं।।

eka eka sana bhirahiṃ pacārahiṃ। ekanha eka mardi mahi pārahiṃ॥

मारहिं काटहिं धरहिं पछारहिं। सीस तोरि सीसन्ह सन मारहिं।।

mārahiṃ kāṭahiṃ dharahiṃ pachārahiṃ। sīsa tori sīsanha sana mārahiṃ॥

उदर बिदारहिं भुजा उपारहिं। गहि पद अवनि पटकि भट डारहिं।।

udara bidārahiṃ bhujā upārahiṃ। gahi pada avani paṭaki bhaṭa ḍārahiṃ॥

निसिचर भट महि गाड़हि भालू। ऊपर ढारि देहिं बहु बालू।।

nisicara bhaṭa mahi gār̤ahi bhālū। ūpara ḍhāri dehiṃ bahu bālū॥

बीर बलिमुख जुद्ध बिरुद्धे। देखिअत बिपुल काल जनु क्रुद्धे।।

bīra balimukha juddha biruddhe। dekhiata bipula kāla janu kruddhe॥

क्रुद्धे कृतांत समान कपि तन स्त्रवत सोनित राजहीं।

kruddhe kṛtāṃta samāna kapi tana stravata sonita rājahīṃ।

मर्दहिं निसाचर कटक भट बलवंत घन जिमि गाजहीं।।

mardahiṃ nisācara kaṭaka bhaṭa balavaṃta ghana jimi gājahīṃ॥

मारहिं चपेटन्हि डाटि दातन्ह काटि लातन्ह मीजहीं।

mārahiṃ capeṭanhi ḍāṭi dātanha kāṭi lātanha mījahīṃ।

चिक्करहिं मर्कट भालु छल बल करहिं जेहिं खल छीजहीं।।

cikkarahiṃ markaṭa bhālu chala bala karahiṃ jehiṃ khala chījahīṃ॥

धरि गाल फारहिं उर बिदारहिं गल अँतावरि मेलहीं।

dhari gāla phārahiṃ ura bidārahiṃ gala a~tāvari melahīṃ।

प्रहलादपति जनु बिबिध तनु धरि समर अंगन खेलहीं।।

prahalādapati janu bibidha tanu dhari samara aṃgana khelahīṃ॥

धरु मारु काटु पछारु घोर गिरा गगन महि भरि रही।

dharu māru kāṭu pachāru ghora girā gagana mahi bhari rahī।

जय राम जो तृन ते कुलिस कर कुलिस ते कर तृन सही।।

jaya rāma jo tṛna te kulisa kara kulisa te kara tṛna sahī॥

निज दल बिचलत देखेसि बीस भुजाँ दस चाप।

nija dala bicalata dekhesi bīsa bhujā~ dasa cāpa।

रथ चढ़ि चलेउ दसानन फिरहु फिरहु करि दाप।।81।।

ratha car̤hi caleu dasānana phirahu phirahu kari dāpa॥81॥

धायउ परम क्रुद्ध दसकंधर। सन्मुख चले हूह दै बंदर।।

dhāyau parama kruddha dasakaṃdhara। sanmukha cale hūha dai baṃdara॥

गहि कर पादप उपल पहारा। डारेन्हि ता पर एकहिं बारा।।

gahi kara pādapa upala pahārā। ḍārenhi tā para ekahiṃ bārā॥

लागहिं सैल बज्र तन तासू। खंड खंड होइ फूटहिं आसू।।

lāgahiṃ saila bajra tana tāsū। khaṃḍa khaṃḍa hoi phūṭahiṃ āsū॥

चला न अचल रहा रथ रोपी। रन दुर्मद रावन अति कोपी।।

calā na acala rahā ratha ropī। rana durmada rāvana ati kopī॥

इत उत झपटि दपटि कपि जोधा। मर्दै लाग भयउ अति क्रोधा।।

ita uta jhapaṭi dapaṭi kapi jodhā। mardai lāga bhayau ati krodhā॥

चले पराइ भालु कपि नाना। त्राहि त्राहि अंगद हनुमाना।।

cale parāi bhālu kapi nānā। trāhi trāhi aṃgada hanumānā॥

पाहि पाहि रघुबीर गोसाई। यह खल खाइ काल की नाई।।

pāhi pāhi raghubīra gosāī। yaha khala khāi kāla kī nāī॥

तेहि देखे कपि सकल पराने। दसहुँ चाप सायक संधाने।।

tehi dekhe kapi sakala parāne। dasahu~ cāpa sāyaka saṃdhāne॥

संधानि धनु सर निकर छाड़ेसि उरग जिमि उड़ि लागहीं।

saṃdhāni dhanu sara nikara chār̤esi uraga jimi ur̤i lāgahīṃ।

रहे पूरि सर धरनी गगन दिसि बिदसि कहँ कपि भागहीं।।

rahe pūri sara dharanī gagana disi bidasi kaha~ kapi bhāgahīṃ॥

भयो अति कोलाहल बिकल कपि दल भालु बोलहिं आतुरे।

bhayo ati kolāhala bikala kapi dala bhālu bolahiṃ āture।

रघुबीर करुना सिंधु आरत बंधु जन रच्छक हरे।।

raghubīra karunā siṃdhu ārata baṃdhu jana racchaka hare॥

निज दल बिकल देखि कटि कसि निषंग धनु हाथ।

nija dala bikala dekhi kaṭi kasi niṣaṃga dhanu hātha।

लछिमन चले क्रुद्ध होइ नाइ राम पद माथ।।82।।

lachimana cale kruddha hoi nāi rāma pada mātha॥82॥

रे खल का मारसि कपि भालू। मोहि बिलोकु तोर मैं कालू।।

re khala kā mārasi kapi bhālū। mohi biloku tora maiṃ kālū॥

खोजत रहेउँ तोहि सुतघाती। आजु निपाति जुड़ावउँ छाती।।

khojata raheu~ tohi sutaghātī। āju nipāti jur̤āvau~ chātī॥

अस कहि छाड़ेसि बान प्रचंडा। लछिमन किए सकल सत खंडा।।

asa kahi chār̤esi bāna pracaṃḍā। lachimana kie sakala sata khaṃḍā॥

कोटिन्ह आयुध रावन डारे। तिल प्रवान करि काटि निवारे।।

koṭinha āyudha rāvana ḍāre। tila pravāna kari kāṭi nivāre॥

पुनि निज बानन्ह कीन्ह प्रहारा। स्यंदनु भंजि सारथी मारा।।

puni nija bānanha kīnha prahārā। syaṃdanu bhaṃji sārathī mārā॥

सत सत सर मारे दस भाला। गिरि सृंगन्ह जनु प्रबिसहिं ब्याला।।

sata sata sara māre dasa bhālā। giri sṛṃganha janu prabisahiṃ byālā॥

पुनि सत सर मारा उर माहीं। परेउ धरनि तल सुधि कछु नाहीं।।

puni sata sara mārā ura māhīṃ। pareu dharani tala sudhi kachu nāhīṃ॥

उठा प्रबल पुनि मुरुछा जागी। छाड़िसि ब्रह्म दीन्हि जो साँगी।।

uṭhā prabala puni muruchā jāgī। chār̤isi brahma dīnhi jo sā~gī॥

सो ब्रह्म दत्त प्रचंड सक्ति अनंत उर लागी सही।

so brahma datta pracaṃḍa sakti anaṃta ura lāgī sahī।

पर्यो बीर बिकल उठाव दसमुख अतुल बल महिमा रही।।

paryo bīra bikala uṭhāva dasamukha atula bala mahimā rahī॥

ब्रह्मांड भवन बिराज जाकें एक सिर जिमि रज कनी।

brahmāṃḍa bhavana birāja jākeṃ eka sira jimi raja kanī।

तेहि चह उठावन मूढ़ रावन जान नहिं त्रिभुअन धनी।।

tehi caha uṭhāvana mūr̤ha rāvana jāna nahiṃ tribhuana dhanī॥

देखि पवनसुत धायउ बोलत बचन कठोर।

dekhi pavanasuta dhāyau bolata bacana kaṭhora।

आवत कपिहि हन्यो तेहिं मुष्टि प्रहार प्रघोर।।83।।

āvata kapihi hanyo tehiṃ muṣṭi prahāra praghora॥83॥

जानु टेकि कपि भूमि न गिरा। उठा सँभारि बहुत रिस भरा।।

jānu ṭeki kapi bhūmi na girā। uṭhā sa~bhāri bahuta risa bharā॥

मुठिका एक ताहि कपि मारा। परेउ सैल जनु बज्र प्रहारा।।

muṭhikā eka tāhi kapi mārā। pareu saila janu bajra prahārā॥

मुरुछा गै बहोरि सो जागा। कपि बल बिपुल सराहन लागा।।

muruchā gai bahori so jāgā। kapi bala bipula sarāhana lāgā॥

धिग धिग मम पौरुष धिग मोही। जौं तैं जिअत रहेसि सुरद्रोही।।

dhiga dhiga mama pauruṣa dhiga mohī। jauṃ taiṃ jiata rahesi suradrohī॥

अस कहि लछिमन कहुँ कपि ल्यायो। देखि दसानन बिसमय पायो।।

asa kahi lachimana kahu~ kapi lyāyo। dekhi dasānana bisamaya pāyo॥

कह रघुबीर समुझु जियँ भ्राता। तुम्ह कृतांत भच्छक सुर त्राता।।

kaha raghubīra samujhu jiya~ bhrātā। tumha kṛtāṃta bhacchaka sura trātā॥

सुनत बचन उठि बैठ कृपाला। गई गगन सो सकति कराला।।

sunata bacana uṭhi baiṭha kṛpālā। gaī gagana so sakati karālā॥

पुनि कोदंड बान गहि धाए। रिपु सन्मुख अति आतुर आए।।

puni kodaṃḍa bāna gahi dhāe। ripu sanmukha ati ātura āe॥

आतुर बहोरि बिभंजि स्यंदन सूत हति ब्याकुल कियो।

ātura bahori bibhaṃji syaṃdana sūta hati byākula kiyo।

गिर् यो धरनि दसकंधर बिकलतर बान सत बेध्यो हियो।।

gir yo dharani dasakaṃdhara bikalatara bāna sata bedhyo hiyo॥

सारथी दूसर घालि रथ तेहि तुरत लंका लै गयो।

sārathī dūsara ghāli ratha tehi turata laṃkā lai gayo।

रघुबीर बंधु प्रताप पुंज बहोरि प्रभु चरनन्हि नयो।।

raghubīra baṃdhu pratāpa puṃja bahori prabhu carananhi nayo॥

उहाँ दसानन जागि करि करै लाग कछु जग्य।

uhā~ dasānana jāgi kari karai lāga kachu jagya।

राम बिरोध बिजय चह सठ हठ बस अति अग्य।।84।।

rāma birodha bijaya caha saṭha haṭha basa ati agya॥84॥

इहाँ बिभीषन सब सुधि पाई। सपदि जाइ रघुपतिहि सुनाई।।

ihā~ bibhīṣana saba sudhi pāī। sapadi jāi raghupatihi sunāī॥

नाथ करइ रावन एक जागा। सिद्ध भएँ नहिं मरिहि अभागा।।

nātha karai rāvana eka jāgā। siddha bhae~ nahiṃ marihi abhāgā॥

पठवहु नाथ बेगि भट बंदर। करहिं बिधंस आव दसकंधर।।

paṭhavahu nātha begi bhaṭa baṃdara। karahiṃ bidhaṃsa āva dasakaṃdhara॥

प्रात होत प्रभु सुभट पठाए। हनुमदादि अंगद सब धाए।।

prāta hota prabhu subhaṭa paṭhāe। hanumadādi aṃgada saba dhāe॥

कौतुक कूदि चढ़े कपि लंका। पैठे रावन भवन असंका।।

kautuka kūdi car̤he kapi laṃkā। paiṭhe rāvana bhavana asaṃkā॥

जग्य करत जबहीं सो देखा। सकल कपिन्ह भा क्रोध बिसेषा।।

jagya karata jabahīṃ so dekhā। sakala kapinha bhā krodha biseṣā॥

रन ते निलज भाजि गृह आवा। इहाँ आइ बक ध्यान लगावा।।

rana te nilaja bhāji gṛha āvā। ihā~ āi baka dhyāna lagāvā॥

अस कहि अंगद मारा लाता। चितव न सठ स्वारथ मन राता।।

asa kahi aṃgada mārā lātā। citava na saṭha svāratha mana rātā॥

नहिं चितव जब करि कोप कपि गहि दसन लातन्ह मारहीं।

nahiṃ citava jaba kari kopa kapi gahi dasana lātanha mārahīṃ।

धरि केस नारि निकारि बाहेर तेऽतिदीन पुकारहीं।।

dhari kesa nāri nikāri bāhera te'tidīna pukārahīṃ॥

तब उठेउ क्रुद्ध कृतांत सम गहि चरन बानर डारई।

taba uṭheu kruddha kṛtāṃta sama gahi carana bānara ḍāraī।

एहि बीच कपिन्ह बिधंस कृत मख देखि मन महुँ हारई।।

ehi bīca kapinha bidhaṃsa kṛta makha dekhi mana mahu~ hāraī॥

जग्य बिधंसि कुसल कपि आए रघुपति पास।

jagya bidhaṃsi kusala kapi āe raghupati pāsa।

चलेउ निसाचर क्रुर्द्ध होइ त्यागि जिवन कै आस।।85।।

caleu nisācara krurddha hoi tyāgi jivana kai āsa॥85॥

चलत होहिं अति असुभ भयंकर। बैठहिं गीध उड़ाइ सिरन्ह पर।।

calata hohiṃ ati asubha bhayaṃkara। baiṭhahiṃ gīdha ur̤āi siranha para॥

भयउ कालबस काहु न माना। कहेसि बजावहु जुद्ध निसाना।।

bhayau kālabasa kāhu na mānā। kahesi bajāvahu juddha nisānā॥

चली तमीचर अनी अपारा। बहु गज रथ पदाति असवारा।।

calī tamīcara anī apārā। bahu gaja ratha padāti asavārā॥

प्रभु सन्मुख धाए खल कैंसें। सलभ समूह अनल कहँ जैंसें।।

prabhu sanmukha dhāe khala kaiṃseṃ। salabha samūha anala kaha~ jaiṃseṃ॥

इहाँ देवतन्ह अस्तुति कीन्ही। दारुन बिपति हमहि एहिं दीन्ही।।

ihā~ devatanha astuti kīnhī। dāruna bipati hamahi ehiṃ dīnhī॥

अब जनि राम खेलावहु एही। अतिसय दुखित होति बैदेही।।

aba jani rāma khelāvahu ehī। atisaya dukhita hoti baidehī॥

देव बचन सुनि प्रभु मुसकाना। उठि रघुबीर सुधारे बाना।

deva bacana suni prabhu musakānā। uṭhi raghubīra sudhāre bānā।

जटा जूट दृढ़ बाँधै माथे। सोहहिं सुमन बीच बिच गाथे।।

jaṭā jūṭa dṛr̤ha bā~dhai māthe। sohahiṃ sumana bīca bica gāthe॥

अरुन नयन बारिद तनु स्यामा। अखिल लोक लोचनाभिरामा।।

aruna nayana bārida tanu syāmā। akhila loka locanābhirāmā॥

कटितट परिकर कस्यो निषंगा। कर कोदंड कठिन सारंगा।।

kaṭitaṭa parikara kasyo niṣaṃgā। kara kodaṃḍa kaṭhina sāraṃgā॥

सारंग कर सुंदर निषंग सिलीमुखाकर कटि कस्यो।

sāraṃga kara suṃdara niṣaṃga silīmukhākara kaṭi kasyo।

भुजदंड पीन मनोहरायत उर धरासुर पद लस्यो।।

bhujadaṃḍa pīna manoharāyata ura dharāsura pada lasyo॥

कह दास तुलसी जबहिं प्रभु सर चाप कर फेरन लगे।

kaha dāsa tulasī jabahiṃ prabhu sara cāpa kara pherana lage।

ब्रह्मांड दिग्गज कमठ अहि महि सिंधु भूधर डगमगे।।

brahmāṃḍa diggaja kamaṭha ahi mahi siṃdhu bhūdhara ḍagamage॥

सोभा देखि हरषि सुर बरषहिं सुमन अपार।

sobhā dekhi haraṣi sura baraṣahiṃ sumana apāra।

जय जय जय करुनानिधि छबि बल गुन आगार।।86।।

jaya jaya jaya karunānidhi chabi bala guna āgāra॥86॥

एहीं बीच निसाचर अनी। कसमसात आई अति घनी।

ehīṃ bīca nisācara anī। kasamasāta āī ati ghanī।

देखि चले सन्मुख कपि भट्टा। प्रलयकाल के जनु घन घट्टा।।

dekhi cale sanmukha kapi bhaṭṭā। pralayakāla ke janu ghana ghaṭṭā॥

बहु कृपान तरवारि चमंकहिं। जनु दहँ दिसि दामिनीं दमंकहिं।।

bahu kṛpāna taravāri camaṃkahiṃ। janu daha~ disi dāminīṃ damaṃkahiṃ॥

गज रथ तुरग चिकार कठोरा। गर्जहिं मनहुँ बलाहक घोरा।।

gaja ratha turaga cikāra kaṭhorā। garjahiṃ manahu~ balāhaka ghorā॥

कपि लंगूर बिपुल नभ छाए। मनहुँ इंद्रधनु उए सुहाए।।

kapi laṃgūra bipula nabha chāe। manahu~ iṃdradhanu ue suhāe॥

उठइ धूरि मानहुँ जलधारा। बान बुंद भै बृष्टि अपारा।।

uṭhai dhūri mānahu~ jaladhārā। bāna buṃda bhai bṛṣṭi apārā॥

दुहुँ दिसि पर्बत करहिं प्रहारा। बज्रपात जनु बारहिं बारा।।

duhu~ disi parbata karahiṃ prahārā। bajrapāta janu bārahiṃ bārā॥

रघुपति कोपि बान झरि लाई। घायल भै निसिचर समुदाई।।

raghupati kopi bāna jhari lāī। ghāyala bhai nisicara samudāī॥

लागत बान बीर चिक्करहीं। घुर्मि घुर्मि जहँ तहँ महि परहीं।।

lāgata bāna bīra cikkarahīṃ। ghurmi ghurmi jaha~ taha~ mahi parahīṃ॥

स्त्रवहिं सैल जनु निर्झर भारी। सोनित सरि कादर भयकारी।।

stravahiṃ saila janu nirjhara bhārī। sonita sari kādara bhayakārī॥

कादर भयंकर रुधिर सरिता चली परम अपावनी।

kādara bhayaṃkara rudhira saritā calī parama apāvanī।

दोउ कूल दल रथ रेत चक्र अबर्त बहति भयावनी।।

dou kūla dala ratha reta cakra abarta bahati bhayāvanī॥

जल जंतुगज पदचर तुरग खर बिबिध बाहन को गने।

jala jaṃtugaja padacara turaga khara bibidha bāhana ko gane।

सर सक्ति तोमर सर्प चाप तरंग चर्म कमठ घने।।

sara sakti tomara sarpa cāpa taraṃga carma kamaṭha ghane॥

बीर परहिं जनु तीर तरु मज्जा बहु बह फेन।

bīra parahiṃ janu tīra taru majjā bahu baha phena।

कादर देखि डरहिं तहँ सुभटन्ह के मन चेन।।87।।

kādara dekhi ḍarahiṃ taha~ subhaṭanha ke mana cena॥87॥

मज्जहि भूत पिसाच बेताला। प्रमथ महा झोटिंग कराला।।

majjahi bhūta pisāca betālā। pramatha mahā jhoṭiṃga karālā॥

काक कंक लै भुजा उड़ाहीं। एक ते छीनि एक लै खाहीं।।

kāka kaṃka lai bhujā ur̤āhīṃ। eka te chīni eka lai khāhīṃ॥

एक कहहिं ऐसिउ सौंघाई। सठहु तुम्हार दरिद्र न जाई।।

eka kahahiṃ aisiu sauṃghāī। saṭhahu tumhāra daridra na jāī॥

कहँरत भट घायल तट गिरे। जहँ तहँ मनहुँ अर्धजल परे।।

kaha~rata bhaṭa ghāyala taṭa gire। jaha~ taha~ manahu~ ardhajala pare॥

खैंचहिं गीध आँत तट भए। जनु बंसी खेलत चित दए।।

khaiṃcahiṃ gīdha ā~ta taṭa bhae। janu baṃsī khelata cita dae॥

बहु भट बहहिं चढ़े खग जाहीं। जनु नावरि खेलहिं सरि माहीं।।

bahu bhaṭa bahahiṃ car̤he khaga jāhīṃ। janu nāvari khelahiṃ sari māhīṃ॥

जोगिनि भरि भरि खप्पर संचहिं। भूत पिसाच बधू नभ नंचहिं।।

jogini bhari bhari khappara saṃcahiṃ। bhūta pisāca badhū nabha naṃcahiṃ॥

भट कपाल करताल बजावहिं। चामुंडा नाना बिधि गावहिं।।

bhaṭa kapāla karatāla bajāvahiṃ। cāmuṃḍā nānā bidhi gāvahiṃ॥

जंबुक निकर कटक्कट कट्टहिं। खाहिं हुआहिं अघाहिं दपट्टहिं।।

jaṃbuka nikara kaṭakkaṭa kaṭṭahiṃ। khāhiṃ huāhiṃ aghāhiṃ dapaṭṭahiṃ॥

कोटिन्ह रुंड मुंड बिनु डोल्लहिं। सीस परे महि जय जय बोल्लहिं।।

koṭinha ruṃḍa muṃḍa binu ḍollahiṃ। sīsa pare mahi jaya jaya bollahiṃ॥

बोल्लहिं जो जय जय मुंड रुंड प्रचंड सिर बिनु धावहीं।

bollahiṃ jo jaya jaya muṃḍa ruṃḍa pracaṃḍa sira binu dhāvahīṃ।

खप्परिन्ह खग्ग अलुज्झि जुज्झहिं सुभट भटन्ह ढहावहीं।।

khapparinha khagga alujjhi jujjhahiṃ subhaṭa bhaṭanha ḍhahāvahīṃ॥

बानर निसाचर निकर मर्दहिं राम बल दर्पित भए।

bānara nisācara nikara mardahiṃ rāma bala darpita bhae।

संग्राम अंगन सुभट सोवहिं राम सर निकरन्हि हए।।

saṃgrāma aṃgana subhaṭa sovahiṃ rāma sara nikaranhi hae॥

रावन हृदयँ बिचारा भा निसिचर संघार।

rāvana hṛdaya~ bicārā bhā nisicara saṃghāra।

मैं अकेल कपि भालु बहु माया करौं अपार।।88।।

maiṃ akela kapi bhālu bahu māyā karauṃ apāra॥88॥

देवन्ह प्रभुहि पयादें देखा। उपजा उर अति छोभ बिसेषा।।

devanha prabhuhi payādeṃ dekhā। upajā ura ati chobha biseṣā॥

सुरपति निज रथ तुरत पठावा। हरष सहित मातलि लै आवा।।

surapati nija ratha turata paṭhāvā। haraṣa sahita mātali lai āvā॥

तेज पुंज रथ दिब्य अनूपा। हरषि चढ़े कोसलपुर भूपा।।

teja puṃja ratha dibya anūpā। haraṣi car̤he kosalapura bhūpā॥

चंचल तुरग मनोहर चारी। अजर अमर मन सम गतिकारी।।

caṃcala turaga manohara cārī। ajara amara mana sama gatikārī॥

रथारूढ़ रघुनाथहि देखी। धाए कपि बलु पाइ बिसेषी।।

rathārūr̤ha raghunāthahi dekhī। dhāe kapi balu pāi biseṣī॥

सही न जाइ कपिन्ह कै मारी। तब रावन माया बिस्तारी।।

sahī na jāi kapinha kai mārī। taba rāvana māyā bistārī॥

सो माया रघुबीरहि बाँची। लछिमन कपिन्ह सो मानी साँची।।

so māyā raghubīrahi bā~cī। lachimana kapinha so mānī sā~cī॥

देखी कपिन्ह निसाचर अनी। अनुज सहित बहु कोसलधनी।।

dekhī kapinha nisācara anī। anuja sahita bahu kosaladhanī॥

बहु राम लछिमन देखि मर्कट भालु मन अति अपडरे।

bahu rāma lachimana dekhi markaṭa bhālu mana ati apaḍare।

जनु चित्र लिखित समेत लछिमन जहँ सो तहँ चितवहिं खरे।।

janu citra likhita sameta lachimana jaha~ so taha~ citavahiṃ khare॥

निज सेन चकित बिलोकि हँसि सर चाप सजि कोसल धनी।

nija sena cakita biloki ha~si sara cāpa saji kosala dhanī।

माया हरी हरि निमिष महुँ हरषी सकल मर्कट अनी।।

māyā harī hari nimiṣa mahu~ haraṣī sakala markaṭa anī॥

बहुरि राम सब तन चितइ बोले बचन गँभीर।

bahuri rāma saba tana citai bole bacana ga~bhīra।

द्वंदजुद्ध देखहु सकल श्रमित भए अति बीर।।89।।

dvaṃdajuddha dekhahu sakala śramita bhae ati bīra॥89॥

अस कहि रथ रघुनाथ चलावा। बिप्र चरन पंकज सिरु नावा।।

asa kahi ratha raghunātha calāvā। bipra carana paṃkaja siru nāvā॥

तब लंकेस क्रोध उर छावा। गर्जत तर्जत सन्मुख धावा।।

taba laṃkesa krodha ura chāvā। garjata tarjata sanmukha dhāvā॥

जीतेहु जे भट संजुग माहीं। सुनु तापस मैं तिन्ह सम नाहीं।।

jītehu je bhaṭa saṃjuga māhīṃ। sunu tāpasa maiṃ tinha sama nāhīṃ॥

रावन नाम जगत जस जाना। लोकप जाकें बंदीखाना।।

rāvana nāma jagata jasa jānā। lokapa jākeṃ baṃdīkhānā॥

खर दूषन बिराध तुम्ह मारा। बधेहु ब्याध इव बालि बिचारा।।

khara dūṣana birādha tumha mārā। badhehu byādha iva bāli bicārā॥

निसिचर निकर सुभट संघारेहु। कुंभकरन घननादहि मारेहु।।

nisicara nikara subhaṭa saṃghārehu। kuṃbhakarana ghananādahi mārehu॥

आजु बयरु सबु लेउँ निबाही। जौं रन भूप भाजि नहिं जाहीं।।

āju bayaru sabu leu~ nibāhī। jauṃ rana bhūpa bhāji nahiṃ jāhīṃ॥

आजु करउँ खलु काल हवाले। परेहु कठिन रावन के पाले।।

āju karau~ khalu kāla havāle। parehu kaṭhina rāvana ke pāle॥

सुनि दुर्बचन कालबस जाना। बिहँसि बचन कह कृपानिधाना।।

suni durbacana kālabasa jānā। biha~si bacana kaha kṛpānidhānā॥

सत्य सत्य सब तव प्रभुताई। जल्पसि जनि देखाउ मनुसाई।।

satya satya saba tava prabhutāī। jalpasi jani dekhāu manusāī॥

जनि जल्पना करि सुजसु नासहि नीति सुनहि करहि छमा।

jani jalpanā kari sujasu nāsahi nīti sunahi karahi chamā।

संसार महँ पूरुष त्रिबिध पाटल रसाल पनस समा।।

saṃsāra maha~ pūruṣa tribidha pāṭala rasāla panasa samā॥

एक सुमनप्रद एक सुमन फल एक फलइ केवल लागहीं।

eka sumanaprada eka sumana phala eka phalai kevala lāgahīṃ।

एक कहहिं कहहिं करहिं अपर एक करहिं कहत न बागहीं।।

eka kahahiṃ kahahiṃ karahiṃ apara eka karahiṃ kahata na bāgahīṃ॥

राम बचन सुनि बिहँसा मोहि सिखावत ग्यान।

rāma bacana suni biha~sā mohi sikhāvata gyāna।

बयरु करत नहिं तब डरे अब लागे प्रिय प्रान।।90।।

bayaru karata nahiṃ taba ḍare aba lāge priya prāna॥90॥

कहि दुर्बचन क्रुद्ध दसकंधर। कुलिस समान लाग छाँड़ै सर।।

kahi durbacana kruddha dasakaṃdhara। kulisa samāna lāga chā~r̤ai sara॥

नानाकार सिलीमुख धाए। दिसि अरु बिदिस गगन महि छाए।।

nānākāra silīmukha dhāe। disi aru bidisa gagana mahi chāe॥

पावक सर छाँड़ेउ रघुबीरा। छन महुँ जरे निसाचर तीरा।।

pāvaka sara chā~r̤eu raghubīrā। chana mahu~ jare nisācara tīrā॥

छाड़िसि तीब्र सक्ति खिसिआई। बान संग प्रभु फेरि चलाई।।

chār̤isi tībra sakti khisiāī। bāna saṃga prabhu pheri calāī॥

कोटिक चक्र त्रिसूल पबारै। बिनु प्रयास प्रभु काटि निवारै।।

koṭika cakra trisūla pabārai। binu prayāsa prabhu kāṭi nivārai॥

निफल होहिं रावन सर कैसें। खल के सकल मनोरथ जैसें।।

niphala hohiṃ rāvana sara kaiseṃ। khala ke sakala manoratha jaiseṃ॥

तब सत बान सारथी मारेसि। परेउ भूमि जय राम पुकारेसि।।

taba sata bāna sārathī māresi। pareu bhūmi jaya rāma pukāresi॥

राम कृपा करि सूत उठावा। तब प्रभु परम क्रोध कहुँ पावा।।

rāma kṛpā kari sūta uṭhāvā। taba prabhu parama krodha kahu~ pāvā॥

भए क्रुद्ध जुद्ध बिरुद्ध रघुपति त्रोन सायक कसमसे।

bhae kruddha juddha biruddha raghupati trona sāyaka kasamase।

कोदंड धुनि अति चंड सुनि मनुजाद सब मारुत ग्रसे।।

kodaṃḍa dhuni ati caṃḍa suni manujāda saba māruta grase॥

मँदोदरी उर कंप कंपति कमठ भू भूधर त्रसे।

ma~dodarī ura kaṃpa kaṃpati kamaṭha bhū bhūdhara trase।

चिक्करहिं दिग्गज दसन गहि महि देखि कौतुक सुर हँसे।।

cikkarahiṃ diggaja dasana gahi mahi dekhi kautuka sura ha~se॥

तानेउ चाप श्रवन लगि छाँड़े बिसिख कराल।

tāneu cāpa śravana lagi chā~r̤e bisikha karāla।

राम मारगन गन चले लहलहात जनु ब्याल।।91।।

rāma māragana gana cale lahalahāta janu byāla॥91॥

चले बान सपच्छ जनु उरगा। प्रथमहिं हतेउ सारथी तुरगा।।

cale bāna sapaccha janu uragā। prathamahiṃ hateu sārathī turagā॥

रथ बिभंजि हति केतु पताका। गर्जा अति अंतर बल थाका।।

ratha bibhaṃji hati ketu patākā। garjā ati aṃtara bala thākā॥

तुरत आन रथ चढ़ि खिसिआना। अस्त्र सस्त्र छाँड़ेसि बिधि नाना।।

turata āna ratha car̤hi khisiānā। astra sastra chā~r̤esi bidhi nānā॥

बिफल होहिं सब उद्यम ताके। जिमि परद्रोह निरत मनसा के।।

biphala hohiṃ saba udyama tāke। jimi paradroha nirata manasā ke॥

तब रावन दस सूल चलावा। बाजि चारि महि मारि गिरावा।।

taba rāvana dasa sūla calāvā। bāji cāri mahi māri girāvā॥

तुरग उठाइ कोपि रघुनायक। खैंचि सरासन छाँड़े सायक।।

turaga uṭhāi kopi raghunāyaka। khaiṃci sarāsana chā~r̤e sāyaka॥

रावन सिर सरोज बनचारी। चलि रघुबीर सिलीमुख धारी।।

rāvana sira saroja banacārī। cali raghubīra silīmukha dhārī॥

दस दस बान भाल दस मारे। निसरि गए चले रुधिर पनारे।।

dasa dasa bāna bhāla dasa māre। nisari gae cale rudhira panāre॥

स्त्रवत रुधिर धायउ बलवाना। प्रभु पुनि कृत धनु सर संधाना।।

stravata rudhira dhāyau balavānā। prabhu puni kṛta dhanu sara saṃdhānā॥

तीस तीर रघुबीर पबारे। भुजन्हि समेत सीस महि पारे।।

tīsa tīra raghubīra pabāre। bhujanhi sameta sīsa mahi pāre॥

काटतहीं पुनि भए नबीने। राम बहोरि भुजा सिर छीने।।

kāṭatahīṃ puni bhae nabīne। rāma bahori bhujā sira chīne॥

प्रभु बहु बार बाहु सिर हए। कटत झटिति पुनि नूतन भए।।

prabhu bahu bāra bāhu sira hae। kaṭata jhaṭiti puni nūtana bhae॥

पुनि पुनि प्रभु काटत भुज सीसा। अति कौतुकी कोसलाधीसा।।

puni puni prabhu kāṭata bhuja sīsā। ati kautukī kosalādhīsā॥

रहे छाइ नभ सिर अरु बाहू। मानहुँ अमित केतु अरु राहू।।

rahe chāi nabha sira aru bāhū। mānahu~ amita ketu aru rāhū॥

जनु राहु केतु अनेक नभ पथ स्त्रवत सोनित धावहीं।

janu rāhu ketu aneka nabha patha stravata sonita dhāvahīṃ।

रघुबीर तीर प्रचंड लागहिं भूमि गिरन न पावहीं।।

raghubīra tīra pracaṃḍa lāgahiṃ bhūmi girana na pāvahīṃ॥

एक एक सर सिर निकर छेदे नभ उड़त इमि सोहहीं।

eka eka sara sira nikara chede nabha ur̤ata imi sohahīṃ।

जनु कोपि दिनकर कर निकर जहँ तहँ बिधुंतुद पोहहीं।।

janu kopi dinakara kara nikara jaha~ taha~ bidhuṃtuda pohahīṃ॥

जिमि जिमि प्रभु हर तासु सिर तिमि तिमि होहिं अपार।

jimi jimi prabhu hara tāsu sira timi timi hohiṃ apāra।

सेवत बिषय बिबर्ध जिमि नित नित नूतन मार।।92।।

sevata biṣaya bibardha jimi nita nita nūtana māra॥92॥

दसमुख देखि सिरन्ह कै बाढ़ी। बिसरा मरन भई रिस गाढ़ी।।

dasamukha dekhi siranha kai bār̤hī। bisarā marana bhaī risa gār̤hī॥

गर्जेउ मूढ़ महा अभिमानी। धायउ दसहु सरासन तानी।।

garjeu mūr̤ha mahā abhimānī। dhāyau dasahu sarāsana tānī॥

समर भूमि दसकंधर कोप्यो। बरषि बान रघुपति रथ तोप्यो।।

samara bhūmi dasakaṃdhara kopyo। baraṣi bāna raghupati ratha topyo॥

दंड एक रथ देखि न परेऊ। जनु निहार महुँ दिनकर दुरेऊ।।

daṃḍa eka ratha dekhi na pareū। janu nihāra mahu~ dinakara dureū॥

हाहाकार सुरन्ह जब कीन्हा। तब प्रभु कोपि कारमुक लीन्हा।।

hāhākāra suranha jaba kīnhā। taba prabhu kopi kāramuka līnhā॥

सर निवारि रिपु के सिर काटे। ते दिसि बिदिस गगन महि पाटे।।

sara nivāri ripu ke sira kāṭe। te disi bidisa gagana mahi pāṭe॥

काटे सिर नभ मारग धावहिं। जय जय धुनि करि भय उपजावहिं।।

kāṭe sira nabha māraga dhāvahiṃ। jaya jaya dhuni kari bhaya upajāvahiṃ॥

कहँ लछिमन सुग्रीव कपीसा। कहँ रघुबीर कोसलाधीसा।।

kaha~ lachimana sugrīva kapīsā। kaha~ raghubīra kosalādhīsā॥

कहँ रामु कहि सिर निकर धाए देखि मर्कट भजि चले।

kaha~ rāmu kahi sira nikara dhāe dekhi markaṭa bhaji cale।

संधानि धनु रघुबंसमनि हँसि सरन्हि सिर बेधे भले।।

saṃdhāni dhanu raghubaṃsamani ha~si saranhi sira bedhe bhale॥

सिर मालिका कर कालिका गहि बृंद बृंदन्हि बहु मिलीं।

sira mālikā kara kālikā gahi bṛṃda bṛṃdanhi bahu milīṃ।

करि रुधिर सरि मज्जनु मनहुँ संग्राम बट पूजन चलीं।।

kari rudhira sari majjanu manahu~ saṃgrāma baṭa pūjana calīṃ॥

पुनि दसकंठ क्रुद्ध होइ छाँड़ी सक्ति प्रचंड।

puni dasakaṃṭha kruddha hoi chā~r̤ī sakti pracaṃḍa।

चली बिभीषन सन्मुख मनहुँ काल कर दंड।।93।।

calī bibhīṣana sanmukha manahu~ kāla kara daṃḍa॥93॥

आवत देखि सक्ति अति घोरा। प्रनतारति भंजन पन मोरा।।

āvata dekhi sakti ati ghorā। pranatārati bhaṃjana pana morā॥

तुरत बिभीषन पाछें मेला। सन्मुख राम सहेउ सोइ सेला।।

turata bibhīṣana pācheṃ melā। sanmukha rāma saheu soi selā॥

लागि सक्ति मुरुछा कछु भई। प्रभु कृत खेल सुरन्ह बिकलई।।

lāgi sakti muruchā kachu bhaī। prabhu kṛta khela suranha bikalaī॥

देखि बिभीषन प्रभु श्रम पायो। गहि कर गदा क्रुद्ध होइ धायो।।

dekhi bibhīṣana prabhu śrama pāyo। gahi kara gadā kruddha hoi dhāyo॥

रे कुभाग्य सठ मंद कुबुद्धे। तैं सुर नर मुनि नाग बिरुद्धे।।

re kubhāgya saṭha maṃda kubuddhe। taiṃ sura nara muni nāga biruddhe॥

सादर सिव कहुँ सीस चढ़ाए। एक एक के कोटिन्ह पाए।।

sādara siva kahu~ sīsa car̤hāe। eka eka ke koṭinha pāe॥

तेहि कारन खल अब लगि बाँच्यो। अब तव कालु सीस पर नाच्यो।।

tehi kārana khala aba lagi bā~cyo। aba tava kālu sīsa para nācyo॥

राम बिमुख सठ चहसि संपदा। अस कहि हनेसि माझ उर गदा।।

rāma bimukha saṭha cahasi saṃpadā। asa kahi hanesi mājha ura gadā॥

उर माझ गदा प्रहार घोर कठोर लागत महि पर् यो।

ura mājha gadā prahāra ghora kaṭhora lāgata mahi par yo।

दस बदन सोनित स्त्रवत पुनि संभारि धायो रिस भर् यो।।

dasa badana sonita stravata puni saṃbhāri dhāyo risa bhar yo॥

द्वौ भिरे अतिबल मल्लजुद्ध बिरुद्ध एकु एकहि हनै।

dvau bhire atibala mallajuddha biruddha eku ekahi hanai।

रघुबीर बल दर्पित बिभीषनु घालि नहिं ता कहुँ गनै।।

raghubīra bala darpita bibhīṣanu ghāli nahiṃ tā kahu~ ganai॥

उमा बिभीषनु रावनहि सन्मुख चितव कि काउ।

umā bibhīṣanu rāvanahi sanmukha citava ki kāu।

सो अब भिरत काल ज्यों श्रीरघुबीर प्रभाउ।।94।।

so aba bhirata kāla jyoṃ śrīraghubīra prabhāu॥94॥

देखा श्रमित बिभीषनु भारी। धायउ हनूमान गिरि धारी।।

dekhā śramita bibhīṣanu bhārī। dhāyau hanūmāna giri dhārī॥

रथ तुरंग सारथी निपाता। हृदय माझ तेहि मारेसि लाता।।

ratha turaṃga sārathī nipātā। hṛdaya mājha tehi māresi lātā॥

ठाढ़ रहा अति कंपित गाता। गयउ बिभीषनु जहँ जनत्राता।।

ṭhār̤ha rahā ati kaṃpita gātā। gayau bibhīṣanu jaha~ janatrātā॥

पुनि रावन कपि हतेउ पचारी। चलेउ गगन कपि पूँछ पसारी।।

puni rāvana kapi hateu pacārī। caleu gagana kapi pū~cha pasārī॥

गहिसि पूँछ कपि सहित उड़ाना। पुनि फिरि भिरेउ प्रबल हनुमाना।।

gahisi pū~cha kapi sahita ur̤ānā। puni phiri bhireu prabala hanumānā॥

लरत अकास जुगल सम जोधा। एकहि एकु हनत करि क्रोधा।।

larata akāsa jugala sama jodhā। ekahi eku hanata kari krodhā॥

सोहहिं नभ छल बल बहु करहीं। कज्जल गिरि सुमेरु जनु लरहीं।।

sohahiṃ nabha chala bala bahu karahīṃ। kajjala giri sumeru janu larahīṃ॥

बुधि बल निसिचर परइ न पार् यो। तब मारुत सुत प्रभु संभार् यो।।

budhi bala nisicara parai na pār yo। taba māruta suta prabhu saṃbhār yo॥

संभारि श्रीरघुबीर धीर पचारि कपि रावनु हन्यो।

saṃbhāri śrīraghubīra dhīra pacāri kapi rāvanu hanyo।

महि परत पुनि उठि लरत देवन्ह जुगल कहुँ जय जय भन्यो।।

mahi parata puni uṭhi larata devanha jugala kahu~ jaya jaya bhanyo॥

हनुमंत संकट देखि मर्कट भालु क्रोधातुर चले।

hanumaṃta saṃkaṭa dekhi markaṭa bhālu krodhātura cale।

रन मत्त रावन सकल सुभट प्रचंड भुज बल दलमले।।

rana matta rāvana sakala subhaṭa pracaṃḍa bhuja bala dalamale॥

तब रघुबीर पचारे धाए कीस प्रचंड।

taba raghubīra pacāre dhāe kīsa pracaṃḍa।

कपि बल प्रबल देखि तेहिं कीन्ह प्रगट पाषंड।।95।।

kapi bala prabala dekhi tehiṃ kīnha pragaṭa pāṣaṃḍa॥95॥

अंतरधान भयउ छन एका। पुनि प्रगटे खल रूप अनेका।।

aṃtaradhāna bhayau chana ekā। puni pragaṭe khala rūpa anekā॥

रघुपति कटक भालु कपि जेते। जहँ तहँ प्रगट दसानन तेते।।

raghupati kaṭaka bhālu kapi jete। jaha~ taha~ pragaṭa dasānana tete॥

देखे कपिन्ह अमित दससीसा। जहँ तहँ भजे भालु अरु कीसा।।

dekhe kapinha amita dasasīsā। jaha~ taha~ bhaje bhālu aru kīsā॥

भागे बानर धरहिं न धीरा। त्राहि त्राहि लछिमन रघुबीरा।।

bhāge bānara dharahiṃ na dhīrā। trāhi trāhi lachimana raghubīrā॥

दहँ दिसि धावहिं कोटिन्ह रावन। गर्जहिं घोर कठोर भयावन।।

daha~ disi dhāvahiṃ koṭinha rāvana। garjahiṃ ghora kaṭhora bhayāvana॥

डरे सकल सुर चले पराई। जय कै आस तजहु अब भाई।।

ḍare sakala sura cale parāī। jaya kai āsa tajahu aba bhāī॥

सब सुर जिते एक दसकंधर। अब बहु भए तकहु गिरि कंदर।।

saba sura jite eka dasakaṃdhara। aba bahu bhae takahu giri kaṃdara॥

रहे बिरंचि संभु मुनि ग्यानी। जिन्ह जिन्ह प्रभु महिमा कछु जानी।।

rahe biraṃci saṃbhu muni gyānī। jinha jinha prabhu mahimā kachu jānī॥

जाना प्रताप ते रहे निर्भय कपिन्ह रिपु माने फुरे।

jānā pratāpa te rahe nirbhaya kapinha ripu māne phure।

चले बिचलि मर्कट भालु सकल कृपाल पाहि भयातुरे।।

cale bicali markaṭa bhālu sakala kṛpāla pāhi bhayāture॥

हनुमंत अंगद नील नल अतिबल लरत रन बाँकुरे।

hanumaṃta aṃgada nīla nala atibala larata rana bā~kure।

मर्दहिं दसानन कोटि कोटिन्ह कपट भू भट अंकुरे।।

mardahiṃ dasānana koṭi koṭinha kapaṭa bhū bhaṭa aṃkure॥

सुर बानर देखे बिकल हँस्यो कोसलाधीस।

sura bānara dekhe bikala ha~syo kosalādhīsa।

सजि सारंग एक सर हते सकल दससीस।।96।।

saji sāraṃga eka sara hate sakala dasasīsa॥96॥

प्रभु छन महुँ माया सब काटी। जिमि रबि उएँ जाहिं तम फाटी।।

prabhu chana mahu~ māyā saba kāṭī। jimi rabi ue~ jāhiṃ tama phāṭī॥

रावनु एकु देखि सुर हरषे। फिरे सुमन बहु प्रभु पर बरषे।।

rāvanu eku dekhi sura haraṣe। phire sumana bahu prabhu para baraṣe॥

भुज उठाइ रघुपति कपि फेरे। फिरे एक एकन्ह तब टेरे।।

bhuja uṭhāi raghupati kapi phere। phire eka ekanha taba ṭere॥

प्रभु बलु पाइ भालु कपि धाए। तरल तमकि संजुग महि आए।।

prabhu balu pāi bhālu kapi dhāe। tarala tamaki saṃjuga mahi āe॥

अस्तुति करत देवतन्हि देखें। भयउँ एक मैं इन्ह के लेखें।।

astuti karata devatanhi dekheṃ। bhayau~ eka maiṃ inha ke lekheṃ॥

सठहु सदा तुम्ह मोर मरायल। अस कहि कोपि गगन पर धायल।।

saṭhahu sadā tumha mora marāyala। asa kahi kopi gagana para dhāyala॥

हाहाकार करत सुर भागे। खलहु जाहु कहँ मोरें आगे।।

hāhākāra karata sura bhāge। khalahu jāhu kaha~ moreṃ āge॥

देखि बिकल सुर अंगद धायो। कूदि चरन गहि भूमि गिरायो।।

dekhi bikala sura aṃgada dhāyo। kūdi carana gahi bhūmi girāyo॥

गहि भूमि पार् यो लात मार् यो बालिसुत प्रभु पहिं गयो।

gahi bhūmi pār yo lāta mār yo bālisuta prabhu pahiṃ gayo।

संभारि उठि दसकंठ घोर कठोर रव गर्जत भयो।।

saṃbhāri uṭhi dasakaṃṭha ghora kaṭhora rava garjata bhayo॥

करि दाप चाप चढ़ाइ दस संधानि सर बहु बरषई।

kari dāpa cāpa car̤hāi dasa saṃdhāni sara bahu baraṣaī।

किए सकल भट घायल भयाकुल देखि निज बल हरषई।।

kie sakala bhaṭa ghāyala bhayākula dekhi nija bala haraṣaī॥

तब रघुपति रावन के सीस भुजा सर चाप।

taba raghupati rāvana ke sīsa bhujā sara cāpa।

काटे बहुत बढ़े पुनि जिमि तीरथ कर पाप। 97।।

kāṭe bahuta bar̤he puni jimi tīratha kara pāpa। 97॥

सिर भुज बाढ़ि देखि रिपु केरी। भालु कपिन्ह रिस भई घनेरी।।

sira bhuja bār̤hi dekhi ripu kerī। bhālu kapinha risa bhaī ghanerī॥

मरत न मूढ़ कटेउ भुज सीसा। धाए कोपि भालु भट कीसा।।

marata na mūr̤ha kaṭeu bhuja sīsā। dhāe kopi bhālu bhaṭa kīsā॥

बालितनय मारुति नल नीला। बानरराज दुबिद बलसीला।।

bālitanaya māruti nala nīlā। bānararāja dubida balasīlā॥

बिटप महीधर करहिं प्रहारा। सोइ गिरि तरु गहि कपिन्ह सो मारा।।

biṭapa mahīdhara karahiṃ prahārā। soi giri taru gahi kapinha so mārā॥

एक नखन्हि रिपु बपुष बिदारी। भअगि चलहिं एक लातन्ह मारी।।

eka nakhanhi ripu bapuṣa bidārī। bhaagi calahiṃ eka lātanha mārī॥

तब नल नील सिरन्हि चढ़ि गयऊ। नखन्हि लिलार बिदारत भयऊ।।

taba nala nīla siranhi car̤hi gayaū। nakhanhi lilāra bidārata bhayaū॥

रुधिर देखि बिषाद उर भारी। तिन्हहि धरन कहुँ भुजा पसारी।।

rudhira dekhi biṣāda ura bhārī। tinhahi dharana kahu~ bhujā pasārī॥

गहे न जाहिं करन्हि पर फिरहीं। जनु जुग मधुप कमल बन चरहीं।।

gahe na jāhiṃ karanhi para phirahīṃ। janu juga madhupa kamala bana carahīṃ॥

कोपि कूदि द्वौ धरेसि बहोरी। महि पटकत भजे भुजा मरोरी।।

kopi kūdi dvau dharesi bahorī। mahi paṭakata bhaje bhujā marorī॥

पुनि सकोप दस धनु कर लीन्हे। सरन्हि मारि घायल कपि कीन्हे।।

puni sakopa dasa dhanu kara līnhe। saranhi māri ghāyala kapi kīnhe॥

हनुमदादि मुरुछित करि बंदर। पाइ प्रदोष हरष दसकंधर।।

hanumadādi muruchita kari baṃdara। pāi pradoṣa haraṣa dasakaṃdhara॥

मुरुछित देखि सकल कपि बीरा। जामवंत धायउ रनधीरा।।

muruchita dekhi sakala kapi bīrā। jāmavaṃta dhāyau ranadhīrā॥

संग भालु भूधर तरु धारी। मारन लगे पचारि पचारी।।

saṃga bhālu bhūdhara taru dhārī। mārana lage pacāri pacārī॥

भयउ क्रुद्ध रावन बलवाना। गहि पद महि पटकइ भट नाना।।

bhayau kruddha rāvana balavānā। gahi pada mahi paṭakai bhaṭa nānā॥

देखि भालुपति निज दल घाता। कोपि माझ उर मारेसि लाता।।

dekhi bhālupati nija dala ghātā। kopi mājha ura māresi lātā॥

उर लात घात प्रचंड लागत बिकल रथ ते महि परा।

ura lāta ghāta pracaṃḍa lāgata bikala ratha te mahi parā।

गहि भालु बीसहुँ कर मनहुँ कमलन्हि बसे निसि मधुकरा।।

gahi bhālu bīsahu~ kara manahu~ kamalanhi base nisi madhukarā॥

मुरुछित बिलोकि बहोरि पद हति भालुपति प्रभु पहिं गयौ।

muruchita biloki bahori pada hati bhālupati prabhu pahiṃ gayau।

निसि जानि स्यंदन घालि तेहि तब सूत जतनु करत भयो।।

nisi jāni syaṃdana ghāli tehi taba sūta jatanu karata bhayo॥

मुरुछा बिगत भालु कपि सब आए प्रभु पास।

muruchā bigata bhālu kapi saba āe prabhu pāsa।

निसिचर सकल रावनहि घेरि रहे अति त्रास।।98।।

nisicara sakala rāvanahi gheri rahe ati trāsa॥98॥

तेही निसि सीता पहिं जाई। त्रिजटा कहि सब कथा सुनाई।।

tehī nisi sītā pahiṃ jāī। trijaṭā kahi saba kathā sunāī॥

सिर भुज बाढ़ि सुनत रिपु केरी। सीता उर भइ त्रास घनेरी।।

sira bhuja bār̤hi sunata ripu kerī। sītā ura bhai trāsa ghanerī॥

मुख मलीन उपजी मन चिंता। त्रिजटा सन बोली तब सीता।।

mukha malīna upajī mana ciṃtā। trijaṭā sana bolī taba sītā॥

होइहि कहा कहसि किन माता। केहि बिधि मरिहि बिस्व दुखदाता।।

hoihi kahā kahasi kina mātā। kehi bidhi marihi bisva dukhadātā॥

रघुपति सर सिर कटेहुँ न मरई। बिधि बिपरीत चरित सब करई।।

raghupati sara sira kaṭehu~ na maraī। bidhi biparīta carita saba karaī॥

मोर अभाग्य जिआवत ओही। जेहिं हौ हरि पद कमल बिछोही।।

mora abhāgya jiāvata ohī। jehiṃ hau hari pada kamala bichohī॥

जेहिं कृत कपट कनक मृग झूठा। अजहुँ सो दैव मोहि पर रूठा।।

jehiṃ kṛta kapaṭa kanaka mṛga jhūṭhā। ajahu~ so daiva mohi para rūṭhā॥

जेहिं बिधि मोहि दुख दुसह सहाए। लछिमन कहुँ कटु बचन कहाए।।

jehiṃ bidhi mohi dukha dusaha sahāe। lachimana kahu~ kaṭu bacana kahāe॥

रघुपति बिरह सबिष सर भारी। तकि तकि मार बार बहु मारी।।

raghupati biraha sabiṣa sara bhārī। taki taki māra bāra bahu mārī॥

ऐसेहुँ दुख जो राख मम प्राना। सोइ बिधि ताहि जिआव न आना।।

aisehu~ dukha jo rākha mama prānā। soi bidhi tāhi jiāva na ānā॥

बहु बिधि कर बिलाप जानकी। करि करि सुरति कृपानिधान की।।

bahu bidhi kara bilāpa jānakī। kari kari surati kṛpānidhāna kī॥

कह त्रिजटा सुनु राजकुमारी। उर सर लागत मरइ सुरारी।।

kaha trijaṭā sunu rājakumārī। ura sara lāgata marai surārī॥

प्रभु ताते उर हतइ न तेही। एहि के हृदयँ बसति बैदेही।।

prabhu tāte ura hatai na tehī। ehi ke hṛdaya~ basati baidehī॥

एहि के हृदयँ बस जानकी जानकी उर मम बास है।

ehi ke hṛdaya~ basa jānakī jānakī ura mama bāsa hai।

मम उदर भुअन अनेक लागत बान सब कर नास है।।

mama udara bhuana aneka lāgata bāna saba kara nāsa hai॥

सुनि बचन हरष बिषाद मन अति देखि पुनि त्रिजटाँ कहा।

suni bacana haraṣa biṣāda mana ati dekhi puni trijaṭā~ kahā।

अब मरिहि रिपु एहि बिधि सुनहि सुंदरि तजहि संसय महा।।

aba marihi ripu ehi bidhi sunahi suṃdari tajahi saṃsaya mahā॥

काटत सिर होइहि बिकल छुटि जाइहि तव ध्यान।

kāṭata sira hoihi bikala chuṭi jāihi tava dhyāna।

तब रावनहि हृदय महुँ मरिहहिं रामु सुजान।।99।।

taba rāvanahi hṛdaya mahu~ marihahiṃ rāmu sujāna॥99॥

अस कहि बहुत भाँति समुझाई। पुनि त्रिजटा निज भवन सिधाई।।

asa kahi bahuta bhā~ti samujhāī। puni trijaṭā nija bhavana sidhāī॥

राम सुभाउ सुमिरि बैदेही। उपजी बिरह बिथा अति तेही।।

rāma subhāu sumiri baidehī। upajī biraha bithā ati tehī॥

निसिहि ससिहि निंदति बहु भाँती। जुग सम भई सिराति न राती।।

nisihi sasihi niṃdati bahu bhā~tī। juga sama bhaī sirāti na rātī॥

करति बिलाप मनहिं मन भारी। राम बिरहँ जानकी दुखारी।।

karati bilāpa manahiṃ mana bhārī। rāma biraha~ jānakī dukhārī॥

जब अति भयउ बिरह उर दाहू। फरकेउ बाम नयन अरु बाहू।।

jaba ati bhayau biraha ura dāhū। pharakeu bāma nayana aru bāhū॥

सगुन बिचारि धरी मन धीरा। अब मिलिहहिं कृपाल रघुबीरा।।

saguna bicāri dharī mana dhīrā। aba milihahiṃ kṛpāla raghubīrā॥

इहाँ अर्धनिसि रावनु जागा। निज सारथि सन खीझन लागा।।

ihā~ ardhanisi rāvanu jāgā। nija sārathi sana khījhana lāgā॥

सठ रनभूमि छड़ाइसि मोही। धिग धिग अधम मंदमति तोही।।

saṭha ranabhūmi char̤āisi mohī। dhiga dhiga adhama maṃdamati tohī॥

तेहिं पद गहि बहु बिधि समुझावा। भौरु भएँ रथ चढ़ि पुनि धावा।।

tehiṃ pada gahi bahu bidhi samujhāvā। bhauru bhae~ ratha car̤hi puni dhāvā॥

सुनि आगवनु दसानन केरा। कपि दल खरभर भयउ घनेरा।।

suni āgavanu dasānana kerā। kapi dala kharabhara bhayau ghanerā॥

जहँ तहँ भूधर बिटप उपारी। धाए कटकटाइ भट भारी।।

jaha~ taha~ bhūdhara biṭapa upārī। dhāe kaṭakaṭāi bhaṭa bhārī॥

धाए जो मर्कट बिकट भालु कराल कर भूधर धरा।

dhāe jo markaṭa bikaṭa bhālu karāla kara bhūdhara dharā।

अति कोप करहिं प्रहार मारत भजि चले रजनीचरा।।

ati kopa karahiṃ prahāra mārata bhaji cale rajanīcarā॥

बिचलाइ दल बलवंत कीसन्ह घेरि पुनि रावनु लियो।

bicalāi dala balavaṃta kīsanha gheri puni rāvanu liyo।

चहुँ दिसि चपेटन्हि मारि नखन्हि बिदारि तनु ब्याकुल कियो।।

cahu~ disi capeṭanhi māri nakhanhi bidāri tanu byākula kiyo॥

देखि महा मर्कट प्रबल रावन कीन्ह बिचार।

dekhi mahā markaṭa prabala rāvana kīnha bicāra।

अंतरहित होइ निमिष महुँ कृत माया बिस्तार।।100।।

aṃtarahita hoi nimiṣa mahu~ kṛta māyā bistāra॥100॥

जब कीन्ह तेहिं पाषंड। भए प्रगट जंतु प्रचंड।।

jaba kīnha tehiṃ pāṣaṃḍa। bhae pragaṭa jaṃtu pracaṃḍa॥

बेताल भूत पिसाच। कर धरें धनु नाराच।।1।।

betāla bhūta pisāca। kara dhareṃ dhanu nārāca॥1॥

जोगिनि गहें करबाल। एक हाथ मनुज कपाल।।

jogini gaheṃ karabāla। eka hātha manuja kapāla॥

करि सद्य सोनित पान। नाचहिं करहिं बहु गान।।2।।

kari sadya sonita pāna। nācahiṃ karahiṃ bahu gāna॥2॥

धरु मारु बोलहिं घोर। रहि पूरि धुनि चहुँ ओर।।

dharu māru bolahiṃ ghora। rahi pūri dhuni cahu~ ora॥

मुख बाइ धावहिं खान। तब लगे कीस परान।।3।।

mukha bāi dhāvahiṃ khāna। taba lage kīsa parāna॥3॥

जहँ जाहिं मर्कट भागि। तहँ बरत देखहिं आगि।।

jaha~ jāhiṃ markaṭa bhāgi। taha~ barata dekhahiṃ āgi॥

भए बिकल बानर भालु। पुनि लाग बरषै बालु।।4।।

bhae bikala bānara bhālu। puni lāga baraṣai bālu॥4॥

जहँ तहँ थकित करि कीस। गर्जेउ बहुरि दससीस।।

jaha~ taha~ thakita kari kīsa। garjeu bahuri dasasīsa॥

लछिमन कपीस समेत। भए सकल बीर अचेत।।5।।

lachimana kapīsa sameta। bhae sakala bīra aceta॥5॥

हा राम हा रघुनाथ। कहि सुभट मीजहिं हाथ।।

hā rāma hā raghunātha। kahi subhaṭa mījahiṃ hātha॥

एहि बिधि सकल बल तोरि। तेहिं कीन्ह कपट बहोरि।।6।।

ehi bidhi sakala bala tori। tehiṃ kīnha kapaṭa bahori॥6॥

प्रगटेसि बिपुल हनुमान। धाए गहे पाषान।।

pragaṭesi bipula hanumāna। dhāe gahe pāṣāna॥

तिन्ह रामु घेरे जाइ। चहुँ दिसि बरूथ बनाइ।।7।।

tinha rāmu ghere jāi। cahu~ disi barūtha banāi॥7॥

मारहु धरहु जनि जाइ। कटकटहिं पूँछ उठाइ।।

mārahu dharahu jani jāi। kaṭakaṭahiṃ pū~cha uṭhāi॥

दहँ दिसि लँगूर बिराज। तेहिं मध्य कोसलराज।।8।।

daha~ disi la~gūra birāja। tehiṃ madhya kosalarāja॥8॥

तेहिं मध्य कोसलराज सुंदर स्याम तन सोभा लही।

tehiṃ madhya kosalarāja suṃdara syāma tana sobhā lahī।

जनु इंद्रधनुष अनेक की बर बारि तुंग तमालही।।

janu iṃdradhanuṣa aneka kī bara bāri tuṃga tamālahī॥

प्रभु देखि हरष बिषाद उर सुर बदत जय जय जय करी।

prabhu dekhi haraṣa biṣāda ura sura badata jaya jaya jaya karī।

रघुबीर एकहि तीर कोपि निमेष महुँ माया हरी।।1।।

raghubīra ekahi tīra kopi nimeṣa mahu~ māyā harī॥1॥

माया बिगत कपि भालु हरषे बिटप गिरि गहि सब फिरे।

māyā bigata kapi bhālu haraṣe biṭapa giri gahi saba phire।

सर निकर छाड़े राम रावन बाहु सिर पुनि महि गिरे।।

sara nikara chār̤e rāma rāvana bāhu sira puni mahi gire॥

श्रीराम रावन समर चरित अनेक कल्प जो गावहीं।

śrīrāma rāvana samara carita aneka kalpa jo gāvahīṃ।

सत सेष सारद निगम कबि तेउ तदपि पार न पावहीं।।2।।

sata seṣa sārada nigama kabi teu tadapi pāra na pāvahīṃ॥2॥

ताके गुन गन कछु कहे जड़मति तुलसीदास।

tāke guna gana kachu kahe jar̤amati tulasīdāsa।

जिमि निज बल अनुरूप ते माछी उड़इ अकास।।101(क)।।

jimi nija bala anurūpa te māchī ur̤ai akāsa॥101(ka)॥

काटे सिर भुज बार बहु मरत न भट लंकेस।

kāṭe sira bhuja bāra bahu marata na bhaṭa laṃkesa।

प्रभु क्रीड़त सुर सिद्ध मुनि ब्याकुल देखि कलेस।।101(ख)।।

prabhu krīr̤ata sura siddha muni byākula dekhi kalesa॥101(kha)॥

काटत बढ़हिं सीस समुदाई। जिमि प्रति लाभ लोभ अधिकाई।।

kāṭata bar̤hahiṃ sīsa samudāī। jimi prati lābha lobha adhikāī॥

मरइ न रिपु श्रम भयउ बिसेषा। राम बिभीषन तन तब देखा।।

marai na ripu śrama bhayau biseṣā। rāma bibhīṣana tana taba dekhā॥

उमा काल मर जाकीं ईछा। सो प्रभु जन कर प्रीति परीछा।।

umā kāla mara jākīṃ īchā। so prabhu jana kara prīti parīchā॥

सुनु सरबग्य चराचर नायक। प्रनतपाल सुर मुनि सुखदायक।।

sunu sarabagya carācara nāyaka। pranatapāla sura muni sukhadāyaka॥

नाभिकुंड पियूष बस याकें। नाथ जिअत रावनु बल ताकें।।

nābhikuṃḍa piyūṣa basa yākeṃ। nātha jiata rāvanu bala tākeṃ॥

सुनत बिभीषन बचन कृपाला। हरषि गहे कर बान कराला।।

sunata bibhīṣana bacana kṛpālā। haraṣi gahe kara bāna karālā॥

असुभ होन लागे तब नाना। रोवहिं खर सृकाल बहु स्वाना।।

asubha hona lāge taba nānā। rovahiṃ khara sṛkāla bahu svānā॥

बोलहि खग जग आरति हेतू। प्रगट भए नभ जहँ तहँ केतू।।

bolahi khaga jaga ārati hetū। pragaṭa bhae nabha jaha~ taha~ ketū॥

दस दिसि दाह होन अति लागा। भयउ परब बिनु रबि उपरागा।।

dasa disi dāha hona ati lāgā। bhayau paraba binu rabi uparāgā॥

मंदोदरि उर कंपति भारी। प्रतिमा स्त्रवहिं नयन मग बारी।।

maṃdodari ura kaṃpati bhārī। pratimā stravahiṃ nayana maga bārī॥

प्रतिमा रुदहिं पबिपात नभ अति बात बह डोलति मही।

pratimā rudahiṃ pabipāta nabha ati bāta baha ḍolati mahī।

बरषहिं बलाहक रुधिर कच रज असुभ अति सक को कही।।

baraṣahiṃ balāhaka rudhira kaca raja asubha ati saka ko kahī॥

उतपात अमित बिलोकि नभ सुर बिकल बोलहि जय जए।

utapāta amita biloki nabha sura bikala bolahi jaya jae।

सुर सभय जानि कृपाल रघुपति चाप सर जोरत भए।।

sura sabhaya jāni kṛpāla raghupati cāpa sara jorata bhae॥

खैचि सरासन श्रवन लगि छाड़े सर एकतीस।

khaici sarāsana śravana lagi chār̤e sara ekatīsa।

रघुनायक सायक चले मानहुँ काल फनीस।।102।।

raghunāyaka sāyaka cale mānahu~ kāla phanīsa॥102॥

सायक एक नाभि सर सोषा। अपर लगे भुज सिर करि रोषा।।

sāyaka eka nābhi sara soṣā। apara lage bhuja sira kari roṣā॥

लै सिर बाहु चले नाराचा। सिर भुज हीन रुंड महि नाचा।।

lai sira bāhu cale nārācā। sira bhuja hīna ruṃḍa mahi nācā॥

धरनि धसइ धर धाव प्रचंडा। तब सर हति प्रभु कृत दुइ खंडा।।

dharani dhasai dhara dhāva pracaṃḍā। taba sara hati prabhu kṛta dui khaṃḍā॥

गर्जेउ मरत घोर रव भारी। कहाँ रामु रन हतौं पचारी।।

garjeu marata ghora rava bhārī। kahā~ rāmu rana hatauṃ pacārī॥

डोली भूमि गिरत दसकंधर। छुभित सिंधु सरि दिग्गज भूधर।।

ḍolī bhūmi girata dasakaṃdhara। chubhita siṃdhu sari diggaja bhūdhara॥

धरनि परेउ द्वौ खंड बढ़ाई। चापि भालु मर्कट समुदाई।।

dharani pareu dvau khaṃḍa bar̤hāī। cāpi bhālu markaṭa samudāī॥

मंदोदरि आगें भुज सीसा। धरि सर चले जहाँ जगदीसा।।

maṃdodari āgeṃ bhuja sīsā। dhari sara cale jahā~ jagadīsā॥

प्रबिसे सब निषंग महु जाई। देखि सुरन्ह दुंदुभीं बजाई।।

prabise saba niṣaṃga mahu jāī। dekhi suranha duṃdubhīṃ bajāī॥

तासु तेज समान प्रभु आनन। हरषे देखि संभु चतुरानन।।

tāsu teja samāna prabhu ānana। haraṣe dekhi saṃbhu caturānana॥

जय जय धुनि पूरी ब्रह्मंडा। जय रघुबीर प्रबल भुजदंडा।।

jaya jaya dhuni pūrī brahmaṃḍā। jaya raghubīra prabala bhujadaṃḍā॥

बरषहि सुमन देव मुनि बृंदा। जय कृपाल जय जयति मुकुंदा।।

baraṣahi sumana deva muni bṛṃdā। jaya kṛpāla jaya jayati mukuṃdā॥

जय कृपा कंद मुकंद द्वंद हरन सरन सुखप्रद प्रभो।

jaya kṛpā kaṃda mukaṃda dvaṃda harana sarana sukhaprada prabho।

खल दल बिदारन परम कारन कारुनीक सदा बिभो।।

khala dala bidārana parama kārana kārunīka sadā bibho॥

सुर सुमन बरषहिं हरष संकुल बाज दुंदुभि गहगही।

sura sumana baraṣahiṃ haraṣa saṃkula bāja duṃdubhi gahagahī।

संग्राम अंगन राम अंग अनंग बहु सोभा लही।।

saṃgrāma aṃgana rāma aṃga anaṃga bahu sobhā lahī॥

सिर जटा मुकुट प्रसून बिच बिच अति मनोहर राजहीं।

sira jaṭā mukuṭa prasūna bica bica ati manohara rājahīṃ।

जनु नीलगिरि पर तड़ित पटल समेत उड़ुगन भ्राजहीं।।

janu nīlagiri para tar̤ita paṭala sameta ur̤ugana bhrājahīṃ॥

भुजदंड सर कोदंड फेरत रुधिर कन तन अति बने।

bhujadaṃḍa sara kodaṃḍa pherata rudhira kana tana ati bane।

जनु रायमुनीं तमाल पर बैठीं बिपुल सुख आपने।।

janu rāyamunīṃ tamāla para baiṭhīṃ bipula sukha āpane॥

कृपादृष्टि करि प्रभु अभय किए सुर बृंद।

kṛpādṛṣṭi kari prabhu abhaya kie sura bṛṃda।

भालु कीस सब हरषे जय सुख धाम मुकंद।।103।।

bhālu kīsa saba haraṣe jaya sukha dhāma mukaṃda॥103॥

पति सिर देखत मंदोदरी। मुरुछित बिकल धरनि खसि परी।।

pati sira dekhata maṃdodarī। muruchita bikala dharani khasi parī॥

जुबति बृंद रोवत उठि धाईं। तेहि उठाइ रावन पहिं आई।।

jubati bṛṃda rovata uṭhi dhāīṃ। tehi uṭhāi rāvana pahiṃ āī॥

पति गति देखि ते करहिं पुकारा। छूटे कच नहिं बपुष सँभारा।।

pati gati dekhi te karahiṃ pukārā। chūṭe kaca nahiṃ bapuṣa sa~bhārā॥

उर ताड़ना करहिं बिधि नाना। रोवत करहिं प्रताप बखाना।।

ura tār̤anā karahiṃ bidhi nānā। rovata karahiṃ pratāpa bakhānā॥

तव बल नाथ डोल नित धरनी। तेज हीन पावक ससि तरनी।।

tava bala nātha ḍola nita dharanī। teja hīna pāvaka sasi taranī॥

सेष कमठ सहि सकहिं न भारा। सो तनु भूमि परेउ भरि छारा।।

seṣa kamaṭha sahi sakahiṃ na bhārā। so tanu bhūmi pareu bhari chārā॥

बरुन कुबेर सुरेस समीरा। रन सन्मुख धरि काहुँ न धीरा।।

baruna kubera suresa samīrā। rana sanmukha dhari kāhu~ na dhīrā॥

भुजबल जितेहु काल जम साईं। आजु परेहु अनाथ की नाईं।।

bhujabala jitehu kāla jama sāīṃ। āju parehu anātha kī nāīṃ॥

जगत बिदित तुम्हारी प्रभुताई। सुत परिजन बल बरनि न जाई।।

jagata bidita tumhārī prabhutāī। suta parijana bala barani na jāī॥

राम बिमुख अस हाल तुम्हारा। रहा न कोउ कुल रोवनिहारा।।

rāma bimukha asa hāla tumhārā। rahā na kou kula rovanihārā॥

तव बस बिधि प्रपंच सब नाथा। सभय दिसिप नित नावहिं माथा।।

tava basa bidhi prapaṃca saba nāthā। sabhaya disipa nita nāvahiṃ māthā॥

अब तव सिर भुज जंबुक खाहीं। राम बिमुख यह अनुचित नाहीं।।

aba tava sira bhuja jaṃbuka khāhīṃ। rāma bimukha yaha anucita nāhīṃ॥

काल बिबस पति कहा न माना। अग जग नाथु मनुज करि जाना।।

kāla bibasa pati kahā na mānā। aga jaga nāthu manuja kari jānā॥

जान्यो मनुज करि दनुज कानन दहन पावक हरि स्वयं।

jānyo manuja kari danuja kānana dahana pāvaka hari svayaṃ।

जेहि नमत सिव ब्रह्मादि सुर पिय भजेहु नहिं करुनामयं।।

jehi namata siva brahmādi sura piya bhajehu nahiṃ karunāmayaṃ॥

आजन्म ते परद्रोह रत पापौघमय तव तनु अयं।

ājanma te paradroha rata pāpaughamaya tava tanu ayaṃ।

तुम्हहू दियो निज धाम राम नमामि ब्रह्म निरामयं।।

tumhahū diyo nija dhāma rāma namāmi brahma nirāmayaṃ॥

अहह नाथ रघुनाथ सम कृपासिंधु नहिं आन।

ahaha nātha raghunātha sama kṛpāsiṃdhu nahiṃ āna।

जोगि बृंद दुर्लभ गति तोहि दीन्हि भगवान।।104।।

jogi bṛṃda durlabha gati tohi dīnhi bhagavāna॥104॥

मंदोदरी बचन सुनि काना। सुर मुनि सिद्ध सबन्हि सुख माना।।

maṃdodarī bacana suni kānā। sura muni siddha sabanhi sukha mānā॥

अज महेस नारद सनकादी। जे मुनिबर परमारथबादी।।

aja mahesa nārada sanakādī। je munibara paramārathabādī॥

भरि लोचन रघुपतिहि निहारी। प्रेम मगन सब भए सुखारी।।

bhari locana raghupatihi nihārī। prema magana saba bhae sukhārī॥

रुदन करत देखीं सब नारी। गयउ बिभीषनु मन दुख भारी।।

rudana karata dekhīṃ saba nārī। gayau bibhīṣanu mana dukha bhārī॥

बंधु दसा बिलोकि दुख कीन्हा। तब प्रभु अनुजहि आयसु दीन्हा।।

baṃdhu dasā biloki dukha kīnhā। taba prabhu anujahi āyasu dīnhā॥

लछिमन तेहि बहु बिधि समुझायो। बहुरि बिभीषन प्रभु पहिं आयो।।

lachimana tehi bahu bidhi samujhāyo। bahuri bibhīṣana prabhu pahiṃ āyo॥

कृपादृष्टि प्रभु ताहि बिलोका। करहु क्रिया परिहरि सब सोका।।

kṛpādṛṣṭi prabhu tāhi bilokā। karahu kriyā parihari saba sokā॥

कीन्हि क्रिया प्रभु आयसु मानी। बिधिवत देस काल जियँ जानी।।

kīnhi kriyā prabhu āyasu mānī। bidhivata desa kāla jiya~ jānī॥

मंदोदरी आदि सब देइ तिलांजलि ताहि।

maṃdodarī ādi saba dei tilāṃjali tāhi।

भवन गई रघुपति गुन गन बरनत मन माहि।।105।।

bhavana gaī raghupati guna gana baranata mana māhi॥105॥

आइ बिभीषन पुनि सिरु नायो। कृपासिंधु तब अनुज बोलायो।।

āi bibhīṣana puni siru nāyo। kṛpāsiṃdhu taba anuja bolāyo॥

तुम्ह कपीस अंगद नल नीला। जामवंत मारुति नयसीला।।

tumha kapīsa aṃgada nala nīlā। jāmavaṃta māruti nayasīlā॥

सब मिलि जाहु बिभीषन साथा। सारेहु तिलक कहेउ रघुनाथा।।

saba mili jāhu bibhīṣana sāthā। sārehu tilaka kaheu raghunāthā॥

पिता बचन मैं नगर न आवउँ। आपु सरिस कपि अनुज पठावउँ।।

pitā bacana maiṃ nagara na āvau~। āpu sarisa kapi anuja paṭhāvau~॥

तुरत चले कपि सुनि प्रभु बचना। कीन्ही जाइ तिलक की रचना।।

turata cale kapi suni prabhu bacanā। kīnhī jāi tilaka kī racanā॥

सादर सिंहासन बैठारी। तिलक सारि अस्तुति अनुसारी।।

sādara siṃhāsana baiṭhārī। tilaka sāri astuti anusārī॥

जोरि पानि सबहीं सिर नाए। सहित बिभीषन प्रभु पहिं आए।।

jori pāni sabahīṃ sira nāe। sahita bibhīṣana prabhu pahiṃ āe॥

तब रघुबीर बोलि कपि लीन्हे। कहि प्रिय बचन सुखी सब कीन्हे।।

taba raghubīra boli kapi līnhe। kahi priya bacana sukhī saba kīnhe॥

किए सुखी कहि बानी सुधा सम बल तुम्हारें रिपु हयो।

kie sukhī kahi bānī sudhā sama bala tumhāreṃ ripu hayo।

पायो बिभीषन राज तिहुँ पुर जसु तुम्हारो नित नयो।।

pāyo bibhīṣana rāja tihu~ pura jasu tumhāro nita nayo॥

मोहि सहित सुभ कीरति तुम्हारी परम प्रीति जो गाइहैं।

mohi sahita subha kīrati tumhārī parama prīti jo gāihaiṃ।

संसार सिंधु अपार पार प्रयास बिनु नर पाइहैं।।

saṃsāra siṃdhu apāra pāra prayāsa binu nara pāihaiṃ॥

प्रभु के बचन श्रवन सुनि नहिं अघाहिं कपि पुंज।

prabhu ke bacana śravana suni nahiṃ aghāhiṃ kapi puṃja।

बार बार सिर नावहिं गहहिं सकल पद कंज।।106।।

bāra bāra sira nāvahiṃ gahahiṃ sakala pada kaṃja॥106॥

पुनि प्रभु बोलि लियउ हनुमाना। लंका जाहु कहेउ भगवाना।।

puni prabhu boli liyau hanumānā। laṃkā jāhu kaheu bhagavānā॥

समाचार जानकिहि सुनावहु। तासु कुसल लै तुम्ह चलि आवहु।।

samācāra jānakihi sunāvahu। tāsu kusala lai tumha cali āvahu॥

तब हनुमंत नगर महुँ आए। सुनि निसिचरी निसाचर धाए।।

taba hanumaṃta nagara mahu~ āe। suni nisicarī nisācara dhāe॥

बहु प्रकार तिन्ह पूजा कीन्ही। जनकसुता देखाइ पुनि दीन्ही।।

bahu prakāra tinha pūjā kīnhī। janakasutā dekhāi puni dīnhī॥

दूरहि ते प्रनाम कपि कीन्हा। रघुपति दूत जानकीं चीन्हा।।

dūrahi te pranāma kapi kīnhā। raghupati dūta jānakīṃ cīnhā॥

कहहु तात प्रभु कृपानिकेता। कुसल अनुज कपि सेन समेता।।

kahahu tāta prabhu kṛpāniketā। kusala anuja kapi sena sametā॥

सब बिधि कुसल कोसलाधीसा। मातु समर जीत्यो दससीसा।।

saba bidhi kusala kosalādhīsā। mātu samara jītyo dasasīsā॥

अबिचल राजु बिभीषन पायो। सुनि कपि बचन हरष उर छायो।।

abicala rāju bibhīṣana pāyo। suni kapi bacana haraṣa ura chāyo॥

अति हरष मन तन पुलक लोचन सजल कह पुनि पुनि रमा।

ati haraṣa mana tana pulaka locana sajala kaha puni puni ramā।

का देउँ तोहि त्रेलोक महुँ कपि किमपि नहिं बानी समा।।

kā deu~ tohi treloka mahu~ kapi kimapi nahiṃ bānī samā॥

सुनु मातु मैं पायो अखिल जग राजु आजु न संसयं।

sunu mātu maiṃ pāyo akhila jaga rāju āju na saṃsayaṃ।

रन जीति रिपुदल बंधु जुत पस्यामि राममनामयं।।

rana jīti ripudala baṃdhu juta pasyāmi rāmamanāmayaṃ॥

सुनु सुत सदगुन सकल तव हृदयँ बसहुँ हनुमंत।

sunu suta sadaguna sakala tava hṛdaya~ basahu~ hanumaṃta।

सानुकूल कोसलपति रहहुँ समेत अनंत।।107।।

sānukūla kosalapati rahahu~ sameta anaṃta॥107॥

अब सोइ जतन करहु तुम्ह ताता। देखौं नयन स्याम मृदु गाता।।

aba soi jatana karahu tumha tātā। dekhauṃ nayana syāma mṛdu gātā॥

तब हनुमान राम पहिं जाई। जनकसुता कै कुसल सुनाई।।

taba hanumāna rāma pahiṃ jāī। janakasutā kai kusala sunāī॥

सुनि संदेसु भानुकुलभूषन। बोलि लिए जुबराज बिभीषन।।

suni saṃdesu bhānukulabhūṣana। boli lie jubarāja bibhīṣana॥

मारुतसुत के संग सिधावहु। सादर जनकसुतहि लै आवहु।।

mārutasuta ke saṃga sidhāvahu। sādara janakasutahi lai āvahu॥

तुरतहिं सकल गए जहँ सीता। सेवहिं सब निसिचरीं बिनीता।।

turatahiṃ sakala gae jaha~ sītā। sevahiṃ saba nisicarīṃ binītā॥

बेगि बिभीषन तिन्हहि सिखायो। तिन्ह बहु बिधि मज्जन करवायो।।

begi bibhīṣana tinhahi sikhāyo। tinha bahu bidhi majjana karavāyo॥

बहु प्रकार भूषन पहिराए। सिबिका रुचिर साजि पुनि ल्याए।।

bahu prakāra bhūṣana pahirāe। sibikā rucira sāji puni lyāe॥

ता पर हरषि चढ़ी बैदेही। सुमिरि राम सुखधाम सनेही।।

tā para haraṣi car̤hī baidehī। sumiri rāma sukhadhāma sanehī॥

बेतपानि रच्छक चहुँ पासा। चले सकल मन परम हुलासा।।

betapāni racchaka cahu~ pāsā। cale sakala mana parama hulāsā॥

देखन भालु कीस सब आए। रच्छक कोपि निवारन धाए।।

dekhana bhālu kīsa saba āe। racchaka kopi nivārana dhāe॥

कह रघुबीर कहा मम मानहु। सीतहि सखा पयादें आनहु।।

kaha raghubīra kahā mama mānahu। sītahi sakhā payādeṃ ānahu॥

देखहुँ कपि जननी की नाईं। बिहसि कहा रघुनाथ गोसाई।।

dekhahu~ kapi jananī kī nāīṃ। bihasi kahā raghunātha gosāī॥

सुनि प्रभु बचन भालु कपि हरषे। नभ ते सुरन्ह सुमन बहु बरषे।।

suni prabhu bacana bhālu kapi haraṣe। nabha te suranha sumana bahu baraṣe॥

सीता प्रथम अनल महुँ राखी। प्रगट कीन्हि चह अंतर साखी।।

sītā prathama anala mahu~ rākhī। pragaṭa kīnhi caha aṃtara sākhī॥

तेहि कारन करुनानिधि कहे कछुक दुर्बाद।

tehi kārana karunānidhi kahe kachuka durbāda।

सुनत जातुधानीं सब लागीं करै बिषाद।।108।।

sunata jātudhānīṃ saba lāgīṃ karai biṣāda॥108॥

प्रभु के बचन सीस धरि सीता। बोली मन क्रम बचन पुनीता।।

prabhu ke bacana sīsa dhari sītā। bolī mana krama bacana punītā॥

लछिमन होहु धरम के नेगी। पावक प्रगट करहु तुम्ह बेगी।।

lachimana hohu dharama ke negī। pāvaka pragaṭa karahu tumha begī॥

सुनि लछिमन सीता कै बानी। बिरह बिबेक धरम निति सानी।।

suni lachimana sītā kai bānī। biraha bibeka dharama niti sānī॥

लोचन सजल जोरि कर दोऊ। प्रभु सन कछु कहि सकत न ओऊ।।

locana sajala jori kara doū। prabhu sana kachu kahi sakata na oū॥

देखि राम रुख लछिमन धाए। पावक प्रगटि काठ बहु लाए।।

dekhi rāma rukha lachimana dhāe। pāvaka pragaṭi kāṭha bahu lāe॥

पावक प्रबल देखि बैदेही। हृदयँ हरष नहिं भय कछु तेही।।

pāvaka prabala dekhi baidehī। hṛdaya~ haraṣa nahiṃ bhaya kachu tehī॥

जौं मन बच क्रम मम उर माहीं। तजि रघुबीर आन गति नाहीं।।

jauṃ mana baca krama mama ura māhīṃ। taji raghubīra āna gati nāhīṃ॥

तौ कृसानु सब कै गति जाना। मो कहुँ होउ श्रीखंड समाना।।

tau kṛsānu saba kai gati jānā। mo kahu~ hou śrīkhaṃḍa samānā॥

श्रीखंड सम पावक प्रबेस कियो सुमिरि प्रभु मैथिली।

śrīkhaṃḍa sama pāvaka prabesa kiyo sumiri prabhu maithilī।

जय कोसलेस महेस बंदित चरन रति अति निर्मली।।

jaya kosalesa mahesa baṃdita carana rati ati nirmalī॥

प्रतिबिंब अरु लौकिक कलंक प्रचंड पावक महुँ जरे।

pratibiṃba aru laukika kalaṃka pracaṃḍa pāvaka mahu~ jare।

प्रभु चरित काहुँ न लखे नभ सुर सिद्ध मुनि देखहिं खरे।।1।।

prabhu carita kāhu~ na lakhe nabha sura siddha muni dekhahiṃ khare॥1॥

धरि रूप पावक पानि गहि श्री सत्य श्रुति जग बिदित जो।

dhari rūpa pāvaka pāni gahi śrī satya śruti jaga bidita jo।

जिमि छीरसागर इंदिरा रामहि समर्पी आनि सो।।

jimi chīrasāgara iṃdirā rāmahi samarpī āni so॥

सो राम बाम बिभाग राजति रुचिर अति सोभा भली।

so rāma bāma bibhāga rājati rucira ati sobhā bhalī।

नव नील नीरज निकट मानहुँ कनक पंकज की कली।।2।।

nava nīla nīraja nikaṭa mānahu~ kanaka paṃkaja kī kalī॥2॥

बरषहिं सुमन हरषि सुन बाजहिं गगन निसान।

baraṣahiṃ sumana haraṣi suna bājahiṃ gagana nisāna।

गावहिं किंनर सुरबधू नाचहिं चढ़ीं बिमान।।109(क)।।

gāvahiṃ kiṃnara surabadhū nācahiṃ car̤hīṃ bimāna॥109(ka)॥

जनकसुता समेत प्रभु सोभा अमित अपार।

janakasutā sameta prabhu sobhā amita apāra।

देखि भालु कपि हरषे जय रघुपति सुख सार।।109(ख)।।

dekhi bhālu kapi haraṣe jaya raghupati sukha sāra॥109(kha)॥

तब रघुपति अनुसासन पाई। मातलि चलेउ चरन सिरु नाई।।

taba raghupati anusāsana pāī। mātali caleu carana siru nāī॥

आए देव सदा स्वारथी। बचन कहहिं जनु परमारथी।।

āe deva sadā svārathī। bacana kahahiṃ janu paramārathī॥

दीन बंधु दयाल रघुराया। देव कीन्हि देवन्ह पर दाया।।

dīna baṃdhu dayāla raghurāyā। deva kīnhi devanha para dāyā॥

बिस्व द्रोह रत यह खल कामी। निज अघ गयउ कुमारगगामी।।

bisva droha rata yaha khala kāmī। nija agha gayau kumāragagāmī॥

तुम्ह समरूप ब्रह्म अबिनासी। सदा एकरस सहज उदासी।।

tumha samarūpa brahma abināsī। sadā ekarasa sahaja udāsī॥

अकल अगुन अज अनघ अनामय। अजित अमोघसक्ति करुनामय।।

akala aguna aja anagha anāmaya। ajita amoghasakti karunāmaya॥

मीन कमठ सूकर नरहरी। बामन परसुराम बपु धरी।।

mīna kamaṭha sūkara naraharī। bāmana parasurāma bapu dharī॥

जब जब नाथ सुरन्ह दुखु पायो। नाना तनु धरि तुम्हइँ नसायो।।

jaba jaba nātha suranha dukhu pāyo। nānā tanu dhari tumhai~ nasāyo॥

यह खल मलिन सदा सुरद्रोही। काम लोभ मद रत अति कोही।।

yaha khala malina sadā suradrohī। kāma lobha mada rata ati kohī॥

अधम सिरोमनि तव पद पावा। यह हमरे मन बिसमय आवा।।

adhama siromani tava pada pāvā। yaha hamare mana bisamaya āvā॥

हम देवता परम अधिकारी। स्वारथ रत प्रभु भगति बिसारी।।

hama devatā parama adhikārī। svāratha rata prabhu bhagati bisārī॥

भव प्रबाहँ संतत हम परे। अब प्रभु पाहि सरन अनुसरे।।

bhava prabāha~ saṃtata hama pare। aba prabhu pāhi sarana anusare॥

करि बिनती सुर सिद्ध सब रहे जहँ तहँ कर जोरि।

kari binatī sura siddha saba rahe jaha~ taha~ kara jori।

अति सप्रेम तन पुलकि बिधि अस्तुति करत बहोरि।।110।।

ati saprema tana pulaki bidhi astuti karata bahori॥110॥

जय राम सदा सुखधाम हरे। रघुनायक सायक चाप धरे।।

jaya rāma sadā sukhadhāma hare। raghunāyaka sāyaka cāpa dhare॥

भव बारन दारन सिंह प्रभो। गुन सागर नागर नाथ बिभो।।

bhava bārana dārana siṃha prabho। guna sāgara nāgara nātha bibho॥

तन काम अनेक अनूप छबी। गुन गावत सिद्ध मुनींद्र कबी।।

tana kāma aneka anūpa chabī। guna gāvata siddha munīṃdra kabī॥

जसु पावन रावन नाग महा। खगनाथ जथा करि कोप गहा।।

jasu pāvana rāvana nāga mahā। khaganātha jathā kari kopa gahā॥

जन रंजन भंजन सोक भयं। गतक्रोध सदा प्रभु बोधमयं।।

jana raṃjana bhaṃjana soka bhayaṃ। gatakrodha sadā prabhu bodhamayaṃ॥

अवतार उदार अपार गुनं। महि भार बिभंजन ग्यानघनं।।

avatāra udāra apāra gunaṃ। mahi bhāra bibhaṃjana gyānaghanaṃ॥

अज ब्यापकमेकमनादि सदा। करुनाकर राम नमामि मुदा।।

aja byāpakamekamanādi sadā। karunākara rāma namāmi mudā॥

रघुबंस बिभूषन दूषन हा। कृत भूप बिभीषन दीन रहा।।

raghubaṃsa bibhūṣana dūṣana hā। kṛta bhūpa bibhīṣana dīna rahā॥

गुन ग्यान निधान अमान अजं। नित राम नमामि बिभुं बिरजं।।

guna gyāna nidhāna amāna ajaṃ। nita rāma namāmi bibhuṃ birajaṃ॥

भुजदंड प्रचंड प्रताप बलं। खल बृंद निकंद महा कुसलं।।

bhujadaṃḍa pracaṃḍa pratāpa balaṃ। khala bṛṃda nikaṃda mahā kusalaṃ॥

बिनु कारन दीन दयाल हितं। छबि धाम नमामि रमा सहितं।।

binu kārana dīna dayāla hitaṃ। chabi dhāma namāmi ramā sahitaṃ॥

भव तारन कारन काज परं। मन संभव दारुन दोष हरं।।

bhava tārana kārana kāja paraṃ। mana saṃbhava dāruna doṣa haraṃ॥

सर चाप मनोहर त्रोन धरं। जरजारुन लोचन भूपबरं।।

sara cāpa manohara trona dharaṃ। jarajāruna locana bhūpabaraṃ॥

सुख मंदिर सुंदर श्रीरमनं। मद मार मुधा ममता समनं।।

sukha maṃdira suṃdara śrīramanaṃ। mada māra mudhā mamatā samanaṃ॥

अनवद्य अखंड न गोचर गो। सबरूप सदा सब होइ न गो।।

anavadya akhaṃḍa na gocara go। sabarūpa sadā saba hoi na go॥

इति बेद बदंति न दंतकथा। रबि आतप भिन्नमभिन्न जथा।।

iti beda badaṃti na daṃtakathā। rabi ātapa bhinnamabhinna jathā॥

कृतकृत्य बिभो सब बानर ए। निरखंति तवानन सादर ए।।

kṛtakṛtya bibho saba bānara e। nirakhaṃti tavānana sādara e॥

धिग जीवन देव सरीर हरे। तव भक्ति बिना भव भूलि परे।।

dhiga jīvana deva sarīra hare। tava bhakti binā bhava bhūli pare॥

अब दीन दयाल दया करिऐ। मति मोरि बिभेदकरी हरिऐ।।

aba dīna dayāla dayā kariai। mati mori bibhedakarī hariai॥

जेहि ते बिपरीत क्रिया करिऐ। दुख सो सुख मानि सुखी चरिऐ।।

jehi te biparīta kriyā kariai। dukha so sukha māni sukhī cariai॥

खल खंडन मंडन रम्य छमा। पद पंकज सेवित संभु उमा।।

khala khaṃḍana maṃḍana ramya chamā। pada paṃkaja sevita saṃbhu umā॥

नृप नायक दे बरदानमिदं। चरनांबुज प्रेम सदा सुभदं।।

nṛpa nāyaka de baradānamidaṃ। caranāṃbuja prema sadā subhadaṃ॥

बिनय कीन्हि चतुरानन प्रेम पुलक अति गात।

binaya kīnhi caturānana prema pulaka ati gāta।

सोभासिंधु बिलोकत लोचन नहीं अघात।।111।।

sobhāsiṃdhu bilokata locana nahīṃ aghāta॥111॥

तेहि अवसर दसरथ तहँ आए। तनय बिलोकि नयन जल छाए।।

tehi avasara dasaratha taha~ āe। tanaya biloki nayana jala chāe॥

अनुज सहित प्रभु बंदन कीन्हा। आसिरबाद पिताँ तब दीन्हा।।

anuja sahita prabhu baṃdana kīnhā। āsirabāda pitā~ taba dīnhā॥

तात सकल तव पुन्य प्रभाऊ। जीत्यों अजय निसाचर राऊ।।

tāta sakala tava punya prabhāū। jītyoṃ ajaya nisācara rāū॥

सुनि सुत बचन प्रीति अति बाढ़ी। नयन सलिल रोमावलि ठाढ़ी।।

suni suta bacana prīti ati bār̤hī। nayana salila romāvali ṭhār̤hī॥

रघुपति प्रथम प्रेम अनुमाना। चितइ पितहि दीन्हेउ दृढ़ ग्याना।।

raghupati prathama prema anumānā। citai pitahi dīnheu dṛr̤ha gyānā॥

ताते उमा मोच्छ नहिं पायो। दसरथ भेद भगति मन लायो।।

tāte umā moccha nahiṃ pāyo। dasaratha bheda bhagati mana lāyo॥

सगुनोपासक मोच्छ न लेहीं। तिन्ह कहुँ राम भगति निज देहीं।।

sagunopāsaka moccha na lehīṃ। tinha kahu~ rāma bhagati nija dehīṃ॥

बार बार करि प्रभुहि प्रनामा। दसरथ हरषि गए सुरधामा।।

bāra bāra kari prabhuhi pranāmā। dasaratha haraṣi gae suradhāmā॥

अनुज जानकी सहित प्रभु कुसल कोसलाधीस।

anuja jānakī sahita prabhu kusala kosalādhīsa।

सोभा देखि हरषि मन अस्तुति कर सुर ईस।।112।।

sobhā dekhi haraṣi mana astuti kara sura īsa॥112॥

जय राम सोभा धाम। दायक प्रनत बिश्राम।।

jaya rāma sobhā dhāma। dāyaka pranata biśrāma॥

धृत त्रोन बर सर चाप। भुजदंड प्रबल प्रताप।।1।।

dhṛta trona bara sara cāpa। bhujadaṃḍa prabala pratāpa॥1॥

जय दूषनारि खरारि। मर्दन निसाचर धारि।।

jaya dūṣanāri kharāri। mardana nisācara dhāri॥

यह दुष्ट मारेउ नाथ। भए देव सकल सनाथ।।2।।

yaha duṣṭa māreu nātha। bhae deva sakala sanātha॥2॥

जय हरन धरनी भार। महिमा उदार अपार।।

jaya harana dharanī bhāra। mahimā udāra apāra॥

जय रावनारि कृपाल। किए जातुधान बिहाल।।3।।

jaya rāvanāri kṛpāla। kie jātudhāna bihāla॥3॥

लंकेस अति बल गर्ब। किए बस्य सुर गंधर्ब।।

laṃkesa ati bala garba। kie basya sura gaṃdharba॥

मुनि सिद्ध नर खग नाग। हठि पंथ सब कें लाग।।4।।

muni siddha nara khaga nāga। haṭhi paṃtha saba keṃ lāga॥4॥

परद्रोह रत अति दुष्ट। पायो सो फलु पापिष्ट।।

paradroha rata ati duṣṭa। pāyo so phalu pāpiṣṭa॥

अब सुनहु दीन दयाल। राजीव नयन बिसाल।।5।।

aba sunahu dīna dayāla। rājīva nayana bisāla॥5॥

मोहि रहा अति अभिमान। नहिं कोउ मोहि समान।।

mohi rahā ati abhimāna। nahiṃ kou mohi samāna॥

अब देखि प्रभु पद कंज। गत मान प्रद दुख पुंज।।6।।

aba dekhi prabhu pada kaṃja। gata māna prada dukha puṃja॥6॥

कोउ ब्रह्म निर्गुन ध्याव। अब्यक्त जेहि श्रुति गाव।।

kou brahma nirguna dhyāva। abyakta jehi śruti gāva॥

मोहि भाव कोसल भूप। श्रीराम सगुन सरूप।।7।।

mohi bhāva kosala bhūpa। śrīrāma saguna sarūpa॥7॥

बैदेहि अनुज समेत। मम हृदयँ करहु निकेत।।

baidehi anuja sameta। mama hṛdaya~ karahu niketa॥

मोहि जानिए निज दास। दे भक्ति रमानिवास।।8।।

mohi jānie nija dāsa। de bhakti ramānivāsa॥8॥

दे भक्ति रमानिवास त्रास हरन सरन सुखदायकं।

de bhakti ramānivāsa trāsa harana sarana sukhadāyakaṃ।

सुख धाम राम नमामि काम अनेक छबि रघुनायकं।।

sukha dhāma rāma namāmi kāma aneka chabi raghunāyakaṃ॥

सुर बृंद रंजन द्वंद भंजन मनुज तनु अतुलितबलं।

sura bṛṃda raṃjana dvaṃda bhaṃjana manuja tanu atulitabalaṃ।

ब्रह्मादि संकर सेब्य राम नमामि करुना कोमलं।।

brahmādi saṃkara sebya rāma namāmi karunā komalaṃ॥

अब करि कृपा बिलोकि मोहि आयसु देहु कृपाल।

aba kari kṛpā biloki mohi āyasu dehu kṛpāla।

काह करौं सुनि प्रिय बचन बोले दीनदयाल।।113।।

kāha karauṃ suni priya bacana bole dīnadayāla॥113॥

सुनु सुरपति कपि भालु हमारे। परे भूमि निसचरन्हि जे मारे।।

sunu surapati kapi bhālu hamāre। pare bhūmi nisacaranhi je māre॥

मम हित लागि तजे इन्ह प्राना। सकल जिआउ सुरेस सुजाना।।

mama hita lāgi taje inha prānā। sakala jiāu suresa sujānā॥

सुनु खगेस प्रभु कै यह बानी। अति अगाध जानहिं मुनि ग्यानी।।

sunu khagesa prabhu kai yaha bānī। ati agādha jānahiṃ muni gyānī॥

प्रभु सक त्रिभुअन मारि जिआई। केवल सक्रहि दीन्हि बड़ाई।।

prabhu saka tribhuana māri jiāī। kevala sakrahi dīnhi bar̤āī॥

सुधा बरषि कपि भालु जिआए। हरषि उठे सब प्रभु पहिं आए।।

sudhā baraṣi kapi bhālu jiāe। haraṣi uṭhe saba prabhu pahiṃ āe॥

सुधाबृष्टि भै दुहु दल ऊपर। जिए भालु कपि नहिं रजनीचर।।

sudhābṛṣṭi bhai duhu dala ūpara। jie bhālu kapi nahiṃ rajanīcara॥

रामाकार भए तिन्ह के मन। मुक्त भए छूटे भव बंधन।।

rāmākāra bhae tinha ke mana। mukta bhae chūṭe bhava baṃdhana॥

सुर अंसिक सब कपि अरु रीछा। जिए सकल रघुपति कीं ईछा।।

sura aṃsika saba kapi aru rīchā। jie sakala raghupati kīṃ īchā॥

राम सरिस को दीन हितकारी। कीन्हे मुकुत निसाचर झारी।।

rāma sarisa ko dīna hitakārī। kīnhe mukuta nisācara jhārī॥

खल मल धाम काम रत रावन। गति पाई जो मुनिबर पाव न।।

khala mala dhāma kāma rata rāvana। gati pāī jo munibara pāva na॥

सुमन बरषि सब सुर चले चढ़ि चढ़ि रुचिर बिमान।

sumana baraṣi saba sura cale car̤hi car̤hi rucira bimāna।

देखि सुअवसरु प्रभु पहिं आयउ संभु सुजान।।114(क)।।

dekhi suavasaru prabhu pahiṃ āyau saṃbhu sujāna॥114(ka)॥

परम प्रीति कर जोरि जुग नलिन नयन भरि बारि।

parama prīti kara jori juga nalina nayana bhari bāri।

पुलकित तन गदगद गिराँ बिनय करत त्रिपुरारि।।114(ख)।।

pulakita tana gadagada girā~ binaya karata tripurāri॥114(kha)॥

मामभिरक्षय रघुकुल नायक। धृत बर चाप रुचिर कर सायक।।

māmabhirakṣaya raghukula nāyaka। dhṛta bara cāpa rucira kara sāyaka॥

मोह महा घन पटल प्रभंजन। संसय बिपिन अनल सुर रंजन।।1।।

moha mahā ghana paṭala prabhaṃjana। saṃsaya bipina anala sura raṃjana॥1॥

अगुन सगुन गुन मंदिर सुंदर। भ्रम तम प्रबल प्रताप दिवाकर।।

aguna saguna guna maṃdira suṃdara। bhrama tama prabala pratāpa divākara॥

काम क्रोध मद गज पंचानन। बसहु निरंतर जन मन कानन।।2।।

kāma krodha mada gaja paṃcānana। basahu niraṃtara jana mana kānana॥2॥

बिषय मनोरथ पुंज कंज बन। प्रबल तुषार उदार पार मन।।

biṣaya manoratha puṃja kaṃja bana। prabala tuṣāra udāra pāra mana॥

भव बारिधि मंदर परमं दर। बारय तारय संसृति दुस्तर।।3।।

bhava bāridhi maṃdara paramaṃ dara। bāraya tāraya saṃsṛti dustara॥3॥

स्याम गात राजीव बिलोचन। दीन बंधु प्रनतारति मोचन।।

syāma gāta rājīva bilocana। dīna baṃdhu pranatārati mocana॥

अनुज जानकी सहित निरंतर। बसहु राम नृप मम उर अंतर।।4।।

anuja jānakī sahita niraṃtara। basahu rāma nṛpa mama ura aṃtara॥4॥

मुनि रंजन महि मंडल मंडन। तुलसिदास प्रभु त्रास बिखंडन।।5।।

muni raṃjana mahi maṃḍala maṃḍana। tulasidāsa prabhu trāsa bikhaṃḍana॥5॥

नाथ जबहिं कोसलपुरीं होइहि तिलक तुम्हार।

nātha jabahiṃ kosalapurīṃ hoihi tilaka tumhāra।

कृपासिंधु मैं आउब देखन चरित उदार।।115।।

kṛpāsiṃdhu maiṃ āuba dekhana carita udāra॥115॥

करि बिनती जब संभु सिधाए। तब प्रभु निकट बिभीषनु आए।।

kari binatī jaba saṃbhu sidhāe। taba prabhu nikaṭa bibhīṣanu āe॥

नाइ चरन सिरु कह मृदु बानी। बिनय सुनहु प्रभु सारँगपानी।।

nāi carana siru kaha mṛdu bānī। binaya sunahu prabhu sāra~gapānī॥

सकुल सदल प्रभु रावन मार् यो। पावन जस त्रिभुवन बिस्तार् यो।।

sakula sadala prabhu rāvana mār yo। pāvana jasa tribhuvana bistār yo॥

दीन मलीन हीन मति जाती। मो पर कृपा कीन्हि बहु भाँती।।

dīna malīna hīna mati jātī। mo para kṛpā kīnhi bahu bhā~tī॥

अब जन गृह पुनीत प्रभु कीजे। मज्जनु करिअ समर श्रम छीजे।।

aba jana gṛha punīta prabhu kīje। majjanu karia samara śrama chīje॥

देखि कोस मंदिर संपदा। देहु कृपाल कपिन्ह कहुँ मुदा।।

dekhi kosa maṃdira saṃpadā। dehu kṛpāla kapinha kahu~ mudā॥

सब बिधि नाथ मोहि अपनाइअ। पुनि मोहि सहित अवधपुर जाइअ।।

saba bidhi nātha mohi apanāia। puni mohi sahita avadhapura jāia॥

सुनत बचन मृदु दीनदयाला। सजल भए द्वौ नयन बिसाला।।

sunata bacana mṛdu dīnadayālā। sajala bhae dvau nayana bisālā॥

तोर कोस गृह मोर सब सत्य बचन सुनु भ्रात।

tora kosa gṛha mora saba satya bacana sunu bhrāta।

भरत दसा सुमिरत मोहि निमिष कल्प सम जात।।116(क)।।

bharata dasā sumirata mohi nimiṣa kalpa sama jāta॥116(ka)॥

तापस बेष गात कृस जपत निरंतर मोहि।

tāpasa beṣa gāta kṛsa japata niraṃtara mohi।

देखौं बेगि सो जतनु करु सखा निहोरउँ तोहि।।116(ख)।।

dekhauṃ begi so jatanu karu sakhā nihorau~ tohi॥116(kha)॥

बीतें अवधि जाउँ जौं जिअत न पावउँ बीर।

bīteṃ avadhi jāu~ jauṃ jiata na pāvau~ bīra।

सुमिरत अनुज प्रीति प्रभु पुनि पुनि पुलक सरीर।।116(ग)।।

sumirata anuja prīti prabhu puni puni pulaka sarīra॥116(ga)॥

करेहु कल्प भरि राजु तुम्ह मोहि सुमिरेहु मन माहिं।

karehu kalpa bhari rāju tumha mohi sumirehu mana māhiṃ।

पुनि मम धाम पाइहहु जहाँ संत सब जाहिं।।116(घ)।।

puni mama dhāma pāihahu jahā~ saṃta saba jāhiṃ॥116(gha)॥

सुनत बिभीषन बचन राम के। हरषि गहे पद कृपाधाम के।।

sunata bibhīṣana bacana rāma ke। haraṣi gahe pada kṛpādhāma ke॥

बानर भालु सकल हरषाने। गहि प्रभु पद गुन बिमल बखाने।।

bānara bhālu sakala haraṣāne। gahi prabhu pada guna bimala bakhāne॥

बहुरि बिभीषन भवन सिधायो। मनि गन बसन बिमान भरायो।।

bahuri bibhīṣana bhavana sidhāyo। mani gana basana bimāna bharāyo॥

लै पुष्पक प्रभु आगें राखा। हँसि करि कृपासिंधु तब भाषा।।

lai puṣpaka prabhu āgeṃ rākhā। ha~si kari kṛpāsiṃdhu taba bhāṣā॥

चढ़ि बिमान सुनु सखा बिभीषन। गगन जाइ बरषहु पट भूषन।।

car̤hi bimāna sunu sakhā bibhīṣana। gagana jāi baraṣahu paṭa bhūṣana॥

नभ पर जाइ बिभीषन तबही। बरषि दिए मनि अंबर सबही।।

nabha para jāi bibhīṣana tabahī। baraṣi die mani aṃbara sabahī॥

जोइ जोइ मन भावइ सोइ लेहीं। मनि मुख मेलि डारि कपि देहीं।।

joi joi mana bhāvai soi lehīṃ। mani mukha meli ḍāri kapi dehīṃ॥

हँसे रामु श्री अनुज समेता। परम कौतुकी कृपा निकेता।।

ha~se rāmu śrī anuja sametā। parama kautukī kṛpā niketā॥

मुनि जेहि ध्यान न पावहिं नेति नेति कह बेद।

muni jehi dhyāna na pāvahiṃ neti neti kaha beda।

कृपासिंधु सोइ कपिन्ह सन करत अनेक बिनोद।।117(क)।।

kṛpāsiṃdhu soi kapinha sana karata aneka binoda॥117(ka)॥

उमा जोग जप दान तप नाना मख ब्रत नेम।

umā joga japa dāna tapa nānā makha brata nema।

राम कृपा नहि करहिं तसि जसि निष्केवल प्रेम।।117(ख)।।

rāma kṛpā nahi karahiṃ tasi jasi niṣkevala prema॥117(kha)॥

भालु कपिन्ह पट भूषन पाए। पहिरि पहिरि रघुपति पहिं आए।।

bhālu kapinha paṭa bhūṣana pāe। pahiri pahiri raghupati pahiṃ āe॥

नाना जिनस देखि सब कीसा। पुनि पुनि हँसत कोसलाधीसा।।

nānā jinasa dekhi saba kīsā। puni puni ha~sata kosalādhīsā॥

चितइ सबन्हि पर कीन्हि दाया। बोले मृदुल बचन रघुराया।।

citai sabanhi para kīnhi dāyā। bole mṛdula bacana raghurāyā॥

तुम्हरें बल मैं रावनु मार् यो। तिलक बिभीषन कहँ पुनि सार् यो।।

tumhareṃ bala maiṃ rāvanu mār yo। tilaka bibhīṣana kaha~ puni sār yo॥

निज निज गृह अब तुम्ह सब जाहू। सुमिरेहु मोहि डरपहु जनि काहू।।

nija nija gṛha aba tumha saba jāhū। sumirehu mohi ḍarapahu jani kāhū॥

सुनत बचन प्रेमाकुल बानर। जोरि पानि बोले सब सादर।।

sunata bacana premākula bānara। jori pāni bole saba sādara॥

प्रभु जोइ कहहु तुम्हहि सब सोहा। हमरे होत बचन सुनि मोहा।।

prabhu joi kahahu tumhahi saba sohā। hamare hota bacana suni mohā॥

दीन जानि कपि किए सनाथा। तुम्ह त्रेलोक ईस रघुनाथा।।

dīna jāni kapi kie sanāthā। tumha treloka īsa raghunāthā॥

सुनि प्रभु बचन लाज हम मरहीं। मसक कहूँ खगपति हित करहीं।।

suni prabhu bacana lāja hama marahīṃ। masaka kahū~ khagapati hita karahīṃ॥

देखि राम रुख बानर रीछा। प्रेम मगन नहिं गृह कै ईछा।।

dekhi rāma rukha bānara rīchā। prema magana nahiṃ gṛha kai īchā॥

प्रभु प्रेरित कपि भालु सब राम रूप उर राखि।

prabhu prerita kapi bhālu saba rāma rūpa ura rākhi।

हरष बिषाद सहित चले बिनय बिबिध बिधि भाषि।।118(क)।।

haraṣa biṣāda sahita cale binaya bibidha bidhi bhāṣi॥118(ka)॥

कपिपति नील रीछपति अंगद नल हनुमान।

kapipati nīla rīchapati aṃgada nala hanumāna।

सहित बिभीषन अपर जे जूथप कपि बलवान।।118(ख)।।

sahita bibhīṣana apara je jūthapa kapi balavāna॥118(kha)॥

कहि न सकहिं कछु प्रेम बस भरि भरि लोचन बारि।

kahi na sakahiṃ kachu prema basa bhari bhari locana bāri।

सन्मुख चितवहिं राम तन नयन निमेष निवारि।।118(ग)।।

sanmukha citavahiṃ rāma tana nayana nimeṣa nivāri॥118(ga)॥

अतिसय प्रीति देख रघुराई। लिन्हे सकल बिमान चढ़ाई।।

atisaya prīti dekha raghurāī। linhe sakala bimāna car̤hāī॥

मन महुँ बिप्र चरन सिरु नायो। उत्तर दिसिहि बिमान चलायो।।

mana mahu~ bipra carana siru nāyo। uttara disihi bimāna calāyo॥

चलत बिमान कोलाहल होई। जय रघुबीर कहइ सबु कोई।।

calata bimāna kolāhala hoī। jaya raghubīra kahai sabu koī॥

सिंहासन अति उच्च मनोहर। श्री समेत प्रभु बैठै ता पर।।

siṃhāsana ati ucca manohara। śrī sameta prabhu baiṭhai tā para॥

राजत रामु सहित भामिनी। मेरु सृंग जनु घन दामिनी।।

rājata rāmu sahita bhāminī। meru sṛṃga janu ghana dāminī॥

रुचिर बिमानु चलेउ अति आतुर। कीन्ही सुमन बृष्टि हरषे सुर।।

rucira bimānu caleu ati ātura। kīnhī sumana bṛṣṭi haraṣe sura॥

परम सुखद चलि त्रिबिध बयारी। सागर सर सरि निर्मल बारी।।

parama sukhada cali tribidha bayārī। sāgara sara sari nirmala bārī॥

सगुन होहिं सुंदर चहुँ पासा। मन प्रसन्न निर्मल नभ आसा।।

saguna hohiṃ suṃdara cahu~ pāsā। mana prasanna nirmala nabha āsā॥

कह रघुबीर देखु रन सीता। लछिमन इहाँ हत्यो इँद्रजीता।।

kaha raghubīra dekhu rana sītā। lachimana ihā~ hatyo i~drajītā॥

हनूमान अंगद के मारे। रन महि परे निसाचर भारे।।

hanūmāna aṃgada ke māre। rana mahi pare nisācara bhāre॥

कुंभकरन रावन द्वौ भाई। इहाँ हते सुर मुनि दुखदाई।।

kuṃbhakarana rāvana dvau bhāī। ihā~ hate sura muni dukhadāī॥

इहाँ सेतु बाँध्यो अरु थापेउँ सिव सुख धाम।

ihā~ setu bā~dhyo aru thāpeu~ siva sukha dhāma।

सीता सहित कृपानिधि संभुहि कीन्ह प्रनाम।।119(क)।।

sītā sahita kṛpānidhi saṃbhuhi kīnha pranāma॥119(ka)॥

जहँ जहँ कृपासिंधु बन कीन्ह बास बिश्राम।

jaha~ jaha~ kṛpāsiṃdhu bana kīnha bāsa biśrāma।

सकल देखाए जानकिहि कहे सबन्हि के नाम।।119(ख)।।

sakala dekhāe jānakihi kahe sabanhi ke nāma॥119(kha)॥

तुरत बिमान तहाँ चलि आवा। दंडक बन जहँ परम सुहावा।।

turata bimāna tahā~ cali āvā। daṃḍaka bana jaha~ parama suhāvā॥

कुंभजादि मुनिनायक नाना। गए रामु सब कें अस्थाना।।

kuṃbhajādi munināyaka nānā। gae rāmu saba keṃ asthānā॥

सकल रिषिन्ह सन पाइ असीसा। चित्रकूट आए जगदीसा।।

sakala riṣinha sana pāi asīsā। citrakūṭa āe jagadīsā॥

तहँ करि मुनिन्ह केर संतोषा। चला बिमानु तहाँ ते चोखा।।

taha~ kari muninha kera saṃtoṣā। calā bimānu tahā~ te cokhā॥

बहुरि राम जानकिहि देखाई। जमुना कलि मल हरनि सुहाई।।

bahuri rāma jānakihi dekhāī। jamunā kali mala harani suhāī॥

पुनि देखी सुरसरी पुनीता। राम कहा प्रनाम करु सीता।।

puni dekhī surasarī punītā। rāma kahā pranāma karu sītā॥

तीरथपति पुनि देखु प्रयागा। निरखत जन्म कोटि अघ भागा।।

tīrathapati puni dekhu prayāgā। nirakhata janma koṭi agha bhāgā॥

देखु परम पावनि पुनि बेनी। हरनि सोक हरि लोक निसेनी।।

dekhu parama pāvani puni benī। harani soka hari loka nisenī॥

पुनि देखु अवधपुरी अति पावनि। त्रिबिध ताप भव रोग नसावनि।।।

puni dekhu avadhapurī ati pāvani। tribidha tāpa bhava roga nasāvani॥।

सीता सहित अवध कहुँ कीन्ह कृपाल प्रनाम।

sītā sahita avadha kahu~ kīnha kṛpāla pranāma।

सजल नयन तन पुलकित पुनि पुनि हरषित राम।।120(क)।।

sajala nayana tana pulakita puni puni haraṣita rāma॥120(ka)॥

पुनि प्रभु आइ त्रिबेनीं हरषित मज्जनु कीन्ह।

puni prabhu āi tribenīṃ haraṣita majjanu kīnha।

कपिन्ह सहित बिप्रन्ह कहुँ दान बिबिध बिधि दीन्ह।।120(ख)।।

kapinha sahita bipranha kahu~ dāna bibidha bidhi dīnha॥120(kha)॥