Uttara Kāṇḍa — The final book

केकीकण्ठाभनीलं सुरवरविलसद्विप्रपादाब्जचिह्नं

kekīkaṇṭhābhanīlaṃ suravaravilasadviprapādābjacihnaṃ

शोभाढ्यं पीतवस्त्रं सरसिजनयनं सर्वदा सुप्रसन्नम्।

śobhāḍhyaṃ pītavastraṃ sarasijanayanaṃ sarvadā suprasannam।

पाणौ नाराचचापं कपिनिकरयुतं बन्धुना सेव्यमानं

pāṇau nārācacāpaṃ kapinikarayutaṃ bandhunā sevyamānaṃ

नौमीड्यं जानकीशं रघुवरमनिशं पुष्पकारूढरामम्।।1।।

naumīḍyaṃ jānakīśaṃ raghuvaramaniśaṃ puṣpakārūḍharāmam॥1॥

कोसलेन्द्रपदकञ्जमञ्जुलौ कोमलावजमहेशवन्दितौ।

kosalendrapadakañjamañjulau komalāvajamaheśavanditau।

जानकीकरसरोजलालितौ चिन्तकस्य मनभृङ्गसड्गिनौ।।2।।

jānakīkarasarojalālitau cintakasya manabhṛṅgasaḍginau॥2॥

कुन्दइन्दुदरगौरसुन्दरं अम्बिकापतिमभीष्टसिद्धिदम्।

kundaindudaragaurasundaraṃ ambikāpatimabhīṣṭasiddhidam।

कारुणीककलकञ्जलोचनं नौमि शंकरमनंगमोचनम्।।3।।

kāruṇīkakalakañjalocanaṃ naumi śaṃkaramanaṃgamocanam॥3॥

रहा एक दिन अवधि कर अति आरत पुर लोग।

rahā eka dina avadhi kara ati ārata pura loga।

जहँ तहँ सोचहिं नारि नर कृस तन राम बियोग।।

jaha~ taha~ socahiṃ nāri nara kṛsa tana rāma biyoga॥

सगुन होहिं सुंदर सकल मन प्रसन्न सब केर।

saguna hohiṃ suṃdara sakala mana prasanna saba kera।

प्रभु आगवन जनाव जनु नगर रम्य चहुँ फेर।।

prabhu āgavana janāva janu nagara ramya cahu~ phera॥

कौसल्यादि मातु सब मन अनंद अस होइ।

kausalyādi mātu saba mana anaṃda asa hoi।

आयउ प्रभु श्री अनुज जुत कहन चहत अब कोइ।।

āyau prabhu śrī anuja juta kahana cahata aba koi॥

भरत नयन भुज दच्छिन फरकत बारहिं बार।

bharata nayana bhuja dacchina pharakata bārahiṃ bāra।

जानि सगुन मन हरष अति लागे करन बिचार।।

jāni saguna mana haraṣa ati lāge karana bicāra॥

रहेउ एक दिन अवधि अधारा। समुझत मन दुख भयउ अपारा।।

raheu eka dina avadhi adhārā। samujhata mana dukha bhayau apārā॥

कारन कवन नाथ नहिं आयउ। जानि कुटिल किधौं मोहि बिसरायउ।।

kārana kavana nātha nahiṃ āyau। jāni kuṭila kidhauṃ mohi bisarāyau॥

अहह धन्य लछिमन बड़भागी। राम पदारबिंदु अनुरागी।।

ahaha dhanya lachimana bar̤abhāgī। rāma padārabiṃdu anurāgī॥

कपटी कुटिल मोहि प्रभु चीन्हा। ताते नाथ संग नहिं लीन्हा।।

kapaṭī kuṭila mohi prabhu cīnhā। tāte nātha saṃga nahiṃ līnhā॥

जौं करनी समुझै प्रभु मोरी। नहिं निस्तार कलप सत कोरी।।

jauṃ karanī samujhai prabhu morī। nahiṃ nistāra kalapa sata korī॥

जन अवगुन प्रभु मान न काऊ। दीन बंधु अति मृदुल सुभाऊ।।

jana avaguna prabhu māna na kāū। dīna baṃdhu ati mṛdula subhāū॥

मोरि जियँ भरोस दृढ़ सोई। मिलिहहिं राम सगुन सुभ होई।।

mori jiya~ bharosa dṛr̤ha soī। milihahiṃ rāma saguna subha hoī॥

बीतें अवधि रहहि जौं प्राना। अधम कवन जग मोहि समाना।।

bīteṃ avadhi rahahi jauṃ prānā। adhama kavana jaga mohi samānā॥

राम बिरह सागर महँ भरत मगन मन होत।

rāma biraha sāgara maha~ bharata magana mana hota।

बिप्र रूप धरि पवन सुत आइ गयउ जनु पोत।।1(क)।।

bipra rūpa dhari pavana suta āi gayau janu pota॥1(ka)॥

बैठि देखि कुसासन जटा मुकुट कृस गात।

baiṭhi dekhi kusāsana jaṭā mukuṭa kṛsa gāta।

राम राम रघुपति जपत स्त्रवत नयन जलजात।।1(ख)।।

rāma rāma raghupati japata stravata nayana jalajāta॥1(kha)॥

देखत हनूमान अति हरषेउ। पुलक गात लोचन जल बरषेउ।।

dekhata hanūmāna ati haraṣeu। pulaka gāta locana jala baraṣeu॥

मन महँ बहुत भाँति सुख मानी। बोलेउ श्रवन सुधा सम बानी।।

mana maha~ bahuta bhā~ti sukha mānī। boleu śravana sudhā sama bānī॥

जासु बिरहँ सोचहु दिन राती। रटहु निरंतर गुन गन पाँती।।

jāsu biraha~ socahu dina rātī। raṭahu niraṃtara guna gana pā~tī॥

रघुकुल तिलक सुजन सुखदाता। आयउ कुसल देव मुनि त्राता।।

raghukula tilaka sujana sukhadātā। āyau kusala deva muni trātā॥

रिपु रन जीति सुजस सुर गावत। सीता सहित अनुज प्रभु आवत।।

ripu rana jīti sujasa sura gāvata। sītā sahita anuja prabhu āvata॥

सुनत बचन बिसरे सब दूखा। तृषावंत जिमि पाइ पियूषा।।

sunata bacana bisare saba dūkhā। tṛṣāvaṃta jimi pāi piyūṣā॥

को तुम्ह तात कहाँ ते आए। मोहि परम प्रिय बचन सुनाए।।

ko tumha tāta kahā~ te āe। mohi parama priya bacana sunāe॥

मारुत सुत मैं कपि हनुमाना। नामु मोर सुनु कृपानिधाना।।

māruta suta maiṃ kapi hanumānā। nāmu mora sunu kṛpānidhānā॥

दीनबंधु रघुपति कर किंकर। सुनत भरत भेंटेउ उठि सादर।।

dīnabaṃdhu raghupati kara kiṃkara। sunata bharata bheṃṭeu uṭhi sādara॥

मिलत प्रेम नहिं हृदयँ समाता। नयन स्त्रवत जल पुलकित गाता।।

milata prema nahiṃ hṛdaya~ samātā। nayana stravata jala pulakita gātā॥

कपि तव दरस सकल दुख बीते। मिले आजु मोहि राम पिरीते।।

kapi tava darasa sakala dukha bīte। mile āju mohi rāma pirīte॥

बार बार बूझी कुसलाता। तो कहुँ देउँ काह सुनु भ्राता।।

bāra bāra būjhī kusalātā। to kahu~ deu~ kāha sunu bhrātā॥

एहि संदेस सरिस जग माहीं। करि बिचार देखेउँ कछु नाहीं।।

ehi saṃdesa sarisa jaga māhīṃ। kari bicāra dekheu~ kachu nāhīṃ॥

नाहिन तात उरिन मैं तोही। अब प्रभु चरित सुनावहु मोही।।

nāhina tāta urina maiṃ tohī। aba prabhu carita sunāvahu mohī॥

तब हनुमंत नाइ पद माथा। कहे सकल रघुपति गुन गाथा।।

taba hanumaṃta nāi pada māthā। kahe sakala raghupati guna gāthā॥

कहु कपि कबहुँ कृपाल गोसाईं। सुमिरहिं मोहि दास की नाईं।।

kahu kapi kabahu~ kṛpāla gosāīṃ। sumirahiṃ mohi dāsa kī nāīṃ॥

निज दास ज्यों रघुबंसभूषन कबहुँ मम सुमिरन कर् यो।

nija dāsa jyoṃ raghubaṃsabhūṣana kabahu~ mama sumirana kar yo।

सुनि भरत बचन बिनीत अति कपि पुलकित तन चरनन्हि पर् यो।।

suni bharata bacana binīta ati kapi pulakita tana carananhi par yo॥

रघुबीर निज मुख जासु गुन गन कहत अग जग नाथ जो।

raghubīra nija mukha jāsu guna gana kahata aga jaga nātha jo।

काहे न होइ बिनीत परम पुनीत सदगुन सिंधु सो।।

kāhe na hoi binīta parama punīta sadaguna siṃdhu so॥

राम प्रान प्रिय नाथ तुम्ह सत्य बचन मम तात।

rāma prāna priya nātha tumha satya bacana mama tāta।

पुनि पुनि मिलत भरत सुनि हरष न हृदयँ समात।।2(क)।।

puni puni milata bharata suni haraṣa na hṛdaya~ samāta॥2(ka)॥

भरत चरन सिरु नाइ तुरित गयउ कपि राम पहिं।

bharata carana siru nāi turita gayau kapi rāma pahiṃ।

कही कुसल सब जाइ हरषि चलेउ प्रभु जान चढ़ि।।2(ख)।।

kahī kusala saba jāi haraṣi caleu prabhu jāna car̤hi॥2(kha)॥

हरषि भरत कोसलपुर आए। समाचार सब गुरहि सुनाए।।

haraṣi bharata kosalapura āe। samācāra saba gurahi sunāe॥

पुनि मंदिर महँ बात जनाई। आवत नगर कुसल रघुराई।।

puni maṃdira maha~ bāta janāī। āvata nagara kusala raghurāī॥

सुनत सकल जननीं उठि धाईं। कहि प्रभु कुसल भरत समुझाई।।

sunata sakala jananīṃ uṭhi dhāīṃ। kahi prabhu kusala bharata samujhāī॥

समाचार पुरबासिन्ह पाए। नर अरु नारि हरषि सब धाए।।

samācāra purabāsinha pāe। nara aru nāri haraṣi saba dhāe॥

दधि दुर्बा रोचन फल फूला। नव तुलसी दल मंगल मूला।।

dadhi durbā rocana phala phūlā। nava tulasī dala maṃgala mūlā॥

भरि भरि हेम थार भामिनी। गावत चलिं सिंधु सिंधुरगामिनी।।

bhari bhari hema thāra bhāminī। gāvata caliṃ siṃdhu siṃdhuragāminī॥

जे जैसेहिं तैसेहिं उटि धावहिं। बाल बृद्ध कहँ संग न लावहिं।।

je jaisehiṃ taisehiṃ uṭi dhāvahiṃ। bāla bṛddha kaha~ saṃga na lāvahiṃ॥

एक एकन्ह कहँ बूझहिं भाई। तुम्ह देखे दयाल रघुराई।।

eka ekanha kaha~ būjhahiṃ bhāī। tumha dekhe dayāla raghurāī॥

अवधपुरी प्रभु आवत जानी। भई सकल सोभा कै खानी।।

avadhapurī prabhu āvata jānī। bhaī sakala sobhā kai khānī॥

बहइ सुहावन त्रिबिध समीरा। भइ सरजू अति निर्मल नीरा।।

bahai suhāvana tribidha samīrā। bhai sarajū ati nirmala nīrā॥

हरषित गुर परिजन अनुज भूसुर बृंद समेत।

haraṣita gura parijana anuja bhūsura bṛṃda sameta।

चले भरत मन प्रेम अति सन्मुख कृपानिकेत।।3(क)।।

cale bharata mana prema ati sanmukha kṛpāniketa॥3(ka)॥

बहुतक चढ़ी अटारिन्ह निरखहिं गगन बिमान।

bahutaka car̤hī aṭārinha nirakhahiṃ gagana bimāna।

देखि मधुर सुर हरषित करहिं सुमंगल गान।।3(ख)।।

dekhi madhura sura haraṣita karahiṃ sumaṃgala gāna॥3(kha)॥

राका ससि रघुपति पुर सिंधु देखि हरषान।

rākā sasi raghupati pura siṃdhu dekhi haraṣāna।

बढ़यो कोलाहल करत जनु नारि तरंग समान।।3(ग)।।

bar̤hayo kolāhala karata janu nāri taraṃga samāna॥3(ga)॥

इहाँ भानुकुल कमल दिवाकर। कपिन्ह देखावत नगर मनोहर।।

ihā~ bhānukula kamala divākara। kapinha dekhāvata nagara manohara॥

सुनु कपीस अंगद लंकेसा। पावन पुरी रुचिर यह देसा।।

sunu kapīsa aṃgada laṃkesā। pāvana purī rucira yaha desā॥

जद्यपि सब बैकुंठ बखाना। बेद पुरान बिदित जगु जाना।।

jadyapi saba baikuṃṭha bakhānā। beda purāna bidita jagu jānā॥

अवधपुरी सम प्रिय नहिं सोऊ। यह प्रसंग जानइ कोउ कोऊ।।

avadhapurī sama priya nahiṃ soū। yaha prasaṃga jānai kou koū॥

जन्मभूमि मम पुरी सुहावनि। उत्तर दिसि बह सरजू पावनि।।

janmabhūmi mama purī suhāvani। uttara disi baha sarajū pāvani॥

जा मज्जन ते बिनहिं प्रयासा। मम समीप नर पावहिं बासा।।

jā majjana te binahiṃ prayāsā। mama samīpa nara pāvahiṃ bāsā॥

अति प्रिय मोहि इहाँ के बासी। मम धामदा पुरी सुख रासी।।

ati priya mohi ihā~ ke bāsī। mama dhāmadā purī sukha rāsī॥

हरषे सब कपि सुनि प्रभु बानी। धन्य अवध जो राम बखानी।।

haraṣe saba kapi suni prabhu bānī। dhanya avadha jo rāma bakhānī॥

आवत देखि लोग सब कृपासिंधु भगवान।

āvata dekhi loga saba kṛpāsiṃdhu bhagavāna।

नगर निकट प्रभु प्रेरेउ उतरेउ भूमि बिमान।।4(क)।।

nagara nikaṭa prabhu prereu utareu bhūmi bimāna॥4(ka)॥

उतरि कहेउ प्रभु पुष्पकहि तुम्ह कुबेर पहिं जाहु।

utari kaheu prabhu puṣpakahi tumha kubera pahiṃ jāhu।

प्रेरित राम चलेउ सो हरषु बिरहु अति ताहु।।4(ख)।।

prerita rāma caleu so haraṣu birahu ati tāhu॥4(kha)॥

आए भरत संग सब लोगा। कृस तन श्रीरघुबीर बियोगा।।

āe bharata saṃga saba logā। kṛsa tana śrīraghubīra biyogā॥

बामदेव बसिष्ठ मुनिनायक। देखे प्रभु महि धरि धनु सायक।।

bāmadeva basiṣṭha munināyaka। dekhe prabhu mahi dhari dhanu sāyaka॥

धाइ धरे गुर चरन सरोरुह। अनुज सहित अति पुलक तनोरुह।।

dhāi dhare gura carana saroruha। anuja sahita ati pulaka tanoruha॥

भेंटि कुसल बूझी मुनिराया। हमरें कुसल तुम्हारिहिं दाया।।

bheṃṭi kusala būjhī munirāyā। hamareṃ kusala tumhārihiṃ dāyā॥

सकल द्विजन्ह मिलि नायउ माथा। धर्म धुरंधर रघुकुलनाथा।।

sakala dvijanha mili nāyau māthā। dharma dhuraṃdhara raghukulanāthā॥

गहे भरत पुनि प्रभु पद पंकज। नमत जिन्हहि सुर मुनि संकर अज।।

gahe bharata puni prabhu pada paṃkaja। namata jinhahi sura muni saṃkara aja॥

परे भूमि नहिं उठत उठाए। बर करि कृपासिंधु उर लाए।।

pare bhūmi nahiṃ uṭhata uṭhāe। bara kari kṛpāsiṃdhu ura lāe॥

स्यामल गात रोम भए ठाढ़े। नव राजीव नयन जल बाढ़े।।

syāmala gāta roma bhae ṭhār̤he। nava rājīva nayana jala bār̤he॥

राजीव लोचन स्त्रवत जल तन ललित पुलकावलि बनी।

rājīva locana stravata jala tana lalita pulakāvali banī।

अति प्रेम हृदयँ लगाइ अनुजहि मिले प्रभु त्रिभुअन धनी।।

ati prema hṛdaya~ lagāi anujahi mile prabhu tribhuana dhanī॥

प्रभु मिलत अनुजहि सोह मो पहिं जाति नहिं उपमा कही।

prabhu milata anujahi soha mo pahiṃ jāti nahiṃ upamā kahī।

जनु प्रेम अरु सिंगार तनु धरि मिले बर सुषमा लही।।1।।

janu prema aru siṃgāra tanu dhari mile bara suṣamā lahī॥1॥

बूझत कृपानिधि कुसल भरतहि बचन बेगि न आवई।

būjhata kṛpānidhi kusala bharatahi bacana begi na āvaī।

सुनु सिवा सो सुख बचन मन ते भिन्न जान जो पावई।।

sunu sivā so sukha bacana mana te bhinna jāna jo pāvaī॥

अब कुसल कौसलनाथ आरत जानि जन दरसन दियो।

aba kusala kausalanātha ārata jāni jana darasana diyo।

बूड़त बिरह बारीस कृपानिधान मोहि कर गहि लियो।।2।।

būr̤ata biraha bārīsa kṛpānidhāna mohi kara gahi liyo॥2॥

पुनि प्रभु हरषि सत्रुहन भेंटे हृदयँ लगाइ।

puni prabhu haraṣi satruhana bheṃṭe hṛdaya~ lagāi।

लछिमन भरत मिले तब परम प्रेम दोउ भाइ।।5।।

lachimana bharata mile taba parama prema dou bhāi॥5॥

भरतानुज लछिमन पुनि भेंटे। दुसह बिरह संभव दुख मेटे।।

bharatānuja lachimana puni bheṃṭe। dusaha biraha saṃbhava dukha meṭe॥

सीता चरन भरत सिरु नावा। अनुज समेत परम सुख पावा।।

sītā carana bharata siru nāvā। anuja sameta parama sukha pāvā॥

प्रभु बिलोकि हरषे पुरबासी। जनित बियोग बिपति सब नासी।।

prabhu biloki haraṣe purabāsī। janita biyoga bipati saba nāsī॥

प्रेमातुर सब लोग निहारी। कौतुक कीन्ह कृपाल खरारी।।

premātura saba loga nihārī। kautuka kīnha kṛpāla kharārī॥

अमित रूप प्रगटे तेहि काला। जथाजोग मिले सबहि कृपाला।।

amita rūpa pragaṭe tehi kālā। jathājoga mile sabahi kṛpālā॥

कृपादृष्टि रघुबीर बिलोकी। किए सकल नर नारि बिसोकी।।

kṛpādṛṣṭi raghubīra bilokī। kie sakala nara nāri bisokī॥

छन महिं सबहि मिले भगवाना। उमा मरम यह काहुँ न जाना।।

chana mahiṃ sabahi mile bhagavānā। umā marama yaha kāhu~ na jānā॥

एहि बिधि सबहि सुखी करि रामा। आगें चले सील गुन धामा।।

ehi bidhi sabahi sukhī kari rāmā। āgeṃ cale sīla guna dhāmā॥

कौसल्यादि मातु सब धाई। निरखि बच्छ जनु धेनु लवाई।।

kausalyādi mātu saba dhāī। nirakhi baccha janu dhenu lavāī॥

जनु धेनु बालक बच्छ तजि गृहँ चरन बन परबस गईं।

janu dhenu bālaka baccha taji gṛha~ carana bana parabasa gaīṃ।

दिन अंत पुर रुख स्त्रवत थन हुंकार करि धावत भई।।

dina aṃta pura rukha stravata thana huṃkāra kari dhāvata bhaī॥

अति प्रेम सब मातु भेटीं बचन मृदु बहुबिधि कहे।

ati prema saba mātu bheṭīṃ bacana mṛdu bahubidhi kahe।

गइ बिषम बियोग भव तिन्ह हरष सुख अगनित लहे।।

gai biṣama biyoga bhava tinha haraṣa sukha aganita lahe॥

भेटेउ तनय सुमित्राँ राम चरन रति जानि।

bheṭeu tanaya sumitrā~ rāma carana rati jāni।

रामहि मिलत कैकेई हृदयँ बहुत सकुचानि।।6(क)।।

rāmahi milata kaikeī hṛdaya~ bahuta sakucāni॥6(ka)॥

लछिमन सब मातन्ह मिलि हरषे आसिष पाइ।

lachimana saba mātanha mili haraṣe āsiṣa pāi।

कैकेइ कहँ पुनि पुनि मिले मन कर छोभु न जाइ।।6।।

kaikei kaha~ puni puni mile mana kara chobhu na jāi॥6॥

सासुन्ह सबनि मिली बैदेही। चरनन्हि लागि हरषु अति तेही।।

sāsunha sabani milī baidehī। carananhi lāgi haraṣu ati tehī॥

देहिं असीस बूझि कुसलाता। होइ अचल तुम्हार अहिवाता।।

dehiṃ asīsa būjhi kusalātā। hoi acala tumhāra ahivātā॥

सब रघुपति मुख कमल बिलोकहिं। मंगल जानि नयन जल रोकहिं।।

saba raghupati mukha kamala bilokahiṃ। maṃgala jāni nayana jala rokahiṃ॥

कनक थार आरति उतारहिं। बार बार प्रभु गात निहारहिं।।

kanaka thāra ārati utārahiṃ। bāra bāra prabhu gāta nihārahiṃ॥

नाना भाँति निछावरि करहीं। परमानंद हरष उर भरहीं।।

nānā bhā~ti nichāvari karahīṃ। paramānaṃda haraṣa ura bharahīṃ॥

कौसल्या पुनि पुनि रघुबीरहि। चितवति कृपासिंधु रनधीरहि।।

kausalyā puni puni raghubīrahi। citavati kṛpāsiṃdhu ranadhīrahi॥

हृदयँ बिचारति बारहिं बारा। कवन भाँति लंकापति मारा।।

hṛdaya~ bicārati bārahiṃ bārā। kavana bhā~ti laṃkāpati mārā॥

अति सुकुमार जुगल मेरे बारे। निसिचर सुभट महाबल भारे।।

ati sukumāra jugala mere bāre। nisicara subhaṭa mahābala bhāre॥

लछिमन अरु सीता सहित प्रभुहि बिलोकति मातु।

lachimana aru sītā sahita prabhuhi bilokati mātu।

परमानंद मगन मन पुनि पुनि पुलकित गातु।।7।।

paramānaṃda magana mana puni puni pulakita gātu॥7॥

लंकापति कपीस नल नीला। जामवंत अंगद सुभसीला।।

laṃkāpati kapīsa nala nīlā। jāmavaṃta aṃgada subhasīlā॥

हनुमदादि सब बानर बीरा। धरे मनोहर मनुज सरीरा।।

hanumadādi saba bānara bīrā। dhare manohara manuja sarīrā॥

भरत सनेह सील ब्रत नेमा। सादर सब बरनहिं अति प्रेमा।।

bharata saneha sīla brata nemā। sādara saba baranahiṃ ati premā॥

देखि नगरबासिन्ह कै रीती। सकल सराहहि प्रभु पद प्रीती।।

dekhi nagarabāsinha kai rītī। sakala sarāhahi prabhu pada prītī॥

पुनि रघुपति सब सखा बोलाए। मुनि पद लागहु सकल सिखाए।।

puni raghupati saba sakhā bolāe। muni pada lāgahu sakala sikhāe॥

गुर बसिष्ट कुलपूज्य हमारे। इन्ह की कृपाँ दनुज रन मारे।।

gura basiṣṭa kulapūjya hamāre। inha kī kṛpā~ danuja rana māre॥

ए सब सखा सुनहु मुनि मेरे। भए समर सागर कहँ बेरे।।

e saba sakhā sunahu muni mere। bhae samara sāgara kaha~ bere॥

मम हित लागि जन्म इन्ह हारे। भरतहु ते मोहि अधिक पिआरे।।

mama hita lāgi janma inha hāre। bharatahu te mohi adhika piāre॥

सुनि प्रभु बचन मगन सब भए। निमिष निमिष उपजत सुख नए।।

suni prabhu bacana magana saba bhae। nimiṣa nimiṣa upajata sukha nae॥

कौसल्या के चरनन्हि पुनि तिन्ह नायउ माथ।।

kausalyā ke carananhi puni tinha nāyau mātha॥

आसिष दीन्हे हरषि तुम्ह प्रिय मम जिमि रघुनाथ।।8(क)।।

āsiṣa dīnhe haraṣi tumha priya mama jimi raghunātha॥8(ka)॥

सुमन बृष्टि नभ संकुल भवन चले सुखकंद।

sumana bṛṣṭi nabha saṃkula bhavana cale sukhakaṃda।

चढ़ी अटारिन्ह देखहिं नगर नारि नर बृंद।।8(ख)।।

car̤hī aṭārinha dekhahiṃ nagara nāri nara bṛṃda॥8(kha)॥

कंचन कलस बिचित्र सँवारे। सबहिं धरे सजि निज निज द्वारे।।

kaṃcana kalasa bicitra sa~vāre। sabahiṃ dhare saji nija nija dvāre॥

बंदनवार पताका केतू। सबन्हि बनाए मंगल हेतू।।

baṃdanavāra patākā ketū। sabanhi banāe maṃgala hetū॥

बीथीं सकल सुगंध सिंचाई। गजमनि रचि बहु चौक पुराई।।

bīthīṃ sakala sugaṃdha siṃcāī। gajamani raci bahu cauka purāī॥

नाना भाँति सुमंगल साजे। हरषि नगर निसान बहु बाजे।।

nānā bhā~ti sumaṃgala sāje। haraṣi nagara nisāna bahu bāje॥

जहँ तहँ नारि निछावर करहीं। देहिं असीस हरष उर भरहीं।।

jaha~ taha~ nāri nichāvara karahīṃ। dehiṃ asīsa haraṣa ura bharahīṃ॥

कंचन थार आरती नाना। जुबती सजें करहिं सुभ गाना।।

kaṃcana thāra āratī nānā। jubatī sajeṃ karahiṃ subha gānā॥

करहिं आरती आरतिहर कें। रघुकुल कमल बिपिन दिनकर कें।।

karahiṃ āratī āratihara keṃ। raghukula kamala bipina dinakara keṃ॥

पुर सोभा संपति कल्याना। निगम सेष सारदा बखाना।।

pura sobhā saṃpati kalyānā। nigama seṣa sāradā bakhānā॥

तेउ यह चरित देखि ठगि रहहीं। उमा तासु गुन नर किमि कहहीं।।

teu yaha carita dekhi ṭhagi rahahīṃ। umā tāsu guna nara kimi kahahīṃ॥

नारि कुमुदिनीं अवध सर रघुपति बिरह दिनेस।

nāri kumudinīṃ avadha sara raghupati biraha dinesa।

अस्त भएँ बिगसत भईं निरखि राम राकेस।।9(क)।।

asta bhae~ bigasata bhaīṃ nirakhi rāma rākesa॥9(ka)॥

होहिं सगुन सुभ बिबिध बिधि बाजहिं गगन निसान।

hohiṃ saguna subha bibidha bidhi bājahiṃ gagana nisāna।

पुर नर नारि सनाथ करि भवन चले भगवान।।9(ख)।।

pura nara nāri sanātha kari bhavana cale bhagavāna॥9(kha)॥

प्रभु जानी कैकेई लजानी। प्रथम तासु गृह गए भवानी।।

prabhu jānī kaikeī lajānī। prathama tāsu gṛha gae bhavānī॥

ताहि प्रबोधि बहुत सुख दीन्हा। पुनि निज भवन गवन हरि कीन्हा।।

tāhi prabodhi bahuta sukha dīnhā। puni nija bhavana gavana hari kīnhā॥

कृपासिंधु जब मंदिर गए। पुर नर नारि सुखी सब भए।।

kṛpāsiṃdhu jaba maṃdira gae। pura nara nāri sukhī saba bhae॥

गुर बसिष्ट द्विज लिए बुलाई। आजु सुघरी सुदिन समुदाई।।

gura basiṣṭa dvija lie bulāī। āju sugharī sudina samudāī॥

सब द्विज देहु हरषि अनुसासन। रामचंद्र बैठहिं सिंघासन।।

saba dvija dehu haraṣi anusāsana। rāmacaṃdra baiṭhahiṃ siṃghāsana॥

मुनि बसिष्ट के बचन सुहाए। सुनत सकल बिप्रन्ह अति भाए।।

muni basiṣṭa ke bacana suhāe। sunata sakala bipranha ati bhāe॥

कहहिं बचन मृदु बिप्र अनेका। जग अभिराम राम अभिषेका।।

kahahiṃ bacana mṛdu bipra anekā। jaga abhirāma rāma abhiṣekā॥

अब मुनिबर बिलंब नहिं कीजे। महाराज कहँ तिलक करीजै।।

aba munibara bilaṃba nahiṃ kīje। mahārāja kaha~ tilaka karījai॥

तब मुनि कहेउ सुमंत्र सन सुनत चलेउ हरषाइ।

taba muni kaheu sumaṃtra sana sunata caleu haraṣāi।

रथ अनेक बहु बाजि गज तुरत सँवारे जाइ।।10(क)।।

ratha aneka bahu bāji gaja turata sa~vāre jāi॥10(ka)॥

जहँ तहँ धावन पठइ पुनि मंगल द्रब्य मगाइ।

jaha~ taha~ dhāvana paṭhai puni maṃgala drabya magāi।

हरष समेत बसिष्ट पद पुनि सिरु नायउ आइ।।10(ख)।।

haraṣa sameta basiṣṭa pada puni siru nāyau āi॥10(kha)॥

अवधपुरी अति रुचिर बनाई। देवन्ह सुमन बृष्टि झरि लाई।।

avadhapurī ati rucira banāī। devanha sumana bṛṣṭi jhari lāī॥

राम कहा सेवकन्ह बुलाई। प्रथम सखन्ह अन्हवावहु जाई।।

rāma kahā sevakanha bulāī। prathama sakhanha anhavāvahu jāī॥

सुनत बचन जहँ तहँ जन धाए। सुग्रीवादि तुरत अन्हवाए।।

sunata bacana jaha~ taha~ jana dhāe। sugrīvādi turata anhavāe॥

पुनि करुनानिधि भरतु हँकारे। निज कर राम जटा निरुआरे।।

puni karunānidhi bharatu ha~kāre। nija kara rāma jaṭā niruāre॥

अन्हवाए प्रभु तीनिउ भाई। भगत बछल कृपाल रघुराई।।

anhavāe prabhu tīniu bhāī। bhagata bachala kṛpāla raghurāī॥

भरत भाग्य प्रभु कोमलताई। सेष कोटि सत सकहिं न गाई।।

bharata bhāgya prabhu komalatāī। seṣa koṭi sata sakahiṃ na gāī॥

पुनि निज जटा राम बिबराए। गुर अनुसासन मागि नहाए।।

puni nija jaṭā rāma bibarāe। gura anusāsana māgi nahāe॥

करि मज्जन प्रभु भूषन साजे। अंग अनंग देखि सत लाजे।।

kari majjana prabhu bhūṣana sāje। aṃga anaṃga dekhi sata lāje॥

सासुन्ह सादर जानकिहि मज्जन तुरत कराइ।

sāsunha sādara jānakihi majjana turata karāi।

दिब्य बसन बर भूषन अँग अँग सजे बनाइ।।11(क)।।

dibya basana bara bhūṣana a~ga a~ga saje banāi॥11(ka)॥

राम बाम दिसि सोभति रमा रूप गुन खानि।

rāma bāma disi sobhati ramā rūpa guna khāni।

देखि मातु सब हरषीं जन्म सुफल निज जानि।।11(ख)।।

dekhi mātu saba haraṣīṃ janma suphala nija jāni॥11(kha)॥

सुनु खगेस तेहि अवसर ब्रह्मा सिव मुनि बृंद।

sunu khagesa tehi avasara brahmā siva muni bṛṃda।

चढ़ि बिमान आए सब सुर देखन सुखकंद।।11(ग)।।

car̤hi bimāna āe saba sura dekhana sukhakaṃda॥11(ga)॥

प्रभु बिलोकि मुनि मन अनुरागा। तुरत दिब्य सिंघासन मागा।।

prabhu biloki muni mana anurāgā। turata dibya siṃghāsana māgā॥

रबि सम तेज सो बरनि न जाई। बैठे राम द्विजन्ह सिरु नाई।।

rabi sama teja so barani na jāī। baiṭhe rāma dvijanha siru nāī॥

जनकसुता समेत रघुराई। पेखि प्रहरषे मुनि समुदाई।।

janakasutā sameta raghurāī। pekhi praharaṣe muni samudāī॥

बेद मंत्र तब द्विजन्ह उचारे। नभ सुर मुनि जय जयति पुकारे।।

beda maṃtra taba dvijanha ucāre। nabha sura muni jaya jayati pukāre॥

प्रथम तिलक बसिष्ट मुनि कीन्हा। पुनि सब बिप्रन्ह आयसु दीन्हा।।

prathama tilaka basiṣṭa muni kīnhā। puni saba bipranha āyasu dīnhā॥

सुत बिलोकि हरषीं महतारी। बार बार आरती उतारी।।

suta biloki haraṣīṃ mahatārī। bāra bāra āratī utārī॥

बिप्रन्ह दान बिबिध बिधि दीन्हे। जाचक सकल अजाचक कीन्हे।।

bipranha dāna bibidha bidhi dīnhe। jācaka sakala ajācaka kīnhe॥

सिंघासन पर त्रिभुअन साई। देखि सुरन्ह दुंदुभीं बजाईं।।

siṃghāsana para tribhuana sāī। dekhi suranha duṃdubhīṃ bajāīṃ॥

नभ दुंदुभीं बाजहिं बिपुल गंधर्ब किंनर गावहीं।

nabha duṃdubhīṃ bājahiṃ bipula gaṃdharba kiṃnara gāvahīṃ।

नाचहिं अपछरा बृंद परमानंद सुर मुनि पावहीं।।

nācahiṃ apacharā bṛṃda paramānaṃda sura muni pāvahīṃ॥

भरतादि अनुज बिभीषनांगद हनुमदादि समेत ते।

bharatādi anuja bibhīṣanāṃgada hanumadādi sameta te।

गहें छत्र चामर ब्यजन धनु असि चर्म सक्ति बिराजते।।1।।

gaheṃ chatra cāmara byajana dhanu asi carma sakti birājate॥1॥

श्री सहित दिनकर बंस बूषन काम बहु छबि सोहई।

śrī sahita dinakara baṃsa būṣana kāma bahu chabi sohaī।

नव अंबुधर बर गात अंबर पीत सुर मन मोहई।।

nava aṃbudhara bara gāta aṃbara pīta sura mana mohaī॥

मुकुटांगदादि बिचित्र भूषन अंग अंगन्हि प्रति सजे।

mukuṭāṃgadādi bicitra bhūṣana aṃga aṃganhi prati saje।

अंभोज नयन बिसाल उर भुज धन्य नर निरखंति जे।।2।।

aṃbhoja nayana bisāla ura bhuja dhanya nara nirakhaṃti je॥2॥

वह सोभा समाज सुख कहत न बनइ खगेस।

vaha sobhā samāja sukha kahata na banai khagesa।

बरनहिं सारद सेष श्रुति सो रस जान महेस।।12(क)।।

baranahiṃ sārada seṣa śruti so rasa jāna mahesa॥12(ka)॥

भिन्न भिन्न अस्तुति करि गए सुर निज निज धाम।

bhinna bhinna astuti kari gae sura nija nija dhāma।

बंदी बेष बेद तब आए जहँ श्रीराम।। 12(ख)।।

baṃdī beṣa beda taba āe jaha~ śrīrāma॥ 12(kha)॥

प्रभु सर्बग्य कीन्ह अति आदर कृपानिधान।

prabhu sarbagya kīnha ati ādara kṛpānidhāna।

लखेउ न काहूँ मरम कछु लगे करन गुन गान।।12(ग)।।

lakheu na kāhū~ marama kachu lage karana guna gāna॥12(ga)॥

जय सगुन निर्गुन रूप रूप अनूप भूप सिरोमने।

jaya saguna nirguna rūpa rūpa anūpa bhūpa siromane।

दसकंधरादि प्रचंड निसिचर प्रबल खल भुज बल हने।।

dasakaṃdharādi pracaṃḍa nisicara prabala khala bhuja bala hane॥

अवतार नर संसार भार बिभंजि दारुन दुख दहे।

avatāra nara saṃsāra bhāra bibhaṃji dāruna dukha dahe।

जय प्रनतपाल दयाल प्रभु संजुक्त सक्ति नमामहे।।1।।

jaya pranatapāla dayāla prabhu saṃjukta sakti namāmahe॥1॥

तव बिषम माया बस सुरासुर नाग नर अग जग हरे।

tava biṣama māyā basa surāsura nāga nara aga jaga hare।

भव पंथ भ्रमत अमित दिवस निसि काल कर्म गुननि भरे।।

bhava paṃtha bhramata amita divasa nisi kāla karma gunani bhare॥

जे नाथ करि करुना बिलोके त्रिबिधि दुख ते निर्बहे।

je nātha kari karunā biloke tribidhi dukha te nirbahe।

भव खेद छेदन दच्छ हम कहुँ रच्छ राम नमामहे।।2।।

bhava kheda chedana daccha hama kahu~ raccha rāma namāmahe॥2॥

जे ग्यान मान बिमत्त तव भव हरनि भक्ति न आदरी।

je gyāna māna bimatta tava bhava harani bhakti na ādarī।

ते पाइ सुर दुर्लभ पदादपि परत हम देखत हरी।।

te pāi sura durlabha padādapi parata hama dekhata harī॥

बिस्वास करि सब आस परिहरि दास तव जे होइ रहे।

bisvāsa kari saba āsa parihari dāsa tava je hoi rahe।

जपि नाम तव बिनु श्रम तरहिं भव नाथ सो समरामहे।।3।।

japi nāma tava binu śrama tarahiṃ bhava nātha so samarāmahe॥3॥

जे चरन सिव अज पूज्य रज सुभ परसि मुनिपतिनी तरी।

je carana siva aja pūjya raja subha parasi munipatinī tarī।

नख निर्गता मुनि बंदिता त्रेलोक पावनि सुरसरी।।

nakha nirgatā muni baṃditā treloka pāvani surasarī॥

ध्वज कुलिस अंकुस कंज जुत बन फिरत कंटक किन लहे।

dhvaja kulisa aṃkusa kaṃja juta bana phirata kaṃṭaka kina lahe।

पद कंज द्वंद मुकुंद राम रमेस नित्य भजामहे।।4।।

pada kaṃja dvaṃda mukuṃda rāma ramesa nitya bhajāmahe॥4॥

अब्यक्तमूलमनादि तरु त्वच चारि निगमागम भने।

abyaktamūlamanādi taru tvaca cāri nigamāgama bhane।

षट कंध साखा पंच बीस अनेक पर्न सुमन घने।।

ṣaṭa kaṃdha sākhā paṃca bīsa aneka parna sumana ghane॥

फल जुगल बिधि कटु मधुर बेलि अकेलि जेहि आश्रित रहे।

phala jugala bidhi kaṭu madhura beli akeli jehi āśrita rahe।

पल्लवत फूलत नवल नित संसार बिटप नमामहे।।5।।

pallavata phūlata navala nita saṃsāra biṭapa namāmahe॥5॥

जे ब्रह्म अजमद्वैतमनुभवगम्य मनपर ध्यावहीं।

je brahma ajamadvaitamanubhavagamya manapara dhyāvahīṃ।

ते कहहुँ जानहुँ नाथ हम तव सगुन जस नित गावहीं।।

te kahahu~ jānahu~ nātha hama tava saguna jasa nita gāvahīṃ॥

करुनायतन प्रभु सदगुनाकर देव यह बर मागहीं।

karunāyatana prabhu sadagunākara deva yaha bara māgahīṃ।

मन बचन कर्म बिकार तजि तव चरन हम अनुरागहीं।।6।।

mana bacana karma bikāra taji tava carana hama anurāgahīṃ॥6॥

सब के देखत बेदन्ह बिनती कीन्हि उदार।

saba ke dekhata bedanha binatī kīnhi udāra।

अंतर्धान भए पुनि गए ब्रह्म आगार।।13(क)।।

aṃtardhāna bhae puni gae brahma āgāra॥13(ka)॥

बैनतेय सुनु संभु तब आए जहँ रघुबीर।

bainateya sunu saṃbhu taba āe jaha~ raghubīra।

बिनय करत गदगद गिरा पूरित पुलक सरीर।।13(ख)।।

binaya karata gadagada girā pūrita pulaka sarīra॥13(kha)॥

जय राम रमारमनं समनं। भव ताप भयाकुल पाहि जनं।।

jaya rāma ramāramanaṃ samanaṃ। bhava tāpa bhayākula pāhi janaṃ॥

अवधेस सुरेस रमेस बिभो। सरनागत मागत पाहि प्रभो।।1।।

avadhesa suresa ramesa bibho। saranāgata māgata pāhi prabho॥1॥

दससीस बिनासन बीस भुजा। कृत दूरि महा महि भूरि रुजा।।

dasasīsa bināsana bīsa bhujā। kṛta dūri mahā mahi bhūri rujā॥

रजनीचर बृंद पतंग रहे। सर पावक तेज प्रचंड दहे।।2।।

rajanīcara bṛṃda pataṃga rahe। sara pāvaka teja pracaṃḍa dahe॥2॥

महि मंडल मंडन चारुतरं। धृत सायक चाप निषंग बरं।।

mahi maṃḍala maṃḍana cārutaraṃ। dhṛta sāyaka cāpa niṣaṃga baraṃ॥

मद मोह महा ममता रजनी। तम पुंज दिवाकर तेज अनी।।3।।

mada moha mahā mamatā rajanī। tama puṃja divākara teja anī॥3॥

मनजात किरात निपात किए। मृग लोग कुभोग सरेन हिए।।

manajāta kirāta nipāta kie। mṛga loga kubhoga sarena hie॥

हति नाथ अनाथनि पाहि हरे। बिषया बन पावँर भूलि परे।।4।।

hati nātha anāthani pāhi hare। biṣayā bana pāva~ra bhūli pare॥4॥

बहु रोग बियोगन्हि लोग हए। भवदंघ्रि निरादर के फल ए।।

bahu roga biyoganhi loga hae। bhavadaṃghri nirādara ke phala e॥

भव सिंधु अगाध परे नर ते। पद पंकज प्रेम न जे करते।।5।।

bhava siṃdhu agādha pare nara te। pada paṃkaja prema na je karate॥5॥

अति दीन मलीन दुखी नितहीं। जिन्ह के पद पंकज प्रीति नहीं।।

ati dīna malīna dukhī nitahīṃ। jinha ke pada paṃkaja prīti nahīṃ॥

अवलंब भवंत कथा जिन्ह के।। प्रिय संत अनंत सदा तिन्ह कें।।6।।

avalaṃba bhavaṃta kathā jinha ke॥ priya saṃta anaṃta sadā tinha keṃ॥6॥

नहिं राग न लोभ न मान मदा।।तिन्ह कें सम बैभव वा बिपदा।।

nahiṃ rāga na lobha na māna madā॥tinha keṃ sama baibhava vā bipadā॥

एहि ते तव सेवक होत मुदा। मुनि त्यागत जोग भरोस सदा।।7।।

ehi te tava sevaka hota mudā। muni tyāgata joga bharosa sadā॥7॥

करि प्रेम निरंतर नेम लिएँ। पद पंकज सेवत सुद्ध हिएँ।।

kari prema niraṃtara nema lie~। pada paṃkaja sevata suddha hie~॥

सम मानि निरादर आदरही। सब संत सुखी बिचरंति मही।।8।।

sama māni nirādara ādarahī। saba saṃta sukhī bicaraṃti mahī॥8॥

मुनि मानस पंकज भृंग भजे। रघुबीर महा रनधीर अजे।।

muni mānasa paṃkaja bhṛṃga bhaje। raghubīra mahā ranadhīra aje॥

तव नाम जपामि नमामि हरी। भव रोग महागद मान अरी।।9।।

tava nāma japāmi namāmi harī। bhava roga mahāgada māna arī॥9॥

गुन सील कृपा परमायतनं। प्रनमामि निरंतर श्रीरमनं।।

guna sīla kṛpā paramāyatanaṃ। pranamāmi niraṃtara śrīramanaṃ॥

रघुनंद निकंदय द्वंद्वघनं। महिपाल बिलोकय दीन जनं।।10।।

raghunaṃda nikaṃdaya dvaṃdvaghanaṃ। mahipāla bilokaya dīna janaṃ॥10॥

बार बार बर मागउँ हरषि देहु श्रीरंग।

bāra bāra bara māgau~ haraṣi dehu śrīraṃga।

पद सरोज अनपायनी भगति सदा सतसंग।।14(क)।।

pada saroja anapāyanī bhagati sadā satasaṃga॥14(ka)॥

बरनि उमापति राम गुन हरषि गए कैलास।

barani umāpati rāma guna haraṣi gae kailāsa।

तब प्रभु कपिन्ह दिवाए सब बिधि सुखप्रद बास।।14(ख)।।

taba prabhu kapinha divāe saba bidhi sukhaprada bāsa॥14(kha)॥

सुनु खगपति यह कथा पावनी। त्रिबिध ताप भव भय दावनी।।

sunu khagapati yaha kathā pāvanī। tribidha tāpa bhava bhaya dāvanī॥

महाराज कर सुभ अभिषेका। सुनत लहहिं नर बिरति बिबेका।।

mahārāja kara subha abhiṣekā। sunata lahahiṃ nara birati bibekā॥

जे सकाम नर सुनहिं जे गावहिं। सुख संपति नाना बिधि पावहिं।।

je sakāma nara sunahiṃ je gāvahiṃ। sukha saṃpati nānā bidhi pāvahiṃ॥

सुर दुर्लभ सुख करि जग माहीं। अंतकाल रघुपति पुर जाहीं।।

sura durlabha sukha kari jaga māhīṃ। aṃtakāla raghupati pura jāhīṃ॥

सुनहिं बिमुक्त बिरत अरु बिषई। लहहिं भगति गति संपति नई।।

sunahiṃ bimukta birata aru biṣaī। lahahiṃ bhagati gati saṃpati naī॥

खगपति राम कथा मैं बरनी। स्वमति बिलास त्रास दुख हरनी।।

khagapati rāma kathā maiṃ baranī। svamati bilāsa trāsa dukha haranī॥

बिरति बिबेक भगति दृढ़ करनी। मोह नदी कहँ सुंदर तरनी।।

birati bibeka bhagati dṛr̤ha karanī। moha nadī kaha~ suṃdara taranī॥

नित नव मंगल कौसलपुरी। हरषित रहहिं लोग सब कुरी।।

nita nava maṃgala kausalapurī। haraṣita rahahiṃ loga saba kurī॥

नित नइ प्रीति राम पद पंकज। सबकें जिन्हहि नमत सिव मुनि अज।।

nita nai prīti rāma pada paṃkaja। sabakeṃ jinhahi namata siva muni aja॥

मंगन बहु प्रकार पहिराए। द्विजन्ह दान नाना बिधि पाए।।

maṃgana bahu prakāra pahirāe। dvijanha dāna nānā bidhi pāe॥

ब्रह्मानंद मगन कपि सब कें प्रभु पद प्रीति।

brahmānaṃda magana kapi saba keṃ prabhu pada prīti।

जात न जाने दिवस तिन्ह गए मास षट बीति।।15।।

jāta na jāne divasa tinha gae māsa ṣaṭa bīti॥15॥

बिसरे गृह सपनेहुँ सुधि नाहीं। जिमि परद्रोह संत मन माही।।

bisare gṛha sapanehu~ sudhi nāhīṃ। jimi paradroha saṃta mana māhī॥

तब रघुपति सब सखा बोलाए। आइ सबन्हि सादर सिरु नाए।।

taba raghupati saba sakhā bolāe। āi sabanhi sādara siru nāe॥

परम प्रीति समीप बैठारे। भगत सुखद मृदु बचन उचारे।।

parama prīti samīpa baiṭhāre। bhagata sukhada mṛdu bacana ucāre॥

तुम्ह अति कीन्ह मोरि सेवकाई। मुख पर केहि बिधि करौं बड़ाई।।

tumha ati kīnha mori sevakāī। mukha para kehi bidhi karauṃ bar̤āī॥

ताते मोहि तुम्ह अति प्रिय लागे। मम हित लागि भवन सुख त्यागे।।

tāte mohi tumha ati priya lāge। mama hita lāgi bhavana sukha tyāge॥

अनुज राज संपति बैदेही। देह गेह परिवार सनेही।।

anuja rāja saṃpati baidehī। deha geha parivāra sanehī॥

सब मम प्रिय नहिं तुम्हहि समाना। मृषा न कहउँ मोर यह बाना।।

saba mama priya nahiṃ tumhahi samānā। mṛṣā na kahau~ mora yaha bānā॥

सब के प्रिय सेवक यह नीती। मोरें अधिक दास पर प्रीती।।

saba ke priya sevaka yaha nītī। moreṃ adhika dāsa para prītī॥

अब गृह जाहु सखा सब भजेहु मोहि दृढ़ नेम।

aba gṛha jāhu sakhā saba bhajehu mohi dṛr̤ha nema।

सदा सर्बगत सर्बहित जानि करेहु अति प्रेम।।16।।

sadā sarbagata sarbahita jāni karehu ati prema॥16॥

सुनि प्रभु बचन मगन सब भए। को हम कहाँ बिसरि तन गए।।

suni prabhu bacana magana saba bhae। ko hama kahā~ bisari tana gae॥

एकटक रहे जोरि कर आगे। सकहिं न कछु कहि अति अनुरागे।।

ekaṭaka rahe jori kara āge। sakahiṃ na kachu kahi ati anurāge॥

परम प्रेम तिन्ह कर प्रभु देखा। कहा बिबिध बिधि ग्यान बिसेषा।।

parama prema tinha kara prabhu dekhā। kahā bibidha bidhi gyāna biseṣā॥

प्रभु सन्मुख कछु कहन न पारहिं। पुनि पुनि चरन सरोज निहारहिं।।

prabhu sanmukha kachu kahana na pārahiṃ। puni puni carana saroja nihārahiṃ॥

तब प्रभु भूषन बसन मगाए। नाना रंग अनूप सुहाए।।

taba prabhu bhūṣana basana magāe। nānā raṃga anūpa suhāe॥

सुग्रीवहि प्रथमहिं पहिराए। बसन भरत निज हाथ बनाए।।

sugrīvahi prathamahiṃ pahirāe। basana bharata nija hātha banāe॥

प्रभु प्रेरित लछिमन पहिराए। लंकापति रघुपति मन भाए।।

prabhu prerita lachimana pahirāe। laṃkāpati raghupati mana bhāe॥

अंगद बैठ रहा नहिं डोला। प्रीति देखि प्रभु ताहि न बोला।।

aṃgada baiṭha rahā nahiṃ ḍolā। prīti dekhi prabhu tāhi na bolā॥

जामवंत नीलादि सब पहिराए रघुनाथ।

jāmavaṃta nīlādi saba pahirāe raghunātha।

हियँ धरि राम रूप सब चले नाइ पद माथ।।17(क)।।

hiya~ dhari rāma rūpa saba cale nāi pada mātha॥17(ka)॥

तब अंगद उठि नाइ सिरु सजल नयन कर जोरि।

taba aṃgada uṭhi nāi siru sajala nayana kara jori।

अति बिनीत बोलेउ बचन मनहुँ प्रेम रस बोरि।।17(ख)।।

ati binīta boleu bacana manahu~ prema rasa bori॥17(kha)॥

सुनु सर्बग्य कृपा सुख सिंधो। दीन दयाकर आरत बंधो।।

sunu sarbagya kṛpā sukha siṃdho। dīna dayākara ārata baṃdho॥

मरती बेर नाथ मोहि बाली। गयउ तुम्हारेहि कोंछें घाली।।

maratī bera nātha mohi bālī। gayau tumhārehi koṃcheṃ ghālī॥

असरन सरन बिरदु संभारी। मोहि जनि तजहु भगत हितकारी।।

asarana sarana biradu saṃbhārī। mohi jani tajahu bhagata hitakārī॥

मोरें तुम्ह प्रभु गुर पितु माता। जाउँ कहाँ तजि पद जलजाता।।

moreṃ tumha prabhu gura pitu mātā। jāu~ kahā~ taji pada jalajātā॥

तुम्हहि बिचारि कहहु नरनाहा। प्रभु तजि भवन काज मम काहा।।

tumhahi bicāri kahahu naranāhā। prabhu taji bhavana kāja mama kāhā॥

बालक ग्यान बुद्धि बल हीना। राखहु सरन नाथ जन दीना।।

bālaka gyāna buddhi bala hīnā। rākhahu sarana nātha jana dīnā॥

नीचि टहल गृह कै सब करिहउँ। पद पंकज बिलोकि भव तरिहउँ।।

nīci ṭahala gṛha kai saba karihau~। pada paṃkaja biloki bhava tarihau~॥

अस कहि चरन परेउ प्रभु पाही। अब जनि नाथ कहहु गृह जाही।।

asa kahi carana pareu prabhu pāhī। aba jani nātha kahahu gṛha jāhī॥

अंगद बचन बिनीत सुनि रघुपति करुना सींव।

aṃgada bacana binīta suni raghupati karunā sīṃva।

प्रभु उठाइ उर लायउ सजल नयन राजीव।।18(क)।।

prabhu uṭhāi ura lāyau sajala nayana rājīva॥18(ka)॥

निज उर माल बसन मनि बालितनय पहिराइ।

nija ura māla basana mani bālitanaya pahirāi।

बिदा कीन्हि भगवान तब बहु प्रकार समुझाइ।।18(ख)।।

bidā kīnhi bhagavāna taba bahu prakāra samujhāi॥18(kha)॥

भरत अनुज सौमित्र समेता। पठवन चले भगत कृत चेता।।

bharata anuja saumitra sametā। paṭhavana cale bhagata kṛta cetā॥

अंगद हृदयँ प्रेम नहिं थोरा। फिरि फिरि चितव राम कीं ओरा।।

aṃgada hṛdaya~ prema nahiṃ thorā। phiri phiri citava rāma kīṃ orā॥

बार बार कर दंड प्रनामा। मन अस रहन कहहिं मोहि रामा।।

bāra bāra kara daṃḍa pranāmā। mana asa rahana kahahiṃ mohi rāmā॥

राम बिलोकनि बोलनि चलनी। सुमिरि सुमिरि सोचत हँसि मिलनी।।

rāma bilokani bolani calanī। sumiri sumiri socata ha~si milanī॥

प्रभु रुख देखि बिनय बहु भाषी। चलेउ हृदयँ पद पंकज राखी।।

prabhu rukha dekhi binaya bahu bhāṣī। caleu hṛdaya~ pada paṃkaja rākhī॥

अति आदर सब कपि पहुँचाए। भाइन्ह सहित भरत पुनि आए।।

ati ādara saba kapi pahu~cāe। bhāinha sahita bharata puni āe॥

तब सुग्रीव चरन गहि नाना। भाँति बिनय कीन्हे हनुमाना।।

taba sugrīva carana gahi nānā। bhā~ti binaya kīnhe hanumānā॥

दिन दस करि रघुपति पद सेवा। पुनि तव चरन देखिहउँ देवा।।

dina dasa kari raghupati pada sevā। puni tava carana dekhihau~ devā॥

पुन्य पुंज तुम्ह पवनकुमारा। सेवहु जाइ कृपा आगारा।।

punya puṃja tumha pavanakumārā। sevahu jāi kṛpā āgārā॥

अस कहि कपि सब चले तुरंता। अंगद कहइ सुनहु हनुमंता।।

asa kahi kapi saba cale turaṃtā। aṃgada kahai sunahu hanumaṃtā॥

कहेहु दंडवत प्रभु सैं तुम्हहि कहउँ कर जोरि।

kahehu daṃḍavata prabhu saiṃ tumhahi kahau~ kara jori।

बार बार रघुनायकहि सुरति कराएहु मोरि।।19(क)।।

bāra bāra raghunāyakahi surati karāehu mori॥19(ka)॥

अस कहि चलेउ बालिसुत फिरि आयउ हनुमंत।

asa kahi caleu bālisuta phiri āyau hanumaṃta।

तासु प्रीति प्रभु सन कहि मगन भए भगवंत।।!9(ख)।।

tāsu prīti prabhu sana kahi magana bhae bhagavaṃta॥!9(kha)॥

कुलिसहु चाहि कठोर अति कोमल कुसुमहु चाहि।

kulisahu cāhi kaṭhora ati komala kusumahu cāhi।

चित्त खगेस राम कर समुझि परइ कहु काहि।।19(ग)।।

citta khagesa rāma kara samujhi parai kahu kāhi॥19(ga)॥

पुनि कृपाल लियो बोलि निषादा। दीन्हे भूषन बसन प्रसादा।।

puni kṛpāla liyo boli niṣādā। dīnhe bhūṣana basana prasādā॥

जाहु भवन मम सुमिरन करेहू। मन क्रम बचन धर्म अनुसरेहू।।

jāhu bhavana mama sumirana karehū। mana krama bacana dharma anusarehū॥

तुम्ह मम सखा भरत सम भ्राता। सदा रहेहु पुर आवत जाता।।

tumha mama sakhā bharata sama bhrātā। sadā rahehu pura āvata jātā॥

बचन सुनत उपजा सुख भारी। परेउ चरन भरि लोचन बारी।।

bacana sunata upajā sukha bhārī। pareu carana bhari locana bārī॥

चरन नलिन उर धरि गृह आवा। प्रभु सुभाउ परिजनन्हि सुनावा।।

carana nalina ura dhari gṛha āvā। prabhu subhāu parijananhi sunāvā॥

रघुपति चरित देखि पुरबासी। पुनि पुनि कहहिं धन्य सुखरासी।।

raghupati carita dekhi purabāsī। puni puni kahahiṃ dhanya sukharāsī॥

राम राज बैंठें त्रेलोका। हरषित भए गए सब सोका।।

rāma rāja baiṃṭheṃ trelokā। haraṣita bhae gae saba sokā॥

बयरु न कर काहू सन कोई। राम प्रताप बिषमता खोई।।

bayaru na kara kāhū sana koī। rāma pratāpa biṣamatā khoī॥

बरनाश्रम निज निज धरम बनिरत बेद पथ लोग।

baranāśrama nija nija dharama banirata beda patha loga।

चलहिं सदा पावहिं सुखहि नहिं भय सोक न रोग।।20।।

calahiṃ sadā pāvahiṃ sukhahi nahiṃ bhaya soka na roga॥20॥

दैहिक दैविक भौतिक तापा। राम राज नहिं काहुहि ब्यापा।।

daihika daivika bhautika tāpā। rāma rāja nahiṃ kāhuhi byāpā॥

सब नर करहिं परस्पर प्रीती। चलहिं स्वधर्म निरत श्रुति नीती।।

saba nara karahiṃ paraspara prītī। calahiṃ svadharma nirata śruti nītī॥

चारिउ चरन धर्म जग माहीं। पूरि रहा सपनेहुँ अघ नाहीं।।

cāriu carana dharma jaga māhīṃ। pūri rahā sapanehu~ agha nāhīṃ॥

राम भगति रत नर अरु नारी। सकल परम गति के अधिकारी।।

rāma bhagati rata nara aru nārī। sakala parama gati ke adhikārī॥

अल्पमृत्यु नहिं कवनिउ पीरा। सब सुंदर सब बिरुज सरीरा।।

alpamṛtyu nahiṃ kavaniu pīrā। saba suṃdara saba biruja sarīrā॥

नहिं दरिद्र कोउ दुखी न दीना। नहिं कोउ अबुध न लच्छन हीना।।

nahiṃ daridra kou dukhī na dīnā। nahiṃ kou abudha na lacchana hīnā॥

सब निर्दंभ धर्मरत पुनी। नर अरु नारि चतुर सब गुनी।।

saba nirdaṃbha dharmarata punī। nara aru nāri catura saba gunī॥

सब गुनग्य पंडित सब ग्यानी। सब कृतग्य नहिं कपट सयानी।।

saba gunagya paṃḍita saba gyānī। saba kṛtagya nahiṃ kapaṭa sayānī॥

राम राज नभगेस सुनु सचराचर जग माहिं।।

rāma rāja nabhagesa sunu sacarācara jaga māhiṃ॥

काल कर्म सुभाव गुन कृत दुख काहुहि नाहिं।।21।।

kāla karma subhāva guna kṛta dukha kāhuhi nāhiṃ॥21॥

भूमि सप्त सागर मेखला। एक भूप रघुपति कोसला।।

bhūmi sapta sāgara mekhalā। eka bhūpa raghupati kosalā॥

भुअन अनेक रोम प्रति जासू। यह प्रभुता कछु बहुत न तासू।।

bhuana aneka roma prati jāsū। yaha prabhutā kachu bahuta na tāsū॥

सो महिमा समुझत प्रभु केरी। यह बरनत हीनता घनेरी।।

so mahimā samujhata prabhu kerī। yaha baranata hīnatā ghanerī॥

सोउ महिमा खगेस जिन्ह जानी। फिरी एहिं चरित तिन्हहुँ रति मानी।।

sou mahimā khagesa jinha jānī। phirī ehiṃ carita tinhahu~ rati mānī॥

सोउ जाने कर फल यह लीला। कहहिं महा मुनिबर दमसीला।।

sou jāne kara phala yaha līlā। kahahiṃ mahā munibara damasīlā॥

राम राज कर सुख संपदा। बरनि न सकइ फनीस सारदा।।

rāma rāja kara sukha saṃpadā। barani na sakai phanīsa sāradā॥

सब उदार सब पर उपकारी। बिप्र चरन सेवक नर नारी।।

saba udāra saba para upakārī। bipra carana sevaka nara nārī॥

एकनारि ब्रत रत सब झारी। ते मन बच क्रम पति हितकारी।।

ekanāri brata rata saba jhārī। te mana baca krama pati hitakārī॥

दंड जतिन्ह कर भेद जहँ नर्तक नृत्य समाज।

daṃḍa jatinha kara bheda jaha~ nartaka nṛtya samāja।

जीतहु मनहि सुनिअ अस रामचंद्र कें राज।।22।।

jītahu manahi sunia asa rāmacaṃdra keṃ rāja॥22॥

फूलहिं फरहिं सदा तरु कानन। रहहि एक सँग गज पंचानन।।

phūlahiṃ pharahiṃ sadā taru kānana। rahahi eka sa~ga gaja paṃcānana॥

खग मृग सहज बयरु बिसराई। सबन्हि परस्पर प्रीति बढ़ाई।।

khaga mṛga sahaja bayaru bisarāī। sabanhi paraspara prīti bar̤hāī॥

कूजहिं खग मृग नाना बृंदा। अभय चरहिं बन करहिं अनंदा।।

kūjahiṃ khaga mṛga nānā bṛṃdā। abhaya carahiṃ bana karahiṃ anaṃdā॥

सीतल सुरभि पवन बह मंदा। गूंजत अलि लै चलि मकरंदा।।

sītala surabhi pavana baha maṃdā। gūṃjata ali lai cali makaraṃdā॥

लता बिटप मागें मधु चवहीं। मनभावतो धेनु पय स्त्रवहीं।।

latā biṭapa māgeṃ madhu cavahīṃ। manabhāvato dhenu paya stravahīṃ॥

ससि संपन्न सदा रह धरनी। त्रेताँ भइ कृतजुग कै करनी।।

sasi saṃpanna sadā raha dharanī। tretā~ bhai kṛtajuga kai karanī॥

प्रगटीं गिरिन्ह बिबिध मनि खानी। जगदातमा भूप जग जानी।।

pragaṭīṃ girinha bibidha mani khānī। jagadātamā bhūpa jaga jānī॥

सरिता सकल बहहिं बर बारी। सीतल अमल स्वाद सुखकारी।।

saritā sakala bahahiṃ bara bārī। sītala amala svāda sukhakārī॥

सागर निज मरजादाँ रहहीं। डारहिं रत्न तटन्हि नर लहहीं।।

sāgara nija marajādā~ rahahīṃ। ḍārahiṃ ratna taṭanhi nara lahahīṃ॥

सरसिज संकुल सकल तड़ागा। अति प्रसन्न दस दिसा बिभागा।।

sarasija saṃkula sakala tar̤āgā। ati prasanna dasa disā bibhāgā॥

बिधु महि पूर मयूखन्हि रबि तप जेतनेहि काज।

bidhu mahi pūra mayūkhanhi rabi tapa jetanehi kāja।

मागें बारिद देहिं जल रामचंद्र के राज।।23।।

māgeṃ bārida dehiṃ jala rāmacaṃdra ke rāja॥23॥

कोटिन्ह बाजिमेध प्रभु कीन्हे। दान अनेक द्विजन्ह कहँ दीन्हे।।

koṭinha bājimedha prabhu kīnhe। dāna aneka dvijanha kaha~ dīnhe॥

श्रुति पथ पालक धर्म धुरंधर। गुनातीत अरु भोग पुरंदर।।

śruti patha pālaka dharma dhuraṃdhara। gunātīta aru bhoga puraṃdara॥

पति अनुकूल सदा रह सीता। सोभा खानि सुसील बिनीता।।

pati anukūla sadā raha sītā। sobhā khāni susīla binītā॥

जानति कृपासिंधु प्रभुताई। सेवति चरन कमल मन लाई।।

jānati kṛpāsiṃdhu prabhutāī। sevati carana kamala mana lāī॥

जद्यपि गृहँ सेवक सेवकिनी। बिपुल सदा सेवा बिधि गुनी।।

jadyapi gṛha~ sevaka sevakinī। bipula sadā sevā bidhi gunī॥

निज कर गृह परिचरजा करई। रामचंद्र आयसु अनुसरई।।

nija kara gṛha paricarajā karaī। rāmacaṃdra āyasu anusaraī॥

जेहि बिधि कृपासिंधु सुख मानइ। सोइ कर श्री सेवा बिधि जानइ।।

jehi bidhi kṛpāsiṃdhu sukha mānai। soi kara śrī sevā bidhi jānai॥

कौसल्यादि सासु गृह माहीं। सेवइ सबन्हि मान मद नाहीं।।

kausalyādi sāsu gṛha māhīṃ। sevai sabanhi māna mada nāhīṃ॥

उमा रमा ब्रह्मादि बंदिता। जगदंबा संततमनिंदिता।।

umā ramā brahmādi baṃditā। jagadaṃbā saṃtatamaniṃditā॥

जासु कृपा कटाच्छु सुर चाहत चितव न सोइ।

jāsu kṛpā kaṭācchu sura cāhata citava na soi।

राम पदारबिंद रति करति सुभावहि खोइ।।24।।

rāma padārabiṃda rati karati subhāvahi khoi॥24॥

सेवहिं सानकूल सब भाई। राम चरन रति अति अधिकाई।।

sevahiṃ sānakūla saba bhāī। rāma carana rati ati adhikāī॥

प्रभु मुख कमल बिलोकत रहहीं। कबहुँ कृपाल हमहि कछु कहहीं।।

prabhu mukha kamala bilokata rahahīṃ। kabahu~ kṛpāla hamahi kachu kahahīṃ॥

राम करहिं भ्रातन्ह पर प्रीती। नाना भाँति सिखावहिं नीती।।

rāma karahiṃ bhrātanha para prītī। nānā bhā~ti sikhāvahiṃ nītī॥

हरषित रहहिं नगर के लोगा। करहिं सकल सुर दुर्लभ भोगा।।

haraṣita rahahiṃ nagara ke logā। karahiṃ sakala sura durlabha bhogā॥

अहनिसि बिधिहि मनावत रहहीं। श्रीरघुबीर चरन रति चहहीं।।

ahanisi bidhihi manāvata rahahīṃ। śrīraghubīra carana rati cahahīṃ॥

दुइ सुत सुन्दर सीताँ जाए। लव कुस बेद पुरानन्ह गाए।।

dui suta sundara sītā~ jāe। lava kusa beda purānanha gāe॥

दोउ बिजई बिनई गुन मंदिर। हरि प्रतिबिंब मनहुँ अति सुंदर।।

dou bijaī binaī guna maṃdira। hari pratibiṃba manahu~ ati suṃdara॥

दुइ दुइ सुत सब भ्रातन्ह केरे। भए रूप गुन सील घनेरे।।

dui dui suta saba bhrātanha kere। bhae rūpa guna sīla ghanere॥

ग्यान गिरा गोतीत अज माया मन गुन पार।

gyāna girā gotīta aja māyā mana guna pāra।

सोइ सच्चिदानंद घन कर नर चरित उदार।।25।।

soi saccidānaṃda ghana kara nara carita udāra॥25॥

प्रातकाल सरऊ करि मज्जन। बैठहिं सभाँ संग द्विज सज्जन।।

prātakāla saraū kari majjana। baiṭhahiṃ sabhā~ saṃga dvija sajjana॥

बेद पुरान बसिष्ट बखानहिं। सुनहिं राम जद्यपि सब जानहिं।।

beda purāna basiṣṭa bakhānahiṃ। sunahiṃ rāma jadyapi saba jānahiṃ॥

अनुजन्ह संजुत भोजन करहीं। देखि सकल जननीं सुख भरहीं।।

anujanha saṃjuta bhojana karahīṃ। dekhi sakala jananīṃ sukha bharahīṃ॥

भरत सत्रुहन दोनउ भाई। सहित पवनसुत उपबन जाई।।

bharata satruhana donau bhāī। sahita pavanasuta upabana jāī॥

बूझहिं बैठि राम गुन गाहा। कह हनुमान सुमति अवगाहा।।

būjhahiṃ baiṭhi rāma guna gāhā। kaha hanumāna sumati avagāhā॥

सुनत बिमल गुन अति सुख पावहिं। बहुरि बहुरि करि बिनय कहावहिं।।

sunata bimala guna ati sukha pāvahiṃ। bahuri bahuri kari binaya kahāvahiṃ॥

सब कें गृह गृह होहिं पुराना। रामचरित पावन बिधि नाना।।

saba keṃ gṛha gṛha hohiṃ purānā। rāmacarita pāvana bidhi nānā॥

नर अरु नारि राम गुन गानहिं। करहिं दिवस निसि जात न जानहिं।।

nara aru nāri rāma guna gānahiṃ। karahiṃ divasa nisi jāta na jānahiṃ॥

अवधपुरी बासिन्ह कर सुख संपदा समाज।

avadhapurī bāsinha kara sukha saṃpadā samāja।

सहस सेष नहिं कहि सकहिं जहँ नृप राम बिराज।।26।।

sahasa seṣa nahiṃ kahi sakahiṃ jaha~ nṛpa rāma birāja॥26॥

नारदादि सनकादि मुनीसा। दरसन लागि कोसलाधीसा।।

nāradādi sanakādi munīsā। darasana lāgi kosalādhīsā॥

दिन प्रति सकल अजोध्या आवहिं। देखि नगरु बिरागु बिसरावहिं।।

dina prati sakala ajodhyā āvahiṃ। dekhi nagaru birāgu bisarāvahiṃ॥

जातरूप मनि रचित अटारीं। नाना रंग रुचिर गच ढारीं।।

jātarūpa mani racita aṭārīṃ। nānā raṃga rucira gaca ḍhārīṃ॥

पुर चहुँ पास कोट अति सुंदर। रचे कँगूरा रंग रंग बर।।

pura cahu~ pāsa koṭa ati suṃdara। race ka~gūrā raṃga raṃga bara॥

नव ग्रह निकर अनीक बनाई। जनु घेरी अमरावति आई।।

nava graha nikara anīka banāī। janu gherī amarāvati āī॥

महि बहु रंग रचित गच काँचा। जो बिलोकि मुनिबर मन नाचा।।

mahi bahu raṃga racita gaca kā~cā। jo biloki munibara mana nācā॥

धवल धाम ऊपर नभ चुंबत। कलस मनहुँ रबि ससि दुति निंदत।।

dhavala dhāma ūpara nabha cuṃbata। kalasa manahu~ rabi sasi duti niṃdata॥

बहु मनि रचित झरोखा भ्राजहिं। गृह गृह प्रति मनि दीप बिराजहिं।।

bahu mani racita jharokhā bhrājahiṃ। gṛha gṛha prati mani dīpa birājahiṃ॥

मनि दीप राजहिं भवन भ्राजहिं देहरीं बिद्रुम रची।

mani dīpa rājahiṃ bhavana bhrājahiṃ deharīṃ bidruma racī।

मनि खंभ भीति बिरंचि बिरची कनक मनि मरकत खची।।

mani khaṃbha bhīti biraṃci biracī kanaka mani marakata khacī॥

सुंदर मनोहर मंदिरायत अजिर रुचिर फटिक रचे।

suṃdara manohara maṃdirāyata ajira rucira phaṭika race।

प्रति द्वार द्वार कपाट पुरट बनाइ बहु बज्रन्हि खचे।।

prati dvāra dvāra kapāṭa puraṭa banāi bahu bajranhi khace॥

चारु चित्रसाला गृह गृह प्रति लिखे बनाइ।

cāru citrasālā gṛha gṛha prati likhe banāi।

राम चरित जे निरख मुनि ते मन लेहिं चोराइ।।27।।

rāma carita je nirakha muni te mana lehiṃ corāi॥27॥

सुमन बाटिका सबहिं लगाई। बिबिध भाँति करि जतन बनाई।।

sumana bāṭikā sabahiṃ lagāī। bibidha bhā~ti kari jatana banāī॥

लता ललित बहु जाति सुहाई। फूलहिं सदा बंसत कि नाई।।

latā lalita bahu jāti suhāī। phūlahiṃ sadā baṃsata ki nāī॥

गुंजत मधुकर मुखर मनोहर। मारुत त्रिबिध सदा बह सुंदर।।

guṃjata madhukara mukhara manohara। māruta tribidha sadā baha suṃdara॥

नाना खग बालकन्हि जिआए। बोलत मधुर उड़ात सुहाए।।

nānā khaga bālakanhi jiāe। bolata madhura ur̤āta suhāe॥

मोर हंस सारस पारावत। भवननि पर सोभा अति पावत।।

mora haṃsa sārasa pārāvata। bhavanani para sobhā ati pāvata॥

जहँ तहँ देखहिं निज परिछाहीं। बहु बिधि कूजहिं नृत्य कराहीं।।

jaha~ taha~ dekhahiṃ nija parichāhīṃ। bahu bidhi kūjahiṃ nṛtya karāhīṃ॥

सुक सारिका पढ़ावहिं बालक। कहहु राम रघुपति जनपालक।।

suka sārikā par̤hāvahiṃ bālaka। kahahu rāma raghupati janapālaka॥

राज दुआर सकल बिधि चारू। बीथीं चौहट रूचिर बजारू।।

rāja duāra sakala bidhi cārū। bīthīṃ cauhaṭa rūcira bajārū॥

बाजार रुचिर न बनइ बरनत बस्तु बिनु गथ पाइए।

bājāra rucira na banai baranata bastu binu gatha pāie।

जहँ भूप रमानिवास तहँ की संपदा किमि गाइए।।

jaha~ bhūpa ramānivāsa taha~ kī saṃpadā kimi gāie॥

बैठे बजाज सराफ बनिक अनेक मनहुँ कुबेर ते।

baiṭhe bajāja sarāpha banika aneka manahu~ kubera te।

सब सुखी सब सच्चरित सुंदर नारि नर सिसु जरठ जे।।

saba sukhī saba saccarita suṃdara nāri nara sisu jaraṭha je॥

उत्तर दिसि सरजू बह निर्मल जल गंभीर।

uttara disi sarajū baha nirmala jala gaṃbhīra।

बाँधे घाट मनोहर स्वल्प पंक नहिं तीर।।28।।

bā~dhe ghāṭa manohara svalpa paṃka nahiṃ tīra॥28॥

दूरि फराक रुचिर सो घाटा। जहँ जल पिअहिं बाजि गज ठाटा।।

dūri pharāka rucira so ghāṭā। jaha~ jala piahiṃ bāji gaja ṭhāṭā॥

पनिघट परम मनोहर नाना। तहाँ न पुरुष करहिं अस्नाना।।

panighaṭa parama manohara nānā। tahā~ na puruṣa karahiṃ asnānā॥

राजघाट सब बिधि सुंदर बर। मज्जहिं तहाँ बरन चारिउ नर।।

rājaghāṭa saba bidhi suṃdara bara। majjahiṃ tahā~ barana cāriu nara॥

तीर तीर देवन्ह के मंदिर। चहुँ दिसि तिन्ह के उपबन सुंदर।।

tīra tīra devanha ke maṃdira। cahu~ disi tinha ke upabana suṃdara॥

कहुँ कहुँ सरिता तीर उदासी। बसहिं ग्यान रत मुनि संन्यासी।।

kahu~ kahu~ saritā tīra udāsī। basahiṃ gyāna rata muni saṃnyāsī॥

तीर तीर तुलसिका सुहाई। बृंद बृंद बहु मुनिन्ह लगाई।।

tīra tīra tulasikā suhāī। bṛṃda bṛṃda bahu muninha lagāī॥

पुर सोभा कछु बरनि न जाई। बाहेर नगर परम रुचिराई।।

pura sobhā kachu barani na jāī। bāhera nagara parama rucirāī॥

देखत पुरी अखिल अघ भागा। बन उपबन बापिका तड़ागा।।

dekhata purī akhila agha bhāgā। bana upabana bāpikā tar̤āgā॥

बापीं तड़ाग अनूप कूप मनोहरायत सोहहीं।

bāpīṃ tar̤āga anūpa kūpa manoharāyata sohahīṃ।

सोपान सुंदर नीर निर्मल देखि सुर मुनि मोहहीं।।

sopāna suṃdara nīra nirmala dekhi sura muni mohahīṃ॥

बहु रंग कंज अनेक खग कूजहिं मधुप गुंजारहीं।

bahu raṃga kaṃja aneka khaga kūjahiṃ madhupa guṃjārahīṃ।

आराम रम्य पिकादि खग रव जनु पथिक हंकारहीं।।

ārāma ramya pikādi khaga rava janu pathika haṃkārahīṃ॥

रमानाथ जहँ राजा सो पुर बरनि कि जाइ।

ramānātha jaha~ rājā so pura barani ki jāi।

अनिमादिक सुख संपदा रहीं अवध सब छाइ।।29।।

animādika sukha saṃpadā rahīṃ avadha saba chāi॥29॥

जहँ तहँ नर रघुपति गुन गावहिं। बैठि परसपर इहइ सिखावहिं।।

jaha~ taha~ nara raghupati guna gāvahiṃ। baiṭhi parasapara ihai sikhāvahiṃ॥

भजहु प्रनत प्रतिपालक रामहि। सोभा सील रूप गुन धामहि।।

bhajahu pranata pratipālaka rāmahi। sobhā sīla rūpa guna dhāmahi॥

जलज बिलोचन स्यामल गातहि। पलक नयन इव सेवक त्रातहि।।

jalaja bilocana syāmala gātahi। palaka nayana iva sevaka trātahi॥

धृत सर रुचिर चाप तूनीरहि। संत कंज बन रबि रनधीरहि।।

dhṛta sara rucira cāpa tūnīrahi। saṃta kaṃja bana rabi ranadhīrahi॥

काल कराल ब्याल खगराजहि। नमत राम अकाम ममता जहि।।

kāla karāla byāla khagarājahi। namata rāma akāma mamatā jahi॥

लोभ मोह मृगजूथ किरातहि। मनसिज करि हरि जन सुखदातहि।।

lobha moha mṛgajūtha kirātahi। manasija kari hari jana sukhadātahi॥

संसय सोक निबिड़ तम भानुहि। दनुज गहन घन दहन कृसानुहि।।

saṃsaya soka nibir̤a tama bhānuhi। danuja gahana ghana dahana kṛsānuhi॥

जनकसुता समेत रघुबीरहि। कस न भजहु भंजन भव भीरहि।।

janakasutā sameta raghubīrahi। kasa na bhajahu bhaṃjana bhava bhīrahi॥

बहु बासना मसक हिम रासिहि। सदा एकरस अज अबिनासिहि।।

bahu bāsanā masaka hima rāsihi। sadā ekarasa aja abināsihi॥

मुनि रंजन भंजन महि भारहि। तुलसिदास के प्रभुहि उदारहि।।

muni raṃjana bhaṃjana mahi bhārahi। tulasidāsa ke prabhuhi udārahi॥

एहि बिधि नगर नारि नर करहिं राम गुन गान।

ehi bidhi nagara nāri nara karahiṃ rāma guna gāna।

सानुकूल सब पर रहहिं संतत कृपानिधान।।30।।

sānukūla saba para rahahiṃ saṃtata kṛpānidhāna॥30॥

जब ते राम प्रताप खगेसा। उदित भयउ अति प्रबल दिनेसा।।

jaba te rāma pratāpa khagesā। udita bhayau ati prabala dinesā॥

पूरि प्रकास रहेउ तिहुँ लोका। बहुतेन्ह सुख बहुतन मन सोका।।

pūri prakāsa raheu tihu~ lokā। bahutenha sukha bahutana mana sokā॥

जिन्हहि सोक ते कहउँ बखानी। प्रथम अबिद्या निसा नसानी।।

jinhahi soka te kahau~ bakhānī। prathama abidyā nisā nasānī॥

अघ उलूक जहँ तहाँ लुकाने। काम क्रोध कैरव सकुचाने।।

agha ulūka jaha~ tahā~ lukāne। kāma krodha kairava sakucāne॥

बिबिध कर्म गुन काल सुभाऊ। ए चकोर सुख लहहिं न काऊ।।

bibidha karma guna kāla subhāū। e cakora sukha lahahiṃ na kāū॥

मत्सर मान मोह मद चोरा। इन्ह कर हुनर न कवनिहुँ ओरा।।

matsara māna moha mada corā। inha kara hunara na kavanihu~ orā॥

धरम तड़ाग ग्यान बिग्याना। ए पंकज बिकसे बिधि नाना।।

dharama tar̤āga gyāna bigyānā। e paṃkaja bikase bidhi nānā॥

सुख संतोष बिराग बिबेका। बिगत सोक ए कोक अनेका।।

sukha saṃtoṣa birāga bibekā। bigata soka e koka anekā॥

यह प्रताप रबि जाकें उर जब करइ प्रकास।

yaha pratāpa rabi jākeṃ ura jaba karai prakāsa।

पछिले बाढ़हिं प्रथम जे कहे ते पावहिं नास।।31।।

pachile bār̤hahiṃ prathama je kahe te pāvahiṃ nāsa॥31॥

भ्रातन्ह सहित रामु एक बारा। संग परम प्रिय पवनकुमारा।।

bhrātanha sahita rāmu eka bārā। saṃga parama priya pavanakumārā॥

सुंदर उपबन देखन गए। सब तरु कुसुमित पल्लव नए।।

suṃdara upabana dekhana gae। saba taru kusumita pallava nae॥

जानि समय सनकादिक आए। तेज पुंज गुन सील सुहाए।।

jāni samaya sanakādika āe। teja puṃja guna sīla suhāe॥

ब्रह्मानंद सदा लयलीना। देखत बालक बहुकालीना।।

brahmānaṃda sadā layalīnā। dekhata bālaka bahukālīnā॥

रूप धरें जनु चारिउ बेदा। समदरसी मुनि बिगत बिभेदा।।

rūpa dhareṃ janu cāriu bedā। samadarasī muni bigata bibhedā॥

आसा बसन ब्यसन यह तिन्हहीं। रघुपति चरित होइ तहँ सुनहीं।।

āsā basana byasana yaha tinhahīṃ। raghupati carita hoi taha~ sunahīṃ॥

तहाँ रहे सनकादि भवानी। जहँ घटसंभव मुनिबर ग्यानी।।

tahā~ rahe sanakādi bhavānī। jaha~ ghaṭasaṃbhava munibara gyānī॥

राम कथा मुनिबर बहु बरनी। ग्यान जोनि पावक जिमि अरनी।।

rāma kathā munibara bahu baranī। gyāna joni pāvaka jimi aranī॥

देखि राम मुनि आवत हरषि दंडवत कीन्ह।

dekhi rāma muni āvata haraṣi daṃḍavata kīnha।

स्वागत पूँछि पीत पट प्रभु बैठन कहँ दीन्ह।।32।।

svāgata pū~chi pīta paṭa prabhu baiṭhana kaha~ dīnha॥32॥

कीन्ह दंडवत तीनिउँ भाई। सहित पवनसुत सुख अधिकाई।।

kīnha daṃḍavata tīniu~ bhāī। sahita pavanasuta sukha adhikāī॥

मुनि रघुपति छबि अतुल बिलोकी। भए मगन मन सके न रोकी।।

muni raghupati chabi atula bilokī। bhae magana mana sake na rokī॥

स्यामल गात सरोरुह लोचन। सुंदरता मंदिर भव मोचन।।

syāmala gāta saroruha locana। suṃdaratā maṃdira bhava mocana॥

एकटक रहे निमेष न लावहिं। प्रभु कर जोरें सीस नवावहिं।।

ekaṭaka rahe nimeṣa na lāvahiṃ। prabhu kara joreṃ sīsa navāvahiṃ॥

तिन्ह कै दसा देखि रघुबीरा। स्त्रवत नयन जल पुलक सरीरा।।

tinha kai dasā dekhi raghubīrā। stravata nayana jala pulaka sarīrā॥

कर गहि प्रभु मुनिबर बैठारे। परम मनोहर बचन उचारे।।

kara gahi prabhu munibara baiṭhāre। parama manohara bacana ucāre॥

आजु धन्य मैं सुनहु मुनीसा। तुम्हरें दरस जाहिं अघ खीसा।।

āju dhanya maiṃ sunahu munīsā। tumhareṃ darasa jāhiṃ agha khīsā॥

बड़े भाग पाइब सतसंगा। बिनहिं प्रयास होहिं भव भंगा।।

bar̤e bhāga pāiba satasaṃgā। binahiṃ prayāsa hohiṃ bhava bhaṃgā॥

संत संग अपबर्ग कर कामी भव कर पंथ।

saṃta saṃga apabarga kara kāmī bhava kara paṃtha।

कहहि संत कबि कोबिद श्रुति पुरान सदग्रंथ।।33।।

kahahi saṃta kabi kobida śruti purāna sadagraṃtha॥33॥

सुनि प्रभु बचन हरषि मुनि चारी। पुलकित तन अस्तुति अनुसारी।।

suni prabhu bacana haraṣi muni cārī। pulakita tana astuti anusārī॥

जय भगवंत अनंत अनामय। अनघ अनेक एक करुनामय।।

jaya bhagavaṃta anaṃta anāmaya। anagha aneka eka karunāmaya॥

जय निर्गुन जय जय गुन सागर। सुख मंदिर सुंदर अति नागर।।

jaya nirguna jaya jaya guna sāgara। sukha maṃdira suṃdara ati nāgara॥

जय इंदिरा रमन जय भूधर। अनुपम अज अनादि सोभाकर।।

jaya iṃdirā ramana jaya bhūdhara। anupama aja anādi sobhākara॥

ग्यान निधान अमान मानप्रद। पावन सुजस पुरान बेद बद।।

gyāna nidhāna amāna mānaprada। pāvana sujasa purāna beda bada॥

तग्य कृतग्य अग्यता भंजन। नाम अनेक अनाम निरंजन।।

tagya kṛtagya agyatā bhaṃjana। nāma aneka anāma niraṃjana॥

सर्ब सर्बगत सर्ब उरालय। बससि सदा हम कहुँ परिपालय।।

sarba sarbagata sarba urālaya। basasi sadā hama kahu~ paripālaya॥

द्वंद बिपति भव फंद बिभंजय। ह्रदि बसि राम काम मद गंजय।।

dvaṃda bipati bhava phaṃda bibhaṃjaya। hradi basi rāma kāma mada gaṃjaya॥

परमानंद कृपायतन मन परिपूरन काम।

paramānaṃda kṛpāyatana mana paripūrana kāma।

प्रेम भगति अनपायनी देहु हमहि श्रीराम।।34।।

prema bhagati anapāyanī dehu hamahi śrīrāma॥34॥

देहु भगति रघुपति अति पावनि। त्रिबिध ताप भव दाप नसावनि।।

dehu bhagati raghupati ati pāvani। tribidha tāpa bhava dāpa nasāvani॥

प्रनत काम सुरधेनु कलपतरु। होइ प्रसन्न दीजै प्रभु यह बरु।।

pranata kāma suradhenu kalapataru। hoi prasanna dījai prabhu yaha baru॥

भव बारिधि कुंभज रघुनायक। सेवत सुलभ सकल सुख दायक।।

bhava bāridhi kuṃbhaja raghunāyaka। sevata sulabha sakala sukha dāyaka॥

मन संभव दारुन दुख दारय। दीनबंधु समता बिस्तारय।।

mana saṃbhava dāruna dukha dāraya। dīnabaṃdhu samatā bistāraya॥

आस त्रास इरिषादि निवारक। बिनय बिबेक बिरति बिस्तारक।।

āsa trāsa iriṣādi nivāraka। binaya bibeka birati bistāraka॥

भूप मौलि मन मंडन धरनी। देहि भगति संसृति सरि तरनी।।

bhūpa mauli mana maṃḍana dharanī। dehi bhagati saṃsṛti sari taranī॥

मुनि मन मानस हंस निरंतर। चरन कमल बंदित अज संकर।।

muni mana mānasa haṃsa niraṃtara। carana kamala baṃdita aja saṃkara॥

रघुकुल केतु सेतु श्रुति रच्छक। काल करम सुभाउ गुन भच्छक।।

raghukula ketu setu śruti racchaka। kāla karama subhāu guna bhacchaka॥

तारन तरन हरन सब दूषन। तुलसिदास प्रभु त्रिभुवन भूषन।।

tārana tarana harana saba dūṣana। tulasidāsa prabhu tribhuvana bhūṣana॥

बार बार अस्तुति करि प्रेम सहित सिरु नाइ।

bāra bāra astuti kari prema sahita siru nāi।

ब्रह्म भवन सनकादि गे अति अभीष्ट बर पाइ।।35।।

brahma bhavana sanakādi ge ati abhīṣṭa bara pāi॥35॥

सनकादिक बिधि लोक सिधाए। भ्रातन्ह राम चरन सिरु नाए।।

sanakādika bidhi loka sidhāe। bhrātanha rāma carana siru nāe॥

पूछत प्रभुहि सकल सकुचाहीं। चितवहिं सब मारुतसुत पाहीं।।

pūchata prabhuhi sakala sakucāhīṃ। citavahiṃ saba mārutasuta pāhīṃ॥

सुनि चहहिं प्रभु मुख कै बानी। जो सुनि होइ सकल भ्रम हानी।।

suni cahahiṃ prabhu mukha kai bānī। jo suni hoi sakala bhrama hānī॥

अंतरजामी प्रभु सभ जाना। बूझत कहहु काह हनुमाना।।

aṃtarajāmī prabhu sabha jānā। būjhata kahahu kāha hanumānā॥

जोरि पानि कह तब हनुमंता। सुनहु दीनदयाल भगवंता।।

jori pāni kaha taba hanumaṃtā। sunahu dīnadayāla bhagavaṃtā॥

नाथ भरत कछु पूँछन चहहीं। प्रस्न करत मन सकुचत अहहीं।।

nātha bharata kachu pū~chana cahahīṃ। prasna karata mana sakucata ahahīṃ॥

तुम्ह जानहु कपि मोर सुभाऊ। भरतहि मोहि कछु अंतर काऊ।।

tumha jānahu kapi mora subhāū। bharatahi mohi kachu aṃtara kāū॥

सुनि प्रभु बचन भरत गहे चरना। सुनहु नाथ प्रनतारति हरना।।

suni prabhu bacana bharata gahe caranā। sunahu nātha pranatārati haranā॥

नाथ न मोहि संदेह कछु सपनेहुँ सोक न मोह।

nātha na mohi saṃdeha kachu sapanehu~ soka na moha।

केवल कृपा तुम्हारिहि कृपानंद संदोह।।36।।

kevala kṛpā tumhārihi kṛpānaṃda saṃdoha॥36॥

करउँ कृपानिधि एक ढिठाई। मैं सेवक तुम्ह जन सुखदाई।।

karau~ kṛpānidhi eka ḍhiṭhāī। maiṃ sevaka tumha jana sukhadāī॥

संतन्ह कै महिमा रघुराई। बहु बिधि बेद पुरानन्ह गाई।।

saṃtanha kai mahimā raghurāī। bahu bidhi beda purānanha gāī॥

श्रीमुख तुम्ह पुनि कीन्हि बड़ाई। तिन्ह पर प्रभुहि प्रीति अधिकाई।।

śrīmukha tumha puni kīnhi bar̤āī। tinha para prabhuhi prīti adhikāī॥

सुना चहउँ प्रभु तिन्ह कर लच्छन। कृपासिंधु गुन ग्यान बिचच्छन।।

sunā cahau~ prabhu tinha kara lacchana। kṛpāsiṃdhu guna gyāna bicacchana॥

संत असंत भेद बिलगाई। प्रनतपाल मोहि कहहु बुझाई।।

saṃta asaṃta bheda bilagāī। pranatapāla mohi kahahu bujhāī॥

संतन्ह के लच्छन सुनु भ्राता। अगनित श्रुति पुरान बिख्याता।।

saṃtanha ke lacchana sunu bhrātā। aganita śruti purāna bikhyātā॥

संत असंतन्हि कै असि करनी। जिमि कुठार चंदन आचरनी।।

saṃta asaṃtanhi kai asi karanī। jimi kuṭhāra caṃdana ācaranī॥

काटइ परसु मलय सुनु भाई। निज गुन देइ सुगंध बसाई।।

kāṭai parasu malaya sunu bhāī। nija guna dei sugaṃdha basāī॥

ताते सुर सीसन्ह चढ़त जग बल्लभ श्रीखंड।

tāte sura sīsanha car̤hata jaga ballabha śrīkhaṃḍa।

अनल दाहि पीटत घनहिं परसु बदन यह दंड।।37।।

anala dāhi pīṭata ghanahiṃ parasu badana yaha daṃḍa॥37॥

बिषय अलंपट सील गुनाकर। पर दुख दुख सुख सुख देखे पर।।

biṣaya alaṃpaṭa sīla gunākara। para dukha dukha sukha sukha dekhe para॥

सम अभूतरिपु बिमद बिरागी। लोभामरष हरष भय त्यागी।।

sama abhūtaripu bimada birāgī। lobhāmaraṣa haraṣa bhaya tyāgī॥

कोमलचित दीनन्ह पर दाया। मन बच क्रम मम भगति अमाया।।

komalacita dīnanha para dāyā। mana baca krama mama bhagati amāyā॥

सबहि मानप्रद आपु अमानी। भरत प्रान सम मम ते प्रानी।।

sabahi mānaprada āpu amānī। bharata prāna sama mama te prānī॥

बिगत काम मम नाम परायन। सांति बिरति बिनती मुदितायन।।

bigata kāma mama nāma parāyana। sāṃti birati binatī muditāyana॥

सीतलता सरलता मयत्री। द्विज पद प्रीति धर्म जनयत्री।।

sītalatā saralatā mayatrī। dvija pada prīti dharma janayatrī॥

ए सब लच्छन बसहिं जासु उर। जानेहु तात संत संतत फुर।।

e saba lacchana basahiṃ jāsu ura। jānehu tāta saṃta saṃtata phura॥

सम दम नियम नीति नहिं डोलहिं। परुष बचन कबहूँ नहिं बोलहिं।।

sama dama niyama nīti nahiṃ ḍolahiṃ। paruṣa bacana kabahū~ nahiṃ bolahiṃ॥

निंदा अस्तुति उभय सम ममता मम पद कंज।

niṃdā astuti ubhaya sama mamatā mama pada kaṃja।

ते सज्जन मम प्रानप्रिय गुन मंदिर सुख पुंज।।38।।

te sajjana mama prānapriya guna maṃdira sukha puṃja॥38॥

सनहु असंतन्ह केर सुभाऊ। भूलेहुँ संगति करिअ न काऊ।।

sanahu asaṃtanha kera subhāū। bhūlehu~ saṃgati karia na kāū॥

तिन्ह कर संग सदा दुखदाई। जिमि कलपहि घालइ हरहाई।।

tinha kara saṃga sadā dukhadāī। jimi kalapahi ghālai harahāī॥

खलन्ह हृदयँ अति ताप बिसेषी। जरहिं सदा पर संपति देखी।।

khalanha hṛdaya~ ati tāpa biseṣī। jarahiṃ sadā para saṃpati dekhī॥

जहँ कहुँ निंदा सुनहिं पराई। हरषहिं मनहुँ परी निधि पाई।।

jaha~ kahu~ niṃdā sunahiṃ parāī। haraṣahiṃ manahu~ parī nidhi pāī॥

काम क्रोध मद लोभ परायन। निर्दय कपटी कुटिल मलायन।।

kāma krodha mada lobha parāyana। nirdaya kapaṭī kuṭila malāyana॥

बयरु अकारन सब काहू सों। जो कर हित अनहित ताहू सों।।

bayaru akārana saba kāhū soṃ। jo kara hita anahita tāhū soṃ॥

झूठइ लेना झूठइ देना। झूठइ भोजन झूठ चबेना।।

jhūṭhai lenā jhūṭhai denā। jhūṭhai bhojana jhūṭha cabenā॥

बोलहिं मधुर बचन जिमि मोरा। खाइ महा अति हृदय कठोरा।।

bolahiṃ madhura bacana jimi morā। khāi mahā ati hṛdaya kaṭhorā॥

पर द्रोही पर दार रत पर धन पर अपबाद।

para drohī para dāra rata para dhana para apabāda।

ते नर पाँवर पापमय देह धरें मनुजाद।।39।।

te nara pā~vara pāpamaya deha dhareṃ manujāda॥39॥

लोभइ ओढ़न लोभइ डासन। सिस्त्रोदर पर जमपुर त्रास न।।

lobhai or̤hana lobhai ḍāsana। sistrodara para jamapura trāsa na॥

काहू की जौं सुनहिं बड़ाई। स्वास लेहिं जनु जूड़ी आई।।

kāhū kī jauṃ sunahiṃ bar̤āī। svāsa lehiṃ janu jūr̤ī āī॥

जब काहू कै देखहिं बिपती। सुखी भए मानहुँ जग नृपती।।

jaba kāhū kai dekhahiṃ bipatī। sukhī bhae mānahu~ jaga nṛpatī॥

स्वारथ रत परिवार बिरोधी। लंपट काम लोभ अति क्रोधी।।

svāratha rata parivāra birodhī। laṃpaṭa kāma lobha ati krodhī॥

मातु पिता गुर बिप्र न मानहिं। आपु गए अरु घालहिं आनहिं।।

mātu pitā gura bipra na mānahiṃ। āpu gae aru ghālahiṃ ānahiṃ॥

करहिं मोह बस द्रोह परावा। संत संग हरि कथा न भावा।।

karahiṃ moha basa droha parāvā। saṃta saṃga hari kathā na bhāvā॥

अवगुन सिंधु मंदमति कामी। बेद बिदूषक परधन स्वामी।।

avaguna siṃdhu maṃdamati kāmī। beda bidūṣaka paradhana svāmī॥

बिप्र द्रोह पर द्रोह बिसेषा। दंभ कपट जियँ धरें सुबेषा।।

bipra droha para droha biseṣā। daṃbha kapaṭa jiya~ dhareṃ subeṣā॥

ऐसे अधम मनुज खल कृतजुग त्रेता नाहिं।

aise adhama manuja khala kṛtajuga tretā nāhiṃ।

द्वापर कछुक बृंद बहु होइहहिं कलिजुग माहिं।।40।।

dvāpara kachuka bṛṃda bahu hoihahiṃ kalijuga māhiṃ॥40॥

पर हित सरिस धर्म नहिं भाई। पर पीड़ा सम नहिं अधमाई।।

para hita sarisa dharma nahiṃ bhāī। para pīr̤ā sama nahiṃ adhamāī॥

निर्नय सकल पुरान बेद कर। कहेउँ तात जानहिं कोबिद नर।।

nirnaya sakala purāna beda kara। kaheu~ tāta jānahiṃ kobida nara॥

नर सरीर धरि जे पर पीरा। करहिं ते सहहिं महा भव भीरा।।

nara sarīra dhari je para pīrā। karahiṃ te sahahiṃ mahā bhava bhīrā॥

करहिं मोह बस नर अघ नाना। स्वारथ रत परलोक नसाना।।

karahiṃ moha basa nara agha nānā। svāratha rata paraloka nasānā॥

कालरूप तिन्ह कहँ मैं भ्राता। सुभ अरु असुभ कर्म फल दाता।।

kālarūpa tinha kaha~ maiṃ bhrātā। subha aru asubha karma phala dātā॥

अस बिचारि जे परम सयाने। भजहिं मोहि संसृत दुख जाने।।

asa bicāri je parama sayāne। bhajahiṃ mohi saṃsṛta dukha jāne॥

त्यागहिं कर्म सुभासुभ दायक। भजहिं मोहि सुर नर मुनि नायक।।

tyāgahiṃ karma subhāsubha dāyaka। bhajahiṃ mohi sura nara muni nāyaka॥

संत असंतन्ह के गुन भाषे। ते न परहिं भव जिन्ह लखि राखे।।

saṃta asaṃtanha ke guna bhāṣe। te na parahiṃ bhava jinha lakhi rākhe॥

सुनहु तात माया कृत गुन अरु दोष अनेक।

sunahu tāta māyā kṛta guna aru doṣa aneka।

गुन यह उभय न देखिअहिं देखिअ सो अबिबेक।।41।।

guna yaha ubhaya na dekhiahiṃ dekhia so abibeka॥41॥

श्रीमुख बचन सुनत सब भाई। हरषे प्रेम न हृदयँ समाई।।

śrīmukha bacana sunata saba bhāī। haraṣe prema na hṛdaya~ samāī॥

करहिं बिनय अति बारहिं बारा। हनूमान हियँ हरष अपारा।।

karahiṃ binaya ati bārahiṃ bārā। hanūmāna hiya~ haraṣa apārā॥

पुनि रघुपति निज मंदिर गए। एहि बिधि चरित करत नित नए।।

puni raghupati nija maṃdira gae। ehi bidhi carita karata nita nae॥

बार बार नारद मुनि आवहिं। चरित पुनीत राम के गावहिं।।

bāra bāra nārada muni āvahiṃ। carita punīta rāma ke gāvahiṃ॥

नित नव चरन देखि मुनि जाहीं। ब्रह्मलोक सब कथा कहाहीं।।

nita nava carana dekhi muni jāhīṃ। brahmaloka saba kathā kahāhīṃ॥

सुनि बिरंचि अतिसय सुख मानहिं। पुनि पुनि तात करहु गुन गानहिं।।

suni biraṃci atisaya sukha mānahiṃ। puni puni tāta karahu guna gānahiṃ॥

सनकादिक नारदहि सराहहिं। जद्यपि ब्रह्म निरत मुनि आहहिं।।

sanakādika nāradahi sarāhahiṃ। jadyapi brahma nirata muni āhahiṃ॥

सुनि गुन गान समाधि बिसारी।। सादर सुनहिं परम अधिकारी।।

suni guna gāna samādhi bisārī॥ sādara sunahiṃ parama adhikārī॥

जीवनमुक्त ब्रह्मपर चरित सुनहिं तजि ध्यान।

jīvanamukta brahmapara carita sunahiṃ taji dhyāna।

जे हरि कथाँ न करहिं रति तिन्ह के हिय पाषान।।42।।

je hari kathā~ na karahiṃ rati tinha ke hiya pāṣāna॥42॥

एक बार रघुनाथ बोलाए। गुर द्विज पुरबासी सब आए।।

eka bāra raghunātha bolāe। gura dvija purabāsī saba āe॥

बैठे गुर मुनि अरु द्विज सज्जन। बोले बचन भगत भव भंजन।।

baiṭhe gura muni aru dvija sajjana। bole bacana bhagata bhava bhaṃjana॥

सनहु सकल पुरजन मम बानी। कहउँ न कछु ममता उर आनी।।

sanahu sakala purajana mama bānī। kahau~ na kachu mamatā ura ānī॥

नहिं अनीति नहिं कछु प्रभुताई। सुनहु करहु जो तुम्हहि सोहाई।।

nahiṃ anīti nahiṃ kachu prabhutāī। sunahu karahu jo tumhahi sohāī॥

सोइ सेवक प्रियतम मम सोई। मम अनुसासन मानै जोई।।

soi sevaka priyatama mama soī। mama anusāsana mānai joī॥

जौं अनीति कछु भाषौं भाई। तौं मोहि बरजहु भय बिसराई।।

jauṃ anīti kachu bhāṣauṃ bhāī। tauṃ mohi barajahu bhaya bisarāī॥

बड़ें भाग मानुष तनु पावा। सुर दुर्लभ सब ग्रंथिन्ह गावा।।

bar̤eṃ bhāga mānuṣa tanu pāvā। sura durlabha saba graṃthinha gāvā॥

साधन धाम मोच्छ कर द्वारा। पाइ न जेहिं परलोक सँवारा।।

sādhana dhāma moccha kara dvārā। pāi na jehiṃ paraloka sa~vārā॥

सो परत्र दुख पावइ सिर धुनि धुनि पछिताइ।

so paratra dukha pāvai sira dhuni dhuni pachitāi।

कालहि कर्महि ईस्वरहि मिथ्या दोष लगाइ।।43।।

kālahi karmahi īsvarahi mithyā doṣa lagāi॥43॥

एहि तन कर फल बिषय न भाई। स्वर्गउ स्वल्प अंत दुखदाई।।

ehi tana kara phala biṣaya na bhāī। svargau svalpa aṃta dukhadāī॥

नर तनु पाइ बिषयँ मन देहीं। पलटि सुधा ते सठ बिष लेहीं।।

nara tanu pāi biṣaya~ mana dehīṃ। palaṭi sudhā te saṭha biṣa lehīṃ॥

ताहि कबहुँ भल कहइ न कोई। गुंजा ग्रहइ परस मनि खोई।।

tāhi kabahu~ bhala kahai na koī। guṃjā grahai parasa mani khoī॥

आकर चारि लच्छ चौरासी। जोनि भ्रमत यह जिव अबिनासी।।

ākara cāri laccha caurāsī। joni bhramata yaha jiva abināsī॥

फिरत सदा माया कर प्रेरा। काल कर्म सुभाव गुन घेरा।।

phirata sadā māyā kara prerā। kāla karma subhāva guna gherā॥

कबहुँक करि करुना नर देही। देत ईस बिनु हेतु सनेही।।

kabahu~ka kari karunā nara dehī। deta īsa binu hetu sanehī॥

नर तनु भव बारिधि कहुँ बेरो। सन्मुख मरुत अनुग्रह मेरो।।

nara tanu bhava bāridhi kahu~ bero। sanmukha maruta anugraha mero॥

करनधार सदगुर दृढ़ नावा। दुर्लभ साज सुलभ करि पावा।।

karanadhāra sadagura dṛr̤ha nāvā। durlabha sāja sulabha kari pāvā॥

जो न तरै भव सागर नर समाज अस पाइ।

jo na tarai bhava sāgara nara samāja asa pāi।

सो कृत निंदक मंदमति आत्माहन गति जाइ।।44।।

so kṛta niṃdaka maṃdamati ātmāhana gati jāi॥44॥

जौं परलोक इहाँ सुख चहहू। सुनि मम बचन ह्रृदयँ दृढ़ गहहू।।

jauṃ paraloka ihā~ sukha cahahū। suni mama bacana hrṛdaya~ dṛr̤ha gahahū॥

सुलभ सुखद मारग यह भाई। भगति मोरि पुरान श्रुति गाई।।

sulabha sukhada māraga yaha bhāī। bhagati mori purāna śruti gāī॥

ग्यान अगम प्रत्यूह अनेका। साधन कठिन न मन कहुँ टेका।।

gyāna agama pratyūha anekā। sādhana kaṭhina na mana kahu~ ṭekā॥

करत कष्ट बहु पावइ कोऊ। भक्ति हीन मोहि प्रिय नहिं सोऊ।।

karata kaṣṭa bahu pāvai koū। bhakti hīna mohi priya nahiṃ soū॥

भक्ति सुतंत्र सकल सुख खानी। बिनु सतसंग न पावहिं प्रानी।।

bhakti sutaṃtra sakala sukha khānī। binu satasaṃga na pāvahiṃ prānī॥

पुन्य पुंज बिनु मिलहिं न संता। सतसंगति संसृति कर अंता।।

punya puṃja binu milahiṃ na saṃtā। satasaṃgati saṃsṛti kara aṃtā॥

पुन्य एक जग महुँ नहिं दूजा। मन क्रम बचन बिप्र पद पूजा।।

punya eka jaga mahu~ nahiṃ dūjā। mana krama bacana bipra pada pūjā॥

सानुकूल तेहि पर मुनि देवा। जो तजि कपटु करइ द्विज सेवा।।

sānukūla tehi para muni devā। jo taji kapaṭu karai dvija sevā॥

औरउ एक गुपुत मत सबहि कहउँ कर जोरि।

aurau eka guputa mata sabahi kahau~ kara jori।

संकर भजन बिना नर भगति न पावइ मोरि।।45।।

saṃkara bhajana binā nara bhagati na pāvai mori॥45॥

कहहु भगति पथ कवन प्रयासा। जोग न मख जप तप उपवासा।।

kahahu bhagati patha kavana prayāsā। joga na makha japa tapa upavāsā॥

सरल सुभाव न मन कुटिलाई। जथा लाभ संतोष सदाई।।

sarala subhāva na mana kuṭilāī। jathā lābha saṃtoṣa sadāī॥

मोर दास कहाइ नर आसा। करइ तौ कहहु कहा बिस्वासा।।

mora dāsa kahāi nara āsā। karai tau kahahu kahā bisvāsā॥

बहुत कहउँ का कथा बढ़ाई। एहि आचरन बस्य मैं भाई।।

bahuta kahau~ kā kathā bar̤hāī। ehi ācarana basya maiṃ bhāī॥

बैर न बिग्रह आस न त्रासा। सुखमय ताहि सदा सब आसा।।

baira na bigraha āsa na trāsā। sukhamaya tāhi sadā saba āsā॥

अनारंभ अनिकेत अमानी। अनघ अरोष दच्छ बिग्यानी।।

anāraṃbha aniketa amānī। anagha aroṣa daccha bigyānī॥

प्रीति सदा सज्जन संसर्गा। तृन सम बिषय स्वर्ग अपबर्गा।।

prīti sadā sajjana saṃsargā। tṛna sama biṣaya svarga apabargā॥

भगति पच्छ हठ नहिं सठताई। दुष्ट तर्क सब दूरि बहाई।।

bhagati paccha haṭha nahiṃ saṭhatāī। duṣṭa tarka saba dūri bahāī॥

मम गुन ग्राम नाम रत गत ममता मद मोह।

mama guna grāma nāma rata gata mamatā mada moha।

ता कर सुख सोइ जानइ परानंद संदोह।।46।।

tā kara sukha soi jānai parānaṃda saṃdoha॥46॥

सुनत सुधासम बचन राम के। गहे सबनि पद कृपाधाम के।।

sunata sudhāsama bacana rāma ke। gahe sabani pada kṛpādhāma ke॥

जननि जनक गुर बंधु हमारे। कृपा निधान प्रान ते प्यारे।।

janani janaka gura baṃdhu hamāre। kṛpā nidhāna prāna te pyāre॥

तनु धनु धाम राम हितकारी। सब बिधि तुम्ह प्रनतारति हारी।।

tanu dhanu dhāma rāma hitakārī। saba bidhi tumha pranatārati hārī॥

असि सिख तुम्ह बिनु देइ न कोऊ। मातु पिता स्वारथ रत ओऊ।।

asi sikha tumha binu dei na koū। mātu pitā svāratha rata oū॥

हेतु रहित जग जुग उपकारी। तुम्ह तुम्हार सेवक असुरारी।।

hetu rahita jaga juga upakārī। tumha tumhāra sevaka asurārī॥

स्वारथ मीत सकल जग माहीं। सपनेहुँ प्रभु परमारथ नाहीं।।

svāratha mīta sakala jaga māhīṃ। sapanehu~ prabhu paramāratha nāhīṃ॥

सबके बचन प्रेम रस साने। सुनि रघुनाथ हृदयँ हरषाने।।

sabake bacana prema rasa sāne। suni raghunātha hṛdaya~ haraṣāne॥

निज निज गृह गए आयसु पाई। बरनत प्रभु बतकही सुहाई।।

nija nija gṛha gae āyasu pāī। baranata prabhu batakahī suhāī॥

-उमा अवधबासी नर नारि कृतारथ रूप।

-umā avadhabāsī nara nāri kṛtāratha rūpa।

ब्रह्म सच्चिदानंद घन रघुनायक जहँ भूप।।47।।

brahma saccidānaṃda ghana raghunāyaka jaha~ bhūpa॥47॥

एक बार बसिष्ट मुनि आए। जहाँ राम सुखधाम सुहाए।।

eka bāra basiṣṭa muni āe। jahā~ rāma sukhadhāma suhāe॥

अति आदर रघुनायक कीन्हा। पद पखारि पादोदक लीन्हा।।

ati ādara raghunāyaka kīnhā। pada pakhāri pādodaka līnhā॥

राम सुनहु मुनि कह कर जोरी। कृपासिंधु बिनती कछु मोरी।।

rāma sunahu muni kaha kara jorī। kṛpāsiṃdhu binatī kachu morī॥

देखि देखि आचरन तुम्हारा। होत मोह मम हृदयँ अपारा।।

dekhi dekhi ācarana tumhārā। hota moha mama hṛdaya~ apārā॥

महिमा अमित बेद नहिं जाना। मैं केहि भाँति कहउँ भगवाना।।

mahimā amita beda nahiṃ jānā। maiṃ kehi bhā~ti kahau~ bhagavānā॥

उपरोहित्य कर्म अति मंदा। बेद पुरान सुमृति कर निंदा।।

uparohitya karma ati maṃdā। beda purāna sumṛti kara niṃdā॥

जब न लेउँ मैं तब बिधि मोही। कहा लाभ आगें सुत तोही।।

jaba na leu~ maiṃ taba bidhi mohī। kahā lābha āgeṃ suta tohī॥

परमातमा ब्रह्म नर रूपा। होइहि रघुकुल भूषन भूपा।।

paramātamā brahma nara rūpā। hoihi raghukula bhūṣana bhūpā॥

-तब मैं हृदयँ बिचारा जोग जग्य ब्रत दान।

-taba maiṃ hṛdaya~ bicārā joga jagya brata dāna।

जा कहुँ करिअ सो पैहउँ धर्म न एहि सम आन।।48।।

jā kahu~ karia so paihau~ dharma na ehi sama āna॥48॥

जप तप नियम जोग निज धर्मा। श्रुति संभव नाना सुभ कर्मा।।

japa tapa niyama joga nija dharmā। śruti saṃbhava nānā subha karmā॥

ग्यान दया दम तीरथ मज्जन। जहँ लगि धर्म कहत श्रुति सज्जन।।

gyāna dayā dama tīratha majjana। jaha~ lagi dharma kahata śruti sajjana॥

आगम निगम पुरान अनेका। पढ़े सुने कर फल प्रभु एका।।

āgama nigama purāna anekā। par̤he sune kara phala prabhu ekā॥

तब पद पंकज प्रीति निरंतर। सब साधन कर यह फल सुंदर।।

taba pada paṃkaja prīti niraṃtara। saba sādhana kara yaha phala suṃdara॥

छूटइ मल कि मलहि के धोएँ। घृत कि पाव कोइ बारि बिलोएँ।।

chūṭai mala ki malahi ke dhoe~। ghṛta ki pāva koi bāri biloe~॥

प्रेम भगति जल बिनु रघुराई। अभिअंतर मल कबहुँ न जाई।।

prema bhagati jala binu raghurāī। abhiaṃtara mala kabahu~ na jāī॥

सोइ सर्बग्य तग्य सोइ पंडित। सोइ गुन गृह बिग्यान अखंडित।।

soi sarbagya tagya soi paṃḍita। soi guna gṛha bigyāna akhaṃḍita॥

दच्छ सकल लच्छन जुत सोई। जाकें पद सरोज रति होई।।

daccha sakala lacchana juta soī। jākeṃ pada saroja rati hoī॥

नाथ एक बर मागउँ राम कृपा करि देहु।

nātha eka bara māgau~ rāma kṛpā kari dehu।

जन्म जन्म प्रभु पद कमल कबहुँ घटै जनि नेहु।।49।।

janma janma prabhu pada kamala kabahu~ ghaṭai jani nehu॥49॥

अस कहि मुनि बसिष्ट गृह आए। कृपासिंधु के मन अति भाए।।

asa kahi muni basiṣṭa gṛha āe। kṛpāsiṃdhu ke mana ati bhāe॥

हनूमान भरतादिक भ्राता। संग लिए सेवक सुखदाता।।

hanūmāna bharatādika bhrātā। saṃga lie sevaka sukhadātā॥

पुनि कृपाल पुर बाहेर गए। गज रथ तुरग मगावत भए।।

puni kṛpāla pura bāhera gae। gaja ratha turaga magāvata bhae॥

देखि कृपा करि सकल सराहे। दिए उचित जिन्ह जिन्ह तेइ चाहे।।

dekhi kṛpā kari sakala sarāhe। die ucita jinha jinha tei cāhe॥

हरन सकल श्रम प्रभु श्रम पाई। गए जहाँ सीतल अवँराई।।

harana sakala śrama prabhu śrama pāī। gae jahā~ sītala ava~rāī॥

भरत दीन्ह निज बसन डसाई। बैठे प्रभु सेवहिं सब भाई।।

bharata dīnha nija basana ḍasāī। baiṭhe prabhu sevahiṃ saba bhāī॥

मारुतसुत तब मारूत करई। पुलक बपुष लोचन जल भरई।।

mārutasuta taba mārūta karaī। pulaka bapuṣa locana jala bharaī॥

हनूमान सम नहिं बड़भागी। नहिं कोउ राम चरन अनुरागी।।

hanūmāna sama nahiṃ bar̤abhāgī। nahiṃ kou rāma carana anurāgī॥

गिरिजा जासु प्रीति सेवकाई। बार बार प्रभु निज मुख गाई।।

girijā jāsu prīti sevakāī। bāra bāra prabhu nija mukha gāī॥

तेहिं अवसर मुनि नारद आए करतल बीन।

tehiṃ avasara muni nārada āe karatala bīna।

गावन लगे राम कल कीरति सदा नबीन।।50।।

gāvana lage rāma kala kīrati sadā nabīna॥50॥

मामवलोकय पंकज लोचन। कृपा बिलोकनि सोच बिमोचन।।

māmavalokaya paṃkaja locana। kṛpā bilokani soca bimocana॥

नील तामरस स्याम काम अरि। हृदय कंज मकरंद मधुप हरि।।

nīla tāmarasa syāma kāma ari। hṛdaya kaṃja makaraṃda madhupa hari॥

जातुधान बरूथ बल भंजन। मुनि सज्जन रंजन अघ गंजन।।

jātudhāna barūtha bala bhaṃjana। muni sajjana raṃjana agha gaṃjana॥

भूसुर ससि नव बृंद बलाहक। असरन सरन दीन जन गाहक।।

bhūsura sasi nava bṛṃda balāhaka। asarana sarana dīna jana gāhaka॥

भुज बल बिपुल भार महि खंडित। खर दूषन बिराध बध पंडित।।

bhuja bala bipula bhāra mahi khaṃḍita। khara dūṣana birādha badha paṃḍita॥

रावनारि सुखरूप भूपबर। जय दसरथ कुल कुमुद सुधाकर।।

rāvanāri sukharūpa bhūpabara। jaya dasaratha kula kumuda sudhākara॥

सुजस पुरान बिदित निगमागम। गावत सुर मुनि संत समागम।।

sujasa purāna bidita nigamāgama। gāvata sura muni saṃta samāgama॥

कारुनीक ब्यलीक मद खंडन। सब बिधि कुसल कोसला मंडन।।

kārunīka byalīka mada khaṃḍana। saba bidhi kusala kosalā maṃḍana॥

कलि मल मथन नाम ममताहन। तुलसीदास प्रभु पाहि प्रनत जन।।

kali mala mathana nāma mamatāhana। tulasīdāsa prabhu pāhi pranata jana॥

प्रेम सहित मुनि नारद बरनि राम गुन ग्राम।

prema sahita muni nārada barani rāma guna grāma।

सोभासिंधु हृदयँ धरि गए जहाँ बिधि धाम।।51।।

sobhāsiṃdhu hṛdaya~ dhari gae jahā~ bidhi dhāma॥51॥

गिरिजा सुनहु बिसद यह कथा। मैं सब कही मोरि मति जथा।।

girijā sunahu bisada yaha kathā। maiṃ saba kahī mori mati jathā॥

राम चरित सत कोटि अपारा। श्रुति सारदा न बरनै पारा।।

rāma carita sata koṭi apārā। śruti sāradā na baranai pārā॥

राम अनंत अनंत गुनानी। जन्म कर्म अनंत नामानी।।

rāma anaṃta anaṃta gunānī। janma karma anaṃta nāmānī॥

जल सीकर महि रज गनि जाहीं। रघुपति चरित न बरनि सिराहीं।।

jala sīkara mahi raja gani jāhīṃ। raghupati carita na barani sirāhīṃ॥

बिमल कथा हरि पद दायनी। भगति होइ सुनि अनपायनी।।

bimala kathā hari pada dāyanī। bhagati hoi suni anapāyanī॥

उमा कहिउँ सब कथा सुहाई। जो भुसुंडि खगपतिहि सुनाई।।

umā kahiu~ saba kathā suhāī। jo bhusuṃḍi khagapatihi sunāī॥

कछुक राम गुन कहेउँ बखानी। अब का कहौं सो कहहु भवानी।।

kachuka rāma guna kaheu~ bakhānī। aba kā kahauṃ so kahahu bhavānī॥

सुनि सुभ कथा उमा हरषानी। बोली अति बिनीत मृदु बानी।।

suni subha kathā umā haraṣānī। bolī ati binīta mṛdu bānī॥

धन्य धन्य मैं धन्य पुरारी। सुनेउँ राम गुन भव भय हारी।।

dhanya dhanya maiṃ dhanya purārī। suneu~ rāma guna bhava bhaya hārī॥

तुम्हरी कृपाँ कृपायतन अब कृतकृत्य न मोह।

tumharī kṛpā~ kṛpāyatana aba kṛtakṛtya na moha।

जानेउँ राम प्रताप प्रभु चिदानंद संदोह।।52(क)।।

jāneu~ rāma pratāpa prabhu cidānaṃda saṃdoha॥52(ka)॥

नाथ तवानन ससि स्रवत कथा सुधा रघुबीर।

nātha tavānana sasi sravata kathā sudhā raghubīra।

श्रवन पुटन्हि मन पान करि नहिं अघात मतिधीर।।52(ख)।।

śravana puṭanhi mana pāna kari nahiṃ aghāta matidhīra॥52(kha)॥

राम चरित जे सुनत अघाहीं। रस बिसेष जाना तिन्ह नाहीं।।

rāma carita je sunata aghāhīṃ। rasa biseṣa jānā tinha nāhīṃ॥

जीवनमुक्त महामुनि जेऊ। हरि गुन सुनहीं निरंतर तेऊ।।

jīvanamukta mahāmuni jeū। hari guna sunahīṃ niraṃtara teū॥

भव सागर चह पार जो पावा। राम कथा ता कहँ दृढ़ नावा।।

bhava sāgara caha pāra jo pāvā। rāma kathā tā kaha~ dṛr̤ha nāvā॥

बिषइन्ह कहँ पुनि हरि गुन ग्रामा। श्रवन सुखद अरु मन अभिरामा।।

biṣainha kaha~ puni hari guna grāmā। śravana sukhada aru mana abhirāmā॥

श्रवनवंत अस को जग माहीं। जाहि न रघुपति चरित सोहाहीं।।

śravanavaṃta asa ko jaga māhīṃ। jāhi na raghupati carita sohāhīṃ॥

ते जड़ जीव निजात्मक घाती। जिन्हहि न रघुपति कथा सोहाती।।

te jar̤a jīva nijātmaka ghātī। jinhahi na raghupati kathā sohātī॥

हरिचरित्र मानस तुम्ह गावा। सुनि मैं नाथ अमिति सुख पावा।।

haricaritra mānasa tumha gāvā। suni maiṃ nātha amiti sukha pāvā॥

तुम्ह जो कही यह कथा सुहाई। कागभसुंडि गरुड़ प्रति गाई।।

tumha jo kahī yaha kathā suhāī। kāgabhasuṃḍi garur̤a prati gāī॥

बिरति ग्यान बिग्यान दृढ़ राम चरन अति नेह।

birati gyāna bigyāna dṛr̤ha rāma carana ati neha।

बायस तन रघुपति भगति मोहि परम संदेह।।53।।

bāyasa tana raghupati bhagati mohi parama saṃdeha॥53॥

नर सहस्त्र महँ सुनहु पुरारी। कोउ एक होइ धर्म ब्रतधारी।।

nara sahastra maha~ sunahu purārī। kou eka hoi dharma bratadhārī॥

धर्मसील कोटिक महँ कोई। बिषय बिमुख बिराग रत होई।।

dharmasīla koṭika maha~ koī। biṣaya bimukha birāga rata hoī॥

कोटि बिरक्त मध्य श्रुति कहई। सम्यक ग्यान सकृत कोउ लहई।।

koṭi birakta madhya śruti kahaī। samyaka gyāna sakṛta kou lahaī॥

ग्यानवंत कोटिक महँ कोऊ। जीवनमुक्त सकृत जग सोऊ।।

gyānavaṃta koṭika maha~ koū। jīvanamukta sakṛta jaga soū॥

तिन्ह सहस्त्र महुँ सब सुख खानी। दुर्लभ ब्रह्मलीन बिग्यानी।।

tinha sahastra mahu~ saba sukha khānī। durlabha brahmalīna bigyānī॥

धर्मसील बिरक्त अरु ग्यानी। जीवनमुक्त ब्रह्मपर प्रानी।।

dharmasīla birakta aru gyānī। jīvanamukta brahmapara prānī॥

सब ते सो दुर्लभ सुरराया। राम भगति रत गत मद माया।।

saba te so durlabha surarāyā। rāma bhagati rata gata mada māyā॥

सो हरिभगति काग किमि पाई। बिस्वनाथ मोहि कहहु बुझाई।।

so haribhagati kāga kimi pāī। bisvanātha mohi kahahu bujhāī॥

राम परायन ग्यान रत गुनागार मति धीर।

rāma parāyana gyāna rata gunāgāra mati dhīra।

नाथ कहहु केहि कारन पायउ काक सरीर।।54।।

nātha kahahu kehi kārana pāyau kāka sarīra॥54॥

यह प्रभु चरित पवित्र सुहावा। कहहु कृपाल काग कहँ पावा।।

yaha prabhu carita pavitra suhāvā। kahahu kṛpāla kāga kaha~ pāvā॥

तुम्ह केहि भाँति सुना मदनारी। कहहु मोहि अति कौतुक भारी।।

tumha kehi bhā~ti sunā madanārī। kahahu mohi ati kautuka bhārī॥

गरुड़ महाग्यानी गुन रासी। हरि सेवक अति निकट निवासी।।

garur̤a mahāgyānī guna rāsī। hari sevaka ati nikaṭa nivāsī॥

तेहिं केहि हेतु काग सन जाई। सुनी कथा मुनि निकर बिहाई।।

tehiṃ kehi hetu kāga sana jāī। sunī kathā muni nikara bihāī॥

कहहु कवन बिधि भा संबादा। दोउ हरिभगत काग उरगादा।।

kahahu kavana bidhi bhā saṃbādā। dou haribhagata kāga uragādā॥

गौरि गिरा सुनि सरल सुहाई। बोले सिव सादर सुख पाई।।

gauri girā suni sarala suhāī। bole siva sādara sukha pāī॥

धन्य सती पावन मति तोरी। रघुपति चरन प्रीति नहिं थोरी।।

dhanya satī pāvana mati torī। raghupati carana prīti nahiṃ thorī॥

सुनहु परम पुनीत इतिहासा। जो सुनि सकल लोक भ्रम नासा।।

sunahu parama punīta itihāsā। jo suni sakala loka bhrama nāsā॥

उपजइ राम चरन बिस्वासा। भव निधि तर नर बिनहिं प्रयासा।।

upajai rāma carana bisvāsā। bhava nidhi tara nara binahiṃ prayāsā॥

ऐसिअ प्रस्न बिहंगपति कीन्ह काग सन जाइ।

aisia prasna bihaṃgapati kīnha kāga sana jāi।

सो सब सादर कहिहउँ सुनहु उमा मन लाइ।।55।।

so saba sādara kahihau~ sunahu umā mana lāi॥55॥

मैं जिमि कथा सुनी भव मोचनि। सो प्रसंग सुनु सुमुखि सुलोचनि।।

maiṃ jimi kathā sunī bhava mocani। so prasaṃga sunu sumukhi sulocani॥

प्रथम दच्छ गृह तव अवतारा। सती नाम तब रहा तुम्हारा।।

prathama daccha gṛha tava avatārā। satī nāma taba rahā tumhārā॥

दच्छ जग्य तब भा अपमाना। तुम्ह अति क्रोध तजे तब प्राना।।

daccha jagya taba bhā apamānā। tumha ati krodha taje taba prānā॥

मम अनुचरन्ह कीन्ह मख भंगा। जानहु तुम्ह सो सकल प्रसंगा।।

mama anucaranha kīnha makha bhaṃgā। jānahu tumha so sakala prasaṃgā॥

तब अति सोच भयउ मन मोरें। दुखी भयउँ बियोग प्रिय तोरें।।

taba ati soca bhayau mana moreṃ। dukhī bhayau~ biyoga priya toreṃ॥

सुंदर बन गिरि सरित तड़ागा। कौतुक देखत फिरउँ बेरागा।।

suṃdara bana giri sarita tar̤āgā। kautuka dekhata phirau~ berāgā॥

गिरि सुमेर उत्तर दिसि दूरी। नील सैल एक सुन्दर भूरी।।

giri sumera uttara disi dūrī। nīla saila eka sundara bhūrī॥

तासु कनकमय सिखर सुहाए। चारि चारु मोरे मन भाए।।

tāsu kanakamaya sikhara suhāe। cāri cāru more mana bhāe॥

तिन्ह पर एक एक बिटप बिसाला। बट पीपर पाकरी रसाला।।

tinha para eka eka biṭapa bisālā। baṭa pīpara pākarī rasālā॥

सैलोपरि सर सुंदर सोहा। मनि सोपान देखि मन मोहा।।

sailopari sara suṃdara sohā। mani sopāna dekhi mana mohā॥

-सीतल अमल मधुर जल जलज बिपुल बहुरंग।

-sītala amala madhura jala jalaja bipula bahuraṃga।

कूजत कल रव हंस गन गुंजत मजुंल भृंग।।56।।

kūjata kala rava haṃsa gana guṃjata majuṃla bhṛṃga॥56॥

तेहिं गिरि रुचिर बसइ खग सोई। तासु नास कल्पांत न होई।।

tehiṃ giri rucira basai khaga soī। tāsu nāsa kalpāṃta na hoī॥

माया कृत गुन दोष अनेका। मोह मनोज आदि अबिबेका।।

māyā kṛta guna doṣa anekā। moha manoja ādi abibekā॥

रहे ब्यापि समस्त जग माहीं। तेहि गिरि निकट कबहुँ नहिं जाहीं।।

rahe byāpi samasta jaga māhīṃ। tehi giri nikaṭa kabahu~ nahiṃ jāhīṃ॥

तहँ बसि हरिहि भजइ जिमि कागा। सो सुनु उमा सहित अनुरागा।।

taha~ basi harihi bhajai jimi kāgā। so sunu umā sahita anurāgā॥

पीपर तरु तर ध्यान सो धरई। जाप जग्य पाकरि तर करई।।

pīpara taru tara dhyāna so dharaī। jāpa jagya pākari tara karaī॥

आँब छाहँ कर मानस पूजा। तजि हरि भजनु काजु नहिं दूजा।।

ā~ba chāha~ kara mānasa pūjā। taji hari bhajanu kāju nahiṃ dūjā॥

बर तर कह हरि कथा प्रसंगा। आवहिं सुनहिं अनेक बिहंगा।।

bara tara kaha hari kathā prasaṃgā। āvahiṃ sunahiṃ aneka bihaṃgā॥

राम चरित बिचीत्र बिधि नाना। प्रेम सहित कर सादर गाना।।

rāma carita bicītra bidhi nānā। prema sahita kara sādara gānā॥

सुनहिं सकल मति बिमल मराला। बसहिं निरंतर जे तेहिं ताला।।

sunahiṃ sakala mati bimala marālā। basahiṃ niraṃtara je tehiṃ tālā॥

जब मैं जाइ सो कौतुक देखा। उर उपजा आनंद बिसेषा।।

jaba maiṃ jāi so kautuka dekhā। ura upajā ānaṃda biseṣā॥

तब कछु काल मराल तनु धरि तहँ कीन्ह निवास।

taba kachu kāla marāla tanu dhari taha~ kīnha nivāsa।

सादर सुनि रघुपति गुन पुनि आयउँ कैलास।।57।।

sādara suni raghupati guna puni āyau~ kailāsa॥57॥

गिरिजा कहेउँ सो सब इतिहासा। मैं जेहि समय गयउँ खग पासा।।

girijā kaheu~ so saba itihāsā। maiṃ jehi samaya gayau~ khaga pāsā॥

अब सो कथा सुनहु जेही हेतू। गयउ काग पहिं खग कुल केतू।।

aba so kathā sunahu jehī hetū। gayau kāga pahiṃ khaga kula ketū॥

जब रघुनाथ कीन्हि रन क्रीड़ा। समुझत चरित होति मोहि ब्रीड़ा।।

jaba raghunātha kīnhi rana krīr̤ā। samujhata carita hoti mohi brīr̤ā॥

इंद्रजीत कर आपु बँधायो। तब नारद मुनि गरुड़ पठायो।।

iṃdrajīta kara āpu ba~dhāyo। taba nārada muni garur̤a paṭhāyo॥

बंधन काटि गयो उरगादा। उपजा हृदयँ प्रचंड बिषादा।।

baṃdhana kāṭi gayo uragādā। upajā hṛdaya~ pracaṃḍa biṣādā॥

प्रभु बंधन समुझत बहु भाँती। करत बिचार उरग आराती।।

prabhu baṃdhana samujhata bahu bhā~tī। karata bicāra uraga ārātī॥

ब्यापक ब्रह्म बिरज बागीसा। माया मोह पार परमीसा।।

byāpaka brahma biraja bāgīsā। māyā moha pāra paramīsā॥

सो अवतार सुनेउँ जग माहीं। देखेउँ सो प्रभाव कछु नाहीं।।

so avatāra suneu~ jaga māhīṃ। dekheu~ so prabhāva kachu nāhīṃ॥

-भव बंधन ते छूटहिं नर जपि जा कर नाम।

-bhava baṃdhana te chūṭahiṃ nara japi jā kara nāma।

खर्च निसाचर बाँधेउ नागपास सोइ राम।।58।।

kharca nisācara bā~dheu nāgapāsa soi rāma॥58॥

नाना भाँति मनहि समुझावा। प्रगट न ग्यान हृदयँ भ्रम छावा।।

nānā bhā~ti manahi samujhāvā। pragaṭa na gyāna hṛdaya~ bhrama chāvā॥

खेद खिन्न मन तर्क बढ़ाई। भयउ मोहबस तुम्हरिहिं नाई।।

kheda khinna mana tarka bar̤hāī। bhayau mohabasa tumharihiṃ nāī॥

ब्याकुल गयउ देवरिषि पाहीं। कहेसि जो संसय निज मन माहीं।।

byākula gayau devariṣi pāhīṃ। kahesi jo saṃsaya nija mana māhīṃ॥

सुनि नारदहि लागि अति दाया। सुनु खग प्रबल राम कै माया।।

suni nāradahi lāgi ati dāyā। sunu khaga prabala rāma kai māyā॥

जो ग्यानिन्ह कर चित अपहरई। बरिआई बिमोह मन करई।।

jo gyāninha kara cita apaharaī। bariāī bimoha mana karaī॥

जेहिं बहु बार नचावा मोही। सोइ ब्यापी बिहंगपति तोही।।

jehiṃ bahu bāra nacāvā mohī। soi byāpī bihaṃgapati tohī॥

महामोह उपजा उर तोरें। मिटिहि न बेगि कहें खग मोरें।।

mahāmoha upajā ura toreṃ। miṭihi na begi kaheṃ khaga moreṃ॥

चतुरानन पहिं जाहु खगेसा। सोइ करेहु जेहि होइ निदेसा।।

caturānana pahiṃ jāhu khagesā। soi karehu jehi hoi nidesā॥

अस कहि चले देवरिषि करत राम गुन गान।

asa kahi cale devariṣi karata rāma guna gāna।

हरि माया बल बरनत पुनि पुनि परम सुजान।।59।।

hari māyā bala baranata puni puni parama sujāna॥59॥

तब खगपति बिरंचि पहिं गयऊ। निज संदेह सुनावत भयऊ।।

taba khagapati biraṃci pahiṃ gayaū। nija saṃdeha sunāvata bhayaū॥

सुनि बिरंचि रामहि सिरु नावा। समुझि प्रताप प्रेम अति छावा।।

suni biraṃci rāmahi siru nāvā। samujhi pratāpa prema ati chāvā॥

मन महुँ करइ बिचार बिधाता। माया बस कबि कोबिद ग्याता।।

mana mahu~ karai bicāra bidhātā। māyā basa kabi kobida gyātā॥

हरि माया कर अमिति प्रभावा। बिपुल बार जेहिं मोहि नचावा।।

hari māyā kara amiti prabhāvā। bipula bāra jehiṃ mohi nacāvā॥

अग जगमय जग मम उपराजा। नहिं आचरज मोह खगराजा।।

aga jagamaya jaga mama uparājā। nahiṃ ācaraja moha khagarājā॥

तब बोले बिधि गिरा सुहाई। जान महेस राम प्रभुताई।।

taba bole bidhi girā suhāī। jāna mahesa rāma prabhutāī॥

बैनतेय संकर पहिं जाहू। तात अनत पूछहु जनि काहू।।

bainateya saṃkara pahiṃ jāhū। tāta anata pūchahu jani kāhū॥

तहँ होइहि तव संसय हानी। चलेउ बिहंग सुनत बिधि बानी।।

taha~ hoihi tava saṃsaya hānī। caleu bihaṃga sunata bidhi bānī॥

परमातुर बिहंगपति आयउ तब मो पास।

paramātura bihaṃgapati āyau taba mo pāsa।

जात रहेउँ कुबेर गृह रहिहु उमा कैलास।।60।।

jāta raheu~ kubera gṛha rahihu umā kailāsa॥60॥

तेहिं मम पद सादर सिरु नावा। पुनि आपन संदेह सुनावा।।

tehiṃ mama pada sādara siru nāvā। puni āpana saṃdeha sunāvā॥

सुनि ता करि बिनती मृदु बानी। परेम सहित मैं कहेउँ भवानी।।

suni tā kari binatī mṛdu bānī। parema sahita maiṃ kaheu~ bhavānī॥

मिलेहु गरुड़ मारग महँ मोही। कवन भाँति समुझावौं तोही।।

milehu garur̤a māraga maha~ mohī। kavana bhā~ti samujhāvauṃ tohī॥

तबहि होइ सब संसय भंगा। जब बहु काल करिअ सतसंगा।।

tabahi hoi saba saṃsaya bhaṃgā। jaba bahu kāla karia satasaṃgā॥

सुनिअ तहाँ हरि कथा सुहाई। नाना भाँति मुनिन्ह जो गाई।।

sunia tahā~ hari kathā suhāī। nānā bhā~ti muninha jo gāī॥

जेहि महुँ आदि मध्य अवसाना। प्रभु प्रतिपाद्य राम भगवाना।।

jehi mahu~ ādi madhya avasānā। prabhu pratipādya rāma bhagavānā॥

नित हरि कथा होत जहँ भाई। पठवउँ तहाँ सुनहि तुम्ह जाई।।

nita hari kathā hota jaha~ bhāī। paṭhavau~ tahā~ sunahi tumha jāī॥

जाइहि सुनत सकल संदेहा। राम चरन होइहि अति नेहा।।

jāihi sunata sakala saṃdehā। rāma carana hoihi ati nehā॥

बिनु सतसंग न हरि कथा तेहि बिनु मोह न भाग।

binu satasaṃga na hari kathā tehi binu moha na bhāga।

मोह गएँ बिनु राम पद होइ न दृढ़ अनुराग।।61।।

moha gae~ binu rāma pada hoi na dṛr̤ha anurāga॥61॥

मिलहिं न रघुपति बिनु अनुरागा। किएँ जोग तप ग्यान बिरागा।।

milahiṃ na raghupati binu anurāgā। kie~ joga tapa gyāna birāgā॥

उत्तर दिसि सुंदर गिरि नीला। तहँ रह काकभुसुंडि सुसीला।।

uttara disi suṃdara giri nīlā। taha~ raha kākabhusuṃḍi susīlā॥

राम भगति पथ परम प्रबीना। ग्यानी गुन गृह बहु कालीना।।

rāma bhagati patha parama prabīnā। gyānī guna gṛha bahu kālīnā॥

राम कथा सो कहइ निरंतर। सादर सुनहिं बिबिध बिहंगबर।।

rāma kathā so kahai niraṃtara। sādara sunahiṃ bibidha bihaṃgabara॥

जाइ सुनहु तहँ हरि गुन भूरी। होइहि मोह जनित दुख दूरी।।

jāi sunahu taha~ hari guna bhūrī। hoihi moha janita dukha dūrī॥

मैं जब तेहि सब कहा बुझाई। चलेउ हरषि मम पद सिरु नाई।।

maiṃ jaba tehi saba kahā bujhāī। caleu haraṣi mama pada siru nāī॥

ताते उमा न मैं समुझावा। रघुपति कृपाँ मरमु मैं पावा।।

tāte umā na maiṃ samujhāvā। raghupati kṛpā~ maramu maiṃ pāvā॥

होइहि कीन्ह कबहुँ अभिमाना। सो खौवै चह कृपानिधाना।।

hoihi kīnha kabahu~ abhimānā। so khauvai caha kṛpānidhānā॥

कछु तेहि ते पुनि मैं नहिं राखा। समुझइ खग खगही कै भाषा।।

kachu tehi te puni maiṃ nahiṃ rākhā। samujhai khaga khagahī kai bhāṣā॥

प्रभु माया बलवंत भवानी। जाहि न मोह कवन अस ग्यानी।।

prabhu māyā balavaṃta bhavānī। jāhi na moha kavana asa gyānī॥

ग्यानि भगत सिरोमनि त्रिभुवनपति कर जान।

gyāni bhagata siromani tribhuvanapati kara jāna।

ताहि मोह माया नर पावँर करहिं गुमान।।62(क)।।

tāhi moha māyā nara pāva~ra karahiṃ gumāna॥62(ka)॥

सिव बिरंचि कहुँ मोहइ को है बपुरा आन।

siva biraṃci kahu~ mohai ko hai bapurā āna।

अस जियँ जानि भजहिं मुनि माया पति भगवान।।62(ख)।।

asa jiya~ jāni bhajahiṃ muni māyā pati bhagavāna॥62(kha)॥

गयउ गरुड़ जहँ बसइ भुसुंडा। मति अकुंठ हरि भगति अखंडा।।

gayau garur̤a jaha~ basai bhusuṃḍā। mati akuṃṭha hari bhagati akhaṃḍā॥

देखि सैल प्रसन्न मन भयऊ। माया मोह सोच सब गयऊ।।

dekhi saila prasanna mana bhayaū। māyā moha soca saba gayaū॥

करि तड़ाग मज्जन जलपाना। बट तर गयउ हृदयँ हरषाना।।

kari tar̤āga majjana jalapānā। baṭa tara gayau hṛdaya~ haraṣānā॥

बृद्ध बृद्ध बिहंग तहँ आए। सुनै राम के चरित सुहाए।।

bṛddha bṛddha bihaṃga taha~ āe। sunai rāma ke carita suhāe॥

कथा अरंभ करै सोइ चाहा। तेही समय गयउ खगनाहा।।

kathā araṃbha karai soi cāhā। tehī samaya gayau khaganāhā॥

आवत देखि सकल खगराजा। हरषेउ बायस सहित समाजा।।

āvata dekhi sakala khagarājā। haraṣeu bāyasa sahita samājā॥

अति आदर खगपति कर कीन्हा। स्वागत पूछि सुआसन दीन्हा।।

ati ādara khagapati kara kīnhā। svāgata pūchi suāsana dīnhā॥

करि पूजा समेत अनुरागा। मधुर बचन तब बोलेउ कागा।।

kari pūjā sameta anurāgā। madhura bacana taba boleu kāgā॥

नाथ कृतारथ भयउँ मैं तव दरसन खगराज।

nātha kṛtāratha bhayau~ maiṃ tava darasana khagarāja।

आयसु देहु सो करौं अब प्रभु आयहु केहि काज।।63(क)।।

āyasu dehu so karauṃ aba prabhu āyahu kehi kāja॥63(ka)॥

सदा कृतारथ रूप तुम्ह कह मृदु बचन खगेस।

sadā kṛtāratha rūpa tumha kaha mṛdu bacana khagesa।

जेहि कै अस्तुति सादर निज मुख कीन्हि महेस।।63(ख)।।

jehi kai astuti sādara nija mukha kīnhi mahesa॥63(kha)॥

सुनहु तात जेहि कारन आयउँ। सो सब भयउ दरस तव पायउँ।।

sunahu tāta jehi kārana āyau~। so saba bhayau darasa tava pāyau~॥

देखि परम पावन तव आश्रम। गयउ मोह संसय नाना भ्रम।।

dekhi parama pāvana tava āśrama। gayau moha saṃsaya nānā bhrama॥

अब श्रीराम कथा अति पावनि। सदा सुखद दुख पुंज नसावनि।।

aba śrīrāma kathā ati pāvani। sadā sukhada dukha puṃja nasāvani॥

सादर तात सुनावहु मोही। बार बार बिनवउँ प्रभु तोही।।

sādara tāta sunāvahu mohī। bāra bāra binavau~ prabhu tohī॥

सुनत गरुड़ कै गिरा बिनीता। सरल सुप्रेम सुखद सुपुनीता।।

sunata garur̤a kai girā binītā। sarala suprema sukhada supunītā॥

भयउ तासु मन परम उछाहा। लाग कहै रघुपति गुन गाहा।।

bhayau tāsu mana parama uchāhā। lāga kahai raghupati guna gāhā॥

प्रथमहिं अति अनुराग भवानी। रामचरित सर कहेसि बखानी।।

prathamahiṃ ati anurāga bhavānī। rāmacarita sara kahesi bakhānī॥

पुनि नारद कर मोह अपारा। कहेसि बहुरि रावन अवतारा।।

puni nārada kara moha apārā। kahesi bahuri rāvana avatārā॥

प्रभु अवतार कथा पुनि गाई। तब सिसु चरित कहेसि मन लाई।।

prabhu avatāra kathā puni gāī। taba sisu carita kahesi mana lāī॥

बालचरित कहिं बिबिध बिधि मन महँ परम उछाह।

bālacarita kahiṃ bibidha bidhi mana maha~ parama uchāha।

रिषि आगवन कहेसि पुनि श्री रघुबीर बिबाह।।64।।

riṣi āgavana kahesi puni śrī raghubīra bibāha॥64॥

बहुरि राम अभिषेक प्रसंगा। पुनि नृप बचन राज रस भंगा।।

bahuri rāma abhiṣeka prasaṃgā। puni nṛpa bacana rāja rasa bhaṃgā॥

पुरबासिन्ह कर बिरह बिषादा। कहेसि राम लछिमन संबादा।।

purabāsinha kara biraha biṣādā। kahesi rāma lachimana saṃbādā॥

बिपिन गवन केवट अनुरागा। सुरसरि उतरि निवास प्रयागा।।

bipina gavana kevaṭa anurāgā। surasari utari nivāsa prayāgā॥

बालमीक प्रभु मिलन बखाना। चित्रकूट जिमि बसे भगवाना।।

bālamīka prabhu milana bakhānā। citrakūṭa jimi base bhagavānā॥

सचिवागवन नगर नृप मरना। भरतागवन प्रेम बहु बरना।।

sacivāgavana nagara nṛpa maranā। bharatāgavana prema bahu baranā॥

करि नृप क्रिया संग पुरबासी। भरत गए जहँ प्रभु सुख रासी।।

kari nṛpa kriyā saṃga purabāsī। bharata gae jaha~ prabhu sukha rāsī॥

पुनि रघुपति बहु बिधि समुझाए। लै पादुका अवधपुर आए।।

puni raghupati bahu bidhi samujhāe। lai pādukā avadhapura āe॥

भरत रहनि सुरपति सुत करनी। प्रभु अरु अत्रि भेंट पुनि बरनी।।

bharata rahani surapati suta karanī। prabhu aru atri bheṃṭa puni baranī॥

कहि बिराध बध जेहि बिधि देह तजी सरभंग।।

kahi birādha badha jehi bidhi deha tajī sarabhaṃga॥

बरनि सुतीछन प्रीति पुनि प्रभु अगस्ति सतसंग।।65।।

barani sutīchana prīti puni prabhu agasti satasaṃga॥65॥

कहि दंडक बन पावनताई। गीध मइत्री पुनि तेहिं गाई।।

kahi daṃḍaka bana pāvanatāī। gīdha maitrī puni tehiṃ gāī॥

पुनि प्रभु पंचवटीं कृत बासा। भंजी सकल मुनिन्ह की त्रासा।।

puni prabhu paṃcavaṭīṃ kṛta bāsā। bhaṃjī sakala muninha kī trāsā॥

पुनि लछिमन उपदेस अनूपा। सूपनखा जिमि कीन्हि कुरूपा।।

puni lachimana upadesa anūpā। sūpanakhā jimi kīnhi kurūpā॥

खर दूषन बध बहुरि बखाना। जिमि सब मरमु दसानन जाना।।

khara dūṣana badha bahuri bakhānā। jimi saba maramu dasānana jānā॥

दसकंधर मारीच बतकहीं। जेहि बिधि भई सो सब तेहिं कही।।

dasakaṃdhara mārīca batakahīṃ। jehi bidhi bhaī so saba tehiṃ kahī॥

पुनि माया सीता कर हरना। श्रीरघुबीर बिरह कछु बरना।।

puni māyā sītā kara haranā। śrīraghubīra biraha kachu baranā॥

पुनि प्रभु गीध क्रिया जिमि कीन्ही। बधि कबंध सबरिहि गति दीन्ही।।

puni prabhu gīdha kriyā jimi kīnhī। badhi kabaṃdha sabarihi gati dīnhī॥

बहुरि बिरह बरनत रघुबीरा। जेहि बिधि गए सरोबर तीरा।।

bahuri biraha baranata raghubīrā। jehi bidhi gae sarobara tīrā॥

प्रभु नारद संबाद कहि मारुति मिलन प्रसंग।

prabhu nārada saṃbāda kahi māruti milana prasaṃga।

पुनि सुग्रीव मिताई बालि प्रान कर भंग।।66((क)।।

puni sugrīva mitāī bāli prāna kara bhaṃga॥66((ka)॥

कपिहि तिलक करि प्रभु कृत सैल प्रबरषन बास।

kapihi tilaka kari prabhu kṛta saila prabaraṣana bāsa।

बरनन बर्षा सरद अरु राम रोष कपि त्रास।।66(ख)।।

baranana barṣā sarada aru rāma roṣa kapi trāsa॥66(kha)॥

जेहि बिधि कपिपति कीस पठाए। सीता खोज सकल दिसि धाए।।

jehi bidhi kapipati kīsa paṭhāe। sītā khoja sakala disi dhāe॥

बिबर प्रबेस कीन्ह जेहि भाँती। कपिन्ह बहोरि मिला संपाती।।

bibara prabesa kīnha jehi bhā~tī। kapinha bahori milā saṃpātī॥

सुनि सब कथा समीरकुमारा। नाघत भयउ पयोधि अपारा।।

suni saba kathā samīrakumārā। nāghata bhayau payodhi apārā॥

लंकाँ कपि प्रबेस जिमि कीन्हा। पुनि सीतहि धीरजु जिमि दीन्हा।।

laṃkā~ kapi prabesa jimi kīnhā। puni sītahi dhīraju jimi dīnhā॥

बन उजारि रावनहि प्रबोधी। पुर दहि नाघेउ बहुरि पयोधी।।

bana ujāri rāvanahi prabodhī। pura dahi nāgheu bahuri payodhī॥

आए कपि सब जहँ रघुराई। बैदेही कि कुसल सुनाई।।

āe kapi saba jaha~ raghurāī। baidehī ki kusala sunāī॥

सेन समेति जथा रघुबीरा। उतरे जाइ बारिनिधि तीरा।।

sena sameti jathā raghubīrā। utare jāi bārinidhi tīrā॥

मिला बिभीषन जेहि बिधि आई। सागर निग्रह कथा सुनाई।।

milā bibhīṣana jehi bidhi āī। sāgara nigraha kathā sunāī॥

सेतु बाँधि कपि सेन जिमि उतरी सागर पार।

setu bā~dhi kapi sena jimi utarī sāgara pāra।

गयउ बसीठी बीरबर जेहि बिधि बालिकुमार।।67(क)।।

gayau basīṭhī bīrabara jehi bidhi bālikumāra॥67(ka)॥

निसिचर कीस लराई बरनिसि बिबिध प्रकार।

nisicara kīsa larāī baranisi bibidha prakāra।

कुंभकरन घननाद कर बल पौरुष संघार।।67(ख)।।

kuṃbhakarana ghananāda kara bala pauruṣa saṃghāra॥67(kha)॥

निसिचर निकर मरन बिधि नाना। रघुपति रावन समर बखाना।।

nisicara nikara marana bidhi nānā। raghupati rāvana samara bakhānā॥

रावन बध मंदोदरि सोका। राज बिभीषण देव असोका।।

rāvana badha maṃdodari sokā। rāja bibhīṣaṇa deva asokā॥

सीता रघुपति मिलन बहोरी। सुरन्ह कीन्ह अस्तुति कर जोरी।।

sītā raghupati milana bahorī। suranha kīnha astuti kara jorī॥

पुनि पुष्पक चढ़ि कपिन्ह समेता। अवध चले प्रभु कृपा निकेता।।

puni puṣpaka car̤hi kapinha sametā। avadha cale prabhu kṛpā niketā॥

जेहि बिधि राम नगर निज आए। बायस बिसद चरित सब गाए।।

jehi bidhi rāma nagara nija āe। bāyasa bisada carita saba gāe॥

कहेसि बहोरि राम अभिषैका। पुर बरनत नृपनीति अनेका।।

kahesi bahori rāma abhiṣaikā। pura baranata nṛpanīti anekā॥

कथा समस्त भुसुंड बखानी। जो मैं तुम्ह सन कही भवानी।।

kathā samasta bhusuṃḍa bakhānī। jo maiṃ tumha sana kahī bhavānī॥

सुनि सब राम कथा खगनाहा। कहत बचन मन परम उछाहा।।

suni saba rāma kathā khaganāhā। kahata bacana mana parama uchāhā॥

गयउ मोर संदेह सुनेउँ सकल रघुपति चरित।

gayau mora saṃdeha suneu~ sakala raghupati carita।

भयउ राम पद नेह तव प्रसाद बायस तिलक।।68(क)।।

bhayau rāma pada neha tava prasāda bāyasa tilaka॥68(ka)॥

मोहि भयउ अति मोह प्रभु बंधन रन महुँ निरखि।

mohi bhayau ati moha prabhu baṃdhana rana mahu~ nirakhi।

चिदानंद संदोह राम बिकल कारन कवन। 68(ख)।।

cidānaṃda saṃdoha rāma bikala kārana kavana। 68(kha)॥

देखि चरित अति नर अनुसारी। भयउ हृदयँ मम संसय भारी।।

dekhi carita ati nara anusārī। bhayau hṛdaya~ mama saṃsaya bhārī॥

सोइ भ्रम अब हित करि मैं माना। कीन्ह अनुग्रह कृपानिधाना।।

soi bhrama aba hita kari maiṃ mānā। kīnha anugraha kṛpānidhānā॥

जो अति आतप ब्याकुल होई। तरु छाया सुख जानइ सोई।।

jo ati ātapa byākula hoī। taru chāyā sukha jānai soī॥

जौं नहिं होत मोह अति मोही। मिलतेउँ तात कवन बिधि तोही।।

jauṃ nahiṃ hota moha ati mohī। milateu~ tāta kavana bidhi tohī॥

सुनतेउँ किमि हरि कथा सुहाई। अति बिचित्र बहु बिधि तुम्ह गाई।।

sunateu~ kimi hari kathā suhāī। ati bicitra bahu bidhi tumha gāī॥

निगमागम पुरान मत एहा। कहहिं सिद्ध मुनि नहिं संदेहा।।

nigamāgama purāna mata ehā। kahahiṃ siddha muni nahiṃ saṃdehā॥

संत बिसुद्ध मिलहिं परि तेही। चितवहिं राम कृपा करि जेही।।

saṃta bisuddha milahiṃ pari tehī। citavahiṃ rāma kṛpā kari jehī॥

राम कृपाँ तव दरसन भयऊ। तव प्रसाद सब संसय गयऊ।।

rāma kṛpā~ tava darasana bhayaū। tava prasāda saba saṃsaya gayaū॥

सुनि बिहंगपति बानी सहित बिनय अनुराग।

suni bihaṃgapati bānī sahita binaya anurāga।

पुलक गात लोचन सजल मन हरषेउ अति काग।।69(क)।।

pulaka gāta locana sajala mana haraṣeu ati kāga॥69(ka)॥

श्रोता सुमति सुसील सुचि कथा रसिक हरि दास।

śrotā sumati susīla suci kathā rasika hari dāsa।

पाइ उमा अति गोप्यमपि सज्जन करहिं प्रकास।।69(ख)।।

pāi umā ati gopyamapi sajjana karahiṃ prakāsa॥69(kha)॥

बोलेउ काकभसुंड बहोरी। नभग नाथ पर प्रीति न थोरी।।

boleu kākabhasuṃḍa bahorī। nabhaga nātha para prīti na thorī॥

सब बिधि नाथ पूज्य तुम्ह मेरे। कृपापात्र रघुनायक केरे।।

saba bidhi nātha pūjya tumha mere। kṛpāpātra raghunāyaka kere॥

तुम्हहि न संसय मोह न माया। मो पर नाथ कीन्ह तुम्ह दाया।।

tumhahi na saṃsaya moha na māyā। mo para nātha kīnha tumha dāyā॥

पठइ मोह मिस खगपति तोही। रघुपति दीन्हि बड़ाई मोही।।

paṭhai moha misa khagapati tohī। raghupati dīnhi bar̤āī mohī॥

तुम्ह निज मोह कही खग साईं। सो नहिं कछु आचरज गोसाईं।।

tumha nija moha kahī khaga sāīṃ। so nahiṃ kachu ācaraja gosāīṃ॥

नारद भव बिरंचि सनकादी। जे मुनिनायक आतमबादी।।

nārada bhava biraṃci sanakādī। je munināyaka ātamabādī॥

मोह न अंध कीन्ह केहि केही। को जग काम नचाव न जेही।।

moha na aṃdha kīnha kehi kehī। ko jaga kāma nacāva na jehī॥

तृस्नाँ केहि न कीन्ह बौराहा। केहि कर हृदय क्रोध नहिं दाहा।।

tṛsnā~ kehi na kīnha baurāhā। kehi kara hṛdaya krodha nahiṃ dāhā॥

ग्यानी तापस सूर कबि कोबिद गुन आगार।

gyānī tāpasa sūra kabi kobida guna āgāra।

केहि कै लौभ बिडंबना कीन्हि न एहिं संसार।।70(क)।।

kehi kai laubha biḍaṃbanā kīnhi na ehiṃ saṃsāra॥70(ka)॥

श्री मद बक्र न कीन्ह केहि प्रभुता बधिर न काहि।

śrī mada bakra na kīnha kehi prabhutā badhira na kāhi।

मृगलोचनि के नैन सर को अस लाग न जाहि।।70(ख)।।

mṛgalocani ke naina sara ko asa lāga na jāhi॥70(kha)॥

गुन कृत सन्यपात नहिं केही। कोउ न मान मद तजेउ निबेही।।

guna kṛta sanyapāta nahiṃ kehī। kou na māna mada tajeu nibehī॥

जोबन ज्वर केहि नहिं बलकावा। ममता केहि कर जस न नसावा।।

jobana jvara kehi nahiṃ balakāvā। mamatā kehi kara jasa na nasāvā॥

मच्छर काहि कलंक न लावा। काहि न सोक समीर डोलावा।।

macchara kāhi kalaṃka na lāvā। kāhi na soka samīra ḍolāvā॥

चिंता साँपिनि को नहिं खाया। को जग जाहि न ब्यापी माया।।

ciṃtā sā~pini ko nahiṃ khāyā। ko jaga jāhi na byāpī māyā॥

कीट मनोरथ दारु सरीरा। जेहि न लाग घुन को अस धीरा।।

kīṭa manoratha dāru sarīrā। jehi na lāga ghuna ko asa dhīrā॥

सुत बित लोक ईषना तीनी। केहि के मति इन्ह कृत न मलीनी।।

suta bita loka īṣanā tīnī। kehi ke mati inha kṛta na malīnī॥

यह सब माया कर परिवारा। प्रबल अमिति को बरनै पारा।।

yaha saba māyā kara parivārā। prabala amiti ko baranai pārā॥

सिव चतुरानन जाहि डेराहीं। अपर जीव केहि लेखे माहीं।।

siva caturānana jāhi ḍerāhīṃ। apara jīva kehi lekhe māhīṃ॥

ब्यापि रहेउ संसार महुँ माया कटक प्रचंड।।

byāpi raheu saṃsāra mahu~ māyā kaṭaka pracaṃḍa॥

सेनापति कामादि भट दंभ कपट पाषंड।।71(क)।।

senāpati kāmādi bhaṭa daṃbha kapaṭa pāṣaṃḍa॥71(ka)॥

सो दासी रघुबीर कै समुझें मिथ्या सोपि।

so dāsī raghubīra kai samujheṃ mithyā sopi।

छूट न राम कृपा बिनु नाथ कहउँ पद रोपि।।71(ख)।।

chūṭa na rāma kṛpā binu nātha kahau~ pada ropi॥71(kha)॥

जो माया सब जगहि नचावा। जासु चरित लखि काहुँ न पावा।।

jo māyā saba jagahi nacāvā। jāsu carita lakhi kāhu~ na pāvā॥

सोइ प्रभु भ्रू बिलास खगराजा। नाच नटी इव सहित समाजा।।

soi prabhu bhrū bilāsa khagarājā। nāca naṭī iva sahita samājā॥

सोइ सच्चिदानंद घन रामा। अज बिग्यान रूपो बल धामा।।

soi saccidānaṃda ghana rāmā। aja bigyāna rūpo bala dhāmā॥

ब्यापक ब्याप्य अखंड अनंता। अखिल अमोघसक्ति भगवंता।।

byāpaka byāpya akhaṃḍa anaṃtā। akhila amoghasakti bhagavaṃtā॥

अगुन अदभ्र गिरा गोतीता। सबदरसी अनवद्य अजीता।।

aguna adabhra girā gotītā। sabadarasī anavadya ajītā॥

निर्मम निराकार निरमोहा। नित्य निरंजन सुख संदोहा।।

nirmama nirākāra niramohā। nitya niraṃjana sukha saṃdohā॥

प्रकृति पार प्रभु सब उर बासी। ब्रह्म निरीह बिरज अबिनासी।।

prakṛti pāra prabhu saba ura bāsī। brahma nirīha biraja abināsī॥

इहाँ मोह कर कारन नाहीं। रबि सन्मुख तम कबहुँ कि जाहीं।।

ihā~ moha kara kārana nāhīṃ। rabi sanmukha tama kabahu~ ki jāhīṃ॥

भगत हेतु भगवान प्रभु राम धरेउ तनु भूप।

bhagata hetu bhagavāna prabhu rāma dhareu tanu bhūpa।

किए चरित पावन परम प्राकृत नर अनुरूप।।72(क)।।

kie carita pāvana parama prākṛta nara anurūpa॥72(ka)॥

जथा अनेक बेष धरि नृत्य करइ नट कोइ।

jathā aneka beṣa dhari nṛtya karai naṭa koi।

सोइ सोइ भाव देखावइ आपुन होइ न सोइ।।72(ख)।।

soi soi bhāva dekhāvai āpuna hoi na soi॥72(kha)॥

असि रघुपति लीला उरगारी। दनुज बिमोहनि जन सुखकारी।।

asi raghupati līlā uragārī। danuja bimohani jana sukhakārī॥

जे मति मलिन बिषयबस कामी। प्रभु मोह धरहिं इमि स्वामी।।

je mati malina biṣayabasa kāmī। prabhu moha dharahiṃ imi svāmī॥

नयन दोष जा कहँ जब होई। पीत बरन ससि कहुँ कह सोई।।

nayana doṣa jā kaha~ jaba hoī। pīta barana sasi kahu~ kaha soī॥

जब जेहि दिसि भ्रम होइ खगेसा। सो कह पच्छिम उयउ दिनेसा।।

jaba jehi disi bhrama hoi khagesā। so kaha pacchima uyau dinesā॥

नौकारूढ़ चलत जग देखा। अचल मोह बस आपुहि लेखा।।

naukārūr̤ha calata jaga dekhā। acala moha basa āpuhi lekhā॥

बालक भ्रमहिं न भ्रमहिं गृहादीं। कहहिं परस्पर मिथ्याबादी।।

bālaka bhramahiṃ na bhramahiṃ gṛhādīṃ। kahahiṃ paraspara mithyābādī॥

हरि बिषइक अस मोह बिहंगा। सपनेहुँ नहिं अग्यान प्रसंगा।।

hari biṣaika asa moha bihaṃgā। sapanehu~ nahiṃ agyāna prasaṃgā॥

मायाबस मतिमंद अभागी। हृदयँ जमनिका बहुबिधि लागी।।

māyābasa matimaṃda abhāgī। hṛdaya~ jamanikā bahubidhi lāgī॥

ते सठ हठ बस संसय करहीं। निज अग्यान राम पर धरहीं।।

te saṭha haṭha basa saṃsaya karahīṃ। nija agyāna rāma para dharahīṃ॥

काम क्रोध मद लोभ रत गृहासक्त दुखरूप।

kāma krodha mada lobha rata gṛhāsakta dukharūpa।

ते किमि जानहिं रघुपतिहि मूढ़ परे तम कूप।।73(क)।।

te kimi jānahiṃ raghupatihi mūr̤ha pare tama kūpa॥73(ka)॥

निर्गुन रूप सुलभ अति सगुन जान नहिं कोइ।

nirguna rūpa sulabha ati saguna jāna nahiṃ koi।

सुगम अगम नाना चरित सुनि मुनि मन भ्रम होइ।।73(ख)।।

sugama agama nānā carita suni muni mana bhrama hoi॥73(kha)॥

सुनु खगेस रघुपति प्रभुताई। कहउँ जथामति कथा सुहाई।।

sunu khagesa raghupati prabhutāī। kahau~ jathāmati kathā suhāī॥

जेहि बिधि मोह भयउ प्रभु मोही। सोउ सब कथा सुनावउँ तोही।।

jehi bidhi moha bhayau prabhu mohī। sou saba kathā sunāvau~ tohī॥

राम कृपा भाजन तुम्ह ताता। हरि गुन प्रीति मोहि सुखदाता।।

rāma kṛpā bhājana tumha tātā। hari guna prīti mohi sukhadātā॥

ताते नहिं कछु तुम्हहिं दुरावउँ। परम रहस्य मनोहर गावउँ।।

tāte nahiṃ kachu tumhahiṃ durāvau~। parama rahasya manohara gāvau~॥

सुनहु राम कर सहज सुभाऊ। जन अभिमान न राखहिं काऊ।।

sunahu rāma kara sahaja subhāū। jana abhimāna na rākhahiṃ kāū॥

संसृत मूल सूलप्रद नाना। सकल सोक दायक अभिमाना।।

saṃsṛta mūla sūlaprada nānā। sakala soka dāyaka abhimānā॥

ताते करहिं कृपानिधि दूरी। सेवक पर ममता अति भूरी।।

tāte karahiṃ kṛpānidhi dūrī। sevaka para mamatā ati bhūrī॥

जिमि सिसु तन ब्रन होइ गोसाई। मातु चिराव कठिन की नाईं।।

jimi sisu tana brana hoi gosāī। mātu cirāva kaṭhina kī nāīṃ॥

जदपि प्रथम दुख पावइ रोवइ बाल अधीर।

jadapi prathama dukha pāvai rovai bāla adhīra।

ब्याधि नास हित जननी गनति न सो सिसु पीर।।74(क)।।

byādhi nāsa hita jananī ganati na so sisu pīra॥74(ka)॥

तिमि रघुपति निज दासकर हरहिं मान हित लागि।

timi raghupati nija dāsakara harahiṃ māna hita lāgi।

तुलसिदास ऐसे प्रभुहि कस न भजहु भ्रम त्यागि।।74(ख)।।

tulasidāsa aise prabhuhi kasa na bhajahu bhrama tyāgi॥74(kha)॥

राम कृपा आपनि जड़ताई। कहउँ खगेस सुनहु मन लाई।।

rāma kṛpā āpani jar̤atāī। kahau~ khagesa sunahu mana lāī॥

जब जब राम मनुज तनु धरहीं। भक्त हेतु लीला बहु करहीं।।

jaba jaba rāma manuja tanu dharahīṃ। bhakta hetu līlā bahu karahīṃ॥

तब तब अवधपुरी मैं ज़ाऊँ। बालचरित बिलोकि हरषाऊँ।।

taba taba avadhapurī maiṃ zāū~। bālacarita biloki haraṣāū~॥

जन्म महोत्सव देखउँ जाई। बरष पाँच तहँ रहउँ लोभाई।।

janma mahotsava dekhau~ jāī। baraṣa pā~ca taha~ rahau~ lobhāī॥

इष्टदेव मम बालक रामा। सोभा बपुष कोटि सत कामा।।

iṣṭadeva mama bālaka rāmā। sobhā bapuṣa koṭi sata kāmā॥

निज प्रभु बदन निहारि निहारी। लोचन सुफल करउँ उरगारी।।

nija prabhu badana nihāri nihārī। locana suphala karau~ uragārī॥

लघु बायस बपु धरि हरि संगा। देखउँ बालचरित बहुरंगा।।

laghu bāyasa bapu dhari hari saṃgā। dekhau~ bālacarita bahuraṃgā॥

लरिकाईं जहँ जहँ फिरहिं तहँ तहँ संग उड़ाउँ।

larikāīṃ jaha~ jaha~ phirahiṃ taha~ taha~ saṃga ur̤āu~।

जूठनि परइ अजिर महँ सो उठाइ करि खाउँ।।75(क)।।

jūṭhani parai ajira maha~ so uṭhāi kari khāu~॥75(ka)॥

एक बार अतिसय सब चरित किए रघुबीर।

eka bāra atisaya saba carita kie raghubīra।

सुमिरत प्रभु लीला सोइ पुलकित भयउ सरीर।।75(ख)।।

sumirata prabhu līlā soi pulakita bhayau sarīra॥75(kha)॥

कहइ भसुंड सुनहु खगनायक। रामचरित सेवक सुखदायक।।

kahai bhasuṃḍa sunahu khaganāyaka। rāmacarita sevaka sukhadāyaka॥

नृपमंदिर सुंदर सब भाँती। खचित कनक मनि नाना जाती।।

nṛpamaṃdira suṃdara saba bhā~tī। khacita kanaka mani nānā jātī॥

बरनि न जाइ रुचिर अँगनाई। जहँ खेलहिं नित चारिउ भाई।।

barani na jāi rucira a~ganāī। jaha~ khelahiṃ nita cāriu bhāī॥

बालबिनोद करत रघुराई। बिचरत अजिर जननि सुखदाई।।

bālabinoda karata raghurāī। bicarata ajira janani sukhadāī॥

मरकत मृदुल कलेवर स्यामा। अंग अंग प्रति छबि बहु कामा।।

marakata mṛdula kalevara syāmā। aṃga aṃga prati chabi bahu kāmā॥

नव राजीव अरुन मृदु चरना। पदज रुचिर नख ससि दुति हरना।।

nava rājīva aruna mṛdu caranā। padaja rucira nakha sasi duti haranā॥

ललित अंक कुलिसादिक चारी। नूपुर चारू मधुर रवकारी।।

lalita aṃka kulisādika cārī। nūpura cārū madhura ravakārī॥

चारु पुरट मनि रचित बनाई। कटि किंकिन कल मुखर सुहाई।।

cāru puraṭa mani racita banāī। kaṭi kiṃkina kala mukhara suhāī॥

रेखा त्रय सुन्दर उदर नाभी रुचिर गँभीर।

rekhā traya sundara udara nābhī rucira ga~bhīra।

उर आयत भ्राजत बिबिध बाल बिभूषन चीर।।76।।

ura āyata bhrājata bibidha bāla bibhūṣana cīra॥76॥

अरुन पानि नख करज मनोहर। बाहु बिसाल बिभूषन सुंदर।।

aruna pāni nakha karaja manohara। bāhu bisāla bibhūṣana suṃdara॥

कंध बाल केहरि दर ग्रीवा। चारु चिबुक आनन छबि सींवा।।

kaṃdha bāla kehari dara grīvā। cāru cibuka ānana chabi sīṃvā॥

कलबल बचन अधर अरुनारे। दुइ दुइ दसन बिसद बर बारे।।

kalabala bacana adhara arunāre। dui dui dasana bisada bara bāre॥

ललित कपोल मनोहर नासा। सकल सुखद ससि कर सम हासा।।

lalita kapola manohara nāsā। sakala sukhada sasi kara sama hāsā॥

नील कंज लोचन भव मोचन। भ्राजत भाल तिलक गोरोचन।।

nīla kaṃja locana bhava mocana। bhrājata bhāla tilaka gorocana॥

बिकट भृकुटि सम श्रवन सुहाए। कुंचित कच मेचक छबि छाए।।

bikaṭa bhṛkuṭi sama śravana suhāe। kuṃcita kaca mecaka chabi chāe॥

पीत झीनि झगुली तन सोही। किलकनि चितवनि भावति मोही।।

pīta jhīni jhagulī tana sohī। kilakani citavani bhāvati mohī॥

रूप रासि नृप अजिर बिहारी। नाचहिं निज प्रतिबिंब निहारी।।

rūpa rāsi nṛpa ajira bihārī। nācahiṃ nija pratibiṃba nihārī॥

मोहि सन करहीं बिबिध बिधि क्रीड़ा। बरनत मोहि होति अति ब्रीड़ा।।

mohi sana karahīṃ bibidha bidhi krīr̤ā। baranata mohi hoti ati brīr̤ā॥

किलकत मोहि धरन जब धावहिं। चलउँ भागि तब पूप देखावहिं।।

kilakata mohi dharana jaba dhāvahiṃ। calau~ bhāgi taba pūpa dekhāvahiṃ॥

आवत निकट हँसहिं प्रभु भाजत रुदन कराहिं।

āvata nikaṭa ha~sahiṃ prabhu bhājata rudana karāhiṃ।

जाउँ समीप गहन पद फिरि फिरि चितइ पराहिं।।77(क)।।

jāu~ samīpa gahana pada phiri phiri citai parāhiṃ॥77(ka)॥

प्राकृत सिसु इव लीला देखि भयउ मोहि मोह।

prākṛta sisu iva līlā dekhi bhayau mohi moha।

कवन चरित्र करत प्रभु चिदानंद संदोह।।77(ख)।।

kavana caritra karata prabhu cidānaṃda saṃdoha॥77(kha)॥

एतना मन आनत खगराया। रघुपति प्रेरित ब्यापी माया।।

etanā mana ānata khagarāyā। raghupati prerita byāpī māyā॥

सो माया न दुखद मोहि काहीं। आन जीव इव संसृत नाहीं।।

so māyā na dukhada mohi kāhīṃ। āna jīva iva saṃsṛta nāhīṃ॥

नाथ इहाँ कछु कारन आना। सुनहु सो सावधान हरिजाना।।

nātha ihā~ kachu kārana ānā। sunahu so sāvadhāna harijānā॥

ग्यान अखंड एक सीताबर। माया बस्य जीव सचराचर।।

gyāna akhaṃḍa eka sītābara। māyā basya jīva sacarācara॥

जौं सब कें रह ग्यान एकरस। ईस्वर जीवहि भेद कहहु कस।।

jauṃ saba keṃ raha gyāna ekarasa। īsvara jīvahi bheda kahahu kasa॥

माया बस्य जीव अभिमानी। ईस बस्य माया गुनखानी।।

māyā basya jīva abhimānī। īsa basya māyā gunakhānī॥

परबस जीव स्वबस भगवंता। जीव अनेक एक श्रीकंता।।

parabasa jīva svabasa bhagavaṃtā। jīva aneka eka śrīkaṃtā॥

मुधा भेद जद्यपि कृत माया। बिनु हरि जाइ न कोटि उपाया।।

mudhā bheda jadyapi kṛta māyā। binu hari jāi na koṭi upāyā॥

रामचंद्र के भजन बिनु जो चह पद निर्बान।

rāmacaṃdra ke bhajana binu jo caha pada nirbāna।

ग्यानवंत अपि सो नर पसु बिनु पूँछ बिषान।।78(क)।।

gyānavaṃta api so nara pasu binu pū~cha biṣāna॥78(ka)॥

राकापति षोड़स उअहिं तारागन समुदाइ।।

rākāpati ṣor̤asa uahiṃ tārāgana samudāi॥

सकल गिरिन्ह दव लाइअ बिनु रबि राति न जाइ।।78(ख)।।

sakala girinha dava lāia binu rabi rāti na jāi॥78(kha)॥

ऐसेहिं हरि बिनु भजन खगेसा। मिटइ न जीवन्ह केर कलेसा।।

aisehiṃ hari binu bhajana khagesā। miṭai na jīvanha kera kalesā॥

हरि सेवकहि न ब्याप अबिद्या। प्रभु प्रेरित ब्यापइ तेहि बिद्या।।

hari sevakahi na byāpa abidyā। prabhu prerita byāpai tehi bidyā॥

ताते नास न होइ दास कर। भेद भगति भाढ़इ बिहंगबर।।

tāte nāsa na hoi dāsa kara। bheda bhagati bhār̤hai bihaṃgabara॥

भ्रम ते चकित राम मोहि देखा। बिहँसे सो सुनु चरित बिसेषा।।

bhrama te cakita rāma mohi dekhā। biha~se so sunu carita biseṣā॥

तेहि कौतुक कर मरमु न काहूँ। जाना अनुज न मातु पिताहूँ।।

tehi kautuka kara maramu na kāhū~। jānā anuja na mātu pitāhū~॥

जानु पानि धाए मोहि धरना। स्यामल गात अरुन कर चरना।।

jānu pāni dhāe mohi dharanā। syāmala gāta aruna kara caranā॥

तब मैं भागि चलेउँ उरगामी। राम गहन कहँ भुजा पसारी।।

taba maiṃ bhāgi caleu~ uragāmī। rāma gahana kaha~ bhujā pasārī॥

जिमि जिमि दूरि उड़ाउँ अकासा। तहँ भुज हरि देखउँ निज पासा।।

jimi jimi dūri ur̤āu~ akāsā। taha~ bhuja hari dekhau~ nija pāsā॥

ब्रह्मलोक लगि गयउँ मैं चितयउँ पाछ उड़ात।

brahmaloka lagi gayau~ maiṃ citayau~ pācha ur̤āta।

जुग अंगुल कर बीच सब राम भुजहि मोहि तात।।79(क)।।

juga aṃgula kara bīca saba rāma bhujahi mohi tāta॥79(ka)॥

सप्ताबरन भेद करि जहाँ लगें गति मोरि।

saptābarana bheda kari jahā~ lageṃ gati mori।

गयउँ तहाँ प्रभु भुज निरखि ब्याकुल भयउँ बहोरि।।79(ख)।।

gayau~ tahā~ prabhu bhuja nirakhi byākula bhayau~ bahori॥79(kha)॥

मूदेउँ नयन त्रसित जब भयउँ। पुनि चितवत कोसलपुर गयऊँ।।

mūdeu~ nayana trasita jaba bhayau~। puni citavata kosalapura gayaū~॥

मोहि बिलोकि राम मुसुकाहीं। बिहँसत तुरत गयउँ मुख माहीं।।

mohi biloki rāma musukāhīṃ। biha~sata turata gayau~ mukha māhīṃ॥

उदर माझ सुनु अंडज राया। देखेउँ बहु ब्रह्मांड निकाया।।

udara mājha sunu aṃḍaja rāyā। dekheu~ bahu brahmāṃḍa nikāyā॥

अति बिचित्र तहँ लोक अनेका। रचना अधिक एक ते एका।।

ati bicitra taha~ loka anekā। racanā adhika eka te ekā॥

कोटिन्ह चतुरानन गौरीसा। अगनित उडगन रबि रजनीसा।।

koṭinha caturānana gaurīsā। aganita uḍagana rabi rajanīsā॥

अगनित लोकपाल जम काला। अगनित भूधर भूमि बिसाला।।

aganita lokapāla jama kālā। aganita bhūdhara bhūmi bisālā॥

सागर सरि सर बिपिन अपारा। नाना भाँति सृष्टि बिस्तारा।।

sāgara sari sara bipina apārā। nānā bhā~ti sṛṣṭi bistārā॥

सुर मुनि सिद्ध नाग नर किंनर। चारि प्रकार जीव सचराचर।।

sura muni siddha nāga nara kiṃnara। cāri prakāra jīva sacarācara॥

जो नहिं देखा नहिं सुना जो मनहूँ न समाइ।

jo nahiṃ dekhā nahiṃ sunā jo manahū~ na samāi।

सो सब अद्भुत देखेउँ बरनि कवनि बिधि जाइ।।80(क)।।

so saba adbhuta dekheu~ barani kavani bidhi jāi॥80(ka)॥

एक एक ब्रह्मांड महुँ रहउँ बरष सत एक।

eka eka brahmāṃḍa mahu~ rahau~ baraṣa sata eka।

एहि बिधि देखत फिरउँ मैं अंड कटाह अनेक।।80(ख)।।

ehi bidhi dekhata phirau~ maiṃ aṃḍa kaṭāha aneka॥80(kha)॥

लोक लोक प्रति भिन्न बिधाता। भिन्न बिष्नु सिव मनु दिसित्राता।।

loka loka prati bhinna bidhātā। bhinna biṣnu siva manu disitrātā॥

नर गंधर्ब भूत बेताला। किंनर निसिचर पसु खग ब्याला।।

nara gaṃdharba bhūta betālā। kiṃnara nisicara pasu khaga byālā॥

देव दनुज गन नाना जाती। सकल जीव तहँ आनहि भाँती।।

deva danuja gana nānā jātī। sakala jīva taha~ ānahi bhā~tī॥

महि सरि सागर सर गिरि नाना। सब प्रपंच तहँ आनइ आना।।

mahi sari sāgara sara giri nānā। saba prapaṃca taha~ ānai ānā॥

अंडकोस प्रति प्रति निज रुपा। देखेउँ जिनस अनेक अनूपा।।

aṃḍakosa prati prati nija rupā। dekheu~ jinasa aneka anūpā॥

अवधपुरी प्रति भुवन निनारी। सरजू भिन्न भिन्न नर नारी।।

avadhapurī prati bhuvana ninārī। sarajū bhinna bhinna nara nārī॥

दसरथ कौसल्या सुनु ताता। बिबिध रूप भरतादिक भ्राता।।

dasaratha kausalyā sunu tātā। bibidha rūpa bharatādika bhrātā॥

प्रति ब्रह्मांड राम अवतारा। देखउँ बालबिनोद अपारा।।

prati brahmāṃḍa rāma avatārā। dekhau~ bālabinoda apārā॥

भिन्न भिन्न मै दीख सबु अति बिचित्र हरिजान।

bhinna bhinna mai dīkha sabu ati bicitra harijāna।

अगनित भुवन फिरेउँ प्रभु राम न देखेउँ आन।।81(क)।।

aganita bhuvana phireu~ prabhu rāma na dekheu~ āna॥81(ka)॥

सोइ सिसुपन सोइ सोभा सोइ कृपाल रघुबीर।

soi sisupana soi sobhā soi kṛpāla raghubīra।

भुवन भुवन देखत फिरउँ प्रेरित मोह समीर।।81(ख)

bhuvana bhuvana dekhata phirau~ prerita moha samīra॥81(kha)

भ्रमत मोहि ब्रह्मांड अनेका। बीते मनहुँ कल्प सत एका।।

bhramata mohi brahmāṃḍa anekā। bīte manahu~ kalpa sata ekā॥

फिरत फिरत निज आश्रम आयउँ। तहँ पुनि रहि कछु काल गवाँयउँ।।

phirata phirata nija āśrama āyau~। taha~ puni rahi kachu kāla gavā~yau~॥

निज प्रभु जन्म अवध सुनि पायउँ। निर्भर प्रेम हरषि उठि धायउँ।।

nija prabhu janma avadha suni pāyau~। nirbhara prema haraṣi uṭhi dhāyau~॥

देखउँ जन्म महोत्सव जाई। जेहि बिधि प्रथम कहा मैं गाई।।

dekhau~ janma mahotsava jāī। jehi bidhi prathama kahā maiṃ gāī॥

राम उदर देखेउँ जग नाना। देखत बनइ न जाइ बखाना।।

rāma udara dekheu~ jaga nānā। dekhata banai na jāi bakhānā॥

तहँ पुनि देखेउँ राम सुजाना। माया पति कृपाल भगवाना।।

taha~ puni dekheu~ rāma sujānā। māyā pati kṛpāla bhagavānā॥

करउँ बिचार बहोरि बहोरी। मोह कलिल ब्यापित मति मोरी।।

karau~ bicāra bahori bahorī। moha kalila byāpita mati morī॥

उभय घरी महँ मैं सब देखा। भयउँ भ्रमित मन मोह बिसेषा।।

ubhaya gharī maha~ maiṃ saba dekhā। bhayau~ bhramita mana moha biseṣā॥

देखि कृपाल बिकल मोहि बिहँसे तब रघुबीर।

dekhi kṛpāla bikala mohi biha~se taba raghubīra।

बिहँसतहीं मुख बाहेर आयउँ सुनु मतिधीर।।82(क)।।

biha~satahīṃ mukha bāhera āyau~ sunu matidhīra॥82(ka)॥

सोइ लरिकाई मो सन करन लगे पुनि राम।

soi larikāī mo sana karana lage puni rāma।

कोटि भाँति समुझावउँ मनु न लहइ बिश्राम।।82(ख)।।

koṭi bhā~ti samujhāvau~ manu na lahai biśrāma॥82(kha)॥

देखि चरित यह सो प्रभुताई। समुझत देह दसा बिसराई।।

dekhi carita yaha so prabhutāī। samujhata deha dasā bisarāī॥

धरनि परेउँ मुख आव न बाता। त्राहि त्राहि आरत जन त्राता।।

dharani pareu~ mukha āva na bātā। trāhi trāhi ārata jana trātā॥

प्रेमाकुल प्रभु मोहि बिलोकी। निज माया प्रभुता तब रोकी।।

premākula prabhu mohi bilokī। nija māyā prabhutā taba rokī॥

कर सरोज प्रभु मम सिर धरेऊ। दीनदयाल सकल दुख हरेऊ।।

kara saroja prabhu mama sira dhareū। dīnadayāla sakala dukha hareū॥

कीन्ह राम मोहि बिगत बिमोहा। सेवक सुखद कृपा संदोहा।।

kīnha rāma mohi bigata bimohā। sevaka sukhada kṛpā saṃdohā॥

प्रभुता प्रथम बिचारि बिचारी। मन महँ होइ हरष अति भारी।।

prabhutā prathama bicāri bicārī। mana maha~ hoi haraṣa ati bhārī॥

भगत बछलता प्रभु कै देखी। उपजी मम उर प्रीति बिसेषी।।

bhagata bachalatā prabhu kai dekhī। upajī mama ura prīti biseṣī॥

सजल नयन पुलकित कर जोरी। कीन्हिउँ बहु बिधि बिनय बहोरी।।

sajala nayana pulakita kara jorī। kīnhiu~ bahu bidhi binaya bahorī॥

सुनि सप्रेम मम बानी देखि दीन निज दास।

suni saprema mama bānī dekhi dīna nija dāsa।

बचन सुखद गंभीर मृदु बोले रमानिवास।।83(क)।।

bacana sukhada gaṃbhīra mṛdu bole ramānivāsa॥83(ka)॥

काकभसुंडि मागु बर अति प्रसन्न मोहि जानि।

kākabhasuṃḍi māgu bara ati prasanna mohi jāni।

अनिमादिक सिधि अपर रिधि मोच्छ सकल सुख खानि।।83(ख)।।

animādika sidhi apara ridhi moccha sakala sukha khāni॥83(kha)॥

ग्यान बिबेक बिरति बिग्याना। मुनि दुर्लभ गुन जे जग नाना।।

gyāna bibeka birati bigyānā। muni durlabha guna je jaga nānā॥

आजु देउँ सब संसय नाहीं। मागु जो तोहि भाव मन माहीं।।

āju deu~ saba saṃsaya nāhīṃ। māgu jo tohi bhāva mana māhīṃ॥

सुनि प्रभु बचन अधिक अनुरागेउँ। मन अनुमान करन तब लागेऊँ।।

suni prabhu bacana adhika anurāgeu~। mana anumāna karana taba lāgeū~॥

प्रभु कह देन सकल सुख सही। भगति आपनी देन न कही।।

prabhu kaha dena sakala sukha sahī। bhagati āpanī dena na kahī॥

भगति हीन गुन सब सुख ऐसे। लवन बिना बहु बिंजन जैसे।।

bhagati hīna guna saba sukha aise। lavana binā bahu biṃjana jaise॥

भजन हीन सुख कवने काजा। अस बिचारि बोलेउँ खगराजा।।

bhajana hīna sukha kavane kājā। asa bicāri boleu~ khagarājā॥

जौं प्रभु होइ प्रसन्न बर देहू। मो पर करहु कृपा अरु नेहू।।

jauṃ prabhu hoi prasanna bara dehū। mo para karahu kṛpā aru nehū॥

मन भावत बर मागउँ स्वामी। तुम्ह उदार उर अंतरजामी।।

mana bhāvata bara māgau~ svāmī। tumha udāra ura aṃtarajāmī॥

अबिरल भगति बिसुध्द तव श्रुति पुरान जो गाव।

abirala bhagati bisudhda tava śruti purāna jo gāva।

जेहि खोजत जोगीस मुनि प्रभु प्रसाद कोउ पाव।।84(क)।।

jehi khojata jogīsa muni prabhu prasāda kou pāva॥84(ka)॥

भगत कल्पतरु प्रनत हित कृपा सिंधु सुख धाम।

bhagata kalpataru pranata hita kṛpā siṃdhu sukha dhāma।

सोइ निज भगति मोहि प्रभु देहु दया करि राम।।84(ख)।।

soi nija bhagati mohi prabhu dehu dayā kari rāma॥84(kha)॥

एवमस्तु कहि रघुकुलनायक। बोले बचन परम सुखदायक।।

evamastu kahi raghukulanāyaka। bole bacana parama sukhadāyaka॥

सुनु बायस तैं सहज सयाना। काहे न मागसि अस बरदाना।।

sunu bāyasa taiṃ sahaja sayānā। kāhe na māgasi asa baradānā॥

सब सुख खानि भगति तैं मागी। नहिं जग कोउ तोहि सम बड़भागी।।

saba sukha khāni bhagati taiṃ māgī। nahiṃ jaga kou tohi sama bar̤abhāgī॥

जो मुनि कोटि जतन नहिं लहहीं। जे जप जोग अनल तन दहहीं।।

jo muni koṭi jatana nahiṃ lahahīṃ। je japa joga anala tana dahahīṃ॥

रीझेउँ देखि तोरि चतुराई। मागेहु भगति मोहि अति भाई।।

rījheu~ dekhi tori caturāī। māgehu bhagati mohi ati bhāī॥

सुनु बिहंग प्रसाद अब मोरें। सब सुभ गुन बसिहहिं उर तोरें।।

sunu bihaṃga prasāda aba moreṃ। saba subha guna basihahiṃ ura toreṃ॥

भगति ग्यान बिग्यान बिरागा। जोग चरित्र रहस्य बिभागा।।

bhagati gyāna bigyāna birāgā। joga caritra rahasya bibhāgā॥

जानब तैं सबही कर भेदा। मम प्रसाद नहिं साधन खेदा।।

jānaba taiṃ sabahī kara bhedā। mama prasāda nahiṃ sādhana khedā॥

माया संभव भ्रम सब अब न ब्यापिहहिं तोहि।

māyā saṃbhava bhrama saba aba na byāpihahiṃ tohi।

जानेसु ब्रह्म अनादि अज अगुन गुनाकर मोहि।।85(क)।।

jānesu brahma anādi aja aguna gunākara mohi॥85(ka)॥

मोहि भगत प्रिय संतत अस बिचारि सुनु काग।

mohi bhagata priya saṃtata asa bicāri sunu kāga।

कायँ बचन मन मम पद करेसु अचल अनुराग।।85(ख)।।

kāya~ bacana mana mama pada karesu acala anurāga॥85(kha)॥

अब सुनु परम बिमल मम बानी। सत्य सुगम निगमादि बखानी।।

aba sunu parama bimala mama bānī। satya sugama nigamādi bakhānī॥

निज सिद्धांत सुनावउँ तोही। सुनु मन धरु सब तजि भजु मोही।।

nija siddhāṃta sunāvau~ tohī। sunu mana dharu saba taji bhaju mohī॥

मम माया संभव संसारा। जीव चराचर बिबिधि प्रकारा।।

mama māyā saṃbhava saṃsārā। jīva carācara bibidhi prakārā॥

सब मम प्रिय सब मम उपजाए। सब ते अधिक मनुज मोहि भाए।।

saba mama priya saba mama upajāe। saba te adhika manuja mohi bhāe॥

तिन्ह महँ द्विज द्विज महँ श्रुतिधारी। तिन्ह महुँ निगम धरम अनुसारी।।

tinha maha~ dvija dvija maha~ śrutidhārī। tinha mahu~ nigama dharama anusārī॥

तिन्ह महँ प्रिय बिरक्त पुनि ग्यानी। ग्यानिहु ते अति प्रिय बिग्यानी।।

tinha maha~ priya birakta puni gyānī। gyānihu te ati priya bigyānī॥

तिन्ह ते पुनि मोहि प्रिय निज दासा। जेहि गति मोरि न दूसरि आसा।।

tinha te puni mohi priya nija dāsā। jehi gati mori na dūsari āsā॥

पुनि पुनि सत्य कहउँ तोहि पाहीं। मोहि सेवक सम प्रिय कोउ नाहीं।।

puni puni satya kahau~ tohi pāhīṃ। mohi sevaka sama priya kou nāhīṃ॥

भगति हीन बिरंचि किन होई। सब जीवहु सम प्रिय मोहि सोई।।

bhagati hīna biraṃci kina hoī। saba jīvahu sama priya mohi soī॥

भगतिवंत अति नीचउ प्रानी। मोहि प्रानप्रिय असि मम बानी।।

bhagativaṃta ati nīcau prānī। mohi prānapriya asi mama bānī॥

सुचि सुसील सेवक सुमति प्रिय कहु काहि न लाग।

suci susīla sevaka sumati priya kahu kāhi na lāga।

श्रुति पुरान कह नीति असि सावधान सुनु काग।।86।।

śruti purāna kaha nīti asi sāvadhāna sunu kāga॥86॥

एक पिता के बिपुल कुमारा। होहिं पृथक गुन सील अचारा।।

eka pitā ke bipula kumārā। hohiṃ pṛthaka guna sīla acārā॥

कोउ पंडिंत कोउ तापस ग्याता। कोउ धनवंत सूर कोउ दाता।।

kou paṃḍiṃta kou tāpasa gyātā। kou dhanavaṃta sūra kou dātā॥

कोउ सर्बग्य धर्मरत कोई। सब पर पितहि प्रीति सम होई।।

kou sarbagya dharmarata koī। saba para pitahi prīti sama hoī॥

कोउ पितु भगत बचन मन कर्मा। सपनेहुँ जान न दूसर धर्मा।।

kou pitu bhagata bacana mana karmā। sapanehu~ jāna na dūsara dharmā॥

सो सुत प्रिय पितु प्रान समाना। जद्यपि सो सब भाँति अयाना।।

so suta priya pitu prāna samānā। jadyapi so saba bhā~ti ayānā॥

एहि बिधि जीव चराचर जेते। त्रिजग देव नर असुर समेते।।

ehi bidhi jīva carācara jete। trijaga deva nara asura samete॥

अखिल बिस्व यह मोर उपाया। सब पर मोहि बराबरि दाया।।

akhila bisva yaha mora upāyā। saba para mohi barābari dāyā॥

तिन्ह महँ जो परिहरि मद माया। भजै मोहि मन बच अरू काया।।

tinha maha~ jo parihari mada māyā। bhajai mohi mana baca arū kāyā॥

पुरूष नपुंसक नारि वा जीव चराचर कोइ।

purūṣa napuṃsaka nāri vā jīva carācara koi।

सर्ब भाव भज कपट तजि मोहि परम प्रिय सोइ।।87(क)।।

sarba bhāva bhaja kapaṭa taji mohi parama priya soi॥87(ka)॥

सत्य कहउँ खग तोहि सुचि सेवक मम प्रानप्रिय।

satya kahau~ khaga tohi suci sevaka mama prānapriya।

अस बिचारि भजु मोहि परिहरि आस भरोस सब।।87(ख)।।

asa bicāri bhaju mohi parihari āsa bharosa saba॥87(kha)॥

कबहूँ काल न ब्यापिहि तोही। सुमिरेसु भजेसु निरंतर मोही।।

kabahū~ kāla na byāpihi tohī। sumiresu bhajesu niraṃtara mohī॥

प्रभु बचनामृत सुनि न अघाऊँ। तनु पुलकित मन अति हरषाऊँ।।

prabhu bacanāmṛta suni na aghāū~। tanu pulakita mana ati haraṣāū~॥

सो सुख जानइ मन अरु काना। नहिं रसना पहिं जाइ बखाना।।

so sukha jānai mana aru kānā। nahiṃ rasanā pahiṃ jāi bakhānā॥

प्रभु सोभा सुख जानहिं नयना। कहि किमि सकहिं तिन्हहि नहिं बयना।।

prabhu sobhā sukha jānahiṃ nayanā। kahi kimi sakahiṃ tinhahi nahiṃ bayanā॥

बहु बिधि मोहि प्रबोधि सुख देई। लगे करन सिसु कौतुक तेई।।

bahu bidhi mohi prabodhi sukha deī। lage karana sisu kautuka teī॥

सजल नयन कछु मुख करि रूखा। चितइ मातु लागी अति भूखा।।

sajala nayana kachu mukha kari rūkhā। citai mātu lāgī ati bhūkhā॥

देखि मातु आतुर उठि धाई। कहि मृदु बचन लिए उर लाई।।

dekhi mātu ātura uṭhi dhāī। kahi mṛdu bacana lie ura lāī॥

गोद राखि कराव पय पाना। रघुपति चरित ललित कर गाना।।

goda rākhi karāva paya pānā। raghupati carita lalita kara gānā॥

जेहि सुख लागि पुरारि असुभ बेष कृत सिव सुखद।

jehi sukha lāgi purāri asubha beṣa kṛta siva sukhada।

अवधपुरी नर नारि तेहि सुख महुँ संतत मगन।।88(क)।।

avadhapurī nara nāri tehi sukha mahu~ saṃtata magana॥88(ka)॥

सोइ सुख लवलेस जिन्ह बारक सपनेहुँ लहेउ।

soi sukha lavalesa jinha bāraka sapanehu~ laheu।

ते नहिं गनहिं खगेस ब्रह्मसुखहि सज्जन सुमति।।88(ख)।।

te nahiṃ ganahiṃ khagesa brahmasukhahi sajjana sumati॥88(kha)॥

मैं पुनि अवध रहेउँ कछु काला। देखेउँ बालबिनोद रसाला।।

maiṃ puni avadha raheu~ kachu kālā। dekheu~ bālabinoda rasālā॥

राम प्रसाद भगति बर पायउँ। प्रभु पद बंदि निजाश्रम आयउँ।।

rāma prasāda bhagati bara pāyau~। prabhu pada baṃdi nijāśrama āyau~॥

तब ते मोहि न ब्यापी माया। जब ते रघुनायक अपनाया।।

taba te mohi na byāpī māyā। jaba te raghunāyaka apanāyā॥

यह सब गुप्त चरित मैं गावा। हरि मायाँ जिमि मोहि नचावा।।

yaha saba gupta carita maiṃ gāvā। hari māyā~ jimi mohi nacāvā॥

निज अनुभव अब कहउँ खगेसा। बिनु हरि भजन न जाहि कलेसा।।

nija anubhava aba kahau~ khagesā। binu hari bhajana na jāhi kalesā॥

राम कृपा बिनु सुनु खगराई। जानि न जाइ राम प्रभुताई।।

rāma kṛpā binu sunu khagarāī। jāni na jāi rāma prabhutāī॥

जानें बिनु न होइ परतीती। बिनु परतीति होइ नहिं प्रीती।।

jāneṃ binu na hoi paratītī। binu paratīti hoi nahiṃ prītī॥

प्रीति बिना नहिं भगति दिढ़ाई। जिमि खगपति जल कै चिकनाई।।

prīti binā nahiṃ bhagati dir̤hāī। jimi khagapati jala kai cikanāī॥

बिनु गुर होइ कि ग्यान ग्यान कि होइ बिराग बिनु।

binu gura hoi ki gyāna gyāna ki hoi birāga binu।

गावहिं बेद पुरान सुख कि लहिअ हरि भगति बिनु।।89(क)।।

gāvahiṃ beda purāna sukha ki lahia hari bhagati binu॥89(ka)॥

कोउ बिश्राम कि पाव तात सहज संतोष बिनु।

kou biśrāma ki pāva tāta sahaja saṃtoṣa binu।

चलै कि जल बिनु नाव कोटि जतन पचि पचि मरिअ।।89(ख)।।

calai ki jala binu nāva koṭi jatana paci paci maria॥89(kha)॥

बिनु संतोष न काम नसाहीं। काम अछत सुख सपनेहुँ नाहीं।।

binu saṃtoṣa na kāma nasāhīṃ। kāma achata sukha sapanehu~ nāhīṃ॥

राम भजन बिनु मिटहिं कि कामा। थल बिहीन तरु कबहुँ कि जामा।।

rāma bhajana binu miṭahiṃ ki kāmā। thala bihīna taru kabahu~ ki jāmā॥

बिनु बिग्यान कि समता आवइ। कोउ अवकास कि नभ बिनु पावइ।।

binu bigyāna ki samatā āvai। kou avakāsa ki nabha binu pāvai॥

श्रद्धा बिना धर्म नहिं होई। बिनु महि गंध कि पावइ कोई।।

śraddhā binā dharma nahiṃ hoī। binu mahi gaṃdha ki pāvai koī॥

बिनु तप तेज कि कर बिस्तारा। जल बिनु रस कि होइ संसारा।।

binu tapa teja ki kara bistārā। jala binu rasa ki hoi saṃsārā॥

सील कि मिल बिनु बुध सेवकाई। जिमि बिनु तेज न रूप गोसाई।।

sīla ki mila binu budha sevakāī। jimi binu teja na rūpa gosāī॥

निज सुख बिनु मन होइ कि थीरा। परस कि होइ बिहीन समीरा।।

nija sukha binu mana hoi ki thīrā। parasa ki hoi bihīna samīrā॥

कवनिउ सिद्धि कि बिनु बिस्वासा। बिनु हरि भजन न भव भय नासा।।

kavaniu siddhi ki binu bisvāsā। binu hari bhajana na bhava bhaya nāsā॥

बिनु बिस्वास भगति नहिं तेहि बिनु द्रवहिं न रामु।

binu bisvāsa bhagati nahiṃ tehi binu dravahiṃ na rāmu।

राम कृपा बिनु सपनेहुँ जीव न लह बिश्रामु।।90(क)।।

rāma kṛpā binu sapanehu~ jīva na laha biśrāmu॥90(ka)॥

अस बिचारि मतिधीर तजि कुतर्क संसय सकल।

asa bicāri matidhīra taji kutarka saṃsaya sakala।

भजहु राम रघुबीर करुनाकर सुंदर सुखद।।90(ख)।।

bhajahu rāma raghubīra karunākara suṃdara sukhada॥90(kha)॥

निज मति सरिस नाथ मैं गाई। प्रभु प्रताप महिमा खगराई।।

nija mati sarisa nātha maiṃ gāī। prabhu pratāpa mahimā khagarāī॥

कहेउँ न कछु करि जुगुति बिसेषी। यह सब मैं निज नयनन्हि देखी।।

kaheu~ na kachu kari juguti biseṣī। yaha saba maiṃ nija nayananhi dekhī॥

महिमा नाम रूप गुन गाथा। सकल अमित अनंत रघुनाथा।।

mahimā nāma rūpa guna gāthā। sakala amita anaṃta raghunāthā॥

निज निज मति मुनि हरि गुन गावहिं। निगम सेष सिव पार न पावहिं।।

nija nija mati muni hari guna gāvahiṃ। nigama seṣa siva pāra na pāvahiṃ॥

तुम्हहि आदि खग मसक प्रजंता। नभ उड़ाहिं नहिं पावहिं अंता।।

tumhahi ādi khaga masaka prajaṃtā। nabha ur̤āhiṃ nahiṃ pāvahiṃ aṃtā॥

तिमि रघुपति महिमा अवगाहा। तात कबहुँ कोउ पाव कि थाहा।।

timi raghupati mahimā avagāhā। tāta kabahu~ kou pāva ki thāhā॥

रामु काम सत कोटि सुभग तन। दुर्गा कोटि अमित अरि मर्दन।।

rāmu kāma sata koṭi subhaga tana। durgā koṭi amita ari mardana॥

सक्र कोटि सत सरिस बिलासा। नभ सत कोटि अमित अवकासा।।

sakra koṭi sata sarisa bilāsā। nabha sata koṭi amita avakāsā॥

मरुत कोटि सत बिपुल बल रबि सत कोटि प्रकास।

maruta koṭi sata bipula bala rabi sata koṭi prakāsa।

ससि सत कोटि सुसीतल समन सकल भव त्रास।।91(क)।।

sasi sata koṭi susītala samana sakala bhava trāsa॥91(ka)॥

काल कोटि सत सरिस अति दुस्तर दुर्ग दुरंत।

kāla koṭi sata sarisa ati dustara durga duraṃta।

धूमकेतु सत कोटि सम दुराधरष भगवंत।।91(ख)।।

dhūmaketu sata koṭi sama durādharaṣa bhagavaṃta॥91(kha)॥

प्रभु अगाध सत कोटि पताला। समन कोटि सत सरिस कराला।।

prabhu agādha sata koṭi patālā। samana koṭi sata sarisa karālā॥

तीरथ अमित कोटि सम पावन। नाम अखिल अघ पूग नसावन।।

tīratha amita koṭi sama pāvana। nāma akhila agha pūga nasāvana॥

हिमगिरि कोटि अचल रघुबीरा। सिंधु कोटि सत सम गंभीरा।।

himagiri koṭi acala raghubīrā। siṃdhu koṭi sata sama gaṃbhīrā॥

कामधेनु सत कोटि समाना। सकल काम दायक भगवाना।।

kāmadhenu sata koṭi samānā। sakala kāma dāyaka bhagavānā॥

सारद कोटि अमित चतुराई। बिधि सत कोटि सृष्टि निपुनाई।।

sārada koṭi amita caturāī। bidhi sata koṭi sṛṣṭi nipunāī॥

बिष्नु कोटि सम पालन कर्ता। रुद्र कोटि सत सम संहर्ता।।

biṣnu koṭi sama pālana kartā। rudra koṭi sata sama saṃhartā॥

धनद कोटि सत सम धनवाना। माया कोटि प्रपंच निधाना।।

dhanada koṭi sata sama dhanavānā। māyā koṭi prapaṃca nidhānā॥

भार धरन सत कोटि अहीसा। निरवधि निरुपम प्रभु जगदीसा।।

bhāra dharana sata koṭi ahīsā। niravadhi nirupama prabhu jagadīsā॥

निरुपम न उपमा आन राम समान रामु निगम कहै।

nirupama na upamā āna rāma samāna rāmu nigama kahai।

जिमि कोटि सत खद्योत सम रबि कहत अति लघुता लहै।।

jimi koṭi sata khadyota sama rabi kahata ati laghutā lahai॥

एहि भाँति निज निज मति बिलास मुनिस हरिहि बखानहीं।

ehi bhā~ti nija nija mati bilāsa munisa harihi bakhānahīṃ।

प्रभु भाव गाहक अति कृपाल सप्रेम सुनि सुख मानहीं।।

prabhu bhāva gāhaka ati kṛpāla saprema suni sukha mānahīṃ॥

रामु अमित गुन सागर थाह कि पावइ कोइ।

rāmu amita guna sāgara thāha ki pāvai koi।

संतन्ह सन जस किछु सुनेउँ तुम्हहि सुनायउँ सोइ।।92(क)।।

saṃtanha sana jasa kichu suneu~ tumhahi sunāyau~ soi॥92(ka)॥

भाव बस्य भगवान सुख निधान करुना भवन।

bhāva basya bhagavāna sukha nidhāna karunā bhavana।

तजि ममता मद मान भजिअ सदा सीता रवन।।92(ख)।।

taji mamatā mada māna bhajia sadā sītā ravana॥92(kha)॥

सुनि भुसुंडि के बचन सुहाए। हरषित खगपति पंख फुलाए।।

suni bhusuṃḍi ke bacana suhāe। haraṣita khagapati paṃkha phulāe॥

नयन नीर मन अति हरषाना। श्रीरघुपति प्रताप उर आना।।

nayana nīra mana ati haraṣānā। śrīraghupati pratāpa ura ānā॥

पाछिल मोह समुझि पछिताना। ब्रह्म अनादि मनुज करि माना।।

pāchila moha samujhi pachitānā। brahma anādi manuja kari mānā॥

पुनि पुनि काग चरन सिरु नावा। जानि राम सम प्रेम बढ़ावा।।

puni puni kāga carana siru nāvā। jāni rāma sama prema bar̤hāvā॥

गुर बिनु भव निधि तरइ न कोई। जौं बिरंचि संकर सम होई।।

gura binu bhava nidhi tarai na koī। jauṃ biraṃci saṃkara sama hoī॥

संसय सर्प ग्रसेउ मोहि ताता। दुखद लहरि कुतर्क बहु ब्राता।।

saṃsaya sarpa graseu mohi tātā। dukhada lahari kutarka bahu brātā॥

तव सरूप गारुड़ि रघुनायक। मोहि जिआयउ जन सुखदायक।।

tava sarūpa gārur̤i raghunāyaka। mohi jiāyau jana sukhadāyaka॥

तव प्रसाद मम मोह नसाना। राम रहस्य अनूपम जाना।।

tava prasāda mama moha nasānā। rāma rahasya anūpama jānā॥

ताहि प्रसंसि बिबिध बिधि सीस नाइ कर जोरि।

tāhi prasaṃsi bibidha bidhi sīsa nāi kara jori।

बचन बिनीत सप्रेम मृदु बोलेउ गरुड़ बहोरि।।93(क)।।

bacana binīta saprema mṛdu boleu garur̤a bahori॥93(ka)॥

प्रभु अपने अबिबेक ते बूझउँ स्वामी तोहि।

prabhu apane abibeka te būjhau~ svāmī tohi।

कृपासिंधु सादर कहहु जानि दास निज मोहि।।93(ख)।।

kṛpāsiṃdhu sādara kahahu jāni dāsa nija mohi॥93(kha)॥

तुम्ह सर्बग्य तन्य तम पारा। सुमति सुसील सरल आचारा।।

tumha sarbagya tanya tama pārā। sumati susīla sarala ācārā॥

ग्यान बिरति बिग्यान निवासा। रघुनायक के तुम्ह प्रिय दासा।।

gyāna birati bigyāna nivāsā। raghunāyaka ke tumha priya dāsā॥

कारन कवन देह यह पाई। तात सकल मोहि कहहु बुझाई।।

kārana kavana deha yaha pāī। tāta sakala mohi kahahu bujhāī॥

राम चरित सर सुंदर स्वामी। पायहु कहाँ कहहु नभगामी।।

rāma carita sara suṃdara svāmī। pāyahu kahā~ kahahu nabhagāmī॥

नाथ सुना मैं अस सिव पाहीं। महा प्रलयहुँ नास तव नाहीं।।

nātha sunā maiṃ asa siva pāhīṃ। mahā pralayahu~ nāsa tava nāhīṃ॥

मुधा बचन नहिं ईस्वर कहई। सोउ मोरें मन संसय अहई।।

mudhā bacana nahiṃ īsvara kahaī। sou moreṃ mana saṃsaya ahaī॥

अग जग जीव नाग नर देवा। नाथ सकल जगु काल कलेवा।।

aga jaga jīva nāga nara devā। nātha sakala jagu kāla kalevā॥

अंड कटाह अमित लय कारी। कालु सदा दुरतिक्रम भारी।।

aṃḍa kaṭāha amita laya kārī। kālu sadā duratikrama bhārī॥

तुम्हहि न ब्यापत काल अति कराल कारन कवन।

tumhahi na byāpata kāla ati karāla kārana kavana।

मोहि सो कहहु कृपाल ग्यान प्रभाव कि जोग बल।।94(क)।।

mohi so kahahu kṛpāla gyāna prabhāva ki joga bala॥94(ka)॥

प्रभु तव आश्रम आएँ मोर मोह भ्रम भाग।

prabhu tava āśrama āe~ mora moha bhrama bhāga।

कारन कवन सो नाथ सब कहहु सहित अनुराग।।94(ख)।।

kārana kavana so nātha saba kahahu sahita anurāga॥94(kha)॥

गरुड़ गिरा सुनि हरषेउ कागा। बोलेउ उमा परम अनुरागा।।

garur̤a girā suni haraṣeu kāgā। boleu umā parama anurāgā॥

धन्य धन्य तव मति उरगारी। प्रस्न तुम्हारि मोहि अति प्यारी।।

dhanya dhanya tava mati uragārī। prasna tumhāri mohi ati pyārī॥

सुनि तव प्रस्न सप्रेम सुहाई। बहुत जनम कै सुधि मोहि आई।।

suni tava prasna saprema suhāī। bahuta janama kai sudhi mohi āī॥

सब निज कथा कहउँ मैं गाई। तात सुनहु सादर मन लाई।।

saba nija kathā kahau~ maiṃ gāī। tāta sunahu sādara mana lāī॥

जप तप मख सम दम ब्रत दाना। बिरति बिबेक जोग बिग्याना।।

japa tapa makha sama dama brata dānā। birati bibeka joga bigyānā॥

सब कर फल रघुपति पद प्रेमा। तेहि बिनु कोउ न पावइ छेमा।।

saba kara phala raghupati pada premā। tehi binu kou na pāvai chemā॥

एहि तन राम भगति मैं पाई। ताते मोहि ममता अधिकाई।।

ehi tana rāma bhagati maiṃ pāī। tāte mohi mamatā adhikāī॥

जेहि तें कछु निज स्वारथ होई। तेहि पर ममता कर सब कोई।।

jehi teṃ kachu nija svāratha hoī। tehi para mamatā kara saba koī॥

पन्नगारि असि नीति श्रुति संमत सज्जन कहहिं।

pannagāri asi nīti śruti saṃmata sajjana kahahiṃ।

अति नीचहु सन प्रीति करिअ जानि निज परम हित।।95(क)।।

ati nīcahu sana prīti karia jāni nija parama hita॥95(ka)॥

पाट कीट तें होइ तेहि तें पाटंबर रुचिर।

pāṭa kīṭa teṃ hoi tehi teṃ pāṭaṃbara rucira।

कृमि पालइ सबु कोइ परम अपावन प्रान सम।।95(ख)।।

kṛmi pālai sabu koi parama apāvana prāna sama॥95(kha)॥

स्वारथ साँच जीव कहुँ एहा। मन क्रम बचन राम पद नेहा।।

svāratha sā~ca jīva kahu~ ehā। mana krama bacana rāma pada nehā॥

सोइ पावन सोइ सुभग सरीरा। जो तनु पाइ भजिअ रघुबीरा।।

soi pāvana soi subhaga sarīrā। jo tanu pāi bhajia raghubīrā॥

राम बिमुख लहि बिधि सम देही। कबि कोबिद न प्रसंसहिं तेही।।

rāma bimukha lahi bidhi sama dehī। kabi kobida na prasaṃsahiṃ tehī॥

राम भगति एहिं तन उर जामी। ताते मोहि परम प्रिय स्वामी।।

rāma bhagati ehiṃ tana ura jāmī। tāte mohi parama priya svāmī॥

तजउँ न तन निज इच्छा मरना। तन बिनु बेद भजन नहिं बरना।।

tajau~ na tana nija icchā maranā। tana binu beda bhajana nahiṃ baranā॥

प्रथम मोहँ मोहि बहुत बिगोवा। राम बिमुख सुख कबहुँ न सोवा।।

prathama moha~ mohi bahuta bigovā। rāma bimukha sukha kabahu~ na sovā॥

नाना जनम कर्म पुनि नाना। किए जोग जप तप मख दाना।।

nānā janama karma puni nānā। kie joga japa tapa makha dānā॥

कवन जोनि जनमेउँ जहँ नाहीं। मैं खगेस भ्रमि भ्रमि जग माहीं।।

kavana joni janameu~ jaha~ nāhīṃ। maiṃ khagesa bhrami bhrami jaga māhīṃ॥

देखेउँ करि सब करम गोसाई। सुखी न भयउँ अबहिं की नाई।।

dekheu~ kari saba karama gosāī। sukhī na bhayau~ abahiṃ kī nāī॥

सुधि मोहि नाथ जन्म बहु केरी। सिव प्रसाद मति मोहँ न घेरी।।

sudhi mohi nātha janma bahu kerī। siva prasāda mati moha~ na gherī॥

प्रथम जन्म के चरित अब कहउँ सुनहु बिहगेस।

prathama janma ke carita aba kahau~ sunahu bihagesa।

सुनि प्रभु पद रति उपजइ जातें मिटहिं कलेस।।96(क)।।

suni prabhu pada rati upajai jāteṃ miṭahiṃ kalesa॥96(ka)॥

पूरुब कल्प एक प्रभु जुग कलिजुग मल मूल।।

pūruba kalpa eka prabhu juga kalijuga mala mūla॥

नर अरु नारि अधर्म रत सकल निगम प्रतिकूल।।96(ख)।।

nara aru nāri adharma rata sakala nigama pratikūla॥96(kha)॥

तेहि कलिजुग कोसलपुर जाई। जन्मत भयउँ सूद्र तनु पाई।।

tehi kalijuga kosalapura jāī। janmata bhayau~ sūdra tanu pāī॥

सिव सेवक मन क्रम अरु बानी। आन देव निंदक अभिमानी।।

siva sevaka mana krama aru bānī। āna deva niṃdaka abhimānī॥

धन मद मत्त परम बाचाला। उग्रबुद्धि उर दंभ बिसाला।।

dhana mada matta parama bācālā। ugrabuddhi ura daṃbha bisālā॥

जदपि रहेउँ रघुपति रजधानी। तदपि न कछु महिमा तब जानी।।

jadapi raheu~ raghupati rajadhānī। tadapi na kachu mahimā taba jānī॥

अब जाना मैं अवध प्रभावा। निगमागम पुरान अस गावा।।

aba jānā maiṃ avadha prabhāvā। nigamāgama purāna asa gāvā॥

कवनेहुँ जन्म अवध बस जोई। राम परायन सो परि होई।।

kavanehu~ janma avadha basa joī। rāma parāyana so pari hoī॥

अवध प्रभाव जान तब प्रानी। जब उर बसहिं रामु धनुपानी।।

avadha prabhāva jāna taba prānī। jaba ura basahiṃ rāmu dhanupānī॥

सो कलिकाल कठिन उरगारी। पाप परायन सब नर नारी।।

so kalikāla kaṭhina uragārī। pāpa parāyana saba nara nārī॥

कलिमल ग्रसे धर्म सब लुप्त भए सदग्रंथ।

kalimala grase dharma saba lupta bhae sadagraṃtha।

दंभिन्ह निज मति कल्पि करि प्रगट किए बहु पंथ।।97(क)।।

daṃbhinha nija mati kalpi kari pragaṭa kie bahu paṃtha॥97(ka)॥

भए लोग सब मोहबस लोभ ग्रसे सुभ कर्म।

bhae loga saba mohabasa lobha grase subha karma।

सुनु हरिजान ग्यान निधि कहउँ कछुक कलिधर्म।।97(ख)।।

sunu harijāna gyāna nidhi kahau~ kachuka kalidharma॥97(kha)॥

बरन धर्म नहिं आश्रम चारी। श्रुति बिरोध रत सब नर नारी।।

barana dharma nahiṃ āśrama cārī। śruti birodha rata saba nara nārī॥

द्विज श्रुति बेचक भूप प्रजासन। कोउ नहिं मान निगम अनुसासन।।

dvija śruti becaka bhūpa prajāsana। kou nahiṃ māna nigama anusāsana॥

मारग सोइ जा कहुँ जोइ भावा। पंडित सोइ जो गाल बजावा।।

māraga soi jā kahu~ joi bhāvā। paṃḍita soi jo gāla bajāvā॥

मिथ्यारंभ दंभ रत जोई। ता कहुँ संत कहइ सब कोई।।

mithyāraṃbha daṃbha rata joī। tā kahu~ saṃta kahai saba koī॥

सोइ सयान जो परधन हारी। जो कर दंभ सो बड़ आचारी।।

soi sayāna jo paradhana hārī। jo kara daṃbha so bar̤a ācārī॥

जौ कह झूँठ मसखरी जाना। कलिजुग सोइ गुनवंत बखाना।।

jau kaha jhū~ṭha masakharī jānā। kalijuga soi gunavaṃta bakhānā॥

निराचार जो श्रुति पथ त्यागी। कलिजुग सोइ ग्यानी सो बिरागी।।

nirācāra jo śruti patha tyāgī। kalijuga soi gyānī so birāgī॥

जाकें नख अरु जटा बिसाला। सोइ तापस प्रसिद्ध कलिकाला।।

jākeṃ nakha aru jaṭā bisālā। soi tāpasa prasiddha kalikālā॥

असुभ बेष भूषन धरें भच्छाभच्छ जे खाहिं।

asubha beṣa bhūṣana dhareṃ bhacchābhaccha je khāhiṃ।

तेइ जोगी तेइ सिद्ध नर पूज्य ते कलिजुग माहिं।।98(क)।।

tei jogī tei siddha nara pūjya te kalijuga māhiṃ॥98(ka)॥

जे अपकारी चार तिन्ह कर गौरव मान्य तेइ।

je apakārī cāra tinha kara gaurava mānya tei।

मन क्रम बचन लबार तेइ बकता कलिकाल महुँ।।98(ख)।।

mana krama bacana labāra tei bakatā kalikāla mahu~॥98(kha)॥

नारि बिबस नर सकल गोसाई। नाचहिं नट मर्कट की नाई।।

nāri bibasa nara sakala gosāī। nācahiṃ naṭa markaṭa kī nāī॥

सूद्र द्विजन्ह उपदेसहिं ग्याना। मेलि जनेऊ लेहिं कुदाना।।

sūdra dvijanha upadesahiṃ gyānā। meli janeū lehiṃ kudānā॥

सब नर काम लोभ रत क्रोधी। देव बिप्र श्रुति संत बिरोधी।।

saba nara kāma lobha rata krodhī। deva bipra śruti saṃta birodhī॥

गुन मंदिर सुंदर पति त्यागी। भजहिं नारि पर पुरुष अभागी।।

guna maṃdira suṃdara pati tyāgī। bhajahiṃ nāri para puruṣa abhāgī॥

सौभागिनीं बिभूषन हीना। बिधवन्ह के सिंगार नबीना।।

saubhāginīṃ bibhūṣana hīnā। bidhavanha ke siṃgāra nabīnā॥

गुर सिष बधिर अंध का लेखा। एक न सुनइ एक नहिं देखा।।

gura siṣa badhira aṃdha kā lekhā। eka na sunai eka nahiṃ dekhā॥

हरइ सिष्य धन सोक न हरई। सो गुर घोर नरक महुँ परई।।

harai siṣya dhana soka na haraī। so gura ghora naraka mahu~ paraī॥

मातु पिता बालकन्हि बोलाबहिं। उदर भरै सोइ धर्म सिखावहिं।।

mātu pitā bālakanhi bolābahiṃ। udara bharai soi dharma sikhāvahiṃ॥

ब्रह्म ग्यान बिनु नारि नर कहहिं न दूसरि बात।

brahma gyāna binu nāri nara kahahiṃ na dūsari bāta।

कौड़ी लागि लोभ बस करहिं बिप्र गुर घात।।99(क)।।

kaur̤ī lāgi lobha basa karahiṃ bipra gura ghāta॥99(ka)॥

बादहिं सूद्र द्विजन्ह सन हम तुम्ह ते कछु घाटि।

bādahiṃ sūdra dvijanha sana hama tumha te kachu ghāṭi।

जानइ ब्रह्म सो बिप्रबर आँखि देखावहिं डाटि।।99(ख)।।

jānai brahma so biprabara ā~khi dekhāvahiṃ ḍāṭi॥99(kha)॥

पर त्रिय लंपट कपट सयाने। मोह द्रोह ममता लपटाने।।

para triya laṃpaṭa kapaṭa sayāne। moha droha mamatā lapaṭāne॥

तेइ अभेदबादी ग्यानी नर। देखा में चरित्र कलिजुग कर।।

tei abhedabādī gyānī nara। dekhā meṃ caritra kalijuga kara॥

आपु गए अरु तिन्हहू घालहिं। जे कहुँ सत मारग प्रतिपालहिं।।

āpu gae aru tinhahū ghālahiṃ। je kahu~ sata māraga pratipālahiṃ॥

कल्प कल्प भरि एक एक नरका। परहिं जे दूषहिं श्रुति करि तरका।।

kalpa kalpa bhari eka eka narakā। parahiṃ je dūṣahiṃ śruti kari tarakā॥

जे बरनाधम तेलि कुम्हारा। स्वपच किरात कोल कलवारा।।

je baranādhama teli kumhārā। svapaca kirāta kola kalavārā॥

नारि मुई गृह संपति नासी। मूड़ मुड़ाइ होहिं सन्यासी।।

nāri muī gṛha saṃpati nāsī। mūr̤a mur̤āi hohiṃ sanyāsī॥

ते बिप्रन्ह सन आपु पुजावहिं। उभय लोक निज हाथ नसावहिं।।

te bipranha sana āpu pujāvahiṃ। ubhaya loka nija hātha nasāvahiṃ॥

बिप्र निरच्छर लोलुप कामी। निराचार सठ बृषली स्वामी।।

bipra niracchara lolupa kāmī। nirācāra saṭha bṛṣalī svāmī॥

सूद्र करहिं जप तप ब्रत नाना। बैठि बरासन कहहिं पुराना।।

sūdra karahiṃ japa tapa brata nānā। baiṭhi barāsana kahahiṃ purānā॥

सब नर कल्पित करहिं अचारा। जाइ न बरनि अनीति अपारा।।

saba nara kalpita karahiṃ acārā। jāi na barani anīti apārā॥

भए बरन संकर कलि भिन्नसेतु सब लोग।

bhae barana saṃkara kali bhinnasetu saba loga।

करहिं पाप पावहिं दुख भय रुज सोक बियोग।।100(क)।।

karahiṃ pāpa pāvahiṃ dukha bhaya ruja soka biyoga॥100(ka)॥

श्रुति संमत हरि भक्ति पथ संजुत बिरति बिबेक।

śruti saṃmata hari bhakti patha saṃjuta birati bibeka।

तेहि न चलहिं नर मोह बस कल्पहिं पंथ अनेक।।100(ख)।।

tehi na calahiṃ nara moha basa kalpahiṃ paṃtha aneka॥100(kha)॥

बहु दाम सँवारहिं धाम जती। बिषया हरि लीन्हि न रहि बिरती।।

bahu dāma sa~vārahiṃ dhāma jatī। biṣayā hari līnhi na rahi biratī॥

तपसी धनवंत दरिद्र गृही। कलि कौतुक तात न जात कही।।

tapasī dhanavaṃta daridra gṛhī। kali kautuka tāta na jāta kahī॥

कुलवंति निकारहिं नारि सती। गृह आनिहिं चेरी निबेरि गती।।

kulavaṃti nikārahiṃ nāri satī। gṛha ānihiṃ cerī niberi gatī॥

सुत मानहिं मातु पिता तब लौं। अबलानन दीख नहीं जब लौं।।

suta mānahiṃ mātu pitā taba lauṃ। abalānana dīkha nahīṃ jaba lauṃ॥

ससुरारि पिआरि लगी जब तें। रिपरूप कुटुंब भए तब तें।।

sasurāri piāri lagī jaba teṃ। riparūpa kuṭuṃba bhae taba teṃ॥

नृप पाप परायन धर्म नहीं। करि दंड बिडंब प्रजा नितहीं।।

nṛpa pāpa parāyana dharma nahīṃ। kari daṃḍa biḍaṃba prajā nitahīṃ॥

धनवंत कुलीन मलीन अपी। द्विज चिन्ह जनेउ उघार तपी।।

dhanavaṃta kulīna malīna apī। dvija cinha janeu ughāra tapī॥

नहिं मान पुरान न बेदहि जो। हरि सेवक संत सही कलि सो।।

nahiṃ māna purāna na bedahi jo। hari sevaka saṃta sahī kali so॥

कबि बृंद उदार दुनी न सुनी। गुन दूषक ब्रात न कोपि गुनी।।

kabi bṛṃda udāra dunī na sunī। guna dūṣaka brāta na kopi gunī॥

कलि बारहिं बार दुकाल परै। बिनु अन्न दुखी सब लोग मरै।।

kali bārahiṃ bāra dukāla parai। binu anna dukhī saba loga marai॥

सुनु खगेस कलि कपट हठ दंभ द्वेष पाषंड।

sunu khagesa kali kapaṭa haṭha daṃbha dveṣa pāṣaṃḍa।

मान मोह मारादि मद ब्यापि रहे ब्रह्मंड।।101(क)।।

māna moha mārādi mada byāpi rahe brahmaṃḍa॥101(ka)॥

तामस धर्म करहिं नर जप तप ब्रत मख दान।

tāmasa dharma karahiṃ nara japa tapa brata makha dāna।

देव न बरषहिं धरनीं बए न जामहिं धान।।101(ख)।।

deva na baraṣahiṃ dharanīṃ bae na jāmahiṃ dhāna॥101(kha)॥

अबला कच भूषन भूरि छुधा। धनहीन दुखी ममता बहुधा।।

abalā kaca bhūṣana bhūri chudhā। dhanahīna dukhī mamatā bahudhā॥

सुख चाहहिं मूढ़ न धर्म रता। मति थोरि कठोरि न कोमलता।।1।।

sukha cāhahiṃ mūr̤ha na dharma ratā। mati thori kaṭhori na komalatā॥1॥

नर पीड़ित रोग न भोग कहीं। अभिमान बिरोध अकारनहीं।।

nara pīr̤ita roga na bhoga kahīṃ। abhimāna birodha akāranahīṃ॥

लघु जीवन संबतु पंच दसा। कलपांत न नास गुमानु असा।।2।।

laghu jīvana saṃbatu paṃca dasā। kalapāṃta na nāsa gumānu asā॥2॥

कलिकाल बिहाल किए मनुजा। नहिं मानत क्वौ अनुजा तनुजा।

kalikāla bihāla kie manujā। nahiṃ mānata kvau anujā tanujā।

नहिं तोष बिचार न सीतलता। सब जाति कुजाति भए मगता।।3।।

nahiṃ toṣa bicāra na sītalatā। saba jāti kujāti bhae magatā॥3॥

इरिषा परुषाच्छर लोलुपता। भरि पूरि रही समता बिगता।।

iriṣā paruṣācchara lolupatā। bhari pūri rahī samatā bigatā॥

सब लोग बियोग बिसोक हुए। बरनाश्रम धर्म अचार गए।।4।।

saba loga biyoga bisoka hue। baranāśrama dharma acāra gae॥4॥

दम दान दया नहिं जानपनी। जड़ता परबंचनताति घनी।।

dama dāna dayā nahiṃ jānapanī। jar̤atā parabaṃcanatāti ghanī॥

तनु पोषक नारि नरा सगरे। परनिंदक जे जग मो बगरे।।5।।

tanu poṣaka nāri narā sagare। paraniṃdaka je jaga mo bagare॥5॥

सुनु ब्यालारि काल कलि मल अवगुन आगार।

sunu byālāri kāla kali mala avaguna āgāra।

गुनउँ बहुत कलिजुग कर बिनु प्रयास निस्तार।।102(क)।।

gunau~ bahuta kalijuga kara binu prayāsa nistāra॥102(ka)॥

कृतजुग त्रेता द्वापर पूजा मख अरु जोग।

kṛtajuga tretā dvāpara pūjā makha aru joga।

जो गति होइ सो कलि हरि नाम ते पावहिं लोग।।102(ख)।।

jo gati hoi so kali hari nāma te pāvahiṃ loga॥102(kha)॥

कृतजुग सब जोगी बिग्यानी। करि हरि ध्यान तरहिं भव प्रानी।।

kṛtajuga saba jogī bigyānī। kari hari dhyāna tarahiṃ bhava prānī॥

त्रेताँ बिबिध जग्य नर करहीं। प्रभुहि समर्पि कर्म भव तरहीं।।

tretā~ bibidha jagya nara karahīṃ। prabhuhi samarpi karma bhava tarahīṃ॥

द्वापर करि रघुपति पद पूजा। नर भव तरहिं उपाय न दूजा।।

dvāpara kari raghupati pada pūjā। nara bhava tarahiṃ upāya na dūjā॥

कलिजुग केवल हरि गुन गाहा। गावत नर पावहिं भव थाहा।।

kalijuga kevala hari guna gāhā। gāvata nara pāvahiṃ bhava thāhā॥

कलिजुग जोग न जग्य न ग्याना। एक अधार राम गुन गाना।।

kalijuga joga na jagya na gyānā। eka adhāra rāma guna gānā॥

सब भरोस तजि जो भज रामहि। प्रेम समेत गाव गुन ग्रामहि।।

saba bharosa taji jo bhaja rāmahi। prema sameta gāva guna grāmahi॥

सोइ भव तर कछु संसय नाहीं। नाम प्रताप प्रगट कलि माहीं।।

soi bhava tara kachu saṃsaya nāhīṃ। nāma pratāpa pragaṭa kali māhīṃ॥

कलि कर एक पुनीत प्रतापा। मानस पुन्य होहिं नहिं पापा।।

kali kara eka punīta pratāpā। mānasa punya hohiṃ nahiṃ pāpā॥

कलिजुग सम जुग आन नहिं जौं नर कर बिस्वास।

kalijuga sama juga āna nahiṃ jauṃ nara kara bisvāsa।

गाइ राम गुन गन बिमलँ भव तर बिनहिं प्रयास।।103(क)।।

gāi rāma guna gana bimala~ bhava tara binahiṃ prayāsa॥103(ka)॥

प्रगट चारि पद धर्म के कलिल महुँ एक प्रधान।

pragaṭa cāri pada dharma ke kalila mahu~ eka pradhāna।

जेन केन बिधि दीन्हें दान करइ कल्यान।।103(ख)।।

jena kena bidhi dīnheṃ dāna karai kalyāna॥103(kha)॥

नित जुग धर्म होहिं सब केरे। हृदयँ राम माया के प्रेरे।।

nita juga dharma hohiṃ saba kere। hṛdaya~ rāma māyā ke prere॥

सुद्ध सत्व समता बिग्याना। कृत प्रभाव प्रसन्न मन जाना।।

suddha satva samatā bigyānā। kṛta prabhāva prasanna mana jānā॥

सत्व बहुत रज कछु रति कर्मा। सब बिधि सुख त्रेता कर धर्मा।।

satva bahuta raja kachu rati karmā। saba bidhi sukha tretā kara dharmā॥

बहु रज स्वल्प सत्व कछु तामस। द्वापर धर्म हरष भय मानस।।

bahu raja svalpa satva kachu tāmasa। dvāpara dharma haraṣa bhaya mānasa॥

तामस बहुत रजोगुन थोरा। कलि प्रभाव बिरोध चहुँ ओरा।।

tāmasa bahuta rajoguna thorā। kali prabhāva birodha cahu~ orā॥

बुध जुग धर्म जानि मन माहीं। तजि अधर्म रति धर्म कराहीं।।

budha juga dharma jāni mana māhīṃ। taji adharma rati dharma karāhīṃ॥

काल धर्म नहिं ब्यापहिं ताही। रघुपति चरन प्रीति अति जाही।।

kāla dharma nahiṃ byāpahiṃ tāhī। raghupati carana prīti ati jāhī॥

नट कृत बिकट कपट खगराया। नट सेवकहि न ब्यापइ माया।।

naṭa kṛta bikaṭa kapaṭa khagarāyā। naṭa sevakahi na byāpai māyā॥

हरि माया कृत दोष गुन बिनु हरि भजन न जाहिं।

hari māyā kṛta doṣa guna binu hari bhajana na jāhiṃ।

भजिअ राम तजि काम सब अस बिचारि मन माहिं।।104(क)।।

bhajia rāma taji kāma saba asa bicāri mana māhiṃ॥104(ka)॥

तेहि कलिकाल बरष बहु बसेउँ अवध बिहगेस।

tehi kalikāla baraṣa bahu baseu~ avadha bihagesa।

परेउ दुकाल बिपति बस तब मैं गयउँ बिदेस।।104(ख)।।

pareu dukāla bipati basa taba maiṃ gayau~ bidesa॥104(kha)॥

गयउँ उजेनी सुनु उरगारी। दीन मलीन दरिद्र दुखारी।।

gayau~ ujenī sunu uragārī। dīna malīna daridra dukhārī॥

गएँ काल कछु संपति पाई। तहँ पुनि करउँ संभु सेवकाई।।

gae~ kāla kachu saṃpati pāī। taha~ puni karau~ saṃbhu sevakāī॥

बिप्र एक बैदिक सिव पूजा। करइ सदा तेहि काजु न दूजा।।

bipra eka baidika siva pūjā। karai sadā tehi kāju na dūjā॥

परम साधु परमारथ बिंदक। संभु उपासक नहिं हरि निंदक।।

parama sādhu paramāratha biṃdaka। saṃbhu upāsaka nahiṃ hari niṃdaka॥

तेहि सेवउँ मैं कपट समेता। द्विज दयाल अति नीति निकेता।।

tehi sevau~ maiṃ kapaṭa sametā। dvija dayāla ati nīti niketā॥

बाहिज नम्र देखि मोहि साईं। बिप्र पढ़ाव पुत्र की नाईं।।

bāhija namra dekhi mohi sāīṃ। bipra par̤hāva putra kī nāīṃ॥

संभु मंत्र मोहि द्विजबर दीन्हा। सुभ उपदेस बिबिध बिधि कीन्हा।।

saṃbhu maṃtra mohi dvijabara dīnhā। subha upadesa bibidha bidhi kīnhā॥

जपउँ मंत्र सिव मंदिर जाई। हृदयँ दंभ अहमिति अधिकाई।।

japau~ maṃtra siva maṃdira jāī। hṛdaya~ daṃbha ahamiti adhikāī॥

मैं खल मल संकुल मति नीच जाति बस मोह।

maiṃ khala mala saṃkula mati nīca jāti basa moha।

हरि जन द्विज देखें जरउँ करउँ बिष्नु कर द्रोह।।105(क)।।

hari jana dvija dekheṃ jarau~ karau~ biṣnu kara droha॥105(ka)॥

गुर नित मोहि प्रबोध दुखित देखि आचरन मम।

gura nita mohi prabodha dukhita dekhi ācarana mama।

मोहि उपजइ अति क्रोध दंभिहि नीति कि भावई।।105(ख)।।

mohi upajai ati krodha daṃbhihi nīti ki bhāvaī॥105(kha)॥

एक बार गुर लीन्ह बोलाई। मोहि नीति बहु भाँति सिखाई।।

eka bāra gura līnha bolāī। mohi nīti bahu bhā~ti sikhāī॥

सिव सेवा कर फल सुत सोई। अबिरल भगति राम पद होई।।

siva sevā kara phala suta soī। abirala bhagati rāma pada hoī॥

रामहि भजहिं तात सिव धाता। नर पावँर कै केतिक बाता।।

rāmahi bhajahiṃ tāta siva dhātā। nara pāva~ra kai ketika bātā॥

जासु चरन अज सिव अनुरागी। तातु द्रोहँ सुख चहसि अभागी।।

jāsu carana aja siva anurāgī। tātu droha~ sukha cahasi abhāgī॥

हर कहुँ हरि सेवक गुर कहेऊ। सुनि खगनाथ हृदय मम दहेऊ।।

hara kahu~ hari sevaka gura kaheū। suni khaganātha hṛdaya mama daheū॥

अधम जाति मैं बिद्या पाएँ। भयउँ जथा अहि दूध पिआएँ।।

adhama jāti maiṃ bidyā pāe~। bhayau~ jathā ahi dūdha piāe~॥

मानी कुटिल कुभाग्य कुजाती। गुर कर द्रोह करउँ दिनु राती।।

mānī kuṭila kubhāgya kujātī। gura kara droha karau~ dinu rātī॥

अति दयाल गुर स्वल्प न क्रोधा। पुनि पुनि मोहि सिखाव सुबोधा।।

ati dayāla gura svalpa na krodhā। puni puni mohi sikhāva subodhā॥

जेहि ते नीच बड़ाई पावा। सो प्रथमहिं हति ताहि नसावा।।

jehi te nīca bar̤āī pāvā। so prathamahiṃ hati tāhi nasāvā॥

धूम अनल संभव सुनु भाई। तेहि बुझाव घन पदवी पाई।।

dhūma anala saṃbhava sunu bhāī। tehi bujhāva ghana padavī pāī॥

रज मग परी निरादर रहई। सब कर पद प्रहार नित सहई।।

raja maga parī nirādara rahaī। saba kara pada prahāra nita sahaī॥

मरुत उड़ाव प्रथम तेहि भरई। पुनि नृप नयन किरीटन्हि परई।।

maruta ur̤āva prathama tehi bharaī। puni nṛpa nayana kirīṭanhi paraī॥

सुनु खगपति अस समुझि प्रसंगा। बुध नहिं करहिं अधम कर संगा।।

sunu khagapati asa samujhi prasaṃgā। budha nahiṃ karahiṃ adhama kara saṃgā॥

कबि कोबिद गावहिं असि नीती। खल सन कलह न भल नहिं प्रीती।।

kabi kobida gāvahiṃ asi nītī। khala sana kalaha na bhala nahiṃ prītī॥

उदासीन नित रहिअ गोसाईं। खल परिहरिअ स्वान की नाईं।।

udāsīna nita rahia gosāīṃ। khala pariharia svāna kī nāīṃ॥

मैं खल हृदयँ कपट कुटिलाई। गुर हित कहइ न मोहि सोहाई।।

maiṃ khala hṛdaya~ kapaṭa kuṭilāī। gura hita kahai na mohi sohāī॥

एक बार हर मंदिर जपत रहेउँ सिव नाम।

eka bāra hara maṃdira japata raheu~ siva nāma।

गुर आयउ अभिमान तें उठि नहिं कीन्ह प्रनाम।।106(क)।।

gura āyau abhimāna teṃ uṭhi nahiṃ kīnha pranāma॥106(ka)॥

सो दयाल नहिं कहेउ कछु उर न रोष लवलेस।

so dayāla nahiṃ kaheu kachu ura na roṣa lavalesa।

अति अघ गुर अपमानता सहि नहिं सके महेस।।106(ख)।।

ati agha gura apamānatā sahi nahiṃ sake mahesa॥106(kha)॥

मंदिर माझ भई नभ बानी। रे हतभाग्य अग्य अभिमानी।।

maṃdira mājha bhaī nabha bānī। re hatabhāgya agya abhimānī॥

जद्यपि तव गुर कें नहिं क्रोधा। अति कृपाल चित सम्यक बोधा।।

jadyapi tava gura keṃ nahiṃ krodhā। ati kṛpāla cita samyaka bodhā॥

तदपि साप सठ दैहउँ तोही। नीति बिरोध सोहाइ न मोही।।

tadapi sāpa saṭha daihau~ tohī। nīti birodha sohāi na mohī॥

जौं नहिं दंड करौं खल तोरा। भ्रष्ट होइ श्रुतिमारग मोरा।।

jauṃ nahiṃ daṃḍa karauṃ khala torā। bhraṣṭa hoi śrutimāraga morā॥

जे सठ गुर सन इरिषा करहीं। रौरव नरक कोटि जुग परहीं।।

je saṭha gura sana iriṣā karahīṃ। raurava naraka koṭi juga parahīṃ॥

त्रिजग जोनि पुनि धरहिं सरीरा। अयुत जन्म भरि पावहिं पीरा।।

trijaga joni puni dharahiṃ sarīrā। ayuta janma bhari pāvahiṃ pīrā॥

बैठ रहेसि अजगर इव पापी। सर्प होहि खल मल मति ब्यापी।।

baiṭha rahesi ajagara iva pāpī। sarpa hohi khala mala mati byāpī॥

महा बिटप कोटर महुँ जाई।।रहु अधमाधम अधगति पाई।।

mahā biṭapa koṭara mahu~ jāī॥rahu adhamādhama adhagati pāī॥

हाहाकार कीन्ह गुर दारुन सुनि सिव साप।।

hāhākāra kīnha gura dāruna suni siva sāpa॥

कंपित मोहि बिलोकि अति उर उपजा परिताप।।107(क)।।

kaṃpita mohi biloki ati ura upajā paritāpa॥107(ka)॥

करि दंडवत सप्रेम द्विज सिव सन्मुख कर जोरि।

kari daṃḍavata saprema dvija siva sanmukha kara jori।

बिनय करत गदगद स्वर समुझि घोर गति मोरि।।107(ख)।।

binaya karata gadagada svara samujhi ghora gati mori॥107(kha)॥

नमामीशमीशान निर्वाणरूपं। विंभुं ब्यापकं ब्रह्म वेदस्वरूपं।

namāmīśamīśāna nirvāṇarūpaṃ। viṃbhuṃ byāpakaṃ brahma vedasvarūpaṃ।

निजं निर्गुणं निर्विकल्पं निरींह। चिदाकाशमाकाशवासं भजेऽहं।।

nijaṃ nirguṇaṃ nirvikalpaṃ nirīṃha। cidākāśamākāśavāsaṃ bhaje'haṃ॥

निराकारमोंकारमूलं तुरीयं। गिरा ग्यान गोतीतमीशं गिरीशं।।

nirākāramoṃkāramūlaṃ turīyaṃ। girā gyāna gotītamīśaṃ girīśaṃ॥

करालं महाकाल कालं कृपालं। गुणागार संसारपारं नतोऽहं।।

karālaṃ mahākāla kālaṃ kṛpālaṃ। guṇāgāra saṃsārapāraṃ nato'haṃ॥

तुषाराद्रि संकाश गौरं गभीरं। मनोभूत कोटि प्रभा श्री शरीरं।।

tuṣārādri saṃkāśa gauraṃ gabhīraṃ। manobhūta koṭi prabhā śrī śarīraṃ॥

स्फुरन्मौलि कल्लोलिनी चारु गंगा। लसद्भालबालेन्दु कंठे भुजंगा।।

sphuranmauli kallolinī cāru gaṃgā। lasadbhālabālendu kaṃṭhe bhujaṃgā॥

चलत्कुंडलं भ्रू सुनेत्रं विशालं। प्रसन्नाननं नीलकंठं दयालं।।

calatkuṃḍalaṃ bhrū sunetraṃ viśālaṃ। prasannānanaṃ nīlakaṃṭhaṃ dayālaṃ॥

मृगाधीशचर्माम्बरं मुण्डमालं। प्रियं शंकरं सर्वनाथं भजामि।।

mṛgādhīśacarmāmbaraṃ muṇḍamālaṃ। priyaṃ śaṃkaraṃ sarvanāthaṃ bhajāmi॥

प्रचंडं प्रकृष्टं प्रगल्भं परेशं। अखंडं अजं भानुकोटिप्रकाशं।।

pracaṃḍaṃ prakṛṣṭaṃ pragalbhaṃ pareśaṃ। akhaṃḍaṃ ajaṃ bhānukoṭiprakāśaṃ॥

त्रयःशूल निर्मूलनं शूलपाणिं। भजेऽहं भवानीपतिं भावगम्यं।।

trayaḥśūla nirmūlanaṃ śūlapāṇiṃ। bhaje'haṃ bhavānīpatiṃ bhāvagamyaṃ॥

कलातीत कल्याण कल्पान्तकारी। सदा सज्जनान्ददाता पुरारी।।

kalātīta kalyāṇa kalpāntakārī। sadā sajjanāndadātā purārī॥

चिदानंदसंदोह मोहापहारी। प्रसीद प्रसीद प्रभो मन्मथारी।।

cidānaṃdasaṃdoha mohāpahārī। prasīda prasīda prabho manmathārī॥

न यावद् उमानाथ पादारविन्दं। भजंतीह लोके परे वा नराणां।।

na yāvad umānātha pādāravindaṃ। bhajaṃtīha loke pare vā narāṇāṃ॥

न तावत्सुखं शान्ति सन्तापनाशं। प्रसीद प्रभो सर्वभूताधिवासं।।

na tāvatsukhaṃ śānti santāpanāśaṃ। prasīda prabho sarvabhūtādhivāsaṃ॥

न जानामि योगं जपं नैव पूजां। नतोऽहं सदा सर्वदा शंभु तुभ्यं।।

na jānāmi yogaṃ japaṃ naiva pūjāṃ। nato'haṃ sadā sarvadā śaṃbhu tubhyaṃ॥

जरा जन्म दुःखौघ तातप्यमानं। प्रभो पाहि आपन्नमामीश शंभो।।

jarā janma duḥkhaugha tātapyamānaṃ। prabho pāhi āpannamāmīśa śaṃbho॥

रुद्राष्टकमिदं प्रोक्तं विप्रेण हरतोषये।

rudrāṣṭakamidaṃ proktaṃ vipreṇa haratoṣaye।

ये पठन्ति नरा भक्त्या तेषां शम्भुः प्रसीदति।।9।।

ye paṭhanti narā bhaktyā teṣāṃ śambhuḥ prasīdati॥9॥

सुनि बिनती सर्बग्य सिव देखि ब्रिप्र अनुरागु।

suni binatī sarbagya siva dekhi bripra anurāgu।

पुनि मंदिर नभबानी भइ द्विजबर बर मागु।।108(क)।।

puni maṃdira nabhabānī bhai dvijabara bara māgu॥108(ka)॥

जौं प्रसन्न प्रभु मो पर नाथ दीन पर नेहु।

jauṃ prasanna prabhu mo para nātha dīna para nehu।

निज पद भगति देइ प्रभु पुनि दूसर बर देहु।।108(ख)।।

nija pada bhagati dei prabhu puni dūsara bara dehu॥108(kha)॥

तव माया बस जीव जड़ संतत फिरइ भुलान।

tava māyā basa jīva jar̤a saṃtata phirai bhulāna।

तेहि पर क्रोध न करिअ प्रभु कृपा सिंधु भगवान।।108(ग)।।

tehi para krodha na karia prabhu kṛpā siṃdhu bhagavāna॥108(ga)॥

संकर दीनदयाल अब एहि पर होहु कृपाल।

saṃkara dīnadayāla aba ehi para hohu kṛpāla।

साप अनुग्रह होइ जेहिं नाथ थोरेहीं काल।।108(घ)।।

sāpa anugraha hoi jehiṃ nātha thorehīṃ kāla॥108(gha)॥

एहि कर होइ परम कल्याना। सोइ करहु अब कृपानिधाना।।

ehi kara hoi parama kalyānā। soi karahu aba kṛpānidhānā॥

बिप्रगिरा सुनि परहित सानी। एवमस्तु इति भइ नभबानी।।

bipragirā suni parahita sānī। evamastu iti bhai nabhabānī॥

जदपि कीन्ह एहिं दारुन पापा। मैं पुनि दीन्ह कोप करि सापा।।

jadapi kīnha ehiṃ dāruna pāpā। maiṃ puni dīnha kopa kari sāpā॥

तदपि तुम्हार साधुता देखी। करिहउँ एहि पर कृपा बिसेषी।।

tadapi tumhāra sādhutā dekhī। karihau~ ehi para kṛpā biseṣī॥

छमासील जे पर उपकारी। ते द्विज मोहि प्रिय जथा खरारी।।

chamāsīla je para upakārī। te dvija mohi priya jathā kharārī॥

मोर श्राप द्विज ब्यर्थ न जाइहि। जन्म सहस अवस्य यह पाइहि।।

mora śrāpa dvija byartha na jāihi। janma sahasa avasya yaha pāihi॥

जनमत मरत दुसह दुख होई। अहि स्वल्पउ नहिं ब्यापिहि सोई।।

janamata marata dusaha dukha hoī। ahi svalpau nahiṃ byāpihi soī॥

कवनेउँ जन्म मिटिहि नहिं ग्याना। सुनहि सूद्र मम बचन प्रवाना।।

kavaneu~ janma miṭihi nahiṃ gyānā। sunahi sūdra mama bacana pravānā॥

रघुपति पुरीं जन्म तब भयऊ। पुनि तैं मम सेवाँ मन दयऊ।।

raghupati purīṃ janma taba bhayaū। puni taiṃ mama sevā~ mana dayaū॥

पुरी प्रभाव अनुग्रह मोरें। राम भगति उपजिहि उर तोरें।।

purī prabhāva anugraha moreṃ। rāma bhagati upajihi ura toreṃ॥

सुनु मम बचन सत्य अब भाई। हरितोषन ब्रत द्विज सेवकाई।।

sunu mama bacana satya aba bhāī। haritoṣana brata dvija sevakāī॥

अब जनि करहि बिप्र अपमाना। जानेहु संत अनंत समाना।।

aba jani karahi bipra apamānā। jānehu saṃta anaṃta samānā॥

इंद्र कुलिस मम सूल बिसाला। कालदंड हरि चक्र कराला।।

iṃdra kulisa mama sūla bisālā। kāladaṃḍa hari cakra karālā॥

जो इन्ह कर मारा नहिं मरई। बिप्रद्रोह पावक सो जरई।।

jo inha kara mārā nahiṃ maraī। bipradroha pāvaka so jaraī॥

अस बिबेक राखेहु मन माहीं। तुम्ह कहँ जग दुर्लभ कछु नाहीं।।

asa bibeka rākhehu mana māhīṃ। tumha kaha~ jaga durlabha kachu nāhīṃ॥

औरउ एक आसिषा मोरी। अप्रतिहत गति होइहि तोरी।।

aurau eka āsiṣā morī। apratihata gati hoihi torī॥

सुनि सिव बचन हरषि गुर एवमस्तु इति भाषि।

suni siva bacana haraṣi gura evamastu iti bhāṣi।

मोहि प्रबोधि गयउ गृह संभु चरन उर राखि।।109(क)।।

mohi prabodhi gayau gṛha saṃbhu carana ura rākhi॥109(ka)॥

प्रेरित काल बिधि गिरि जाइ भयउँ मैं ब्याल।

prerita kāla bidhi giri jāi bhayau~ maiṃ byāla।

पुनि प्रयास बिनु सो तनु जजेउँ गएँ कछु काल।।109(ख)।।

puni prayāsa binu so tanu jajeu~ gae~ kachu kāla॥109(kha)॥

जोइ तनु धरउँ तजउँ पुनि अनायास हरिजान।

joi tanu dharau~ tajau~ puni anāyāsa harijāna।

जिमि नूतन पट पहिरइ नर परिहरइ पुरान।।109(ग)।।

jimi nūtana paṭa pahirai nara pariharai purāna॥109(ga)॥

सिवँ राखी श्रुति नीति अरु मैं नहिं पावा क्लेस।

siva~ rākhī śruti nīti aru maiṃ nahiṃ pāvā klesa।

एहि बिधि धरेउँ बिबिध तनु ग्यान न गयउ खगेस।।109(घ)।।

ehi bidhi dhareu~ bibidha tanu gyāna na gayau khagesa॥109(gha)॥

त्रिजग देव नर जोइ तनु धरउँ। तहँ तहँ राम भजन अनुसरऊँ।।

trijaga deva nara joi tanu dharau~। taha~ taha~ rāma bhajana anusaraū~॥

एक सूल मोहि बिसर न काऊ। गुर कर कोमल सील सुभाऊ।।

eka sūla mohi bisara na kāū। gura kara komala sīla subhāū॥

चरम देह द्विज कै मैं पाई। सुर दुर्लभ पुरान श्रुति गाई।।

carama deha dvija kai maiṃ pāī। sura durlabha purāna śruti gāī॥

खेलउँ तहूँ बालकन्ह मीला। करउँ सकल रघुनायक लीला।।

khelau~ tahū~ bālakanha mīlā। karau~ sakala raghunāyaka līlā॥

प्रौढ़ भएँ मोहि पिता पढ़ावा। समझउँ सुनउँ गुनउँ नहिं भावा।।

praur̤ha bhae~ mohi pitā par̤hāvā। samajhau~ sunau~ gunau~ nahiṃ bhāvā॥

मन ते सकल बासना भागी। केवल राम चरन लय लागी।।

mana te sakala bāsanā bhāgī। kevala rāma carana laya lāgī॥

कहु खगेस अस कवन अभागी। खरी सेव सुरधेनुहि त्यागी।।

kahu khagesa asa kavana abhāgī। kharī seva suradhenuhi tyāgī॥

प्रेम मगन मोहि कछु न सोहाई। हारेउ पिता पढ़ाइ पढ़ाई।।

prema magana mohi kachu na sohāī। hāreu pitā par̤hāi par̤hāī॥

भए कालबस जब पितु माता। मैं बन गयउँ भजन जनत्राता।।

bhae kālabasa jaba pitu mātā। maiṃ bana gayau~ bhajana janatrātā॥

जहँ जहँ बिपिन मुनीस्वर पावउँ। आश्रम जाइ जाइ सिरु नावउँ।।

jaha~ jaha~ bipina munīsvara pāvau~। āśrama jāi jāi siru nāvau~॥

बूझत तिन्हहि राम गुन गाहा। कहहिं सुनउँ हरषित खगनाहा।।

būjhata tinhahi rāma guna gāhā। kahahiṃ sunau~ haraṣita khaganāhā॥

सुनत फिरउँ हरि गुन अनुबादा। अब्याहत गति संभु प्रसादा।।

sunata phirau~ hari guna anubādā। abyāhata gati saṃbhu prasādā॥

छूटी त्रिबिध ईषना गाढ़ी। एक लालसा उर अति बाढ़ी।।

chūṭī tribidha īṣanā gār̤hī। eka lālasā ura ati bār̤hī॥

राम चरन बारिज जब देखौं। तब निज जन्म सफल करि लेखौं।।

rāma carana bārija jaba dekhauṃ। taba nija janma saphala kari lekhauṃ॥

जेहि पूँछउँ सोइ मुनि अस कहई। ईस्वर सर्ब भूतमय अहई।।

jehi pū~chau~ soi muni asa kahaī। īsvara sarba bhūtamaya ahaī॥

निर्गुन मत नहिं मोहि सोहाई। सगुन ब्रह्म रति उर अधिकाई।।

nirguna mata nahiṃ mohi sohāī। saguna brahma rati ura adhikāī॥

गुर के बचन सुरति करि राम चरन मनु लाग।

gura ke bacana surati kari rāma carana manu lāga।

रघुपति जस गावत फिरउँ छन छन नव अनुराग।।110(क)।।

raghupati jasa gāvata phirau~ chana chana nava anurāga॥110(ka)॥

मेरु सिखर बट छायाँ मुनि लोमस आसीन।

meru sikhara baṭa chāyā~ muni lomasa āsīna।

देखि चरन सिरु नायउँ बचन कहेउँ अति दीन।।110(ख)।।

dekhi carana siru nāyau~ bacana kaheu~ ati dīna॥110(kha)॥

सुनि मम बचन बिनीत मृदु मुनि कृपाल खगराज।

suni mama bacana binīta mṛdu muni kṛpāla khagarāja।

मोहि सादर पूँछत भए द्विज आयहु केहि काज।।110(ग)।।

mohi sādara pū~chata bhae dvija āyahu kehi kāja॥110(ga)॥

तब मैं कहा कृपानिधि तुम्ह सर्बग्य सुजान।

taba maiṃ kahā kṛpānidhi tumha sarbagya sujāna।

सगुन ब्रह्म अवराधन मोहि कहहु भगवान।।110(घ)।।

saguna brahma avarādhana mohi kahahu bhagavāna॥110(gha)॥

तब मुनिष रघुपति गुन गाथा। कहे कछुक सादर खगनाथा।।

taba muniṣa raghupati guna gāthā। kahe kachuka sādara khaganāthā॥

ब्रह्मग्यान रत मुनि बिग्यानि। मोहि परम अधिकारी जानी।।

brahmagyāna rata muni bigyāni। mohi parama adhikārī jānī॥

लागे करन ब्रह्म उपदेसा। अज अद्वेत अगुन हृदयेसा।।

lāge karana brahma upadesā। aja adveta aguna hṛdayesā॥

अकल अनीह अनाम अरुपा। अनुभव गम्य अखंड अनूपा।।

akala anīha anāma arupā। anubhava gamya akhaṃḍa anūpā॥

मन गोतीत अमल अबिनासी। निर्बिकार निरवधि सुख रासी।।

mana gotīta amala abināsī। nirbikāra niravadhi sukha rāsī॥

सो तैं ताहि तोहि नहिं भेदा। बारि बीचि इव गावहि बेदा।।

so taiṃ tāhi tohi nahiṃ bhedā। bāri bīci iva gāvahi bedā॥

बिबिध भाँति मोहि मुनि समुझावा। निर्गुन मत मम हृदयँ न आवा।।

bibidha bhā~ti mohi muni samujhāvā। nirguna mata mama hṛdaya~ na āvā॥

पुनि मैं कहेउँ नाइ पद सीसा। सगुन उपासन कहहु मुनीसा।।

puni maiṃ kaheu~ nāi pada sīsā। saguna upāsana kahahu munīsā॥

राम भगति जल मम मन मीना। किमि बिलगाइ मुनीस प्रबीना।।

rāma bhagati jala mama mana mīnā। kimi bilagāi munīsa prabīnā॥

सोइ उपदेस कहहु करि दाया। निज नयनन्हि देखौं रघुराया।।

soi upadesa kahahu kari dāyā। nija nayananhi dekhauṃ raghurāyā॥

भरि लोचन बिलोकि अवधेसा। तब सुनिहउँ निर्गुन उपदेसा।।

bhari locana biloki avadhesā। taba sunihau~ nirguna upadesā॥

मुनि पुनि कहि हरिकथा अनूपा। खंडि सगुन मत अगुन निरूपा।।

muni puni kahi harikathā anūpā। khaṃḍi saguna mata aguna nirūpā॥

तब मैं निर्गुन मत कर दूरी। सगुन निरूपउँ करि हठ भूरी।।

taba maiṃ nirguna mata kara dūrī। saguna nirūpau~ kari haṭha bhūrī॥

उत्तर प्रतिउत्तर मैं कीन्हा। मुनि तन भए क्रोध के चीन्हा।।

uttara pratiuttara maiṃ kīnhā। muni tana bhae krodha ke cīnhā॥

सुनु प्रभु बहुत अवग्या किएँ। उपज क्रोध ग्यानिन्ह के हिएँ।।

sunu prabhu bahuta avagyā kie~। upaja krodha gyāninha ke hie~॥

अति संघरषन जौं कर कोई। अनल प्रगट चंदन ते होई।।

ati saṃgharaṣana jauṃ kara koī। anala pragaṭa caṃdana te hoī॥

-बारंबार सकोप मुनि करइ निरुपन ग्यान।

-bāraṃbāra sakopa muni karai nirupana gyāna।

मैं अपनें मन बैठ तब करउँ बिबिध अनुमान।।111(क)।।

maiṃ apaneṃ mana baiṭha taba karau~ bibidha anumāna॥111(ka)॥

क्रोध कि द्वेतबुद्धि बिनु द्वैत कि बिनु अग्यान।

krodha ki dvetabuddhi binu dvaita ki binu agyāna।

मायाबस परिछिन्न जड़ जीव कि ईस समान।।111(ख)।।

māyābasa parichinna jar̤a jīva ki īsa samāna॥111(kha)॥

कबहुँ कि दुख सब कर हित ताकें। तेहि कि दरिद्र परस मनि जाकें।।

kabahu~ ki dukha saba kara hita tākeṃ। tehi ki daridra parasa mani jākeṃ॥

परद्रोही की होहिं निसंका। कामी पुनि कि रहहिं अकलंका।।

paradrohī kī hohiṃ nisaṃkā। kāmī puni ki rahahiṃ akalaṃkā॥

बंस कि रह द्विज अनहित कीन्हें। कर्म कि होहिं स्वरूपहि चीन्हें।।

baṃsa ki raha dvija anahita kīnheṃ। karma ki hohiṃ svarūpahi cīnheṃ॥

काहू सुमति कि खल सँग जामी। सुभ गति पाव कि परत्रिय गामी।।

kāhū sumati ki khala sa~ga jāmī। subha gati pāva ki paratriya gāmī॥

भव कि परहिं परमात्मा बिंदक। सुखी कि होहिं कबहुँ हरिनिंदक।।

bhava ki parahiṃ paramātmā biṃdaka। sukhī ki hohiṃ kabahu~ hariniṃdaka॥

राजु कि रहइ नीति बिनु जानें। अघ कि रहहिं हरिचरित बखानें।।

rāju ki rahai nīti binu jāneṃ। agha ki rahahiṃ haricarita bakhāneṃ॥

पावन जस कि पुन्य बिनु होई। बिनु अघ अजस कि पावइ कोई।।

pāvana jasa ki punya binu hoī। binu agha ajasa ki pāvai koī॥

लाभु कि किछु हरि भगति समाना। जेहि गावहिं श्रुति संत पुराना।।

lābhu ki kichu hari bhagati samānā। jehi gāvahiṃ śruti saṃta purānā॥

हानि कि जग एहि सम किछु भाई। भजिअ न रामहि नर तनु पाई।।

hāni ki jaga ehi sama kichu bhāī। bhajia na rāmahi nara tanu pāī॥

अघ कि पिसुनता सम कछु आना। धर्म कि दया सरिस हरिजाना।।

agha ki pisunatā sama kachu ānā। dharma ki dayā sarisa harijānā॥

एहि बिधि अमिति जुगुति मन गुनऊँ। मुनि उपदेस न सादर सुनऊँ।।

ehi bidhi amiti juguti mana gunaū~। muni upadesa na sādara sunaū~॥

पुनि पुनि सगुन पच्छ मैं रोपा। तब मुनि बोलेउ बचन सकोपा।।

puni puni saguna paccha maiṃ ropā। taba muni boleu bacana sakopā॥

मूढ़ परम सिख देउँ न मानसि। उत्तर प्रतिउत्तर बहु आनसि।।

mūr̤ha parama sikha deu~ na mānasi। uttara pratiuttara bahu ānasi॥

सत्य बचन बिस्वास न करही। बायस इव सबही ते डरही।।

satya bacana bisvāsa na karahī। bāyasa iva sabahī te ḍarahī॥

सठ स्वपच्छ तब हृदयँ बिसाला। सपदि होहि पच्छी चंडाला।।

saṭha svapaccha taba hṛdaya~ bisālā। sapadi hohi pacchī caṃḍālā॥

लीन्ह श्राप मैं सीस चढ़ाई। नहिं कछु भय न दीनता आई।।

līnha śrāpa maiṃ sīsa car̤hāī। nahiṃ kachu bhaya na dīnatā āī॥

तुरत भयउँ मैं काग तब पुनि मुनि पद सिरु नाइ।

turata bhayau~ maiṃ kāga taba puni muni pada siru nāi।

सुमिरि राम रघुबंस मनि हरषित चलेउँ उड़ाइ।।112(क)।।

sumiri rāma raghubaṃsa mani haraṣita caleu~ ur̤āi॥112(ka)॥

उमा जे राम चरन रत बिगत काम मद क्रोध।।

umā je rāma carana rata bigata kāma mada krodha॥

निज प्रभुमय देखहिं जगत केहि सन करहिं बिरोध।।112(ख)।।

nija prabhumaya dekhahiṃ jagata kehi sana karahiṃ birodha॥112(kha)॥

सुनु खगेस नहिं कछु रिषि दूषन। उर प्रेरक रघुबंस बिभूषन।।

sunu khagesa nahiṃ kachu riṣi dūṣana। ura preraka raghubaṃsa bibhūṣana॥

कृपासिंधु मुनि मति करि भोरी। लीन्हि प्रेम परिच्छा मोरी।।

kṛpāsiṃdhu muni mati kari bhorī। līnhi prema paricchā morī॥

मन बच क्रम मोहि निज जन जाना। मुनि मति पुनि फेरी भगवाना।।

mana baca krama mohi nija jana jānā। muni mati puni pherī bhagavānā॥

रिषि मम महत सीलता देखी। राम चरन बिस्वास बिसेषी।।

riṣi mama mahata sīlatā dekhī। rāma carana bisvāsa biseṣī॥

अति बिसमय पुनि पुनि पछिताई। सादर मुनि मोहि लीन्ह बोलाई।।

ati bisamaya puni puni pachitāī। sādara muni mohi līnha bolāī॥

मम परितोष बिबिध बिधि कीन्हा। हरषित राममंत्र तब दीन्हा।।

mama paritoṣa bibidha bidhi kīnhā। haraṣita rāmamaṃtra taba dīnhā॥

बालकरूप राम कर ध्याना। कहेउ मोहि मुनि कृपानिधाना।।

bālakarūpa rāma kara dhyānā। kaheu mohi muni kṛpānidhānā॥

सुंदर सुखद मिहि अति भावा। सो प्रथमहिं मैं तुम्हहि सुनावा।।

suṃdara sukhada mihi ati bhāvā। so prathamahiṃ maiṃ tumhahi sunāvā॥

मुनि मोहि कछुक काल तहँ राखा। रामचरितमानस तब भाषा।।

muni mohi kachuka kāla taha~ rākhā। rāmacaritamānasa taba bhāṣā॥

सादर मोहि यह कथा सुनाई। पुनि बोले मुनि गिरा सुहाई।।

sādara mohi yaha kathā sunāī। puni bole muni girā suhāī॥

रामचरित सर गुप्त सुहावा। संभु प्रसाद तात मैं पावा।।

rāmacarita sara gupta suhāvā। saṃbhu prasāda tāta maiṃ pāvā॥

तोहि निज भगत राम कर जानी। ताते मैं सब कहेउँ बखानी।।

tohi nija bhagata rāma kara jānī। tāte maiṃ saba kaheu~ bakhānī॥

राम भगति जिन्ह कें उर नाहीं। कबहुँ न तात कहिअ तिन्ह पाहीं।।

rāma bhagati jinha keṃ ura nāhīṃ। kabahu~ na tāta kahia tinha pāhīṃ॥

मुनि मोहि बिबिध भाँति समुझावा। मैं सप्रेम मुनि पद सिरु नावा।।

muni mohi bibidha bhā~ti samujhāvā। maiṃ saprema muni pada siru nāvā॥

निज कर कमल परसि मम सीसा। हरषित आसिष दीन्ह मुनीसा।।

nija kara kamala parasi mama sīsā। haraṣita āsiṣa dīnha munīsā॥

राम भगति अबिरल उर तोरें। बसिहि सदा प्रसाद अब मोरें।।

rāma bhagati abirala ura toreṃ। basihi sadā prasāda aba moreṃ॥

-सदा राम प्रिय होहु तुम्ह सुभ गुन भवन अमान।

-sadā rāma priya hohu tumha subha guna bhavana amāna।

कामरूप इच्धामरन ग्यान बिराग निधान।।113(क)।।

kāmarūpa icdhāmarana gyāna birāga nidhāna॥113(ka)॥

जेंहिं आश्रम तुम्ह बसब पुनि सुमिरत श्रीभगवंत।

jeṃhiṃ āśrama tumha basaba puni sumirata śrībhagavaṃta।

ब्यापिहि तहँ न अबिद्या जोजन एक प्रजंत।।113(ख)।।

byāpihi taha~ na abidyā jojana eka prajaṃta॥113(kha)॥

काल कर्म गुन दोष सुभाऊ। कछु दुख तुम्हहि न ब्यापिहि काऊ।।

kāla karma guna doṣa subhāū। kachu dukha tumhahi na byāpihi kāū॥

राम रहस्य ललित बिधि नाना। गुप्त प्रगट इतिहास पुराना।।

rāma rahasya lalita bidhi nānā। gupta pragaṭa itihāsa purānā॥

बिनु श्रम तुम्ह जानब सब सोऊ। नित नव नेह राम पद होऊ।।

binu śrama tumha jānaba saba soū। nita nava neha rāma pada hoū॥

जो इच्छा करिहहु मन माहीं। हरि प्रसाद कछु दुर्लभ नाहीं।।

jo icchā karihahu mana māhīṃ। hari prasāda kachu durlabha nāhīṃ॥

सुनि मुनि आसिष सुनु मतिधीरा। ब्रह्मगिरा भइ गगन गँभीरा।।

suni muni āsiṣa sunu matidhīrā। brahmagirā bhai gagana ga~bhīrā॥

एवमस्तु तव बच मुनि ग्यानी। यह मम भगत कर्म मन बानी।।

evamastu tava baca muni gyānī। yaha mama bhagata karma mana bānī॥

सुनि नभगिरा हरष मोहि भयऊ। प्रेम मगन सब संसय गयऊ।।

suni nabhagirā haraṣa mohi bhayaū। prema magana saba saṃsaya gayaū॥

करि बिनती मुनि आयसु पाई। पद सरोज पुनि पुनि सिरु नाई।।

kari binatī muni āyasu pāī। pada saroja puni puni siru nāī॥

हरष सहित एहिं आश्रम आयउँ। प्रभु प्रसाद दुर्लभ बर पायउँ।।

haraṣa sahita ehiṃ āśrama āyau~। prabhu prasāda durlabha bara pāyau~॥

इहाँ बसत मोहि सुनु खग ईसा। बीते कलप सात अरु बीसा।।

ihā~ basata mohi sunu khaga īsā। bīte kalapa sāta aru bīsā॥

करउँ सदा रघुपति गुन गाना। सादर सुनहिं बिहंग सुजाना।।

karau~ sadā raghupati guna gānā। sādara sunahiṃ bihaṃga sujānā॥

जब जब अवधपुरीं रघुबीरा। धरहिं भगत हित मनुज सरीरा।।

jaba jaba avadhapurīṃ raghubīrā। dharahiṃ bhagata hita manuja sarīrā॥

तब तब जाइ राम पुर रहऊँ। सिसुलीला बिलोकि सुख लहऊँ।।

taba taba jāi rāma pura rahaū~। sisulīlā biloki sukha lahaū~॥

पुनि उर राखि राम सिसुरूपा। निज आश्रम आवउँ खगभूपा।।

puni ura rākhi rāma sisurūpā। nija āśrama āvau~ khagabhūpā॥

कथा सकल मैं तुम्हहि सुनाई। काग देह जेहिं कारन पाई।।

kathā sakala maiṃ tumhahi sunāī। kāga deha jehiṃ kārana pāī॥

कहिउँ तात सब प्रस्न तुम्हारी। राम भगति महिमा अति भारी।।

kahiu~ tāta saba prasna tumhārī। rāma bhagati mahimā ati bhārī॥

ताते यह तन मोहि प्रिय भयउ राम पद नेह।

tāte yaha tana mohi priya bhayau rāma pada neha।

निज प्रभु दरसन पायउँ गए सकल संदेह।।114(क)।।

nija prabhu darasana pāyau~ gae sakala saṃdeha॥114(ka)॥

भगति पच्छ हठ करि रहेउँ दीन्हि महारिषि साप।

bhagati paccha haṭha kari raheu~ dīnhi mahāriṣi sāpa।

मुनि दुर्लभ बर पायउँ देखहु भजन प्रताप।।114(ख)।।

muni durlabha bara pāyau~ dekhahu bhajana pratāpa॥114(kha)॥

जे असि भगति जानि परिहरहीं। केवल ग्यान हेतु श्रम करहीं।।

je asi bhagati jāni pariharahīṃ। kevala gyāna hetu śrama karahīṃ॥

ते जड़ कामधेनु गृहँ त्यागी। खोजत आकु फिरहिं पय लागी।।

te jar̤a kāmadhenu gṛha~ tyāgī। khojata āku phirahiṃ paya lāgī॥

सुनु खगेस हरि भगति बिहाई। जे सुख चाहहिं आन उपाई।।

sunu khagesa hari bhagati bihāī। je sukha cāhahiṃ āna upāī॥

ते सठ महासिंधु बिनु तरनी। पैरि पार चाहहिं जड़ करनी।।

te saṭha mahāsiṃdhu binu taranī। pairi pāra cāhahiṃ jar̤a karanī॥

सुनि भसुंडि के बचन भवानी। बोलेउ गरुड़ हरषि मृदु बानी।।

suni bhasuṃḍi ke bacana bhavānī। boleu garur̤a haraṣi mṛdu bānī॥

तव प्रसाद प्रभु मम उर माहीं। संसय सोक मोह भ्रम नाहीं।।

tava prasāda prabhu mama ura māhīṃ। saṃsaya soka moha bhrama nāhīṃ॥

सुनेउँ पुनीत राम गुन ग्रामा। तुम्हरी कृपाँ लहेउँ बिश्रामा।।

suneu~ punīta rāma guna grāmā। tumharī kṛpā~ laheu~ biśrāmā॥

एक बात प्रभु पूँछउँ तोही। कहहु बुझाइ कृपानिधि मोही।।

eka bāta prabhu pū~chau~ tohī। kahahu bujhāi kṛpānidhi mohī॥

कहहिं संत मुनि बेद पुराना। नहिं कछु दुर्लभ ग्यान समाना।।

kahahiṃ saṃta muni beda purānā। nahiṃ kachu durlabha gyāna samānā॥

सोइ मुनि तुम्ह सन कहेउ गोसाईं। नहिं आदरेहु भगति की नाईं।।

soi muni tumha sana kaheu gosāīṃ। nahiṃ ādarehu bhagati kī nāīṃ॥

ग्यानहि भगतिहि अंतर केता। सकल कहहु प्रभु कृपा निकेता।।

gyānahi bhagatihi aṃtara ketā। sakala kahahu prabhu kṛpā niketā॥

सुनि उरगारि बचन सुख माना। सादर बोलेउ काग सुजाना।।

suni uragāri bacana sukha mānā। sādara boleu kāga sujānā॥

भगतिहि ग्यानहि नहिं कछु भेदा। उभय हरहिं भव संभव खेदा।।

bhagatihi gyānahi nahiṃ kachu bhedā। ubhaya harahiṃ bhava saṃbhava khedā॥

नाथ मुनीस कहहिं कछु अंतर। सावधान सोउ सुनु बिहंगबर।।

nātha munīsa kahahiṃ kachu aṃtara। sāvadhāna sou sunu bihaṃgabara॥

ग्यान बिराग जोग बिग्याना। ए सब पुरुष सुनहु हरिजाना।।

gyāna birāga joga bigyānā। e saba puruṣa sunahu harijānā॥

पुरुष प्रताप प्रबल सब भाँती। अबला अबल सहज जड़ जाती।।

puruṣa pratāpa prabala saba bhā~tī। abalā abala sahaja jar̤a jātī॥

-पुरुष त्यागि सक नारिहि जो बिरक्त मति धीर।।

-puruṣa tyāgi saka nārihi jo birakta mati dhīra॥

न तु कामी बिषयाबस बिमुख जो पद रघुबीर।।115(क)।।

na tu kāmī biṣayābasa bimukha jo pada raghubīra॥115(ka)॥

सोउ मुनि ग्याननिधान मृगनयनी बिधु मुख निरखि।

sou muni gyānanidhāna mṛganayanī bidhu mukha nirakhi।

बिबस होइ हरिजान नारि बिष्नु माया प्रगट।।115(ख)।।

bibasa hoi harijāna nāri biṣnu māyā pragaṭa॥115(kha)॥

इहाँ न पच्छपात कछु राखउँ। बेद पुरान संत मत भाषउँ।।

ihā~ na pacchapāta kachu rākhau~। beda purāna saṃta mata bhāṣau~॥

मोह न नारि नारि कें रूपा। पन्नगारि यह रीति अनूपा।।

moha na nāri nāri keṃ rūpā। pannagāri yaha rīti anūpā॥

माया भगति सुनहु तुम्ह दोऊ। नारि बर्ग जानइ सब कोऊ।।

māyā bhagati sunahu tumha doū। nāri barga jānai saba koū॥

पुनि रघुबीरहि भगति पिआरी। माया खलु नर्तकी बिचारी।।

puni raghubīrahi bhagati piārī। māyā khalu nartakī bicārī॥

भगतिहि सानुकूल रघुराया। ताते तेहि डरपति अति माया।।

bhagatihi sānukūla raghurāyā। tāte tehi ḍarapati ati māyā॥

राम भगति निरुपम निरुपाधी। बसइ जासु उर सदा अबाधी।।

rāma bhagati nirupama nirupādhī। basai jāsu ura sadā abādhī॥

तेहि बिलोकि माया सकुचाई। करि न सकइ कछु निज प्रभुताई।।

tehi biloki māyā sakucāī। kari na sakai kachu nija prabhutāī॥

अस बिचारि जे मुनि बिग्यानी। जाचहीं भगति सकल सुख खानी।।

asa bicāri je muni bigyānī। jācahīṃ bhagati sakala sukha khānī॥

यह रहस्य रघुनाथ कर बेगि न जानइ कोइ।

yaha rahasya raghunātha kara begi na jānai koi।

जो जानइ रघुपति कृपाँ सपनेहुँ मोह न होइ।।116(क)।।

jo jānai raghupati kṛpā~ sapanehu~ moha na hoi॥116(ka)॥

औरउ ग्यान भगति कर भेद सुनहु सुप्रबीन।

aurau gyāna bhagati kara bheda sunahu suprabīna।

जो सुनि होइ राम पद प्रीति सदा अबिछीन।।116(ख)।।

jo suni hoi rāma pada prīti sadā abichīna॥116(kha)॥

सुनहु तात यह अकथ कहानी। समुझत बनइ न जाइ बखानी।।

sunahu tāta yaha akatha kahānī। samujhata banai na jāi bakhānī॥

ईस्वर अंस जीव अबिनासी। चेतन अमल सहज सुख रासी।।

īsvara aṃsa jīva abināsī। cetana amala sahaja sukha rāsī॥

सो मायाबस भयउ गोसाईं। बँध्यो कीर मरकट की नाई।।

so māyābasa bhayau gosāīṃ। ba~dhyo kīra marakaṭa kī nāī॥

जड़ चेतनहि ग्रंथि परि गई। जदपि मृषा छूटत कठिनई।।

jar̤a cetanahi graṃthi pari gaī। jadapi mṛṣā chūṭata kaṭhinaī॥

तब ते जीव भयउ संसारी। छूट न ग्रंथि न होइ सुखारी।।

taba te jīva bhayau saṃsārī। chūṭa na graṃthi na hoi sukhārī॥

श्रुति पुरान बहु कहेउ उपाई। छूट न अधिक अधिक अरुझाई।।

śruti purāna bahu kaheu upāī। chūṭa na adhika adhika arujhāī॥

जीव हृदयँ तम मोह बिसेषी। ग्रंथि छूट किमि परइ न देखी।।

jīva hṛdaya~ tama moha biseṣī। graṃthi chūṭa kimi parai na dekhī॥

अस संजोग ईस जब करई। तबहुँ कदाचित सो निरुअरई।।

asa saṃjoga īsa jaba karaī। tabahu~ kadācita so niruaraī॥

सात्त्विक श्रद्धा धेनु सुहाई। जौं हरि कृपाँ हृदयँ बस आई।।

sāttvika śraddhā dhenu suhāī। jauṃ hari kṛpā~ hṛdaya~ basa āī॥

जप तप ब्रत जम नियम अपारा। जे श्रुति कह सुभ धर्म अचारा।।

japa tapa brata jama niyama apārā। je śruti kaha subha dharma acārā॥

तेइ तृन हरित चरै जब गाई। भाव बच्छ सिसु पाइ पेन्हाई।।

tei tṛna harita carai jaba gāī। bhāva baccha sisu pāi penhāī॥

नोइ निबृत्ति पात्र बिस्वासा। निर्मल मन अहीर निज दासा।।

noi nibṛtti pātra bisvāsā। nirmala mana ahīra nija dāsā॥

परम धर्ममय पय दुहि भाई। अवटै अनल अकाम बनाई।।

parama dharmamaya paya duhi bhāī। avaṭai anala akāma banāī॥

तोष मरुत तब छमाँ जुड़ावै। धृति सम जावनु देइ जमावै।।

toṣa maruta taba chamā~ jur̤āvai। dhṛti sama jāvanu dei jamāvai॥

मुदिताँ मथैं बिचार मथानी। दम अधार रजु सत्य सुबानी।।

muditā~ mathaiṃ bicāra mathānī। dama adhāra raju satya subānī॥

तब मथि काढ़ि लेइ नवनीता। बिमल बिराग सुभग सुपुनीता।।

taba mathi kār̤hi lei navanītā। bimala birāga subhaga supunītā॥

जोग अगिनि करि प्रगट तब कर्म सुभासुभ लाइ।

joga agini kari pragaṭa taba karma subhāsubha lāi।

बुद्धि सिरावैं ग्यान घृत ममता मल जरि जाइ।।117(क)।।

buddhi sirāvaiṃ gyāna ghṛta mamatā mala jari jāi॥117(ka)॥

तब बिग्यानरूपिनि बुद्धि बिसद घृत पाइ।

taba bigyānarūpini buddhi bisada ghṛta pāi।

चित्त दिआ भरि धरै दृढ़ समता दिअटि बनाइ।।117(ख)।।

citta diā bhari dharai dṛr̤ha samatā diaṭi banāi॥117(kha)॥

तीनि अवस्था तीनि गुन तेहि कपास तें काढ़ि।

tīni avasthā tīni guna tehi kapāsa teṃ kār̤hi।

तूल तुरीय सँवारि पुनि बाती करै सुगाढ़ि।।117(ग)।।

tūla turīya sa~vāri puni bātī karai sugār̤hi॥117(ga)॥

एहि बिधि लेसै दीप तेज रासि बिग्यानमय।।

ehi bidhi lesai dīpa teja rāsi bigyānamaya॥

जातहिं जासु समीप जरहिं मदादिक सलभ सब।।117(घ)।।

jātahiṃ jāsu samīpa jarahiṃ madādika salabha saba॥117(gha)॥

सोहमस्मि इति बृत्ति अखंडा। दीप सिखा सोइ परम प्रचंडा।।

sohamasmi iti bṛtti akhaṃḍā। dīpa sikhā soi parama pracaṃḍā॥

आतम अनुभव सुख सुप्रकासा। तब भव मूल भेद भ्रम नासा।।

ātama anubhava sukha suprakāsā। taba bhava mūla bheda bhrama nāsā॥

प्रबल अबिद्या कर परिवारा। मोह आदि तम मिटइ अपारा।।

prabala abidyā kara parivārā। moha ādi tama miṭai apārā॥

तब सोइ बुद्धि पाइ उँजिआरा। उर गृहँ बैठि ग्रंथि निरुआरा।।

taba soi buddhi pāi u~jiārā। ura gṛha~ baiṭhi graṃthi niruārā॥

छोरन ग्रंथि पाव जौं सोई। तब यह जीव कृतारथ होई।।

chorana graṃthi pāva jauṃ soī। taba yaha jīva kṛtāratha hoī॥

छोरत ग्रंथि जानि खगराया। बिघ्न अनेक करइ तब माया।।

chorata graṃthi jāni khagarāyā। bighna aneka karai taba māyā॥

रिद्धि सिद्धि प्रेरइ बहु भाई। बुद्धहि लोभ दिखावहिं आई।।

riddhi siddhi prerai bahu bhāī। buddhahi lobha dikhāvahiṃ āī॥

कल बल छल करि जाहिं समीपा। अंचल बात बुझावहिं दीपा।।

kala bala chala kari jāhiṃ samīpā। aṃcala bāta bujhāvahiṃ dīpā॥

होइ बुद्धि जौं परम सयानी। तिन्ह तन चितव न अनहित जानी।।

hoi buddhi jauṃ parama sayānī। tinha tana citava na anahita jānī॥

जौं तेहि बिघ्न बुद्धि नहिं बाधी। तौ बहोरि सुर करहिं उपाधी।।

jauṃ tehi bighna buddhi nahiṃ bādhī। tau bahori sura karahiṃ upādhī॥

इंद्रीं द्वार झरोखा नाना। तहँ तहँ सुर बैठे करि थाना।।

iṃdrīṃ dvāra jharokhā nānā। taha~ taha~ sura baiṭhe kari thānā॥

आवत देखहिं बिषय बयारी। ते हठि देही कपाट उघारी।।

āvata dekhahiṃ biṣaya bayārī। te haṭhi dehī kapāṭa ughārī॥

जब सो प्रभंजन उर गृहँ जाई। तबहिं दीप बिग्यान बुझाई।।

jaba so prabhaṃjana ura gṛha~ jāī। tabahiṃ dīpa bigyāna bujhāī॥

ग्रंथि न छूटि मिटा सो प्रकासा। बुद्धि बिकल भइ बिषय बतासा।।

graṃthi na chūṭi miṭā so prakāsā। buddhi bikala bhai biṣaya batāsā॥

इंद्रिन्ह सुरन्ह न ग्यान सोहाई। बिषय भोग पर प्रीति सदाई।।

iṃdrinha suranha na gyāna sohāī। biṣaya bhoga para prīti sadāī॥

बिषय समीर बुद्धि कृत भोरी। तेहि बिधि दीप को बार बहोरी।।

biṣaya samīra buddhi kṛta bhorī। tehi bidhi dīpa ko bāra bahorī॥

तब फिरि जीव बिबिध बिधि पावइ संसृति क्लेस।

taba phiri jīva bibidha bidhi pāvai saṃsṛti klesa।

हरि माया अति दुस्तर तरि न जाइ बिहगेस।।118(क)।।

hari māyā ati dustara tari na jāi bihagesa॥118(ka)॥

कहत कठिन समुझत कठिन साधन कठिन बिबेक।

kahata kaṭhina samujhata kaṭhina sādhana kaṭhina bibeka।

होइ घुनाच्छर न्याय जौं पुनि प्रत्यूह अनेक।।118(ख)।।

hoi ghunācchara nyāya jauṃ puni pratyūha aneka॥118(kha)॥

ग्यान पंथ कृपान कै धारा। परत खगेस होइ नहिं बारा।।

gyāna paṃtha kṛpāna kai dhārā। parata khagesa hoi nahiṃ bārā॥

जो निर्बिघ्न पंथ निर्बहई। सो कैवल्य परम पद लहई।।

jo nirbighna paṃtha nirbahaī। so kaivalya parama pada lahaī॥

अति दुर्लभ कैवल्य परम पद। संत पुरान निगम आगम बद।।

ati durlabha kaivalya parama pada। saṃta purāna nigama āgama bada॥

राम भजत सोइ मुकुति गोसाई। अनइच्छित आवइ बरिआई।।

rāma bhajata soi mukuti gosāī। anaicchita āvai bariāī॥

जिमि थल बिनु जल रहि न सकाई। कोटि भाँति कोउ करै उपाई।।

jimi thala binu jala rahi na sakāī। koṭi bhā~ti kou karai upāī॥

तथा मोच्छ सुख सुनु खगराई। रहि न सकइ हरि भगति बिहाई।।

tathā moccha sukha sunu khagarāī। rahi na sakai hari bhagati bihāī॥

अस बिचारि हरि भगत सयाने। मुक्ति निरादर भगति लुभाने।।

asa bicāri hari bhagata sayāne। mukti nirādara bhagati lubhāne॥

भगति करत बिनु जतन प्रयासा। संसृति मूल अबिद्या नासा।।

bhagati karata binu jatana prayāsā। saṃsṛti mūla abidyā nāsā॥

भोजन करिअ तृपिति हित लागी। जिमि सो असन पचवै जठरागी।।

bhojana karia tṛpiti hita lāgī। jimi so asana pacavai jaṭharāgī॥

असि हरिभगति सुगम सुखदाई। को अस मूढ़ न जाहि सोहाई।।

asi haribhagati sugama sukhadāī। ko asa mūr̤ha na jāhi sohāī॥

सेवक सेब्य भाव बिनु भव न तरिअ उरगारि।।

sevaka sebya bhāva binu bhava na taria uragāri॥

भजहु राम पद पंकज अस सिद्धांत बिचारि।।119(क)।।

bhajahu rāma pada paṃkaja asa siddhāṃta bicāri॥119(ka)॥

जो चेतन कहँ ज़ड़ करइ ज़ड़हि करइ चैतन्य।

jo cetana kaha~ zar̤a karai zar̤ahi karai caitanya।

अस समर्थ रघुनायकहिं भजहिं जीव ते धन्य।।119(ख)।।

asa samartha raghunāyakahiṃ bhajahiṃ jīva te dhanya॥119(kha)॥

कहेउँ ग्यान सिद्धांत बुझाई। सुनहु भगति मनि कै प्रभुताई।।

kaheu~ gyāna siddhāṃta bujhāī। sunahu bhagati mani kai prabhutāī॥

राम भगति चिंतामनि सुंदर। बसइ गरुड़ जाके उर अंतर।।

rāma bhagati ciṃtāmani suṃdara। basai garur̤a jāke ura aṃtara॥

परम प्रकास रूप दिन राती। नहिं कछु चहिअ दिआ घृत बाती।।

parama prakāsa rūpa dina rātī। nahiṃ kachu cahia diā ghṛta bātī॥

मोह दरिद्र निकट नहिं आवा। लोभ बात नहिं ताहि बुझावा।।

moha daridra nikaṭa nahiṃ āvā। lobha bāta nahiṃ tāhi bujhāvā॥

प्रबल अबिद्या तम मिटि जाई। हारहिं सकल सलभ समुदाई।।

prabala abidyā tama miṭi jāī। hārahiṃ sakala salabha samudāī॥

खल कामादि निकट नहिं जाहीं। बसइ भगति जाके उर माहीं।।

khala kāmādi nikaṭa nahiṃ jāhīṃ। basai bhagati jāke ura māhīṃ॥

गरल सुधासम अरि हित होई। तेहि मनि बिनु सुख पाव न कोई।।

garala sudhāsama ari hita hoī। tehi mani binu sukha pāva na koī॥

ब्यापहिं मानस रोग न भारी। जिन्ह के बस सब जीव दुखारी।।

byāpahiṃ mānasa roga na bhārī। jinha ke basa saba jīva dukhārī॥

राम भगति मनि उर बस जाकें। दुख लवलेस न सपनेहुँ ताकें।।

rāma bhagati mani ura basa jākeṃ। dukha lavalesa na sapanehu~ tākeṃ॥

चतुर सिरोमनि तेइ जग माहीं। जे मनि लागि सुजतन कराहीं।।

catura siromani tei jaga māhīṃ। je mani lāgi sujatana karāhīṃ॥

सो मनि जदपि प्रगट जग अहई। राम कृपा बिनु नहिं कोउ लहई।।

so mani jadapi pragaṭa jaga ahaī। rāma kṛpā binu nahiṃ kou lahaī॥

सुगम उपाय पाइबे केरे। नर हतभाग्य देहिं भटमेरे।।

sugama upāya pāibe kere। nara hatabhāgya dehiṃ bhaṭamere॥

पावन पर्बत बेद पुराना। राम कथा रुचिराकर नाना।।

pāvana parbata beda purānā। rāma kathā rucirākara nānā॥

मर्मी सज्जन सुमति कुदारी। ग्यान बिराग नयन उरगारी।।

marmī sajjana sumati kudārī। gyāna birāga nayana uragārī॥

भाव सहित खोजइ जो प्रानी। पाव भगति मनि सब सुख खानी।।

bhāva sahita khojai jo prānī। pāva bhagati mani saba sukha khānī॥

मोरें मन प्रभु अस बिस्वासा। राम ते अधिक राम कर दासा।।

moreṃ mana prabhu asa bisvāsā। rāma te adhika rāma kara dāsā॥

राम सिंधु घन सज्जन धीरा। चंदन तरु हरि संत समीरा।।

rāma siṃdhu ghana sajjana dhīrā। caṃdana taru hari saṃta samīrā॥

सब कर फल हरि भगति सुहाई। सो बिनु संत न काहूँ पाई।।

saba kara phala hari bhagati suhāī। so binu saṃta na kāhū~ pāī॥

अस बिचारि जोइ कर सतसंगा। राम भगति तेहि सुलभ बिहंगा।।

asa bicāri joi kara satasaṃgā। rāma bhagati tehi sulabha bihaṃgā॥

ब्रह्म पयोनिधि मंदर ग्यान संत सुर आहिं।

brahma payonidhi maṃdara gyāna saṃta sura āhiṃ।

कथा सुधा मथि काढ़हिं भगति मधुरता जाहिं।।120(क)।।

kathā sudhā mathi kār̤hahiṃ bhagati madhuratā jāhiṃ॥120(ka)॥

बिरति चर्म असि ग्यान मद लोभ मोह रिपु मारि।

birati carma asi gyāna mada lobha moha ripu māri।

जय पाइअ सो हरि भगति देखु खगेस बिचारि।।120(ख)।।

jaya pāia so hari bhagati dekhu khagesa bicāri॥120(kha)॥

पुनि सप्रेम बोलेउ खगराऊ। जौं कृपाल मोहि ऊपर भाऊ।।

puni saprema boleu khagarāū। jauṃ kṛpāla mohi ūpara bhāū॥

नाथ मोहि निज सेवक जानी। सप्त प्रस्न कहहु बखानी।।

nātha mohi nija sevaka jānī। sapta prasna kahahu bakhānī॥

प्रथमहिं कहहु नाथ मतिधीरा। सब ते दुर्लभ कवन सरीरा।।

prathamahiṃ kahahu nātha matidhīrā। saba te durlabha kavana sarīrā॥

बड़ दुख कवन कवन सुख भारी। सोउ संछेपहिं कहहु बिचारी।।

bar̤a dukha kavana kavana sukha bhārī। sou saṃchepahiṃ kahahu bicārī॥

संत असंत मरम तुम्ह जानहु। तिन्ह कर सहज सुभाव बखानहु।।

saṃta asaṃta marama tumha jānahu। tinha kara sahaja subhāva bakhānahu॥

कवन पुन्य श्रुति बिदित बिसाला। कहहु कवन अघ परम कराला।।

kavana punya śruti bidita bisālā। kahahu kavana agha parama karālā॥

मानस रोग कहहु समुझाई। तुम्ह सर्बग्य कृपा अधिकाई।।

mānasa roga kahahu samujhāī। tumha sarbagya kṛpā adhikāī॥

तात सुनहु सादर अति प्रीती। मैं संछेप कहउँ यह नीती।।

tāta sunahu sādara ati prītī। maiṃ saṃchepa kahau~ yaha nītī॥

नर तन सम नहिं कवनिउ देही। जीव चराचर जाचत तेही।।

nara tana sama nahiṃ kavaniu dehī। jīva carācara jācata tehī॥

नरग स्वर्ग अपबर्ग निसेनी। ग्यान बिराग भगति सुभ देनी।।

naraga svarga apabarga nisenī। gyāna birāga bhagati subha denī॥

सो तनु धरि हरि भजहिं न जे नर। होहिं बिषय रत मंद मंद तर।।

so tanu dhari hari bhajahiṃ na je nara। hohiṃ biṣaya rata maṃda maṃda tara॥

काँच किरिच बदलें ते लेही। कर ते डारि परस मनि देहीं।।

kā~ca kirica badaleṃ te lehī। kara te ḍāri parasa mani dehīṃ॥

नहिं दरिद्र सम दुख जग माहीं। संत मिलन सम सुख जग नाहीं।।

nahiṃ daridra sama dukha jaga māhīṃ। saṃta milana sama sukha jaga nāhīṃ॥

पर उपकार बचन मन काया। संत सहज सुभाउ खगराया।।

para upakāra bacana mana kāyā। saṃta sahaja subhāu khagarāyā॥

संत सहहिं दुख परहित लागी। परदुख हेतु असंत अभागी।।

saṃta sahahiṃ dukha parahita lāgī। paradukha hetu asaṃta abhāgī॥

भूर्ज तरू सम संत कृपाला। परहित निति सह बिपति बिसाला।।

bhūrja tarū sama saṃta kṛpālā। parahita niti saha bipati bisālā॥

सन इव खल पर बंधन करई। खाल कढ़ाइ बिपति सहि मरई।।

sana iva khala para baṃdhana karaī। khāla kar̤hāi bipati sahi maraī॥

खल बिनु स्वारथ पर अपकारी। अहि मूषक इव सुनु उरगारी।।

khala binu svāratha para apakārī। ahi mūṣaka iva sunu uragārī॥

पर संपदा बिनासि नसाहीं। जिमि ससि हति हिम उपल बिलाहीं।।

para saṃpadā bināsi nasāhīṃ। jimi sasi hati hima upala bilāhīṃ॥

दुष्ट उदय जग आरति हेतू। जथा प्रसिद्ध अधम ग्रह केतू।।

duṣṭa udaya jaga ārati hetū। jathā prasiddha adhama graha ketū॥

संत उदय संतत सुखकारी। बिस्व सुखद जिमि इंदु तमारी।।

saṃta udaya saṃtata sukhakārī। bisva sukhada jimi iṃdu tamārī॥

परम धर्म श्रुति बिदित अहिंसा। पर निंदा सम अघ न गरीसा।।

parama dharma śruti bidita ahiṃsā। para niṃdā sama agha na garīsā॥

हर गुर निंदक दादुर होई। जन्म सहस्त्र पाव तन सोई।।

hara gura niṃdaka dādura hoī। janma sahastra pāva tana soī॥

द्विज निंदक बहु नरक भोग करि। जग जनमइ बायस सरीर धरि।।

dvija niṃdaka bahu naraka bhoga kari। jaga janamai bāyasa sarīra dhari॥

सुर श्रुति निंदक जे अभिमानी। रौरव नरक परहिं ते प्रानी।।

sura śruti niṃdaka je abhimānī। raurava naraka parahiṃ te prānī॥

होहिं उलूक संत निंदा रत। मोह निसा प्रिय ग्यान भानु गत।।

hohiṃ ulūka saṃta niṃdā rata। moha nisā priya gyāna bhānu gata॥

सब के निंदा जे जड़ करहीं। ते चमगादुर होइ अवतरहीं।।

saba ke niṃdā je jar̤a karahīṃ। te camagādura hoi avatarahīṃ॥

सुनहु तात अब मानस रोगा। जिन्ह ते दुख पावहिं सब लोगा।।

sunahu tāta aba mānasa rogā। jinha te dukha pāvahiṃ saba logā॥

मोह सकल ब्याधिन्ह कर मूला। तिन्ह ते पुनि उपजहिं बहु सूला।।

moha sakala byādhinha kara mūlā। tinha te puni upajahiṃ bahu sūlā॥

काम बात कफ लोभ अपारा। क्रोध पित्त नित छाती जारा।।

kāma bāta kapha lobha apārā। krodha pitta nita chātī jārā॥

प्रीति करहिं जौं तीनिउ भाई। उपजइ सन्यपात दुखदाई।।

prīti karahiṃ jauṃ tīniu bhāī। upajai sanyapāta dukhadāī॥

बिषय मनोरथ दुर्गम नाना। ते सब सूल नाम को जाना।।

biṣaya manoratha durgama nānā। te saba sūla nāma ko jānā॥

ममता दादु कंडु इरषाई। हरष बिषाद गरह बहुताई।।

mamatā dādu kaṃḍu iraṣāī। haraṣa biṣāda garaha bahutāī॥

पर सुख देखि जरनि सोइ छई। कुष्ट दुष्टता मन कुटिलई।।

para sukha dekhi jarani soi chaī। kuṣṭa duṣṭatā mana kuṭilaī॥

अहंकार अति दुखद डमरुआ। दंभ कपट मद मान नेहरुआ।।

ahaṃkāra ati dukhada ḍamaruā। daṃbha kapaṭa mada māna neharuā॥

तृस्ना उदरबृद्धि अति भारी। त्रिबिध ईषना तरुन तिजारी।।

tṛsnā udarabṛddhi ati bhārī। tribidha īṣanā taruna tijārī॥

जुग बिधि ज्वर मत्सर अबिबेका। कहँ लागि कहौं कुरोग अनेका।।

juga bidhi jvara matsara abibekā। kaha~ lāgi kahauṃ kuroga anekā॥

एक ब्याधि बस नर मरहिं ए असाधि बहु ब्याधि।

eka byādhi basa nara marahiṃ e asādhi bahu byādhi।

पीड़हिं संतत जीव कहुँ सो किमि लहै समाधि।।121(क)।।

pīr̤ahiṃ saṃtata jīva kahu~ so kimi lahai samādhi॥121(ka)॥

नेम धर्म आचार तप ग्यान जग्य जप दान।

nema dharma ācāra tapa gyāna jagya japa dāna।

भेषज पुनि कोटिन्ह नहिं रोग जाहिं हरिजान।।121(ख)।।

bheṣaja puni koṭinha nahiṃ roga jāhiṃ harijāna॥121(kha)॥

एहि बिधि सकल जीव जग रोगी। सोक हरष भय प्रीति बियोगी।।

ehi bidhi sakala jīva jaga rogī। soka haraṣa bhaya prīti biyogī॥

मानक रोग कछुक मैं गाए। हहिं सब कें लखि बिरलेन्ह पाए।।

mānaka roga kachuka maiṃ gāe। hahiṃ saba keṃ lakhi biralenha pāe॥

जाने ते छीजहिं कछु पापी। नास न पावहिं जन परितापी।।

jāne te chījahiṃ kachu pāpī। nāsa na pāvahiṃ jana paritāpī॥

बिषय कुपथ्य पाइ अंकुरे। मुनिहु हृदयँ का नर बापुरे।।

biṣaya kupathya pāi aṃkure। munihu hṛdaya~ kā nara bāpure॥

राम कृपाँ नासहि सब रोगा। जौं एहि भाँति बनै संयोगा।।

rāma kṛpā~ nāsahi saba rogā। jauṃ ehi bhā~ti banai saṃyogā॥

सदगुर बैद बचन बिस्वासा। संजम यह न बिषय कै आसा।।

sadagura baida bacana bisvāsā। saṃjama yaha na biṣaya kai āsā॥

रघुपति भगति सजीवन मूरी। अनूपान श्रद्धा मति पूरी।।

raghupati bhagati sajīvana mūrī। anūpāna śraddhā mati pūrī॥

एहि बिधि भलेहिं सो रोग नसाहीं। नाहिं त जतन कोटि नहिं जाहीं।।

ehi bidhi bhalehiṃ so roga nasāhīṃ। nāhiṃ ta jatana koṭi nahiṃ jāhīṃ॥

जानिअ तब मन बिरुज गोसाँई। जब उर बल बिराग अधिकाई।।

jānia taba mana biruja gosā~ī। jaba ura bala birāga adhikāī॥

सुमति छुधा बाढ़इ नित नई। बिषय आस दुर्बलता गई।।

sumati chudhā bār̤hai nita naī। biṣaya āsa durbalatā gaī॥

बिमल ग्यान जल जब सो नहाई। तब रह राम भगति उर छाई।।

bimala gyāna jala jaba so nahāī। taba raha rāma bhagati ura chāī॥

सिव अज सुक सनकादिक नारद। जे मुनि ब्रह्म बिचार बिसारद।।

siva aja suka sanakādika nārada। je muni brahma bicāra bisārada॥

सब कर मत खगनायक एहा। करिअ राम पद पंकज नेहा।।

saba kara mata khaganāyaka ehā। karia rāma pada paṃkaja nehā॥

श्रुति पुरान सब ग्रंथ कहाहीं। रघुपति भगति बिना सुख नाहीं।।

śruti purāna saba graṃtha kahāhīṃ। raghupati bhagati binā sukha nāhīṃ॥

कमठ पीठ जामहिं बरु बारा। बंध्या सुत बरु काहुहि मारा।।

kamaṭha pīṭha jāmahiṃ baru bārā। baṃdhyā suta baru kāhuhi mārā॥

फूलहिं नभ बरु बहुबिधि फूला। जीव न लह सुख हरि प्रतिकूला।।

phūlahiṃ nabha baru bahubidhi phūlā। jīva na laha sukha hari pratikūlā॥

तृषा जाइ बरु मृगजल पाना। बरु जामहिं सस सीस बिषाना।।

tṛṣā jāi baru mṛgajala pānā। baru jāmahiṃ sasa sīsa biṣānā॥

अंधकारु बरु रबिहि नसावै। राम बिमुख न जीव सुख पावै।।

aṃdhakāru baru rabihi nasāvai। rāma bimukha na jīva sukha pāvai॥

हिम ते अनल प्रगट बरु होई। बिमुख राम सुख पाव न कोई।।

hima te anala pragaṭa baru hoī। bimukha rāma sukha pāva na koī॥

उबारि मथें घृत होइ बरु सिकता ते बरु तेल।

ubāri matheṃ ghṛta hoi baru sikatā te baru tela।

बिनु हरि भजन न भव तरिअ यह सिद्धांत अपेल।।122(क)।।

binu hari bhajana na bhava taria yaha siddhāṃta apela॥122(ka)॥

मसकहि करइ बिंरंचि प्रभु अजहि मसक ते हीन।

masakahi karai biṃraṃci prabhu ajahi masaka te hīna।

अस बिचारि तजि संसय रामहि भजहिं प्रबीन।।122(ख)।।

asa bicāri taji saṃsaya rāmahi bhajahiṃ prabīna॥122(kha)॥

विनिच्श्रितं वदामि ते न अन्यथा वचांसि मे।

vinicśritaṃ vadāmi te na anyathā vacāṃsi me।

हरिं नरा भजन्ति येऽतिदुस्तरं तरन्ति ते।।122(ग)।।

hariṃ narā bhajanti ye'tidustaraṃ taranti te॥122(ga)॥

कहेउँ नाथ हरि चरित अनूपा। ब्यास समास स्वमति अनुरुपा।।

kaheu~ nātha hari carita anūpā। byāsa samāsa svamati anurupā॥

श्रुति सिद्धांत इहइ उरगारी। राम भजिअ सब काज बिसारी।।

śruti siddhāṃta ihai uragārī। rāma bhajia saba kāja bisārī॥

प्रभु रघुपति तजि सेइअ काही। मोहि से सठ पर ममता जाही।।

prabhu raghupati taji seia kāhī। mohi se saṭha para mamatā jāhī॥

तुम्ह बिग्यानरूप नहिं मोहा। नाथ कीन्हि मो पर अति छोहा।।

tumha bigyānarūpa nahiṃ mohā। nātha kīnhi mo para ati chohā॥

पूछिहुँ राम कथा अति पावनि। सुक सनकादि संभु मन भावनि।।

pūchihu~ rāma kathā ati pāvani। suka sanakādi saṃbhu mana bhāvani॥

सत संगति दुर्लभ संसारा। निमिष दंड भरि एकउ बारा।।

sata saṃgati durlabha saṃsārā। nimiṣa daṃḍa bhari ekau bārā॥

देखु गरुड़ निज हृदयँ बिचारी। मैं रघुबीर भजन अधिकारी।।

dekhu garur̤a nija hṛdaya~ bicārī। maiṃ raghubīra bhajana adhikārī॥

सकुनाधम सब भाँति अपावन। प्रभु मोहि कीन्ह बिदित जग पावन।।

sakunādhama saba bhā~ti apāvana। prabhu mohi kīnha bidita jaga pāvana॥

आजु धन्य मैं धन्य अति जद्यपि सब बिधि हीन।

āju dhanya maiṃ dhanya ati jadyapi saba bidhi hīna।

निज जन जानि राम मोहि संत समागम दीन।।123(क)।।

nija jana jāni rāma mohi saṃta samāgama dīna॥123(ka)॥

नाथ जथामति भाषेउँ राखेउँ नहिं कछु गोइ।

nātha jathāmati bhāṣeu~ rākheu~ nahiṃ kachu goi।

चरित सिंधु रघुनायक थाह कि पावइ कोइ।।123।।

carita siṃdhu raghunāyaka thāha ki pāvai koi॥123॥

सुमिरि राम के गुन गन नाना। पुनि पुनि हरष भुसुंडि सुजाना।।

sumiri rāma ke guna gana nānā। puni puni haraṣa bhusuṃḍi sujānā॥

महिमा निगम नेति करि गाई। अतुलित बल प्रताप प्रभुताई।।

mahimā nigama neti kari gāī। atulita bala pratāpa prabhutāī॥

सिव अज पूज्य चरन रघुराई। मो पर कृपा परम मृदुलाई।।

siva aja pūjya carana raghurāī। mo para kṛpā parama mṛdulāī॥

अस सुभाउ कहुँ सुनउँ न देखउँ। केहि खगेस रघुपति सम लेखउँ।।

asa subhāu kahu~ sunau~ na dekhau~। kehi khagesa raghupati sama lekhau~॥

साधक सिद्ध बिमुक्त उदासी। कबि कोबिद कृतग्य संन्यासी।।

sādhaka siddha bimukta udāsī। kabi kobida kṛtagya saṃnyāsī॥

जोगी सूर सुतापस ग्यानी। धर्म निरत पंडित बिग्यानी।।

jogī sūra sutāpasa gyānī। dharma nirata paṃḍita bigyānī॥

तरहिं न बिनु सेएँ मम स्वामी। राम नमामि नमामि नमामी।।

tarahiṃ na binu see~ mama svāmī। rāma namāmi namāmi namāmī॥

सरन गएँ मो से अघ रासी। होहिं सुद्ध नमामि अबिनासी।।

sarana gae~ mo se agha rāsī। hohiṃ suddha namāmi abināsī॥

जासु नाम भव भेषज हरन घोर त्रय सूल।

jāsu nāma bhava bheṣaja harana ghora traya sūla।

सो कृपालु मोहि तो पर सदा रहउ अनुकूल।।124(क)।।

so kṛpālu mohi to para sadā rahau anukūla॥124(ka)॥

सुनि भुसुंडि के बचन सुभ देखि राम पद नेह।

suni bhusuṃḍi ke bacana subha dekhi rāma pada neha।

बोलेउ प्रेम सहित गिरा गरुड़ बिगत संदेह।।124(ख)।।

boleu prema sahita girā garur̤a bigata saṃdeha॥124(kha)॥

मै कृत्कृत्य भयउँ तव बानी। सुनि रघुबीर भगति रस सानी।।

mai kṛtkṛtya bhayau~ tava bānī। suni raghubīra bhagati rasa sānī॥

राम चरन नूतन रति भई। माया जनित बिपति सब गई।।

rāma carana nūtana rati bhaī। māyā janita bipati saba gaī॥

मोह जलधि बोहित तुम्ह भए। मो कहँ नाथ बिबिध सुख दए।।

moha jaladhi bohita tumha bhae। mo kaha~ nātha bibidha sukha dae॥

मो पहिं होइ न प्रति उपकारा। बंदउँ तव पद बारहिं बारा।।

mo pahiṃ hoi na prati upakārā। baṃdau~ tava pada bārahiṃ bārā॥

पूरन काम राम अनुरागी। तुम्ह सम तात न कोउ बड़भागी।।

pūrana kāma rāma anurāgī। tumha sama tāta na kou bar̤abhāgī॥

संत बिटप सरिता गिरि धरनी। पर हित हेतु सबन्ह कै करनी।।

saṃta biṭapa saritā giri dharanī। para hita hetu sabanha kai karanī॥

संत हृदय नवनीत समाना। कहा कबिन्ह परि कहै न जाना।।

saṃta hṛdaya navanīta samānā। kahā kabinha pari kahai na jānā॥

निज परिताप द्रवइ नवनीता। पर दुख द्रवहिं संत सुपुनीता।।

nija paritāpa dravai navanītā। para dukha dravahiṃ saṃta supunītā॥

जीवन जन्म सुफल मम भयऊ। तव प्रसाद संसय सब गयऊ।।

jīvana janma suphala mama bhayaū। tava prasāda saṃsaya saba gayaū॥

जानेहु सदा मोहि निज किंकर। पुनि पुनि उमा कहइ बिहंगबर।।

jānehu sadā mohi nija kiṃkara। puni puni umā kahai bihaṃgabara॥

तासु चरन सिरु नाइ करि प्रेम सहित मतिधीर।

tāsu carana siru nāi kari prema sahita matidhīra।

गयउ गरुड़ बैकुंठ तब हृदयँ राखि रघुबीर।।125(क)।।

gayau garur̤a baikuṃṭha taba hṛdaya~ rākhi raghubīra॥125(ka)॥

गिरिजा संत समागम सम न लाभ कछु आन।

girijā saṃta samāgama sama na lābha kachu āna।

बिनु हरि कृपा न होइ सो गावहिं बेद पुरान।।125(ख)।।

binu hari kṛpā na hoi so gāvahiṃ beda purāna॥125(kha)॥

कहेउँ परम पुनीत इतिहासा। सुनत श्रवन छूटहिं भव पासा।।

kaheu~ parama punīta itihāsā। sunata śravana chūṭahiṃ bhava pāsā॥

प्रनत कल्पतरु करुना पुंजा। उपजइ प्रीति राम पद कंजा।।

pranata kalpataru karunā puṃjā। upajai prīti rāma pada kaṃjā॥

मन क्रम बचन जनित अघ जाई। सुनहिं जे कथा श्रवन मन लाई।।

mana krama bacana janita agha jāī। sunahiṃ je kathā śravana mana lāī॥

तीर्थाटन साधन समुदाई। जोग बिराग ग्यान निपुनाई।।

tīrthāṭana sādhana samudāī। joga birāga gyāna nipunāī॥

नाना कर्म धर्म ब्रत दाना। संजम दम जप तप मख नाना।।

nānā karma dharma brata dānā। saṃjama dama japa tapa makha nānā॥

भूत दया द्विज गुर सेवकाई। बिद्या बिनय बिबेक बड़ाई।।

bhūta dayā dvija gura sevakāī। bidyā binaya bibeka bar̤āī॥

जहँ लगि साधन बेद बखानी। सब कर फल हरि भगति भवानी।।

jaha~ lagi sādhana beda bakhānī। saba kara phala hari bhagati bhavānī॥

सो रघुनाथ भगति श्रुति गाई। राम कृपाँ काहूँ एक पाई।।

so raghunātha bhagati śruti gāī। rāma kṛpā~ kāhū~ eka pāī॥

मुनि दुर्लभ हरि भगति नर पावहिं बिनहिं प्रयास।

muni durlabha hari bhagati nara pāvahiṃ binahiṃ prayāsa।

जे यह कथा निरंतर सुनहिं मानि बिस्वास।।126।।

je yaha kathā niraṃtara sunahiṃ māni bisvāsa॥126॥

सोइ सर्बग्य गुनी सोइ ग्याता। सोइ महि मंडित पंडित दाता।।

soi sarbagya gunī soi gyātā। soi mahi maṃḍita paṃḍita dātā॥

धर्म परायन सोइ कुल त्राता। राम चरन जा कर मन राता।।

dharma parāyana soi kula trātā। rāma carana jā kara mana rātā॥

नीति निपुन सोइ परम सयाना। श्रुति सिद्धांत नीक तेहिं जाना।।

nīti nipuna soi parama sayānā। śruti siddhāṃta nīka tehiṃ jānā॥

सोइ कबि कोबिद सोइ रनधीरा। जो छल छाड़ि भजइ रघुबीरा।।

soi kabi kobida soi ranadhīrā। jo chala chār̤i bhajai raghubīrā॥

धन्य देस सो जहँ सुरसरी। धन्य नारि पतिब्रत अनुसरी।।

dhanya desa so jaha~ surasarī। dhanya nāri patibrata anusarī॥

धन्य सो भूपु नीति जो करई। धन्य सो द्विज निज धर्म न टरई।।

dhanya so bhūpu nīti jo karaī। dhanya so dvija nija dharma na ṭaraī॥

सो धन धन्य प्रथम गति जाकी। धन्य पुन्य रत मति सोइ पाकी।।

so dhana dhanya prathama gati jākī। dhanya punya rata mati soi pākī॥

धन्य घरी सोइ जब सतसंगा। धन्य जन्म द्विज भगति अभंगा।।

dhanya gharī soi jaba satasaṃgā। dhanya janma dvija bhagati abhaṃgā॥

सो कुल धन्य उमा सुनु जगत पूज्य सुपुनीत।

so kula dhanya umā sunu jagata pūjya supunīta।

श्रीरघुबीर परायन जेहिं नर उपज बिनीत।।127।।

śrīraghubīra parāyana jehiṃ nara upaja binīta॥127॥

मति अनुरूप कथा मैं भाषी। जद्यपि प्रथम गुप्त करि राखी।।

mati anurūpa kathā maiṃ bhāṣī। jadyapi prathama gupta kari rākhī॥

तव मन प्रीति देखि अधिकाई। तब मैं रघुपति कथा सुनाई।।

tava mana prīti dekhi adhikāī। taba maiṃ raghupati kathā sunāī॥

यह न कहिअ सठही हठसीलहि। जो मन लाइ न सुन हरि लीलहि।।

yaha na kahia saṭhahī haṭhasīlahi। jo mana lāi na suna hari līlahi॥

कहिअ न लोभिहि क्रोधहि कामिहि। जो न भजइ सचराचर स्वामिहि।।

kahia na lobhihi krodhahi kāmihi। jo na bhajai sacarācara svāmihi॥

द्विज द्रोहिहि न सुनाइअ कबहूँ। सुरपति सरिस होइ नृप जबहूँ।।

dvija drohihi na sunāia kabahū~। surapati sarisa hoi nṛpa jabahū~॥

राम कथा के तेइ अधिकारी। जिन्ह कें सतसंगति अति प्यारी।।

rāma kathā ke tei adhikārī। jinha keṃ satasaṃgati ati pyārī॥

गुर पद प्रीति नीति रत जेई। द्विज सेवक अधिकारी तेई।।

gura pada prīti nīti rata jeī। dvija sevaka adhikārī teī॥

ता कहँ यह बिसेष सुखदाई। जाहि प्रानप्रिय श्रीरघुराई।।

tā kaha~ yaha biseṣa sukhadāī। jāhi prānapriya śrīraghurāī॥

राम चरन रति जो चह अथवा पद निर्बान।

rāma carana rati jo caha athavā pada nirbāna।

भाव सहित सो यह कथा करउ श्रवन पुट पान।।128।।

bhāva sahita so yaha kathā karau śravana puṭa pāna॥128॥

राम कथा गिरिजा मैं बरनी। कलि मल समनि मनोमल हरनी।।

rāma kathā girijā maiṃ baranī। kali mala samani manomala haranī॥

संसृति रोग सजीवन मूरी। राम कथा गावहिं श्रुति सूरी।।

saṃsṛti roga sajīvana mūrī। rāma kathā gāvahiṃ śruti sūrī॥

एहि महँ रुचिर सप्त सोपाना। रघुपति भगति केर पंथाना।।

ehi maha~ rucira sapta sopānā। raghupati bhagati kera paṃthānā॥

अति हरि कृपा जाहि पर होई। पाउँ देइ एहिं मारग सोई।।

ati hari kṛpā jāhi para hoī। pāu~ dei ehiṃ māraga soī॥

मन कामना सिद्धि नर पावा। जे यह कथा कपट तजि गावा।।

mana kāmanā siddhi nara pāvā। je yaha kathā kapaṭa taji gāvā॥

कहहिं सुनहिं अनुमोदन करहीं। ते गोपद इव भवनिधि तरहीं।।

kahahiṃ sunahiṃ anumodana karahīṃ। te gopada iva bhavanidhi tarahīṃ॥

सुनि सब कथा हृदयँ अति भाई। गिरिजा बोली गिरा सुहाई।।

suni saba kathā hṛdaya~ ati bhāī। girijā bolī girā suhāī॥

नाथ कृपाँ मम गत संदेहा। राम चरन उपजेउ नव नेहा।।

nātha kṛpā~ mama gata saṃdehā। rāma carana upajeu nava nehā॥

मैं कृतकृत्य भइउँ अब तव प्रसाद बिस्वेस।

maiṃ kṛtakṛtya bhaiu~ aba tava prasāda bisvesa।

उपजी राम भगति दृढ़ बीते सकल कलेस।।129।।

upajī rāma bhagati dṛr̤ha bīte sakala kalesa॥129॥